Punjab News 

ਬਾਦਲ ਨੇ ਕੈਪਟਨ ਦੇ

ਦੋਸ਼ਾਂ ਨੂੰ ਨਕਾਰਿਆ


ਮੁਹਾਲੀ, 9 ਫਰਵਰੀ - ਪੰਜਾਬ ਪ੍ਰਦੇਸ਼ ਕਾਂਗਰਸ ਦੇ ਸਾਬਕਾ ਪ੍ਰਧਾਨ ਕੈਪਟਨ ਅਮਰਿੰਦਰ ਸਿੰਘ ਵੱਲੋਂ 1984 ਵਿੱਚ ਹੋਏ ਸਾਕਾ ਨੀਲਾ ਤਾਰਾ ਦੌਰਾਨ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ’ਤੇ ਯੂਪੀ ਦੇ ਬਾਜਪੁਰ ਸਥਿਤ ਫਾਰਮ ਹਾਊਸ ਵਿੱਚ ਜਾ ਕੇ ਲੁੱਕ ਜਾਣ ਦੇ ਲਗਾਏ ਦੋਸ਼ਾਂ ਨੂੰ ਬੇਬੁਨਿਆਦ ਦੱਸਦਿਆਂ ਸ੍ਰੀ ਬਾਦਲ ਨੇ ਕਿਹਾ ਕਿ ਕੈਪਟਨ ਦੇ ਦੋਸ਼ਾਂ ਵਿੱਚ ਰੱਤੀ ਭਰ ਵੀ ਸੱਚਾਈ ਨਹੀਂ ਹੈ।  ਅੱਜ ਇਥੇ ਫਲ ਤੇ ਸਬਜ਼ੀ ਮੰਡੀ ਦਾ ਉਦਘਾਟਨ ਕਰਨ ਮਗਰੋਂ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਮੁੱਖ ਮੰਤਰੀ ਨੇ ਕਿਹਾ ਕਿ ਕੈਪਟਨ ਕੂੜ ਪ੍ਰਚਾਰ ਕਰਕੇ ’84 ਦੇ ਦੰਗਿਆਂ ਲਈ ਜ਼ਿੰਮੇਵਾਰ ਕਾਂਗਰਸੀਆਂ ਨੂੰ ਬਚਾਉਣ ਅਤੇ ਲੋਕਾਂ ਦਾ ਦੂਜੇ ਪਾਸੇ ਧਿਆਨ ਵੰਡਣ ਦੀ ਕੋਸ਼ਿਸ਼ ਕਰ ਰਹੇ ਹਨ। ਸਿੱਖ ਕਤਲੇਆਮ ਵਿੱਚ ਭਾਜਪਾ ਤੇ ਆਰਐਸਐਸ ਦੀ ਕਥਿਤ ਸ਼ਮੂਲੀਅਤ ਬਾਰੇ ਉਨ੍ਹਾਂ ਕਿਹਾ ਕਿ ਦੰਗੇ ਕਾਂਗਰਸੀਆਂ ਦੀ ਗਿਣੀ ਮਿਥੀ ਸਾਜ਼ਿਸ਼ ਦਾ ਨਤੀਜਾ ਸਨ। ਉਨ੍ਹਾਂ ਕਿਹਾ ਕਿ ਕਾਂਗਰਸ ਦੇ ਮੀਤ ਪ੍ਰਧਾਨ ਰਾਹੁਲ ਗਾਂਧੀ ਵੱਲੋਂ ਕੁੱਝ ਕਾਂਗਰਸੀਆਂ ਦੇ ਸਿੱਖ ਕਤਲੇਆਮ ’ਚ ਸ਼ਾਮਲ ਹੋਣ ਦੀ ਪੁਸ਼ਟੀ ਕਰਨ ਨਾਲ ਹਾਈ ਕਮਾਂਡ ਨੂੰ ਭਾਜੜਾਂ ਪੈ ਗਈਆਂ ਹਨ। ਉਂਜ ਉਨ੍ਹਾਂ ਕਿਹਾ ਕਿ ਸਿੱਖ ਦੰਗਿਆਂ ਸਬੰਧੀ ਉਹ ਕਿਸੇ ਵੀ ਮੁਲਜ਼ਮ ਦੇ ਹੱਕ ਵਿੱਚ ਨਹੀਂ ਹਨ, ਭਾਵੇਂ ਉਹ ਉਨ੍ਹਾਂ ਦੀ ਭਾਈਵਾਲ ਪਾਰਟੀ ਦਾ ਕੋਈ ਆਗੂ ਕਿਊਂ ਨਾ ਹੋਵੇ। ਉਨ੍ਹਾਂ ਸਪੱਸ਼ਟ ਕੀਤਾ ਕਿ ਸਾਕਾ ਨੀਲਾ ਤਾਰਾ ਦੌਰਾਨ ਉਹ ਕਿਸੇ ਫਾਰਮ ਹਾਊਸ ਵਿੱਚ ਜਾ ਕੇ ਨਹੀਂ ਸਨ ਲੁੱਕੇ ਸਗੋਂ ਉਹ ਜੇਲ੍ਹ ਵਿੱਚ ਨਜ਼ਰਬੰਦ ਸਨ। ਉਦੋਂ ਹੁਕਮਰਾਨਾਂ ਨੇ ਉਨ੍ਹਾਂ ਨੂੰ ਦੇਸ਼ ਦੀਆਂ ਵੱਖ-ਵੱਖ ਜੇਲ੍ਹਾਂ ਵਿੱਚ ਬੰਦ ਕਰਕੇ ਰੱਖਿਆ ਸੀ ਤੇ ਇਤਿਹਾਸ ਗਵਾਹ ਹੈ ਕਿ ਉਨ੍ਹਾਂ ਸਭ ਤੋਂ ਵੱਧ ਜੇਲ੍ਹ ਕੱਟੀ ਹੈ।
ਤੰਬਾਕੂ ’ਤੇ ਵੈਟ ਘਟਾਉਣ ਸਬੰਧੀ ਮੁੱਖ ਸੰਸਦੀ ਸਕੱਤਰ ਡਾ. ਨਵਜੋਤ ਕੌਰ ਸਿੱਧੂ ਵੱਲੋਂ ਵਿਰੋਧਤਾ ਕਰਨ ਅਤੇ ਹਾਈ ਕੋਰਟ ਜਾਣ ਦੀ ਦਿੱਤੀ ਧਮਕੀ ਬਾਰੇ ਪੁੱਛੇ ਜਾਣ ’ਤੇ ਸ੍ਰੀ ਬਾਦਲ ਨੇ ਕਿਹਾ ਕਿ ਹਰੇਕ ਵਿਅਕਤੀ ਨੂੰ ਆਪਣੀ ਗੱਲ ਕਹਿਣ ਅਤੇ ਅਦਾਲਤ ਜਾਣ ਦਾ ਪੂਰਾ ਹੱਕ ਹੈ। ਉਨ੍ਹਾਂ ਕਿਹਾ ਕਿ ਰਾਜ ਸਰਕਾਰ ਨੇ ਪਹਿਲਾਂ ਖ਼ੁਦ ਤੰਬਾਕੂ ਉਤਪਾਦਾਂ ’ਤੇ ਵੈਟ ਵਧਾਇਆ ਸੀ ਪਰ ਉਦੋਂ ਅਜਿਹੇ ਪਦਾਰਥਾਂ ਦੀ ਕਾਲਾ ਬਾਜ਼ਾਰੀ ਸ਼ੁਰੂ ਹੋ ਗਈ ਸੀ। ਕਹਿਣ ਤੋਂ ਭਾਵ ਜਿਸ ਮਕਸਦ ਲਈ ਸਰਕਾਰ ਨੇ ਇਹ ਟੈਕਸ ਵਧਾਇਆ ਸੀ, ਉਹ ਪੂਰਾ ਨਹੀਂ ਹੋ ਸਕਿਆ। ਇਸ ਕਾਰਨ ਸਰਕਾਰ ਵੱਲੋਂ ਦੁਬਾਰਾ ਵੈਟ ਘਟਾਇਆ ਗਿਆ ਹੈ ਤਾਂ ਜੋ ਕਾਲਾ ਬਾਜ਼ਾਰੀ ਨੂੰ ਰੋਕਿਆ ਜਾ ਸਕੇ। ਉਂਜ ਉਨ੍ਹਾਂ ਇਹ ਵੀ ਕਿਹਾ ਕਿ ਸਰਕਾਰ ਇਸ ਮਾਮਲੇ ’ਤੇ ਮੁੜ ਗੰਭੀਰਤਾ ਨਾਲ ਵਿਚਾਰ ਕਰ ਰਹੀ ਹੈ।
ਇਸ ਮੌਕੇ ਮੁੱਖ ਸੰਸਦੀ ਸਕੱਤਰ ਐਨਕੇ ਸ਼ਰਮਾ, ਪੰਜਾਬ ਰਾਜ ਮਹਿਲਾ ਕਮਿਸ਼ਨ ਦੀ ਮੁਖੀ ਪਰਮਜੀਤ ਕੌਰ ਲਾਂਡਰਾਂ, ਸਾਬਕਾ ਕੇਂਦਰੀ ਮੰਤਰੀ ਬਲਵੰਤ ਸਿੰਘ ਰਾਮੂਵਾਲੀਆ, ਸ਼੍ਰੋਮਣੀ ਅਕਾਲੀ ਦਲ ਦੇ ਸੀਨੀਅਰ ਮੀਤ ਪ੍ਰਧਾਨ ਤੇ ਸਿਆਸੀ ਮਾਮਲਿਆਂ ਬਾਰੇ ਕਮੇਟੀ ਦੇ ਮੈਂਬਰ ਕਿਰਨਬੀਰ ਸਿੰਘ ਕੰਗ, ਪੰਜਾਬ ਮੰਡੀ ਬੋਰਡ ਦੇ ਚੇਅਰਮੈਨ ਅਜਮੇਰ ਸਿੰਘ ਲੱਖੋਵਾਲ, ਜਥੇਦਾਰ ਅਮਰੀਕ ਸਿੰਘ, ਸਾਬਕਾ ਵਿਧਾਇਕ ਉਜਾਗਰ ਸਿੰਘ ਬਡਾਲੀ, ਯੂਥ ਅਕਾਲੀ ਦਲ ਦੇ ਕੌਮੀ ਮੀਤ ਪ੍ਰਧਾਨ ਰਾਜਾ ਕੰਵਰਜੋਤ ਸਿੰਘ, ਜਨਰਲ ਸਕੱਤਰ ਪਰਮਜੀਤ ਸਿੰਘ ਕਾਹਲੋਂ, ਗੁਰਮੁੱਖ ਸਿੰਘ ਸੋਹਲ ਸਮੇਤ ਹੋਰ ਪਤਵੰਤੇ ਵੀ ਮੌਜੂਦ ਸਨ।

ਵਿਕਾਸ ਕੰਮਾਂ ਨੂੰ ਵੇਖ ਕੇ ਲੋਕ ਸਭਾ ਚੋਣਾਂ

'ਚ ਫ਼ੈਸਲਾ ਲਿਆ ਜਾਵੇ : ਸੁਖਬੀਰ


ਮੰਡੀ ਗੋਬਿੰਦਗੜ੍ਹ, 8 ਫਰਵਰੀ - ਉਪ ਮੁੱਖ ਮੰਤਰੀ ਸ: ਸੁਖਬੀਰ ਸਿੰਘ ਬਾਦਲ ਨੇ ਪੰਜਾਬ ਦੇ ਲੋਕਾਂ ਨੂੰ ਸੱਦਾ ਦਿੱਤਾ ਕਿ ਉਹ ਆਉਂਦੀਆਂ ਲੋਕ ਸਭਾ ਚੋਣਾਂ 'ਚ ਅਕਾਲੀ-ਭਾਜਪਾ ਦੀ ਸਰਕਾਰ ਵਲੋਂ ਪਿਛਲੇ 7 ਸਾਲਾਂ ਦੌਰਾਨ ਕੀਤੇ ਗਏ ਵਿਕਾਸ ਕਾਰਜਾਂ ਨੂੰ ਧਿਆਨ 'ਚ ਰੱਖ ਕੇ ਹੀ ਕੇਂਦਰ 'ਚ ਸ੍ਰੀ ਨਰਿੰਦਰ ਮੋਦੀ ਵਰਗੇ ਮਜ਼ਬੂਤ ਆਗੂ ਨੂੰ ਦੇਸ਼ ਦੀ ਵਾਗ ਡੋਰ ਸੰਭਾਲਣ ਲਈ ਆਪਣੇ ਮਤ ਦਾ ਇਸਤੇਮਾਲ ਕਰਨ। ਉਹ ਅੱਜ ਇੱਥੇ ਸਟੀਲ ਚੈਂਬਰ ਆਫ਼ ਕਾਮਰਸ ਤੇ ਇੰਡਸਟਰੀਜ਼ ਮੰਡੀ ਗੋਬਿੰਦਗੜ੍ਹ ਵੱਲੋਂ ਉਨ੍ਹਾਂ ਵੱਲੋਂ ਆਇਰਨ ਸਟੀਲ ਤੇ ਸਕਰੈਪ ਦੇ ਲੋਹੇ 'ਤੇ ਵੈਟ ਘੱਟ ਕਰਨ ਲਈ ਉਨ੍ਹਾਂ ਦੇ ਸਨਮਾਨ ਲਈ ਕਰਵਾਏ ਸਮਾਗਮ ਨੂੰ ਸੰਬੋਧਨ ਕਰ ਰਹੇ ਸਨ। ਸ: ਬਾਦਲ ਨੇ ਐਲਾਨ ਕੀਤਾ ਕਿ ਮੋਹਾਲੀ ਵਿਖੇ 50 ਏਕੜ ਜ਼ਮੀਨ 'ਚ ਵੱਡੀ ਆਈ.ਟੀ ਕੰਪਨੀ ਇਨਫੋਸਿਸ ਵਲੋਂ ਆਈ.ਟੀ ਸੈਂਟਰ ਸਥਾਪਤ ਕੀਤਾ ਜਾਵੇਗਾ। ਉਨ੍ਹਾਂ ਕਿਹਾ ਕਿ ਹੋਟਲ ਤੇ ਫੂਡ ਪ੍ਰੋਸੈਸਿੰਗ ਕੰਪਨੀ ਆਈ.ਟੀ.ਸੀ ਵਲੋਂ ਵੀ 500 ਕਰੋੜ ਰੁਪਏ ਦਾ ਵੱਡਾ ਨਿਵੇਸ਼ ਕਰਕੇ ਰੋਜ਼ਗਾਰ ਲਈ ਹੋਰ ਵਧੇਰੇ ਮੌਕੇ ਪੈਦਾ ਕੀਤੇ ਜਾਣਗੇ। ਉਨ੍ਹਾਂ ਦੱਸਿਆ ਕਿ 13 ਫਰਵਰੀ ਤੋਂ ਪੰਜਾਬ ਦੇ ਬੀ ਤੇ ਸੀ ਕੈਟਾਗਿਰੀ ਦੇ 71 ਸ਼ਹਿਰਾਂ 'ਚੋਂ ਪੂਰੀ ਤਰ੍ਹਾਂ ਇੰਸਪੈਕਟਰੀ ਰਾਜ ਖ਼ਤਮ ਕਰ ਦਿੱਤਾ ਜਾਵੇਗਾ। ਸ: ਬਾਦਲ ਨੇ ਐਲਾਨ ਕੀਤਾ ਕਿ ਉਦਯੋਗਿਕ ਇਕਾਈਆਂ ਦੇ ਟੈਕਸਾਂ ਸਬੰਧੀ ਲੰਮੇ ਸਮੇਂ ਤੋਂ ਬਕਾਇਆ ਪਏ ਕੇਸਾਂ ਦੇ ਨਿਪਟਾਰੇ ਲਈ ਸਵੈ ਘੋਸ਼ਣਾ ਸਕੀਮ (ਵੀ.ਡੀ.ਐੱਸ) ਲਾਗੂ ਕੀਤੀ ਗਈ ਹੈ ਜੋ ਕਿ 31 ਮਾਰਚ ਤੱਕ ਜਾਰੀ ਰਹੇਗੀ।ਸ: ਬਾਦਲ ਨੇ ਉਦਯੋਗਪਤੀਆਂ ਨੂੰ ਭਰੋਸਾ ਦਿਵਾਇਆ ਕਿ ਉਦਯੋਗਿਕ ਇਕਾਈਆਂ ਨੂੰ ਬਿਜਲੀ ਸਪਲਾਈ 'ਚ ਕਿਸੇ ਤਰ੍ਹਾਂ ਦੀ ਕਮੀ ਨਹੀਂ ਆਉਣ ਦਿੱਤੀ ਜਾਵੇਗੀ ਤੇ ਸਮੁੱਚੇ ਭਾਰਤ ਭਰ 'ਚੋਂ ਸਭ ਤੋਂ ਘੱਟ ਦਰਾਂ 'ਤੇ ਬਿਜਲੀ ਸਪਲਾਈ ਯਕੀਨੀ ਬਣਾਈ ਜਾਵੇਗੀ।ਇਸ ਮੌਕੇ ਸਟੀਲ ਚੈਂਬਰ ਆਫ਼ ਕਮਰਸ ਐਂਡ ਇੰਡਸਟਰੀ ਦੇ ਪ੍ਰਧਾਨ ਸ੍ਰੀ ਭਾਰਤ ਭੂਸ਼ਣ ਜਿੰਦਲ ਨੇ ਲੋਹੇ ਤੋਂ ਵੈਟ ਘਟਾਉਣ ਤੇ ਸਮਾਗਮ ਵਿੱਚ ਸ਼ਿਰਕਤ ਕਰਨ ਲਈ ਸ: ਬਾਦਲ ਨੂੰ ਜੀ ਆਇਆਂ ਕਿਹਾ ਤੇ ਧੰਨਵਾਦ ਕੀਤਾ। ਸਮਾਗਮ ਨੂੰ ਸਟੀਲ ਟਰੇਡਰਜ਼ ਐਸੋਸੀਏਸ਼ਨ ਦੇ ਪ੍ਰਧਾਨ ਸ੍ਰੀ ਵਿਨੋਦ ਕਾਂਸਲ, ਭਾਵ ਨਗਰ ਟਰੇਡਰਜ਼ ਐਸੋਸੀਏਸ਼ਨ ਦੇ ਪ੍ਰਧਾਨ ਸ੍ਰੀ ਮਨਮੋਹਣ ਸਿੰਘ ਮਾਂਗਟ, ਇੰਡਕਸ਼ਨ ਫਰਨੈਸ ਐਸੋਸੀਏਸ਼ਨ ਦੇ ਪ੍ਰਧਾਨ ਸ੍ਰੀ ਮਹਿੰਦਰ ਗੁਪਤਾ, ਆਲ ਇੰਡੀਆ ਸਟੀਲ ਰੀ ਰੋਲਰ ਐਸੋਸੀਏਸ਼ਨ ਦੇ ਪ੍ਰਧਾਨ ਸ੍ਰੀ ਵਿਨੋਦ ਵਸ਼ਿਸ਼ਟ, ਆਈਰਨ ਸਕਰੈਪ ਟਰੇਡਰਜ਼ ਐਸੋਸੀਏਸ਼ਨ ਦੇ ਸ੍ਰੀ ਭਗਵਾਨ ਗੁਪਤਾ, ਮਾਡਰਨ ਸਟੀਲ ਗਰੁੱਪ ਆਫ਼ ਇੰਡਸਟਰੀ ਸ੍ਰੀ ਅਮਰਜੀਤ ਗੋਇਲ, ਜ਼ਿਲ੍ਹਾ ਯੋਜਨਾ ਬੋਰਡ ਦੇ ਚੇਅਰਮੈਨ ਸ੍ਰੀ ਜੋਗਿੰਦਰ ਪਾਲ ਸਿੰਗਲਾ ਤੇ ਸਾਬਕਾ ਮੰਤਰੀ ਡਾ: ਹਰਬੰਸ ਲਾਲ ਨੇ ਵੀ ਸੰਬੋਧਨ ਕੀਤਾ। ਸ: ਬਾਦਲ ਨੂੰ ਵੱਖ-ਵੱਖ ਐਸੋਸੀਏਸ਼ਨਾਂ ਵੱਲੋਂ ਸਟੀਲ ਚੈਂਬਰ ਦੀ ਅਗਵਾਈ ਹੇਠ ਸਨਮਾਨਿਤ ਵੀ ਕੀਤਾ ਗਿਆ। ਜਿਸ ਵਿਚ ਹਲਕਾ ਇੰਚਾਰਜ ਜਗਦੀਪ ਸਿੰਘ ਚੀਮਾ ਨੇ ਸ਼ਿਰਕਤ ਕੀਤੀ।