Advertisement

International News 

‘ਆਪ’ ਦੀ ਰੈਲੀ ਦੌਰਾਨ

ਕਿਸਾਨ ਵੱਲੋਂ ਖ਼ੁਦਕੁਸ਼ੀ


ਨਵੀਂ  ਦਿੱਲੀ,23 ਅਪਰੈਲ-ਇਥੇ ‘ਆਪ’ ਦੀ ਰੈਲੀ ਦੌਰਾਨ ਇਕ ਕਿਸਾਨ ਨੇ ਖ਼ੁਦਕੁਸ਼ੀ ਕਰ ਲਈ। ੳੁਸ ਦੀ ਪਛਾਣ ਰਾਜਸਥਾਨ ਵਾਸੀ ਗਜਿੰਦਰ ਸਿੰਘ ਵਜੋਂ ਹੋਈ ਹੈ। ਕੇਂਦਰੀ ਗ੍ਰਹਿ ਮੰਤਰੀ ਰਾਜਨਾਥ ਸਿੰਘ ਨੇ ਮਾਮਲੇ ਦੀ ਜਾਂਚ ਦੇ ਹੁਕਮ ਦਿੱਤੇ ਹਨ। ਰੈਲੀ ਦੌਰਾਨ ਦੁਪਹਿਰੇ 2 ਵਜੇ ਗਜਿੰਦਰ ਸਿੰਘ ਮੀਡੀਆ ਲਈ ਬਣੀ ਥਾਂ ਨੇੜੇ ਸੱਜੇ ਪਾਸੇ ਖੜਹੇ ਨਿੰਮ ਦੇ ਦਰੱਖ਼ਤ ਉਪਰ ਚੜ੍ਹ ਗਿਆ। ੳੁਸ ਨੇ ਆਪਣੇ ਚਿੱਟੇ ਰੰਗ ਦੇ ਸਾਫ਼ੇ ਨੂੰ ਨਿੰਮ ਦੇ ਟਾਹਣੇ ਨਾਲ ਬੰਨ੍ਹ ਲਿਆ। ਪਹਿਲਾਂ ਉਸ ਨੇ ਕੁਝ ਨਾਅਰੇ ਲਾਏ ਤੇ ਫਿਰ ਯਕਦਮ ਲਟਕ ਗਿਆ। ਉਸ ਨੂੰ ਤੁਰੰਤ ਨੇੜੇ ਦੇ ਰਾਮ ਮਨੋਹਰ ਲੋਹੀਆ ਹਸਪਤਾਲ ਲੈ ਜਾਇਆ ਗਿਆ, ਜਿੱਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ। ੳੁਸ ਕੋਲੋਂ ਖ਼ੁਦਕੁਸ਼ੀ ਨੋਟ ਵੀ ਬਰਾਮਦ ਹੋਇਆ, ਜਿਸ ਵਿੱਚ ਉਸ ਨੇ ਆਪਣੇ ਪਰਿਵਾਰ ਦਾ ਫੋਨ ਨੰਬਰ ਵੀ ਲਿਖਿਆ ਸੀ। ਇਸ ਬਾਰੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਕਿਹਾ ਕਿ ਜੇ ਰਾਜਸਥਾਨ ਸਰਕਾਰ ਉਸ ਕਿਸਾਨ ਨੂੰ ਸਹੀ ਮੁਆਵਜ਼ਾ ਦੇ ਦਿੰਦੀ ਤਾਂ ਸ਼ਾਇਦ ਇਹ ਘਟਨਾ ਨਾ ਵਾਪਰਦੀ। ਜਦੋਂ ਉਹ ਹਸਪਤਾਲ ਗਏ ਤਾਂ ਉਦੋਂ ਤੱਕ ਡਾਕਟਰਾਂ ਨੇ ਗਜਿੰਦਰ ਸਿੰੰਘ ਨੂੰ ਮ੍ਰਿਤਕ ਐਲਾਨ ਦਿੱਤਾ ਸੀ। ਇਸ ਦੌਰਾਨ ਕੇਂਦਰੀ ਗ੍ਰਹਿ ਮੰਤਰੀ ਰਾਜਨਾਥ ਸਿੰਘ ਨੇ ਦਿੱਲੀ ਪੁਲੀਸ ਦੇ ਕਮਿਸ਼ਨਰ ਬੀ.ਐਸ. ਬੱਸੀ ਨੂੰ ਕਿਹਾ ਕਿ ਇਸ ਮਾਮਲੇ ਦੀ ਜਾਂਚ ਕੀਤੀ ਜਾਵੇ। ਕਮਿਸ਼ਨਰ ਨੇ ਤੁਰੰਤ ਨਵੀਂ ਦਿੱਲੀ ਰੇਂਜ ਦੇ ਸੰੰਯੁਕਤ ਪੁਲੀਸ ਕਮਿਸ਼ਨਰ ਨੂੰ ਜਾਂਚ ਲੲੀ ਕਹਿ ਦਿੱਤਾ। ਇਸ ਮੁੱਦੇ ’ਤੇ ਸਿਆਸੀ ਦੂਸ਼ਣਬਾਜ਼ੀ ਵੀ ਸ਼ੁਰੂ ਹੋ ਗੲੀ ਹੈ। ‘ਆਪ’ ਤੇ ਭਾਜਪਾ ਵੱਲੋਂ ਇਕ ਦੂਜੇ ੳੁਤੇ ਦੋਸ਼ ਲਾਏ ਜਾ ਰਹੇ ਹਨ। ਕਾਂਗਰਸ ਨੇ ਗਜਿੰਦਰ ਸਿੰਘ ਦੀ ਮੌਤ ਲੲੀ ‘ਆਪ’ ਤੇ ‘ਭਾਜਪਾ’ ਦੋਵਾਂ ੳੁਤੇ ਨਿਸ਼ਾਨਾ ਸਾਧਿਆ।

 

