Advertisement

Punjab News 
{jd_file showunpublished==on} {jd_file onlinelayout==Shadow} {jd_file latest==3}

ਖੱਲ੍ਹੇ ਅਸਮਾਨ ਹੇਠ ਪਿਆ ਅਨਾਜ
ਐਫਸੀਆਈ ਤੋਂ ਬਿਨਾਂ ਕਿਸੇ ਏਜੰਸੀ ਕੋਲ ਨਹੀਂ ਪੱਕਾ ਗੁਦਾਮ

ਫਰੀਦਕੋਟ 2 ਅਗਸਤ (ਵ.ਪ.)ਜ਼ਿਲ੍ਹੇ ਦੇ ਵੱਖ-ਵੱਖ ਗੁਦਾਮਾਂ ਚ ਖ਼ੁਰਾਕ ਏਜੰਸੀਆਂ ਦਾ ਕਰੀਬ 75 ਹਜ਼ਾਰ ਟਨ ਅਨਾਜ ਖੁੱਲ੍ਹੇ ਅਸਮਾਨ ਹੇਠ ਸੜ ਰਿਹਾ ਹੈ। ਅਨਾਜ ਦੀ ਸਾਂਭ-ਸੰਭਾਲ ਨਾ ਹੋਣ ਕਾਰਨ ਕਾਫੀ ਅਨਾਜ ਪਿਛਲੇ ਦਿਨੀਂ ਪਈਆਂ ਭਾਰੀ ਬਰਸਾਤਾਂ ਕਾਰਨ ਪ੍ਰਭਾਵਤ ਵੀ ਹੋਇਆ ਹੈ।
ਕੇਂਦਰੀ ਏਜੰਸੀ ਭਾਰਤੀ ਖੁਰਾਕ ਨਿਗਮ ਸਮੇਤ ਮਾਰਕਫੈਡ, ਪਨਸਪ, ਪੰਜਾਬ ਐਗਰੋ, ਵੇਅਰਹਾਊਸ ਅਤੇ ਪਨਗ੍ਰੇਨ ਦੇ ਜ਼ਿਲ੍ਹੇ ੱਚ 24 ਗੁਦਾਮ ਹਨ। ਐਫ ਸੀ ਆਈ ਨੂੰ ਛੱਡ ਕੇ ਕਿਸੇ ਵੀ ਏਜੰਸੀ ਕੋਲ ਬੰਦ ਗੋਦਾਮ ਨਹੀਂ। ਸਾਰੀਆਂ ਹੀ ਏਜੰਸੀਆਂ ਦੇ ਖੁੱਲ੍ਹੇ ਮੈਦਾਨ ੱਚ ਫੱਟਿਆਂ ਅਤੇ ਤਰਪਾਲਾਂ ਦੀ ਸਹਾਇਤਾ ਨਾਲ ਅਨਾਜ ਸਟੋਰ ਕੀਤਾ ਹੋਇਆ ਹੈ। ਗੁਦਾਮਾਂ ਦੀ ਕਮੀ ਨੂੰ ਦੇਖਦਿਆਂ ਹਰ ਸਾਲ ਸੀਜ਼ਨ ਤੋਂ ਪਹਿਲਾਂ ਏਜੰਸੀਆਂ ਨੇ ਗਰੰਟੀ ਯੋਜਨਾ ਦੇ ਤਹਿਤ ਫ਼ਰੀਦਕੋਟ ਅਤੇ ਜੈਤੋ ਵਿਖੇ ਆਪਣੇ ਓਪਨ ਸਟੋਰਾਂ ਦਾ ਨਿਰਮਾਣ ਵੀ ਕਰਵਾਇਆ ਹੈ। ਸੂਤਰਾਂ ਮੁਤਾਬਕ ਪਨਗ੍ਰੇਨ ਦੀਆਂ 3 ਲੱਖ 28 ਹਜ਼ਾਰ ਅਨਾਜ ਦੀਆਂ ਬੋਰੀਆਂ ਖੁੱਲ੍ਹੇ ਮੈਦਾਨ ੱਚ ਅਸਮਾਨ ਹੇਠਾਂ ਪਈਆਂ ਹਨ ਜਿੰਨ੍ਹਾਂ ਨੂੰ ਤਰਪਾਲ ਦੀ ਸਹਾਇਤਾ ਨਾਲ ਸੰਭਾਲਣ ਦੀ ਕੋਸ਼ਿਸ਼ ਕੀਤੀ ਗਈ ਹੈ, ਕਾਫੀ ਬੋਰੀਆਂ ਨੂੰ ਤਰਪਾਲ ਵੀ ਨਸੀਬ ਨਹੀਂ ਹੋਈ ਹੈ ਜਿਸ ਕਾਰਨ ਕਾਫੀ ਬੋਰੀਆਂ ਮੌਸਮ ਕਾਰਨ ਖ਼ਰਾਬ ਵੀ ਹੋ ਗਈਆਂ ਹਨ। ਇਹੀ ਹਾਲਤ ਵੇਅਰਹਾਊਸ ਦੇ ਗੁਦਾਮਾਂ ਦੀ ਹੈ। ਉਸਦੇ ਗੁਦਾਮਾਂ ੱਚ ਮੌਜੂਦ 4 ਲਖ 32 ਹਜ਼ਾਰ ਅਨਾਜ ਦੀ ਬੋਰੀ ਖੁੱਲ੍ਹੇ ਅਸਮਾਨ ਹੇਠਾਂ ਹੀ ਪਈ ਹੈ। ਬਾਰਸ਼ਾਂ ਕਾਰਨ ਜ਼ਿਆਦਾਤਰ ਅਨਾਜ ਖ਼ਰਾਬ ਹੋ ਚੁੱਕਾ ਹੈ। ਮਾਰਕਫੈਡ, ਪਨਸਪ ਅਤੇ ਪੰਜਾਬ ਐਗਰੋ ਏਜੰਸੀਆਂ ਦੀਆਂ ਵੀ ਹਜ਼ਾਰਾਂ ਬੋਰੀਆਂ ਖੁੱਲ੍ਹੇ ਅਸਮਾਨ ਹੇਠ ਹੀ ਹਨ। ਕਈਆਂ ਏਜੰਸੀਆਂ ਨੂੰ ਅਨਾਜ਼ ਦੀ ਸਾਂਭ-ਸੰਭਾਲ ਲਈ ਮਿਲਣ ਵਾਲੀਆਂ ਤਰਪਾਲਾਂ ਅਜੇ ਤੱਕ ਵੀ ਨਹੀਂ ਮਿਲੀਆਂ। ਜ਼ਿਲ੍ਹਾ ਖੁਰਾਕ ਕੰਟਰੋਲਰ ਜੰਗੀਰ ਸਿੰਘ ਦਾ ਕਹਿਣਾ ਹੈ ਕਿ ਖਾਦ ਏਜੰਸੀਆਂ ਦੇ ਗੁਦਾਮਾਂ ੱਚ ਰੱਖੇ ਗਏ ਅਨਾਜ ਦੀ ਸਾਂਭ-ਸੰਭਾਲ ਦੀ ਜ਼ਿੰਮੇਵਾਰੀ ਅਧਿਕਾਰੀਆਂ ਨੂੰ ਸੌਂਪੀ ਗਈ ਹੈ। ਅਨਾਜ ਖਰਾਬ ਹੋਣ ਦੀ ਸੂਰਤ ਵਿੱਚ ਸਬੰਧਤ ਅਧਿਕਾਰੀ ਹੀ ਜ਼ਿੰਮੇਵਾਰ ਹੋਣਗੇ। ਉਨ੍ਹਾਂ ਦਾਅਵਾ ਕੀਤਾ ਕਿ ਜਿਹੜਾ ਅਨਾਜ ਖੁੱਲ੍ਹੇ ਅਸਮਾਨ ਹੇਠ ਪਿਆ ਉਸਦੀ ਉਹਨ੍ਹਾਂ ਵੱਲੋਂ ਠੀਕ ਢੰਗ ਨਾਲ ਸੰਭਾਲ ਕੀਤੀ ਜਾ ਰਹੀ ਹੈ।