ਇਸ ਮੌਕੇ ਸਪੀਕਰ ਸ: ਚਰਨਜੀਤ ਸਿੰਘ ਅਟਵਾਲ, ਮੁੱਖ ਸੰਸਦੀ ਸਕੱਤਰ ਸ੍ਰੀ ਸਰੂਪ ਚੰਦ ਸਿੰਗਲਾ, ਅਕਾਲੀ ਦਲ ਦੇ ਜਨਰਲ ਸਕੱਤਰ ਸ. ਪ੍ਰੇਮ ਸਿੰਘ ਚੰਦੂਮਾਜਰਾ, ਅਕਾਲੀ ਦਲ ਦੇ ਜ਼ਿਲ੍ਹਾ ਪ੍ਰਧਾਨ ਸ: ਜਗਦੀਪ ਸਿੰਘ ਚੀਮਾ, ਸਾਬਕਾ ਵਿਧਾਇਕ ਇੰਦਰ ਇਕਬਾਲ ਸਿੰਘ ਅਟਵਾਲ, ਦੀਦਾਰ ਸਿੰਘ ਭੱਟੀ, ਸਾਬਕਾ ਮੰਤਰੀ ਡਾ: ਹਰਬੰਸ ਲਾਲ, ਗੁਰਮੀਤ ਸਿੰਘ ਸੋਨੂੰ ਚੀਮਾ, ਭਾਜਪਾ ਦੇ ਜ਼ਿਲ੍ਹਾ ਪ੍ਰਧਾਨ ਸ੍ਰੀ ਰਾਕੇਸ਼ ਕੁਮਾਰ ਗੁਪਤਾ, ਚੇਅਰਮੈਨ ਸ: ਬਲਜੀਤ ਸਿੰਘ ਭੁੱਟਾ, ਕਰ ਤੇ ਆਬਕਾਰੀ ਵਿਭਾਗ ਪੰਜਾਬ ਦੇ ਕਮਿਸ਼ਨਰ ਸ੍ਰੀ ਅਨੁਰਾਗ ਵਰਮਾ, ਸ਼੍ਰੋਮਣੀ ਕਮੇਟੀ ਮੈਂਬਰ ਸ: ਰਵਿੰਦਰ ਸਿੰਘ ਖ਼ਾਲਸਾ, ਚੇਅਰਮੈਨ ਸ: ਕਸ਼ਮੀਰਾ ਸਿੰਘ ਸ਼ਾਹਪੁਰ, ਸ: ਚੰਨਣ ਸਿੰਘ ਮਠਾੜੂ, ਸਵਰਨ ਸਿੰਘ ਬੱਗਲੀ, ਬ੍ਰਾਹਮਣ ਸਭਾ ਦੇ ਪ੍ਰਧਾਨ ਸ਼੍ਰੀ ਦੇਵੀ ਦਿਆਲ ਪ੍ਰਾਸ਼ਰ, ਸ: ਰਣਧੀਰ ਸਿੰਘ ਭਾਂਬਰੀ, ਸੁਖਵਿੰਦਰ ਸਿੰਘ ਭਾਂਬਰੀ, ਵਿੱਕੀ ਮਿੱਤਲ, ਹਰਿੰਦਰ ਸਿੰਘ ਕੁਕੀ, ਮਨਜੀਤ ਸਿੰਘ ਸਲਾਣਾ, ਕੁਲਦੀਪ ਸਿੰਘ ਮੁਢੜ੍ਹੀਆਂ, ਦਰਸ਼ਨ ਸਿੰਘ ਬਾਬਾ, ਉਦਯੋਗਪਤੀ ਸ੍ਰੀ ਸੋਮਨਾਥ ਦੁਆ, ਓਮ ਪ੍ਰਕਾਸ਼ ਗੁਪਤਾ, ਸ੍ਰੀ ਪ੍ਰਕਾਸ਼ ਚੰਦ ਗਰਗ, ਸ੍ਰੀ ਸੁਭਾਸ਼ ਸਿੰਗਲਾ, ਸ੍ਰੀ ਵੇਦ ਦੀਵਾਨ, ਰਣਜੀਤ ਸਿੰਘ ਨਿਊਆਂ ਤੇ ਸ੍ਰੀ ਵਿਨੋਦ ਗੋਇਲ, ਸੋਮ ਨਾਥ ਦੂਆ, ਕੇ. ਕੇ ਜਿੰਦਲ, ਜਸਪ੍ਰੀਤ ਸਿੰਘ ਨਈਅਰ, ਭਗਵਾਨ ਦਾਸ, ਦੀਪਕ ਗੁਪਤਾ, ਅਮਰੇਸ਼ ਜਿੰਦਲ, ਸ੍ਰੀ ਗੋਪਾਲ ਕ੍ਰਿਸ਼ਨ ਜਿੰਦਲ, ਕਮਲ ਗੋਇਲ, ਵਿਨੋਦ ਕਾਂਸਲ, ਜਤਿੰਦਰ ਸਿੰਘ ਧਾਲੀਵਾਲ ਜ਼ਿਲ੍ਹਾ ਜਨਰਲ ਸਕੱਤਰ ਸ਼੍ਰੋਮਣੀ ਅਕਾਲੀ ਦਲ, ਪਰਮਿੰਦਰ ਸਿੰਘ ਸਲਾਣਾ, ਰਣਜੀਤ ਸਿੰਘ ਨਿਊਆਂ ਕੌਮੀ ਸੰਯੁਕਤ ਸਕੱਤਰ ਯੂਥ ਅਕਾਲੀ ਦਲ, ਰਣਧੀਰ ਸਿੰਘ ਭਾਂਬਰੀ, ਭਾਜਪਾ ਜ਼ਿਲ੍ਹਾ ਪ੍ਰਧਾਨ ਰਾਕੇਸ਼ ਗੁਪਤਾ, ਹਰਮੀਤ ਸਿੰਘ ਖ਼ਾਲਸਾ, ਜਗਰੂਪ ਸਿੰਘ ਸੰਧੂ, ਭੁਪਿੰਦਰ ਸਿੰਘ ਸੰਧੂ, ਜਗਦੀਪ ਸਿੰਘ ਦੀਪ, ਅਮਰਦੀਪ ਸਿੰਘ ਛੱਤਪਾਲ, ਰਾਜੀਵ ਵਰਮਾ, ਰਵਿੰਦਰ ਸਿੰਘ ਪਦਮ, ਮੋਹਿਤ ਸ਼ਰਮਾ, ਅਸ਼ੋਕ ਸ਼ਰਮਾ, ਜਸਵੰਤ ਕੈਲੇ, ਪ੍ਰਗਟ ਸਿੰਘ ਕਲਸੀ, ਜਗਮੇਲ ਸਿੰਘ ਮਠਾੜੂ, ਭਿੰਦਰ ਸਿੰਘ, ਸਵਰਨ ਸਿੰਘ ਬਿੱਲੂ, ਜਰਨੈਲ ਸਿੰਘ ਮਾਜਰੀ, ਡਾ ਮਨਜੀਤ ਸਿੰਘ, ਸਤਪਾਲ ਟਾਟਾ, ਰਾਜ ਜਿੰਦਲ, ਦੇਵੀ ਦਿਆਲ ਪਰਾਸ਼ਰ ਵੀ ਹਾਜ਼ਰ ਸਨ।ਗੱਲਬਾਤ ਕਰਦਿਆਂ ਸ. ਬਾਦਲ ਨੇ ਕਿਹਾ ਕਿ ਪੰਜਾਬ ਵਿਚ ਤੰਬਾਕੂ ਦੀ ਵਿਕਰੀ 'ਤੇ ਵੈਟ ਇਸ ਲਈ ਘਟਾਇਆ ਹੈ ਕਿਉਂਕਿ ਬਾਹਰਲੇ ਰਾਜਾਂ ਤੋਂ ਦੋ ਨੰਬਰ 'ਚ ਤੰਬਾਕੂ ਦੀ ਇੱਥੇ ਵਿਕਰੀ ਹੋ ਰਹੀ ਸੀ। ਉਨ੍ਹਾਂ ਹੁਸ਼ਿਆਰਪੁਰ 'ਚ ਸਿਹਤ ਵਿਭਾਗ ਦੇ ਅਧਿਕਾਰੀਆਂ ਦੀ ਕਥਿਤ ਅਣਗਹਿਲੀ ਕਾਰਨ ਇੱਕ ਬੱਚੇ ਦੀ ਹੋਈ ਮੌਤ ਦੇ ਮਾਮਲੇ ਸਬੰਧੀ ਕਿਹਾ ਕਿ ਇਸ ਮਾਮਲੇ ਦੀ ਜਾਂਚ ਕਰਵਾਈ ਜਾਵੇਗੀ।