ਰਾਹੁਲ ਗਾਂਧੀ ਦੀਅਾਂ

ਛੁੱਟੀਅਾਂ ਖ਼ਤਮ, ਘਰ ਪਰਤੇ

ਨਵੀਂ ਦਿੱਲੀ, 17 ਅਪਰੈਲ-ਕਾਂਗਰਸ ੳੁਪ ਪ੍ਰਧਾਨ ਰਾਹੁਲ ਗਾਂਧੀ 56 ਦਿਨਾਂ ਦੀਅਾਂ ਛੁੱਟੀਅਾਂ ਤੋਂ ਬਾਅਦ ਅੱਜ ਘਰ ਪਰਤ ਅਾੲੇ ਹਨ। ੳੁਨ੍ਹਾਂ ਲੲੀ ਅਾੳੁਣ ਵਾਲੇ ਦਿਨ ਚੁਣੌਤੀਅਾਂ ਭਰੇ ਜਾਪਦੇ ਹਨ ਪਰ ਲਗਾਤਾਰ ਹਾਰਾਂ ਤੋਂ ਬਾਅਦ ਝੰਬੇ ਕਾਂਗਰਸੀਅਾਂ ਨੂੰ ਭਰੋਸਾ ਹੈ ਕਿ ਰਾਹੁਲ ਗਾਂਧੀ (44) ਪਾਰਟੀ ਨੂੰ ਮੁੜ ਪੈਰਾਂ ਸਿਰ ਕਰ ਦੇਣਗੇ।
ਸ੍ਰੀ ਗਾਂਧੀ ਅੱਜ ਸਵੇਰੇ ਸਵਾ 11 ਵਜੇ ਥਾੲੀ ੲੇਅਰਵੇਜ਼ ਦੀ ੳੁਡਾਣ ਰਾਹੀਂ ਬੈਂਕਾਕ ਤੋਂ ੲਿਥੇ ਪੁੱਜੇ। ਪਾਰਟੀ ਵਰਕਰਾਂ ਨੇ ੳੁਨ੍ਹਾਂ ਦੀ ਰਿਹਾੲਿਸ਼ ਦੇ ਬਾਹਰ ਅਾਤਿਸ਼ਬਾਜ਼ੀ ਚਲਾ ਕੇ ਅਤੇ ਢੋਲ ਵਜਾ ਕੇ ੳੁਨ੍ਹਾਂ ਦੀ ਅਾਮਦ ’ਤੇ ਜਸ਼ਨ ਮਨਾੲੇ। ਰਾਹੁਲ ਗੱਡੀ ਦੀ ਪਿਛਲੀ ਸੀਟ ’ਤੇ ਬੈਠੇ ਹੋੲੇ ਸਨ। ੳੁਹ ਪੱਤਰਕਾਰਾਂ ਨਾਲ ਗੱਲਬਾਤ ਕੀਤੇ ਬਿਨਾਂ ਹੀ 12 ਤੁਗਲਕ ਲੇਨ ਸਥਿਤ ਰਿਹਾੲਿਸ਼ ਅੰਦਰ ਦਾਖ਼ਲ ਹੋ ਗੲੇ। ਘਰ ਅੰਦਰ ੳੁਨ੍ਹਾਂ ਦੀ ਮਾਤਾ ਅਤੇ ਕਾਂਗਰਸ ਪ੍ਰਧਾਨ ਸੋਨੀਅਾ ਗਾਂਧੀ ਤੇ ਭੈਣ ਪ੍ਰਿਅੰਕਾ ਗਾਂਧੀ ੳੁਡੀਕ ਕਰ ਰਹੇ ਸਨ।ੲਿਹ ਅਜੇ ਤਕ ਨਹੀਂ ਪਤਾ ਲਗ ਸਕਿਅਾ ਕਿ ੳੁਹ ਛੁੱਟੀਅਾਂ ਕਿਥੇ ਬਿਤਾੳੁਣ ਗੲੇ ਸਨ। ਸੰਸਦ ਦੇ ਬਜਟ ੲਿਜਲਾਸ ਤੋਂ ੲਿਕ ਦਿਨ ਪਹਿਲਾਂ ਰਾਹੁਲ ਗਾਂਧੀ ਛੁੱਟੀ ਲੈ ਕੇ ਚਲੇ ਗੲੇ ਸਨ। ੳੁਸ ਸਮੇਂ ਕਾਂਗਰਸ ਨੇ ਕਿਹਾ ਸੀ ਕਿ ੳੁਹ ਤਰੋ ਤਾਜ਼ਾ ਹੋਣ ਲੲੀ ਗੲੇ ਹਨ। ਹੁਣ ੳੁਨ੍ਹਾਂ ਦੇ ਅੈਤਵਾਰ ਨੂੰ ਕਾਂਗਰਸ ਵੱਲੋਂ ਕਿਸਾਨਾਂ ਦੇ ਹੱਕ ’ਚ ਕੀਤੀ ਜਾ ਰਹੀ ਰੈਲੀ ’ਚ ਸ਼ਾਮਲ ਹੋਣ ਦੀ ਸੰਭਾਵਨਾ ਹੈ।ੳੁਧਰ ਭਾਜਪਾ ਨੇ ਰਾਹੁਲ ਗਾਂਧੀ ਦੀ ਵਾਪਸੀ ਦਾ ਸਵਾਗਤ ਤਨਜ਼ ਕਸਦਿਅਾਂ ਕੀਤਾ ਅਤੇ ਕਿਹਾ ਕਿ ੳੁਹ ਲੋਕਾਂ ਨੂੰ ਜਵਾਬ ਦੇਣ ਕਿ ੳੁਹ ਸਿਅਾਸਤ ’ਚ ਰਹਿਣਾ ਚਾਹੁੰਦੇ ਹਨ ਜਾਂ ਨਹੀਂ। ਪਾਰਟੀ ਤਰਜਮਾਨ ਸੰਬਿਤ ਪਾਤਰਾ ਨੇ ਕਿਹਾ ਕਿ ਕਾਂਗਰਸ ਪਾਰਟੀ ਅਤੇ ਰਾਹੁਲ ਅਾਪਣੇ ਅਾਪਣੇ ਭਵਿੱਖ ਨੂੰ ਲੈ ਕੇ ਦੁਚਿੱਤੀ ’ਚ ਹਨ। ਭਾਜਪਾ ਅਾਗੂ ਮੁਖਤਾਰ ਅੱਬਾਸ ਨਕਵੀ ਨੇ ਕਿਹਾ ਕਿ ਕਾਂਗਰਸ ਲੲੀ ੲਿਹ ਚਿੰਤਾ ਵਾਲੀ ਗੱਲ ਹੈ ਕਿ ਰਾਹੁਲ ਕਦੇ ਗਾੲਿਬ ਅਤੇ ਮੁੜ ਹਾਜ਼ਰ ਹੋ ਜਾਂਦੇ ਹਨ। ਸ਼ਿਵ ਸੈਨਾ ਅਾਗੂ ਸੰਜੈ ਰਾੳੂਤ ਨੇ ਕਿਹਾ ਕਿ ਰਾਹੁਲ ਨੂੰ ਦੇਸ਼ ਦੀ ਫਿਕਰ ਛੱਡ ਕੇ ਅਾਪਣੀ ਪਾਰਟੀ ਅਤੇ ਅਾਪਣੇ ਬਾਰੇ ਚਿੰਤਾ ਕਰਨੀ ਚਾਹੀਦੀ ਹੈ।