ਪਟਿਆਲਾ ਚ ਗੋਲੀ ਚੱਲੀ-ਇਕ ਜ਼ਖ਼ਮੀ

ਅੱਜ ਰਾਜਪੁਰਾ ਰੋਡ ਸਥਿਤ ਹੋਟਲ ਦੇ ਬਾਹਰ ਹੋਈ ਗੋਲੀਬਾਰੀ ਨੇ ਸ਼ਹਿਰ ਵਿਚ ਡਰ ਦਾ ਮਾਹੌਲ ਪੈਦਾ ਕਰ ਦਿੱਤਾ ਅਤੇ ਪੁਲਿਸ ਵੱਲੋਂ ਇਸ ਦੀ ਪੜਤਾਲ ਕੀਤੀ ਜਾ ਰਹੀ ਹੈ। ਅੱਖੀਂ ਦੇਖਣ ਵਾਲਿਆਂ ਦਾ ਕਹਿਣਾ ਹੈ ਕਿ ਹੋਟਲ ਵਿਚ ਰਹਿ ਰਹੇ ਤਿੰਨ ਬੰਦਿਆਂ ਨੂੰ ਸ਼ੱਕੀ ਹਾਲਤ ਵਿਚ ਕੁਝ ਹਥਿਆਰਬੰਦ ਗੋਲੀਬਾਰੀ ਦੀ ਘਟਨਾ ਤੋਂ ਪਿਛੋਂ ਆਪਣੇ ਨਾਲ ਹੀ ਲੈ ਗਏ ਹਨ। ਸੂਤਰਾਂ ਅਨੁਸਾਰ ਅੱਜ ਰਾਜਪੁਰਾ ਰੋਡ ੱਤੇ ਸਥਿਤ ਹੋਟਲ ਲੋਚਮ ਵਿਚ ਰਹਿੰਦੇ ਤਿੰਨ ਵਿਅਕਤੀ ਸਵੇਰੇ 10 ਵਜੇ ਇਥੋਂ ਜਾਣ ਲੱਗੇ ਤਾਂ ਅਚਾਨਕ ਗੋਲੀਬਾਰੀ ਦੀ ਘਟਨਾ ਵਾਪਰ ਗਈ। ਇਸ ਵਿਚ ਇਕ ਬੰਦਾ ਫੱਟੜ ਹੋ ਗਿਆ ਜਿਸ ਨੂੰ ਬਾਹਰੋਂ ਆਏ ਵਿਅਕਤੀ ਆਪਣੇ ਨਾਲ ਹੀ ਲੈ ਗਏ। ਇਸ ਘਟਨਾ ਦੀ ਖ਼ਬਰ ਮਿਲਦਿਆਂ ਹੀ ਐੱਸ. ਐੱਸ. ਪੀ. ਪਟਿਆਲਾ ਸ: ਰਣਬੀਰ ਸਿੰਘ ਖੱਟੜਾ ਟੀਮ ਨਾਲ ਮੌਕੇ ੱਤੇ ਪਹੁੰਚ ਗਏ। ਉਨ੍ਹਾਂ ਨੇ ਦੱਸਿਆ ਕਿ ਇਸ ਸਬੰਧੀ ਹੋਟਲ ਦੇ ਮੈਨੇਜਰ, ਵੇਟਰ ਅਤੇ ਰੂਮ ਸਰਵਿਸ ਵਾਲੇ ਤੋਂ ਵੀ ਪੁੱਛਗਿੱਛ ਕੀਤੀ ਹੈ ਅਤੇ ਹੋਟਲ ਦੇ ਰਿਕਾਰਡ ਅਨੁਸਾਰ ਇਥੇ ਰਾਤ ਨੂੰ ਰਹਿਣ ਵਾਲੇ ਨੇ ਆਪਣੀ ਸ਼ਨਾਖਤ ਪ੍ਰਦੀਪ ਠਾਕੁਰ ਪੁੱਤਰ ਪ੍ਰੇਮ ਸਿੰਘ ਠਾਕੁਰ ਵਾਸੀ ਕਰਨਾਲ ਦਰਸਾਈ ਹੈ ਪਰ ਜਦੋਂ ਇਸ ਪਤੇ ਬਾਰੇ ਹਰਿਆਣਾ ਪੁਲਿਸ ਨਾਲ ਸੰਪਰਕ ਕੀਤਾ ਤਾਂ ਪਤਾ ਲੱਗਾ ਇਹ ਪਤਾ ਜਾਅਲੀ ਹੈ।


<< Start < Prev 331 332 333 334 335 Next > End >>

ਮੁੱਖ ਖ਼ਬਰਾਂ : 

ਖੇਡ ਖ਼ਬਰਾ : 

ਪੰਜਾਬ ਖ਼ਬਰਾਂ : 

ਨਵੇਂ ਲੇਖ : 

 

Random Video 

Latest Added Magzine 

Advertisement

Advertisement
Advertisement
Advertisement