ਅਕਾਲੀਆਂ ਨੂੰ ਸਤਾਉਣ ਲੱਗਾ ਦਿੱਲੀ ਦੰਗਿਆਂ

ਦਾ ਪੱਤਾ ਹੱਥੋਂ ਖੁੱਸਣ ਦਾ ਖਦਸ਼ਾ
ਜਾਂਚ ਟੀਮ ਦੀ ਮੰਗ ਕਰਦੇ ਅਕਾਲੀ ਕੇਜਰੀਵਾਲ ਦਾ ਕਰਨ ਲੱਗੇ ਵਿਰੋਧ


ਜਲੰਧਰ 8 ਫਰਵਰੀ - ਪਿਛਲੇ ਕਰੀਬ ਢਾਈ ਦਹਾਕੇ ਤੋਂ ਕਾਂਗਰਸ ਵਿਰੁੱਧ ਦਿੱਲੀ ਦੇ ਸਿੱਖ ਵਿਰੋਧੀ ਦੰਗਿਆਂ ਨੂੰ ਅਸਰਦਾਰ ਤਰੀਕੇ ਨਾਲ ਸਿਆਸੀ ਪ੍ਰਚਾਰ ਲਈ ਵਰਤਦੇ ਆ ਰਹੇ ਅਕਾਲੀਆਂ ਨੂੰ ਹੁਣ ਇਹ ਮੁੱਦਾ ਹੱਥੋਂ ਖੁਸਦਾ ਨਜ਼ਰ ਆ ਰਿਹਾ ਹੈ।ਦਿੱਲੀ 'ਚ ਬਣੀ ਕੇਜਰੀਵਾਲ ਸਰਕਾਰ ਨੇ ਬਿਨਾਂ ਕਿਸੇ ਬਹੁਤਾ ਰੌਲੇ-ਰੱਪੇ ਦੇ ਸਿੱਖ ਵਿਰੋਧੀ ਦੰਗਿਆਂ ਦੇ ਕੇਸਾਂ ਦੀ ਜਾਂਚ ਲਈ ਵਿਸ਼ੇਸ਼ ਜਾਂਚ ਟੀਮ ਬਣਾਏ ਜਾਣ ਦਾ ਫ਼ੈਸਲਾ ਕੀਤਾ ਹੈ। ਕੇਜਰੀਵਾਲ ਸਰਕਾਰ ਵੱਲੋਂ ਦੰਗਾ ਪੀੜਤਾਂ ਨੂੰ ਇਨਸਾਫ਼ ਲਈ ਚੁੱਕਿਆ ਅਜਿਹਾ ਕਦਮ ਅਕਾਲੀਆਂ ਲਈ ਵੱਡੀ ਸਿਰਦਰਦੀ ਬਣ ਰਿਹਾ ਹੈ, ਕਿਉਂਕਿ ਜਿਸ ਮੁੱਦੇ ਨੂੰ ਲੈ ਕੇ ਉਹ ਸਿੱਖ ਭਾਵਨਾਵਾਂ ਨੂੰ ਵਰਤਦੇ ਆ ਰਹੇ ਹਨ, ਮੁੱਦਾ ਤਿਲਕ ਕੇ ਕੇਜਰੀਵਾਲ ਦੀ ਝੋਲੀ 'ਚ ਪੈ ਸਕਦਾ ਹੈ। ਕੇਜਰੀਵਾਲ ਸਰਕਾਰ ਵੱਲੋਂ ਵਿਸ਼ੇਸ਼ ਜਾਂਚ ਟੀਮ ਗਠਿਤ ਕਰਨ ਵਿਰੁੱਧ ਜਿਸ ਤਰ੍ਹਾਂ ਮੁੱਖ ਮੰਤਰੀ ਸ: ਪ੍ਰਕਾਸ਼ ਸਿੰਘ ਬਾਦਲ ਸਮੇਤ ਸਮੂਹ ਅਕਾਲੀ ਲੀਡਰਸ਼ਿਪ ਵੱਲੋਂ ਤਿੱਖਾ ਪ੍ਰਤੀਕਰਮ ਜ਼ਾਹਰ ਕੀਤਾ ਗਿਆ ਹੈ, ਉਹ ਅਕਾਲੀ ਲੀਡਰਸ਼ਿਪ ਦੇ ਮਨਾਂ ਅੰਦਰ ਕੇਜਰੀਵਾਲ ਦੀ ਚੁਣੌਤੀ ਦੇ ਪੈਦਾ ਹੋਏ ਡਰ ਦਾ ਵੀ ਪ੍ਰਗਟਾਵਾ ਸਮਝਿਆ ਜਾ ਰਿਹਾ ਹੈ। ਅਕਾਲੀ ਦਲ ਲੰਬੇ ਸਮੇਂ ਤੋਂ ਇਸ ਗੱਲ ਦੀ ਠੋਕ ਵਜਾ ਕੇ ਮੰਗ ਕਰਦਾ ਰਿਹਾ ਹੈ ਕਿ ਦਿੱਲੀ ਦੰਗਿਆਂ ਦੀ ਜਾਂਚ ਲਈ ਵਿਸ਼ੇਸ਼ ਜਾਂਚ ਟੀਮ ਦਾ ਗਠਨ ਕੀਤਾ ਜਾਵੇ ਤੇ ਦੋਸ਼ੀ ਪਾਏ ਜਾਣ ਵਾਲੇ ਲੋਕਾਂ ਦੇ ਮਾਮਲਿਆਂ ਨੂੰ ਜਲਦੀ ਨਿਪਟਾਉਣ ਲਈ ਫਾਸਟ ਟਰੈਕ ਅਦਾਲਤਾਂ ਬਣਾਈਆਂ ਜਾਣ। ਮਈ, 2008 ਵਿਚ ਪੰਜਾਬ ਦੇ ਮੁੱਖ ਮੰਤਰੀ ਅਤੇ ਅਕਾਲੀ ਦਲ ਦੇ ਸਰਪ੍ਰਸਤ ਸ: ਪ੍ਰਕਾਸ਼ ਸਿੰਘ ਬਾਦਲ ਦੀ ਅਗਵਾਈ ਵਿਚ ਇਕ ਵਫ਼ਦ ਨੇ ਪ੍ਰਧਾਨ ਮੰਤਰੀ ਤੇ ਰਾਸ਼ਟਰਪਤੀ ਨੂੰ ਮਿਲ ਕੇ ਵਿਸ਼ੇਸ਼ ਜਾਂਚ ਟੀਮ ਬਣਾਏ ਜਾਣ ਦੀ ਮੰਗ ਕੀਤੀ ਸੀ। ਇਸ ਤੋਂ ਬਾਅਦ ਵੀ ਅਨੇਕਾਂ ਥਾਵਾਂ ਉੱਪਰ ਇਹ ਮੰਗ ਦੁਹਰਾਈ ਜਾਂਦੀ ਰਹੀ ਹੈ। ਹੁਣ ਦਿੱਲੀ 'ਚ ਬਣੀ ਕੇਜਰੀਵਾਲ ਸਰਕਾਰ ਨੇ ਦਿੱਲੀ ਦੇ ਲੋਕਾਂ ਨਾਲ ਕੀਤੇ ਚੋਣ ਵਾਅਦੇ ਨੂੰ ਪੂਰਾ ਕਰਦਿਆਂ ਨਵੰਬਰ '84 ਦੇ ਸਿੱਖ ਵਿਰੋਧੀ ਦੰਗਿਆਂ ਦੀ ਜਾਂਚ ਲਈ ਕਮਿਸ਼ਨ ਗਠਿਤ ਕਰਨ ਦਾ ਫੈਸਲਾ ਕਰ ਦਿੱਤਾ ਹੈ। ਇਸ ਫੈਸਲੇ ਵਿਚ ਦੋ ਬਹੁਤ ਹੀ ਅਹਿਮ ਗੱਲਾਂ ਹਨ। ਪਹਿਲੀ, ਜਾਂਚ ਦਲ ਵਿਚ ਦਿੱਲੀ ਪੁਲਿਸ ਦਾ ਕੋਈ ਅਧਿਕਾਰੀ/ਕਰਮਚਾਰੀ ਸ਼ਾਮਿਲ ਨਹੀਂ ਹੋਵੇਗਾ, ਦੂਜੀ, ਸਰਕਾਰੀ ਰਿਪੋਰਟਾਂ ਮੁਤਾਬਿਕ ਉਸ ਸਮੇਂ ਦਿੱਲੀ 'ਚ 2733 ਸਿੱਖ ਮਾਰੇ ਗਏ ਸਨ, ਵੱਖ-ਵੱਖ ਮੌਕਿਆਂ ਉੱਪਰ 587 ਮੁਕੱਦਮੇ ਪੁਲਿਸ ਕੋਲ ਦਰਜ ਹੋਏ ਪਰ ਇਨ੍ਹਾਂ ਵਿਚੋਂ 241 ਮੁਕੱਦਮੇ ਬਿਨਾਂ ਕਿਸੇ ਉਚਿੱਤ ਜਾਂਚ ਦੇ ਬੰਦ ਕਰ ਦਿੱਤੇ ਗਏ ਜਾਂ ਫਿਰ ਉਨ੍ਹਾਂ ਬਾਰੇ ਕੋਈ ਕਾਰਵਾਈ ਹੀ ਨਹੀਂ ਹੋਈ।
ਵਿਸ਼ੇਸ਼ ਜਾਂਚ ਦਲ ਇਨ੍ਹਾਂ ਬੰਦ ਹੋਏ ਕੇਸਾਂ ਨੂੰ ਵੀ ਮੁੜ ਖੋਲ੍ਹ ਸਕੇਗਾ ਤੇ ਪੜਤਾਲ ਦੇ ਆਧਾਰ 'ਤੇ ਕਾਰਵਾਈ ਲਈ ਸਿਫ਼ਾਰਸ਼ ਕਰ ਸਕੇਗਾ। ਇਕ ਹੋਰ ਗੱਲ ਇਹ ਕਿ ਇਨ੍ਹਾਂ ਦੰਗਿਆਂ ਬਾਰੇ 2000 ਵਿਚ ਬਿਠਾਏ ਨਾਨਾਵਤੀ ਕਮਿਸ਼ਨ ਨੇ ਦਿੱਲੀ ਪੁਲਿਸ ਦੀ ਉਸ ਸਮੇਂ ਭੂਮਿਕਾ ਉੱਪਰ ਉਂਗਲ ਉਠਾਈ ਸੀ ਤੇ ਸਰਕਾਰੀ ਰਿਕਾਰਡ ਨਾਲ ਛੇੜ-ਛਾੜ ਦਾ ਮੁੱਦਾ ਵੀ ਸਾਹਮਣੇ ਆਇਆ ਸੀ। ਪਰ ਸਰਕਾਰਾਂ ਨੇ ਕਦੇ ਵੀ ਇਸ ਪਾਸੇ ਕੋਈ ਧਿਆਨ ਨਹੀਂ ਦਿੱਤਾ। ਪਰ ਹੁਣ ਕੇਜਰੀਵਾਲ ਸਰਕਾਰ ਦੁਆਰਾ ਗਠਿਤ ਜਾਂਚ ਟੀਮ ਤੋਂ ਦਿੱਲੀ ਪੁਲਿਸ ਨੂੰ ਲਾਂਭੇ ਕਰਨ ਦਾ ਫ਼ੈਸਲਾ ਕੀਤਾ ਗਿਆ ਹੈ, ਇਸ ਨਾਲ ਪੁਲਿਸ ਵੱਲੋਂ ਸਰਕਾਰੀ ਰਿਕਾਰਡ ਨਾਲ ਛੇੜ-ਛਾੜ ਤੇ ਸਬੂਤ ਮਿਟਾਉਣ ਦੇ ਯਤਨਾਂ ਵਾਲੇ ਵੀ ਕਟਹਿਰੇ 'ਚ ਖੜ੍ਹੇ ਕੀਤੇ ਜਾਣ ਲਈ ਰਸਤਾ ਪੱਧਰਾ ਹੋ ਰਿਹਾ ਹੈ। ਅਕਾਲੀ ਲੀਡਰਸ਼ਿਪ ਨੂੰ ਇਸ ਗੱਲ ਦਾ ਪਾਲ੍ਹਾ ਵੱਢ-ਵੱਢ ਖਾ ਰਿਹਾ ਹੈ ਕਿ ਅਜਿਹੇ ਕਦਮਾਂ ਨਾਲ ਕੇਜਰੀਵਾਲ ਦੀ ਲੋਕਪ੍ਰਿਅਤਾ ਸਿੱਖ ਸੰਗਤ ਵਿਚ ਵੀ ਵਧ ਸਕਦੀ ਹੈ। ਅਕਾਲੀ ਦਲ ਉੱਪਰ ਇਹ ਸਵਾਲ ਤਾਂ ਆਮ ਹੀ ਉੱਠ ਰਹੇ ਹਨ ਕਿ ਕਰੀਬ 6 ਸਾਲ ਕੇਂਦਰ ਵਿਚ ਵਾਜਪਾਈ ਸਰਕਾਰ ਰਹੀ ਤੇ ਅਕਾਲੀ ਦਲ ਉਸ ਦਾ ਸਰਗਰਮ ਭਾਈਵਾਲ ਸੀ, ਉਸ ਸਮੇਂ ਅਕਾਲੀ ਦਲ ਨੇ ਦੰਗਿਆਂ ਦੇ ਦੋਸ਼ੀਆਂ ਖ਼ਿਲਾਫ਼ ਕਾਰਵਾਈ ਲਈ ਕੋਈ ਕਦਮ ਕਿਉਂ ਨਹੀਂ ਚੁੱਕਿਆ? ਸਿਆਸੀ ਹਲਕਿਆਂ 'ਚ ਇਹ ਆਮ ਪ੍ਰਭਾਵ ਹੈ ਕਿ ਇਕ ਪਾਸੇ ਤਾਂ ਸਾਰੇ ਅਕਾਲੀ ਜਾਂਚ ਟੀਮ ਕਾਇਮ ਕਰਨ ਵਿਰੁੱਧ ਬਿਆਨਬਾਜ਼ੀ ਕਰ ਰਹੇ ਹਨ ਪਰ ਨਾਲ ਦੀ ਨਾਲ ਇਕ ਵਿਉਂਤਬੱਧ ਨੀਤੀ ਤਹਿਤ ਸੰਸਦ ਦੇ ਅੰਦਰ ਤੇ ਬਾਹਰ ਸਿੱਖ ਵਿਰੋਧੀ ਦੰਗਿਆਂ ਦੇ ਦੋਸ਼ੀਆਂ ਨੂੰ ਸਜ਼ਾਵਾਂ ਉੱਪਰ ਰੌਲਾ ਵੀ ਪਾ ਰਹੇ ਹਨ। ਨਵੰਬਰ '84 ਦੇ ਦੰਗਿਆਂ ਦੇ ਪੀੜਤਾਂ ਦੇ ਮਾਮਲਿਆਂ ਦੀ 28 ਸਾਲਾਂ ਤੋਂ ਲਗਾਤਾਰ ਕਾਨੂੰਨੀ ਪੈਰਵੀ ਕਰਦੇ ਆ ਰਹੇ ਸੁਪਰੀਮ ਕੋਰਟ ਦੇ ਵਕੀਲ ਸ: ਐਚ. ਐਸ. ਫੂਲਕਾ ਜੋ ਇਸ ਵੇਲੇ 'ਆਪ' ਦੇ ਨੀਤੀ ਘਾੜਿਆਂ ਵਿਚ ਸ਼ਾਮਿਲ ਹਨ, ਦਾ ਕਹਿਣਾ ਹੈ ਕਿ ਅਕਾਲੀ ਲੀਡਰਸ਼ਿਪ ਇਹ ਦੱਸੇ ਕਿ ਪੁਲਿਸ ਵੱਲੋਂ ਠੱਪ ਕਰ ਦਿੱਤੇ 241 ਕੇਸਾਂ ਨੂੰ ਜਾਂਚ ਟੀਮ ਬਣਾਏ ਬਗ਼ੈਰ ਮੁੜ ਕਿਵੇਂ ਖੋਲ੍ਹਿਆ ਤੇ ਚਲਾਇਆ ਜਾ ਸਕਦਾ ਹੈ? ਸ: ਫੂਲਕਾ ਨੇ ਸਵਾਲ ਕੀਤਾ ਕਿ ਅਕਾਲੀ ਲੀਡਰਸ਼ਿਪ ਕਹਿ ਰਹੀ ਹੈ ਕਿ ਸਾਨੂੰ ਜਾਂਚ ਨਹੀਂ, ਕਾਰਵਾਈ ਚਾਹੀਦੀ ਹੈ, ਪਰ ਉਹ ਦੱਸਣ ਤਾਂ ਸਹੀ ਕਿ ਕਾਰਵਾਈ ਹੋਵੇ ਕਿਵੇਂ? ਮਹਿਜ਼ ਸਿਆਸੀ ਬਿਆਨਬਾਜ਼ੀ ਨਾਲ ਕਿਸੇ ਨੂੰ ਸਜ਼ਾ ਨਹੀਂ ਹੋਣੀ। ਸ: ਫੂਲਕਾ ਦਾ ਦਾਅਵਾ ਹੈ ਕਿ ਹੁਣ ਤੱਕ ਕੇਂਦਰ ਸਰਕਾਰ ਵੱਲੋਂ ਬਿਠਾਏ 10 ਕਮਿਸ਼ਨਾਂ ਤੇ ਕਮੇਟੀਆਂ ਨਾਲੋਂ ਹੁਣ ਗਠਿਤ ਕੀਤੀ ਜਾ ਰਹੀ ਵਿਸ਼ੇਸ਼ ਜਾਂਚ ਕਮੇਟੀ ਪੂਰੀ ਤਰ੍ਹਾਂ ਅਲੱਗ ਹੋਵੇਗੀ। ਪਹਿਲਾਂ ਬਣੇ ਕਮਿਸ਼ਨਾਂ ਤੇ ਕਮੇਟੀਆਂ ਕੋਲ ਸਿਰਫ਼ ਸਿਫ਼ਾਰਸ਼ਾਂ ਦੇ ਅਧਿਕਾਰ ਸਨ। ਇਨ੍ਹਾਂ ਦੀਆਂ ਸਿਫ਼ਾਰਸ਼ਾਂ ਸਰਕਾਰਾਂ ਦੀਆਂ ਫਾਈਲਾਂ 'ਚ ਰੁਲਦੀਆਂ ਰਹੀਆਂ ਹਨ। ਪਰ ਦਿੱਲੀ ਸਰਕਾਰ ਵੱਲੋਂ ਗਠਿਤ ਵਿਸ਼ੇਸ਼ ਜਾਂਚ ਟੀਮ ਨੂੰ ਮਾਮਲਿਆਂ ਦੀ ਪੜਤਾਲ ਕਰਨ ਤੇ ਫਿਰ ਸਿੱਧਾ ਅਦਾਲਤ ਵਿਚ ਲਿਜਾਣ ਦਾ ਸੰਵਿਧਾਨਕ ਅਧਿਕਾਰ ਹੋਵੇਗਾ।

 

ਭਨਿਆਰਾ ਵਾਲੇ ਦੀ 'ਕਿਤਾਬ' ਮੁੜ ਘੋਖੀ ਜਾਵੇਗੀ
ਸਰਕਾਰ ਨੇ 6 ਸਿੱਖ ਵਿਦਵਾਨਾਂ ਦੀ ਸੂਚੀ ਹਾਈਕੋਰਟ ਨੂੰ ਭੇਜੀ


ਚੰਡੀਗੜ੍ਹ, 8 ਫਰਵਰੀ - ਪੰਜਾਬ ਅਤੇ ਹਰਿਆਣਾ ਹਾਈਕੋਰਟ ਦੇ ਨਿਰਦੇਸ਼ਾਂ ਮੁਤਾਬਿਕ ਹੁਣ ਇਕ ਵਾਰ ਫਿਰ ਪਿਆਰਾ ਸਿੰਘ ਭਨਿਆਰਾ ਵਾਲਾ (54) ਵਾਲੇ ਦੀ ਵਿਵਾਦਤ 'ਭਵਸਾਗਰ ਸਮੁੰਦਰ ਅਮਰ ਬਾਣੀ' ਨਾਮੀ ਕਿਤਾਬ 'ਚੋਂ ਇਤਰਾਜ਼ਯੋਗ ਤੱਥ ਖ਼ੋਜੇ ਜਾਣਗੇ | ਪੰਜਾਬ ਸਰਕਾਰ ਵੱਲੋਂ ਇਸ ਬਾਰੇ ਸਿੱਖ ਵਿਦਵਾਨਾਂ ਦਾ ਪੈਨਲ ਹਾਈਕੋਰਟ ਨੂੰ ਸੌਾਪ ਦਿੱਤਾ ਗਿਆ ਹੈ ਜਿਸ ਵਿਚ ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ ਦੇ ਉਪ-ਕੁਲਪਤੀ ਡਾਕਟਰ ਜਸਪਾਲ ਸਿੰਘ, ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਵਿਸ਼ਵ ਯੂਨੀਵਰਸਿਟੀ, ਸ੍ਰੀ ਫ਼ਤਹਿਗੜ੍ਹ ਸਾਹਿਬ ਦੇ ਉਪ-ਕੁਲਪਤੀ ਡਾਕਟਰ ਗੁਰਮੋਹਨ ਸਿੰਘ ਵਾਲੀਆ, ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਸਟੱਡੀ ਸੈਂਟਰ, ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ, ਸ੍ਰੀ ਅੰਮਿ੍ਤਸਰ ਸਾਹਿਬ ਦੇ ਡਾਇਰੈਕਟਰ ਪ੍ਰੋ: ਬਲਵੰਤ ਸਿੰਘ ਢਿੱਲੋਂ, ਭਾਈ ਵੀਰ ਸਿੰਘ ਸਾਹਿਤ ਸਦਨ, ਦਿੱਲੀ ਦੇ ਐਕਟਿੰਗ ਪ੍ਰਧਾਨ ਪ੍ਰੋ: ਜਸਵੰਤ ਸਿੰਘ ਨੇਕੀ, ਪਿ੍ੰਸੀਪਲ (ਸੇਵਾਮੁਕਤ) ਨਰਿੰਦਰ ਸਿੰਘ, ਦਿੱਲੀ ਅਤੇ ਪੰਜਾਬੀ ਯੂਨੀਵਰਸਿਟੀ ਕਾਲਜ, ਰਾਮਪੁਰਾ ਫੂਲ ਦੇ ਪਿ੍ੰਸੀਪਲ ਡਾਕਟਰ ਅਮਰਜੀਤ ਸਿੰਘ ਸਿੱਧੂ ਨੂੰ ਸ਼ਾਮਿਲ ਕੀਤਾ ਗਿਆ ਹੈ | ਅੱਜ ਫਿਰ ਇਹ ਕੇਸ ਹਾਈਕੋਰਟ ਦੇ ਜਸਟਿਸ ਸਤੀਸ਼ ਕੁਮਾਰ ਮਿੱਤਲ, ਜਸਟਿਸ ਜਿਤੇਂਦਰ ਚੌਹਾਨ ਅਤੇ ਜਸਟਿਸ ਕੁਲਦੀਪ ਸਿੰਘ ਫੁੱਲ ਬੈਂਚ ਵੱਲੋਂ ਸੁਣਿਆ ਗਿਆ, ਪਰ ਬਾਬੇ ਕੋਲੋਂ ਵੀ ਮੰਗੇ ਗਏ ਉਸ ਦੇ 'ਮਾਹਿਰਾਂ' ਦੇ ਨਾਂਅ ਇਕ ਵਾਰ ਫਿਰ ਹਾਈਕੋਰਟ ਕੋਲ ਨਹੀਂ ਪਹੁੰਚੇ¢ ਹਾਈਕੋਰਟ ਵੱਲੋਂ ਦੋਵਾਂ ਧਿਰਾਂ ਵੱਲੋਂ ਦਿੱਤੇ ਗਏ ਮਾਹਿਰਾਂ ਦੇ ਨਾਂਵਾਂ 'ਚੋਂ ਹੀ ਇਸ ਕੰਮ ਵਾਸਤੇ ਪੈਨਲ ਤਿਆਰ ਕੀਤੇ ਜਾਣੇ ਹਨ ਤੇ ਇਨ੍ਹਾਂ ਮਾਹਿਰਾਂ ਵੱਲੋਂ ਕਿਤਾਬ ਨੂੰ ਘੋਖੇ ਜਾਣ 'ਤੇ ਪਾਈਆਂ ਗਾਈਆਂ ਤਰੁਟੀਆਂ ਨੂੰ ਵਿਚਾਰ ਅਧੀਨ ਲਿਆਂਦਾ ਜਾਵੇਗਾ¢ ਹਾਈਕੋਰਟ ਦੇ ਜਸਟਿਸ ਸੂਰਿਆ ਕਾਂਤ, ਜਿਤੇਂਦਰ ਚੌਹਾਨ ਅਤੇ ਸੁਰਿੰਦਰ ਗੁਪਤਾ ਦੀ ਕੋਰਟ ਵੱਲੋਂ ਪਿਛਲੇ ਸਤੰਬਰ ਮਹੀਨੇ ਹੀ ਇਹ ਨਿਰਦੇਸ਼ ਭਨਿਆਰਾ ਵਾਲੇ ਵੱਲੋਂ ਆਪਣੀ ਉਕਤ ਗ੍ਰੰਥ ਵਜੋਂ ਪ੍ਰਚਾਰੀ ਜਾ ਰਹੀ ਕਿਤਾਬ ਦੇ ਪ੍ਰਕਾਸ਼ਨ ਅਤੇ ਵਿਤਰਣ ਤੋਂ ਪਾਬੰਦੀ ਹਟਾਏ ਜਾਣ ਦੀ ਮੰਗ ਨੂੰ ਲੈ ਕੇ ਦਾਇਰ ਪਟੀਸ਼ਨ ਉੱਤੇ ਸੁਣਵਾਈ ਦੌਰਾਨ ਜਾਰੀ ਕੀਤੇ ਗਏ ਸਨ¢ ਅਹਿਮ ਗੱਲ ਇਹ ਵੀ ਹੈ ਕਿ ਇਸ ਵਾਰ ਮਾਹਿਰ ਪੰਜਾਬ ਤੋਂ ਬਾਹਰੋਂ ਲਏ ਜਾਣ ਬਾਰੇ ਵੀ ਕਿਹਾ ਗਿਆ ਹੈ, ਜਿਸ ਸਬੰਧੀ ਪੰਜਾਬ ਸਰਕਾਰ ਵੱਲੋਂ ਦਿੱਲੀ ਆਧਾਰਿਤ ਵਿਦਵਾਨਾਂ ਦੇ ਨਾਂਅ ਵੀ ਤਜਵੀਜ਼ ਕੀਤੇ ਗਏ ਹਨ | ਦੱਸਣਯੋਗ ਹੈ ਕਿ ਇਸ ਤੋਂ ਪਹਿਲਾਂ ਗਠਿਤ ਘੋਖ ਕਮੇਟੀ ਬਾਰੇ ਭਨਿਆਰਾ ਵਾਲੇ ਦੇ ਵਕੀਲ ਵੱਲੋਂ ਇਹ ਕਹਿੰਦਿਆਂ ਇਤਰਾਜ਼ ਕੀਤੇ ਗਏ ਕਿ ਪੰਜਾਬ ਸਰਕਾਰ ਦੇ ਇਸ ਮਾਮਲੇ ਵਿਚ ਧਿਰ ਹੋਣ ਦੀ ਸੂਰਤ ਵਿਚ ਪੰਜਾਬ ਵਿਚਲੇ ਵਿਸ਼ਾ ਮਾਹਿਰ ਇਸ ਦੇ ਪ੍ਰਭਾਵ ਥੱਲੇ ਰਹਿੰਦੇ ਹਨ | ਕੇਸ ਦੀ ਅਗਲੀ ਸੁਣਵਾਈ 21 ਮਾਰਚ ਨੂੰ ਹੋਵੇਗੀ |