 

ਬਾਬਰੀ ਕੇਸ ’ਚ ਅਡਵਾਨੀ

ਤੇ ਹੋਰਾਂ ਨੂੰ ਨੋਟਿਸ

ਨਵੀਂ ਦਿੱਲੀ,01 ਅਪ੍ਰੈਲ-ਸੁਪਰੀਮ ਕੋਰਟ ਨੇ 6 ਫਰਵਰੀ 1992 ’ਚ ਬਾਬਰੀ ਮਸਜਿਦ ਢਾਹੁਣ ਦੇ ਮਾਮਲੇ ਵਿਚ ਭਾਜਪਾ ਦੇ ਸੀਨੀਅਰ ਨੇਤਾ ਐਲਕੇ ਅਡਵਾਨੀ, ਉਮਾ ਭਾਰਤੀ, ਮੁਰਲੀ ਮਨੋਹਰ ਜੋਸ਼ੀ, ਰਾਜਸਥਾਨ ਦੇ ਰਾਜਪਾਲ ਕਲਿਆਣ ਸਿੰਘ ਤੇ ਹੋਰਨਾਂ ਖਿਲਾਫ ਅਪਰਾਧਕ ਸਾਜ਼ਿਸ਼ ਰਚਨ ਦੇ ਦੋਸ਼ ਨੂੰ ਹਟਾਉਣ ਦਾ ਵਿਰੋਧ ਕਰਨ ਵਾਲੀ ਪਟੀਸ਼ਨ ਉਪਰ ਉਨ੍ਹਾਂ ਪਾਸੋਂ ਜੁਆਬ ਮੰਗਿਆ ਹੈ। ਚੀਫ ਜਸਟਿਸ ਐਚ ਐਲ ਦੱਤੂ ਤੇ ਜਸਟਿਸ ਏਕੇ ਮਿਸ਼ਰਾ ਦੇ ਬੈਂਚ ਨੇ ਬਾਬਰੀ ਮਸਜਿਦ ਮਾਮਲੇ ਦੇ ਇਕ ਪਟੀਸ਼ਨਰ ਹਾਜੀ ਮਹਿਬੂਬ ਅਹਿਮਦ ਵੱਲੋਂ ਦਾਇਰ ਇਕ ਪਟੀਸ਼ਨ ਉਪਰ ਭਾਜਪਾ ਨੇਤਾਵਾਂ  ਤੇ ਸੀਬੀਆਈ ਨੂੰ ਚਾਰ ਹਫਤਿਆਂ ਲਈ ਨੋਟਿਸ ਭੇਜਿਆ ਹੈ।
ਅਹਿਮਦ ਨੇ ਪਟੀਸ਼ਨ ਰਾਹੀਂ ਦੋਸ਼ ਲਾਇਆ ਹੈ ਕਿ ਕੇਂਦਰ ਵਿਚ ਸਰਕਾਰ ਬਦਲਣ ਨਾਲ ਸੀਬੀਆਈ ਆਪਣਾ ਰੁਖ ਨਰਮ ਕਰ ਸਕਦੀ ਹੈ।
ਇਸ ਤੋਂ ਪਹਿਲਾਂ ਸੀਬੀਆਈ ਬਾਬਰੀ ਮਸਜਿਦ ਡੇਗਣ ਮਾਮਲੇ ਵਿਚ ਅਡਵਾਨੀ ਤੇ 20 ਹੋਰਨਾਂ ਖਿਲਾਫ ਸਾਜ਼ਿਸ਼ ਰਚਨ ਦੇ ਦੋਸ਼ਾਂ ਨੂੰ ਹਟਾਉਣ ਸਬੰਧੀ ਅਲਾਹਾਬਾਦ ਹਾਈ ਕੋਰਟ ਦੇ ਫੈਸਲੇ ਖਿਲਾਫ ਸੁਪਰੀਮ ਕੋਰਟ ਗਈ ਸੀ। ਸੀਬੀਆਈ ਨੇ ਅੱਜ ਸੁਣਵਾਈ ਦੌਰਾਨ ਮਾਮਲੇ ਵਿਚ ਅਪੀਲ ਦਾਇਰ ਕਰਨ ਵਿਚ ਹੋਈ ਦੇਰੀ ਸਬੰਧੀ ਤਾਜ਼ਾ ਹਲਫਨਾਮਾ ਦਾਇਰ ਕਰਨ ਲਈ ਸਮਾਂ ਮੰਗਿਆ ਹੈ। ਅਦਾਲਤ ਨੇ ਜਾਂਚ ਏਜੰਸੀ ਦੀ ਅਰਜ਼ੀ ਮਨਜ਼ੂਰ ਕਰਦਿਆਂ ਉਸ ਨੂੰ ਜੁਆਬ ਦੇਣ ਲਈ ਚਾਰ ਹਫਤਿਆਂ ਦਾ ਸਮਾਂ ਦੇ ਦਿੱਤਾ।
ਇਸ ਤੋਂ ਪਹਿਲਾਂ ਸੁਪਰੀਮ ਕੋਰਟ ਨੇ ਅਲਾਹਬਾਦ ਹਾਈ ਕੋਰਟ ਦੇ ਹੁਕਮ ਖਿਲਾਫ ਅਪੀਲ ਦਰਜ ਕਰਨ ਵਿਚ ਦੇਰੀ ਲਈ ਸੀਬੀਆਈ ਦੀ ਖਿਚਾਈ ਕੀਤੀ।
ਸੀਬੀਆਈ ਨੇ ਹਾਈ ਕੋਰਟ ਵੱਲੋਂ 21 ਮਈ 2010 ਨੂੰ ਸੁਣਾਏ ਗਏ ਫੈਸਲੇ ਨੂੰ ਸੁਪਰੀਮ ਕੋਰਟ ਵਿਚ ਚੁਣੌਤੀ ਦਿੱਤੀ ਸੀ। ਹਾਈ ਕੋਰਟ ਨੇ ਨੇਤਾਵਾਂ ਖਿਲਾਫ ਦੋਸ਼ ਹਟਾਉਣ ਦੇ ਵਿਸ਼ੇਸ਼ ਅਦਾਲਤ ਦੇ ਫੈਸਲੇ ਨੂੰ ਬਰਕਰਾਰ ਰੱਖਿਆ ਸੀ। ਹਾਈ ਕੋਰਟ ਨੇ ਆਪਣੇ ਫੈਸਲੇ ਵਿਚ ਸੀਬੀਆਈ ਦੀ ਵਿਸ਼ੇਸ਼ ਅਦਾਲਤ ਦੇ ਉਸ ਫੈਸਲੇ ਨੂੰ ਬਰਕਰਾਰ ਰੱਖਿਆ ਸੀ, ਜਿਸ ਵਿਚ ਅਡਵਾਨੀ, ਕਲਿਆਣ ਸਿੰਘ, ਉਮਾ ਭਾਰਤੀ, ਵਿਨੈ ਕਟਿਆਰ ਤੇ ਮੁਰਲੀ ਮਨੋਹਰ ਜੋਸ਼ੀ ਉਪਰ ਲੱਗੇ ਸਾਜ਼ਿਸ਼ ਰਚਨ ਦੇ ਦੋਸ਼ਾਂ ਨੂੰ ਹਟਾ ਦਿੱਤਾ ਗਿਆ ਸੀ। ਇਸ ਤੋਂ ਇਲਾਵਾ ਸਤੀਸ਼ ਪ੍ਰਧਾਨ, ਸੀ ਆਰ ਬਾਂਸਲ, ਅਸ਼ੋਕ ਸਿੰਘਲ, ਗਿਰੀਰਾਜ ਕਿਸ਼ੋਰ, ਸਾਧਵੀ ਰਿਤੰਭਰਾ, ਵੀ ਐਚ ਡਾਲਮੀਆ, ਮਹੰਤ ਅਵੈਧਨਾਥ, ਵੀ ਆਰ ਵੇਦਾਂਤੀ,ਪਰਮ ਹੋਸ ਰਾਮ ਚੰਦਰ ਦਾਸ,  ਜਗਦੀਸ਼ ਮੁਨੀ ਮਹਾਰਾਜ, ਬੀ ਐਲ ਸ਼ਰਮਾ, ਨਰਿਤਿਆ ਗੋਪਾਲ ਦਾਸ, ਧਰਮ ਦਾਸ, ਸਤੀਸ਼ ਕੁਮਾਰ ਤੇ ਮੋਰੇਸ਼ਵਰ ਸਾਵੇ ਖਿਲਾਫ ਵੀ ਦੋਸ਼ ਹਟਾ ਦਿੱਤੇ ਗਏ ਸਨ। ਬਾਲ ਠਾਕਰੇ ਦੀ ਮੌਤ ਕਾਰਨ ਉਨ੍ਹਾਂ ਦਾ ਨਾਮ ਮੁਲਜ਼ਮਾਂ ਵਿਚੋਂ ਕੱਟ ਦਿੱਤਾ ਗਿਆ ਸੀ। ਇਸ ਮਾਮਲੇ ’ਤੇ ਸੀਬੀਆਈ ਵੱਲੋਂ ਪੇਸ਼ ਅਡੀਸ਼ਨਲ ਸੋਲਿਸਟਰ ਜਨਰਲ ਐਨ ਕੇ ਕੌਲ ਨੇ ਅੱਜ ਬੈਂਚ ਨੂੰ ਕਿਹਾ ਕਿ ਕੇਂਦਰ ਨੇ ਇਕ ਸਾਲ ਪਹਿਲਾਂ, ਜਦੋਂ ਯੂਪੀਏ ਸਰਕਾਰ ਸੱਤਾ ਵਿਚ ਸੀ, ਉਦੋਂ ਹਲਫਨਾਮਾ ਦਾਖਲ ਕੀਤਾ ਸੀ ਤੇ ਉਹ ਉਸ ਬਾਰੇ ਬਹਿਸ ਲਈ ਤਿਆਰ ਹੈ। ਪਰ ਉਨ੍ਹਾਂ ਇਹ ਨਹੀਂ ਦੱਸਿਆ ਕਿ ਇਸ ਮਾਮਲੇ ਵਿਚ ਸੀਬੀਆਈ ਦੇ ਸਟੈਂਡ ਵਿਚ ਕੋਈ ਤਬਦੀਲੀ ਆਈ ਹੈ ਜਾਂ ਨਹੀਂ। ਹਾਈ ਕੋਰਟ ਨੇ 4 ਮਈ 2010 ਵਿਚ ਰਾਏ ਬਰੇਲੀ ਦੇ ਵਿਸ਼ੇਸ਼ ਜੱਜ ਵੱਲੋਂ ਸੁਣਾਏ ਉਸ ਫੈਸਲੇ ਨੂੰ ਬਰਕਰਾਰ ਰੱਖਿਆ ਸੀ, ਜਿਸ ਵਿਚ ਸ੍ਰੀ ਅਡਵਾਨੀ ਤੇ ਹੋਰਨਾਂ ਖਿਲਾਫ ਸਾਜ਼ਿਸ਼ ਰਚਨ ਦੇ ਦੋਸ਼ ਰੱਦ ਕਰ ਦਿੱਤੇ ਸਨ।
ਬਾਬਰੀ ਮਸਜਿਦ ਢਾਹੇ ਜਾਣ ਸਬੰਧੀ ਦੋ ਮਾਮਲੇ ਹਨ। ਇਕ ਮਾਮਲਾ ਅਡਵਾਨੀ ਤੇ ਉਨ੍ਹਾਂ ਹੋਰ ਲੋਕਾਂ ਖਿਲਾਫ ਹੈ, ਜੋ ਛੇ ਦਸੰਬਰ 1992 ਵਿਚ ਬਾਬਰੀ ਮਸਜਿਦ ਢਾਹੁਣ ਸਮੇਂ ਅਯੁੱਧਿਆ ਦੇ ਰਾਮ ਕਥਾ ਕੁੰਜ ਵਿਚ ਮੰਚ ’ਤੇ ਸਨ, ਜਦ ਕਿ ਦੂਜਾ ਮਾਮਲਾ ਉਨ੍ਹਾਂ ਲੱਖਾਂ ਅਣਪਛਾਤੇ ਕਾਰ ਸੇਵਕਾਂ ਖਿਲਾਫ ਹੈ, ਜੋ ਮਸਜਿਦ ਵਿਚ ਤੇ ਉਸ ਦੇ ਆਲੇ-ਦੁਆਲੇ ਸਨ।

ਮੋਦੀ ਦੀ ਹਾਜ਼ਰੀ ’ਚ ਮੁਲਾਇਮ-ਲਾਲੂ

ਦੇ ਰਿਸ਼ਤੇ ਹੋਏ ਹੋਰ ਗੂੜ੍ਹੇ


ਸੈਫਈ, 22 ਫਰਵਰੀ-ਸਮਾਜਵਾਦੀ ਪਾਰਟੀ ਸੁਪਰੀਮੋ ਮੁਲਾਇਮ ਸਿੰਘ ਯਾਦਵ ਦੇ ਪੋਤੇ ਤੇਜਪ੍ਰਤਾਪ ਯਾਦਵ ਅਤੇ ਆਰਜੇਡੀ ਮੁਖੀ ਲਾਲੂ ਪ੍ਰਸਾਦ ਯਾਦਵ ਦੀ ਬੇਟੀ ਰਾਜ ਲਕਸ਼ਮੀ ਦੇ ਵਿਆਹ ਸਮਾਗਮ  ਤੋਂ ਪਹਿਲਾਂ ਅੱਜ ਹੋਏ ਤਿਲਕ ਸਮਾਰੋਹ ’ਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਸਮੇਤ ਹੋਰ ਕਈ ਆਗੂਆਂ ਤੇ ਹਸਤੀਆਂ ਨੇ ਸ਼ਿਰਕਤ ਕੀਤੀ। ਸ੍ਰੀ ਯਾਦਵ ਨੇ ਸ੍ਰੀ ਮੋਦੀ ਨੂੰ ਸ਼ਾਲ ਭੇਟ ਕਰਕੇ ਉਨ੍ਹਾਂ ਦਾ ਨਿੱਘਾ ਸਵਾਗਤ ਕੀਤਾ। ਮੈਨਪੁਰੀ ਤੋਂ ਸੰਸਦ ਮੈਂਬਰ ਤੇਜ ਪ੍ਰਤਾਪ ਦੇ ਵਿਆਹ ਸਮਾਗਮ  ’ਚ ਮੋਦੀ ਕਰੀਬ ਪੌਣੇ ਘੰਟੇ ਤੱਕ ਹਾਜ਼ਰ ਰਹੇ। ਇਸ ਮੌਕੇ ਭਾਜਪਾ ਸੰਸਦ ਮੈਂਬਰ ਸਾਕਸ਼ੀ ਮਹਾਰਾਜ, ਅਮਰ ਸਿੰਘ, ਯੂਪੀ ਦੇ ਰਾਜਪਾਲ ਰਾਮ ਨਾਇਕ, ਜਨਤਾ ਦਲ (ਯੂ) ਪ੍ਰਧਾਨ ਸ਼ਰਦ ਯਾਦਵ, ਸਾਬਕਾ ਮੁੱਖ ਮੰਤਰੀ ਬਾਬੂ ਲਾਲ ਗੌੜ, ਰਘੂਵੰਸ਼ ਪ੍ਰਸਾਦ ਸਿੰਘ, ਨਰਾਇਣ ਦੱਤ ਤਿਵਾੜੀ, ਅਮਿਤਾਭ ਬੱਚਨ ਤੇ ਹੋਰ ਹਸਤੀਆਂ ਵੀ ਹਾਜ਼ਰ ਸਨ। ਤੇਜਪ੍ਰਤਾਪ ਅਤੇ ਰਾਜ ਲਕਸ਼ਮੀ ਦਾ 26 ਫਰਵਰੀ ਨੂੰ ਦਿੱਲੀ ’ਚ ਵਿਆਹ ਹੋਣਾ ਹੈ।

 

ਗੁਆਚੀ ਰੌਸ਼ਨੀ: ਰਿਪੋਰਟ ਦੋ

ਦਿਨਾਂ ‘ਚ ਹੋਵੇਗੀ ਪੇਸ਼
*    ਜਿਆਣੀ ਵਲੋਂ ਪੀੜਤਾਂ ਨਾਲ ਮੁਲਾਕਾਤ
*    ਪੀੜਤ ਮਰੀਜ਼ਾਂ ਦੀ ਗਿਣਤੀ ਵੱਧ ਕੇ 33 ਹੋਈ