ਨਾਬਾਲਗ ਨਾਲ ਜਬਰ ਜਨਾਹ ਮਾਮਲੇ 'ਚ

ਆਸਾਰਾਮ ਖਿਲਾਫ਼ ਦੋਸ਼ ਆਇਦ


ਜੋਧਪੁਰ, 8 ਫਰਵਰੀ - ਆਪਣੇ ਆਸ਼ਰਮ ਵਿਚ ਇਕ ਨਾਬਾਲਗ ਲੜਕੀ ਦੇ ਜਿਣਸੀ ਸ਼ੋਸ਼ਣ ਮਾਮਲੇ ਵਿਚ ਅੱਜ ਆਸਾਰਾਮ ਖਿਲਾਫ਼ ਜੋਧਪੁਰ ਦੀ ਅਦਾਲਤ ਵਿਚ ਜਬਰ ਜਨਾਹ, ਅਪਰਾਧਕ ਸਾਜ਼ਿਸ਼ ਤੇ ਦੂਸਰੇ ਜੁਰਮਾਂ ਤਹਿਤ ਦੋਸ਼ ਆਇਦ ਕੀਤੇ ਗਏ | ਜ਼ਿਲ੍ਹਾ ਅਤੇ ਸੈਸ਼ਨ ਜੱਜ ਮਨੋਜ ਕੁਮਾਰ ਵਿਆਸ ਨੇ 72 ਸਾਲਾ ਆਸਾਰਾਮ ਅਤੇ ਉਸ ਦੇ ਸਹਾਇਕਾਂ ਅਤੇ ਸਹਿਦੋਸ਼ੀ ਸੰਚਿਤਾ ਗੁਪਤਾ ਉਰਫ ਸ਼ਿਲਪੀ ਅਤੇ ਸ਼ਰਦ ਚੰਦਰ ਖਿਲਾਫ਼ ਬਾਲ ਮਜਦੂਰੀ ਨਾਲ ਸਬੰਧਤ ਨਾਬਾਲਗ ਨਿਆਂ ਕਾਨੂੰਨ ਦੀ ਧਾਰਾ 26 ਤੋਂ ਬਿਨਾਂ ਪੁਲਿਸ ਵੱਲੋਂ ਧਾਰਾ 342, 370, 376, 506, 509, 34 ਅਤੇ 120 ਤਹਿਤ ਲਾਏ ਸਾਰੇ ਦੋਸ਼ਾਂ ਨੂੰ ਬਰਕਰਾਰ ਰੱਖਿਆ ਹੈ | ਇਨ੍ਹਾਂ ਦੋਸ਼ਾਂ ਤਹਿਤ ਉਮਰ ਕੈਦ ਦੀ ਸਜ਼ਾ ਹੋ ਸਕਦੀ ਹੈ | ਸਰਕਾਰੀ ਵਕੀਲ ਆਰ. ਐਲ. ਮੀਨਾ ਨੇ ਦੱਸਿਆ ਕਿ ਅਦਾਲਤ ਨੇ ਨਾਬਾਲਗ ਨਿਆਂ ਕਾਨੂੰਨ ਦੀ ਧਾਰਾ 26 ਤੋਂ ਆਸਾਰਾਮ, ਸ਼ਿਲਪੀ ਅਤੇ ਸ਼ਰਦ ਨੂੰ ਛੋਟ ਦੇ ਦਿੱਤੀ ਹੈ ਜਿਹੜਾ ਕਿ ਜ਼ਮਾਨਤਯੋਗ ਅਪਰਾਧ ਹੈ | ਅਦਾਲਤ ਹੁਣ 13 ਫਰਵਰੀ ਨੂੰ ਮਾਮਲੇ ਦੀ ਸੁਣਵਾਈ ਕਰੇਗੀ | ਰੱਖਿਆ ਪੱਖ ਦੇ ਵਕੀਲ ਪ੍ਰਦੀਪ ਚੌਧਰੀ ਦਾ ਕਹਿਣਾ ਕਿ ਉਹ ਹੁਕਮ ਖਿਲਾਫ਼ ਪਟੀਸ਼ਨ ਦਾਇਰ ਕਰਨ 'ਤੇ ਵਿਚਾਰ ਕਰ ਰਹੇ ਹਨ | ਪਿਛਲੇ ਸਾਲ ਅਗਸਤ ਮਹੀਨੇ ਵਿਚ ਗਿ੍ਫ਼ਤਾਰੀ ਦੇ ਸਮੇਂ ਤੋਂ ਆਸਾਰਾਮ ਜੇਲ੍ਹ ਵਿਚ ਹਨ |


<< Start < Prev 1 2 3 4 5 6 7 8 9 10 Next > End >>

ਮੁੱਖ ਖ਼ਬਰਾਂ : 

ਖੇਡ ਖ਼ਬਰਾ : 

ਅੰਤਰਰਾਸ਼ਟਰੀ ਖ਼ਬਰਾ : 

ਪੰਜਾਬ ਖ਼ਬਰਾਂ : 

ਨਵੇਂ ਲੇਖ : 

 

 

Random Video 

Receive Newsletter & Updates 

Sample Newsletter


Receive HTML?

Advertisement
Advertisement
Advertisement
maillot de foot pas cher maillot de foot pas cher maillot de foot pas cher maillot de foot pas cher maillot de foot pas cher scarpe nike air max outlet scarpe nike air max outlet scarpe nike air max outlet scarpe nike air max outlet scarpe nike air max outlet scarpe nike air max outlet nike tn pas cher nike tn pas cher nike tn pas cher nike tn pas cher air max pas cher air max pas cher stone island outlet stone island outlet stone island outlet stone island outlet stone island outlet stone island outlet barbour paris barbour paris barbour paris barbour paris barbour paris piumini peuterey outlet piumini peuterey outlet piumini peuterey outlet piumini peuterey outlet piumini peuterey outlet canada goose pas cher canada goose pas cher canada goose pas cher canada goose pas cher canada goose pas cher canada goose pas cher woolrich outlet online piumini woolrich outlet moncler outlet online moncler outlet piumini moncler outlet moncler outlet online peuterey outlet online peuterey outlet pop canvas art mcm outlet online moose knuckles outlet