ਅੰਮ੍ਰਿਤਸਰ, 7 ਦਸੰਬਰ - ਅੱਖਾਂ ਦੀ ਰੌਸ਼ਨੀ ਗੁਆਉਣ ਦੇ ਮਾਮਲੇ ਦੀ ਰਿਪੋਰਟ ਦੋ ਦਿਨਾਂ ‘ਚ ਸਰਕਾਰ ਨੂੰ ਸੌਂਪ ਦਿੱਤੀ ਜਾਏਗੀ। ਇਸ ਦਾ ਖ਼ੁਲਾਸਾ ਸਿਹਤ ਮੰਤਰੀ ਸੁਰਜੀਤ ਕੁਮਾਰ ਜਿਆਣੀ ਨੇ ਅੱਜ ਹਸਪਤਾਲ ਦੇ ਦੌਰੇ ਸਮੇਂ ਕੀਤਾ। ਉਧਰ ਕੇਂਦਰੀ ਰਾਜ ਮੰਤਰੀ ਵਿਜੈ ਸਾਂਪਲਾ ਨੇ ਵੀ ਹਸਪਤਾਲ ਦਾ ਦੌਰਾ ਕਰਕੇ ਮਰੀਜ਼ਾਂ ਦਾ ਹਾਲ ਚਾਲ ਪੁੱਛਿਆ। ਉਨ੍ਹਾਂ ਕਿਹਾ ਕਿ ਉਹ ਆਪਣੀ ਰਿਪੋਰਟ ਦੋ ਦਿਨਾਂ ‘ਚ ਕੇਂਦਰ ਨੂੰ ਸੌਂਪਣਗੇ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਕਹਿਣ ‘ਤੇ ਵੱਖ ਵੱਖ ਥਾਵਾਂ ਦਾ ਮੁਆਇਨਾ ਕਰਨ ਤੋਂ ਬਾਅਦ ਸ੍ਰੀ ਸਾਂਪਲਾ ਨੇ ਕਿਹਾ ਕਿ ਕੈਂਪ ਦੌਰਾਨ ਜਿਸ ਅਪਰੇਸ਼ਨ ਥੀਏਟਰ ‘ਚ ਅਪਰੇਸ਼ਨ ਕੀਤੇ ਗਏ, ਉਹ ਅਪਰੇਸ਼ਨਾਂ ਦੇ ਯੋਗ ਨਹੀਂ ਸਨ।
ਮਰੀਜ਼ਾਂ ਦੀਆਂ ਪ੍ਰਭਾਵਿਤ ਅੱਖਾਂ ਦੇ ਕੀਤੇ ਗਏ ਮੁੱਢਲੇ ਜਾਂਚ ਪ੍ਰੀਖਣਾਂ ਵਿੱਚ ‘ਸੀਟਰੋ ਬੈਕਟਰ ਬੈਕਟੀਰੀਆ’ ਦੀ ਹੋਂਦ ਪਾਈ ਗਈ ਹੈ, ਜਿਸ ਨੂੰ ਇਨਫੈਕਸ਼ਨ ਦਾ ਮੁੱਖ ਕਾਰਨ ਸਮਝਿਆ ਜਾ ਰਿਹਾ ਹੈ। ਸੰਭਾਵਨਾ ਹੈ ਕਿ ਇਹ ਬੈਕਟੀਰੀਆ ਅੱਖਾਂ ਦੀ ਸਰਜਰੀ (ਅਪਰੇਸ਼ਨ) ਕਰਨ ਸਮੇਂ ਵਰਤੀਆਂ ਗਈਆਂ ਦਵਾਈਆਂ (ਫਲੂਇਡ) ਵਿੱਚ ਮੌਜੂਦ ਸੀ, ਜੋ ਬਾਅਦ ਵਿੱਚ ਇਨਫੈਕਸ਼ਨ ਦਾ ਕਾਰਨ ਬਣਿਆ। ਸ੍ਰੀ ਰਾਮ ਲਾਲ ਈ.ਐਨ.ਟੀ. ਸਰਕਾਰੀ ਹਸਪਤਾਲ ਵਿੱਚ ਅੱਖਾਂ ਦੇ ਪੀੜਤ ਮਰੀਜ਼ਾਂ ਦੀ ਗਿਣਤੀ ਵੱਧ ਕੇ 33 ਹੋ ਗਈ ਹੈ ਜਿਸ ਵਿੱਚੋਂ 20 ਮਰੀਜ਼ਾਂ ਦੀ ਇੱਕ ਅੱਖ ਦੀ ਰੌਸ਼ਨੀ ਪੂਰੀ ਤਰ੍ਹਾਂ ਜਾ ਚੁੱਕੀ ਹੈ।
ਅੱਜ ਸਵੇਰੇ ਸਿਹਤ ਮੰਤਰੀ ਜਿਆਣੀ ਨੇ ਹਸਪਤਾਲ ਦਾ ਦੌਰਾ ਕੀਤਾ ਅਤੇ ਮਰੀਜ਼ਾਂ ਦਾ ਹਾਲ ਚਾਲ ਪੁੱਛਿਆ। ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਉਨ੍ਹਾਂ ਕਿਹਾ ਕਿ ਰਿਪੋਰਟ ਦੇ ਆਧਾਰ ‘ਤੇ ਦੋਸ਼ੀਆਂ ਖ਼ਿਲਾਫ਼ ਕਾਨੂੰਨੀ ਕਾਰਵਾਈ ਹੋਵੇਗੀ। ਉਨ੍ਹਾਂ ਕਿਹਾ ਕਿ ਮਰੀਜ਼ਾਂ ਦਾ ਮੁਫ਼ਤ ਇਲਾਜ ਅਤੇ ਖਾਣ ਪੀਣ ਦਾ ਪ੍ਰਬੰਧ ਹੋਵੇਗਾ।
ਈ.ਐਨ.ਟੀ. ਹਸਪਤਾਲ ਦੇ ਇੱਕ ਡਾਕਟਰ ਨੇ ਦੱਸਿਆ ਕਿ ਫਿਲਹਾਲ ਇਹ ਅਨੁਮਾਨ ਲਾਇਆ ਜਾ ਰਿਹਾ ਹੈ ਕਿ ਅੱਖਾਂ ਦੇ ਅਪਰੇਸ਼ਨ ਸਮੇਂ ਜੋ ਦਵਾਈਆਂ ਵਰਤੀਆਂ ਗਈਆਂ ਸਨ, ਉਨ੍ਹਾਂ ਵਿੱਚ ਮਿਲਾਵਟ ਸੀ ਅਤੇ ਉਸ ਵਿੱਚ ਇਹ ਬੈਕਟੀਰੀਆ ਵੀ ਸੀ ਕਿਉਂਕਿ ਇਹ ਬੈਕਟੀਰੀਆ ਨਮੀ ਵਿੱਚ ਹੀ ਫੈਲਦਾ ਹੈ। ਮੈਡੀਕਲ ਇਤਿਹਾਸ ਵਿੱਚ ਸੀਟਰੋ ਬੈਕਟਰ ਬੈਕਟੀਰੀਆ ਕਾਰਨ ਅੱਖਾਂ ਵਿੱਚ ਅਜਿਹੀ ਇਨਫੈਕਸ਼ਨ ਹੋਣ ਦੇ ਦੁਰਲੱਭ ਕੇਸ ਹਨ। ਪ੍ਰਭਾਵਿਤ ਮਰੀਜ਼ਾਂ ਦਾ ਇਲਾਜ ਕਰ ਰਹੀ ਡਾਕਟਰਾਂ ਦੀ ਟੀਮ ਦੀ ਅਗਵਾਈ ਕਰ ਰਹੇ ਐਸੋਸੀਏਟ ਪ੍ਰੋਫੈਸਰ ਡਾ. ਕਰਨਜੀਤ ਸਿੰਘ ਨੇ ਦੱਸਿਆ ਕਿ ਮਰੀਜ਼ਾਂ ਦੀਆਂ ਅੱਖਾਂ ਦੇ ਹੋਰ ਪ੍ਰੀਖਣ ਵੀ ਕਰਾਏ ਜਾ ਰਹੇ ਹਨ ਤਾਂ ਜੋ ਇਨਫੈਕਸ਼ਨ ਦੇ ਕਾਰਨਾਂ ਦਾ ਪਤਾ ਲਾਇਆ ਜਾ ਸਕੇ।
ਬੀਤੀ ਸ਼ਾਮ ਚੰਡੀਗੜ੍ਹ ਦੇ ਪੀਜੀਆਈ ਦੇ ਡਾਕਟਰਾਂ ਦੀ ਤਿੰਨ ਮੈਂਬਰੀ ਟੀਮ ਨੇ ਵੀ ਹਸਪਤਾਲ ਦਾ ਦੌਰਾ ਕੀਤਾ ਅਤੇ ਮਰੀਜ਼ਾਂ ਦੀ ਜਾਂਚ ਕੀਤੀ। ਇਹ ਟੀਮ ਵੀ ਅਗਲੇਰੀ ਜਾਂਚ ਵਾਸਤੇ ਲੋੜੀਂਦੇ ਨਮੂਨੇ ਲੈ ਕੇ ਗਈ ਹੈ। ਆਪਣੀ ਰਿਪੋਰਟ ਵਿੱਚ ਟੀਮ ਨੇ ਦੱਸਿਆ ਕਿ ਇਨ੍ਹਾਂ ਵਿੱਚੋਂ 14 ਮਰੀਜ਼ਾਂ ਦੀ ਇੱਕ ਅੱਖ ਦੀ ਰੌਸ਼ਨੀ ਪੱਕੇ ਤੌਰ ‘ਤੇ ਜਾ ਚੁੱਕੀ ਹੈ। ਜਦੋਂ ਕਿ ਬਾਕੀ ਛੇ ਮਰੀਜ਼ਾਂ ਦੀ ਅੱਖਾਂ ਦੀ ਰੌਸ਼ਨੀ ਵਾਪਸ ਆਉਣ ਤੇ ਵੱਧ ਜਾਣ ਦੀ ਸੰਭਾਵਨਾ ਹੈ ਪਰ ਇਹ ਮਰੀਜ਼ ਵੀ ਕੁਝ ਫੁੱਟ ਦੀ ਦੂਰੀ ਤੱਕ ਹੀ ਦੇਖਣ ਦੇ ਸਮਰੱਥ ਹੋਣਗੇ।
ਇਸ ਦੌਰਾਨ ਅੱਜ ਹਸਪਤਾਲ ਵਿੱਚ 13 ਹੋਰ ਮਰੀਜ਼ ਦਾਖ਼ਲ ਹੋਏ ਹਨ ਅਤੇ ਇਨ੍ਹਾਂ ਦੀ ਗਿਣਤੀ ਵੱਧ ਕੇ 33 ਹੋ ਗਈ ਹੈ। ਇਨ੍ਹਾਂ ਵਿੱਚੋਂ 4 ਮਰੀਜ਼ਾਂ ਦੀਆਂ ਅੱਖਾਂ ਦੀ ਰੌਸ਼ਨੀ ਪੱਕੇ ਤੌਰ ‘ਤੇ ਜਾ ਚੁੱਕੀ ਹੈ। ਬਾਕੀ ਮਰੀਜ਼ਾਂ ਦੀ ਅੱਖਾਂ ਦੀ ਰੌਸ਼ਨੀ ਵੀ ਘੱਟ ਚੁੱਕੀ ਹੈ। ਸਹਾਇਕ ਸਿਵਲ ਸਰਜਨ ਡਾ. ਬਲਵਿੰਦਰ ਕੱਕੜ ਵੱਲੋਂ ਦਿੱਤੀ ਗਈ ਵੱਖਰੀ ਰਿਪੋਰਟ ਵਿੱਚ ਉਨ੍ਹਾਂ ਸੰਭਾਵਨਾ ਪ੍ਰਗਟਾਈ ਹੈ ਕਿ ਇਹ ਇਨਫੈਕਸ਼ਨ ਅਪਰੇਸ਼ਨ ਲਈ ਵਰਤੇ ਗਏ ਉਪਕਰਨਾਂ ਦੀ ਠੀਕ ਢੰਗ ਨਾਲ ਸਟਰਲਾਈਜ਼ੇਸ਼ਨ (ਉਬਾਲਣਾ)  ਨਾ ਹੋਣ ਕਾਰਨ ਹੋਈ ਹੈ। ਉਨ੍ਹਾਂ ਕਿਹਾ ਕਿ 62 ਮਰੀਜ਼ਾਂ ਦੀਆਂ ਅੱਖਾਂ ਦੇ ਅਪਰੇਸ਼ਨ ਇੱਕ ਡਾਕਟਰ ਵੱਲੋਂ ਕੀਤੇ ਗਏ ਹਨ ਅਤੇ ਇਹ ਸਾਰੇ ਅਪਰੇਸ਼ਨ 12 ਘੰਟਿਆਂ ਵਿੱਚ ਕੀਤੇ ਗਏ।
ਸਿਹਤ ਵਿਭਾਗ ਵੱਲੋਂ ਅੱਜ ਅੱਖਾਂ ਦੇ ਰੋਗਾਂ ਦੇ ਮਾਹਿਰ ਡਾ. ਸੁਮਨ ਕੁਮਾਰ ਨੇ ਸਿਵਲ ਡਿਸਪੈਂਸਰੀ ਗੱਗੋਮਾਹਲ ਵਿਖੇ ਕੈਂਪ ਦੌਰਾਨ ਇਲਾਜ ਕਰਾਉਣ ਵਾਲੇ ਬਾਕੀ ਮਰੀਜ਼ਾਂ ਦੀਆਂ ਅੱਖਾਂ ਦਾ ਮੁਆਇਨਾ ਕੀਤਾ। ਵੱਖ-ਵੱਖ ਪਿੰਡਾਂ ਤੋਂ 13 ਮਰੀਜ਼ ਇਥੇ ਪਹੁੰਚੇ।
ਡਾ. ਸੁਮਨ ਕੁਮਾਰ ਨੇ ਇਨ੍ਹਾਂ ਵਿੱਚੋਂ 7 ਮਰੀਜ਼ਾਂ ਨੂੰ ਈ.ਐਨ.ਟੀ. ਹਸਪਤਾਲ ਅੰਮ੍ਰਿਤਸਰ ਲਈ ਰੈਫਰ ਕਰ ਦਿੱਤਾ। ਅੱਖਾਂ ਦਾ ਚੈਕਅੱਪ ਕਰਾਉਣ ਆਏ ਕੁਝ ਮਰੀਜ਼ਾਂ ਨਾਲ ਜਦੋਂ ਪੱਤਰਕਾਰਾਂ ਨੇ ਗੱਲ ਕੀਤੀ ਤਾਂ ਉਨ੍ਹਾਂ ਵਿੱਚੋਂ ਮੰਦਰਾਂਵਾਲਾ ਦੀ ਬਲਵਿੰਦਰ ਕੌਰ ਨੇ ਕਿਹਾ ਕਿ ਅਪਰੇਸ਼ਨ ਤੋਂ ਬਾਅਦ ਅੱਖ ਦੀ ਤਕਲੀਫ਼ ਵੱਧਣ ‘ਤੇ ਡਾ. ਦਲਜੀਤ ਸਿੰਘ ਦੇ ਅੰਮ੍ਰਿਤਸਰ ਸਥਿਤ ਪ੍ਰਾਈਵੇਟ ਹਸਪਤਾਲ ਵਿੱਚ ਦਾਖ਼ਲ ਕਰਵਾਇਆ ਪਰ ਅਖੀਰ ਵਿੱਚ ਸਲਾਹ ਦਿੱਤੀ ਗਈ ਕਿ ਰੌਸ਼ਨੀ ਤਾਂ ਵਾਪਸ ਨਹੀਂ ਆ ਸਕਦੀ, ਜੇਕਰ ਜ਼ਿੰਦਗੀ ਬਚਾਉਣੀ ਹੈ ਤਾਂ ਅੱਖ ਕਢਾਉਣੀ ਪਵੇਗੀ ਕਿਉਂਕਿ ਅੱਖ ਦੀ ਇਨਫੈਕਸ਼ਨ ਨਾਲ ਕੈਂਸਰ ਦਾ ਖਤਰਾ ਹੈ। ਅਸੀ ਮਜਬੂਰੀ ਵਿੱਚ ਅੱਖ ਹੀ ਕਢਵਾ ਦਿੱਤੀ।
ਪਿੰਡ ਬੇਦੀ ਛੰਨਾ ਦੀ ਬਜ਼ੁਰਗ ਔਰਤ ਕੰਸੋ ਨੇ ਕਿਹਾ ਕਿ ਪੈਸੇ ਨਾ ਹੋਣ ਕਰਕੇ ਉਹ ਕਿਸੇ ਹਸਪਤਾਲ ਨਹੀਂ ਗਏ। ਅੱਜ ਸਰਕਾਰੀ ਡਾਕਟਰ ਨੂੰ ਵਿਖਾਇਆ ਹੈ। ਪਿੰਡ ਬੇਦੀ ਛੰਨਾ ਦੀ ਇੱਕ ਹੋਰ ਬਜ਼ੁਰਗ ਔਰਤ ਨੇ ਕਿਹਾ ਕਿ ਅਪਰੇਸ਼ਨ ਮੌਕੇ ਸ਼ੂਗਰ 300 ਦੇ ਕਰੀਬ ਸੀ, ਜਿਸ ‘ਤੇ ਡਾਕਟਰਾਂ ਨੇ ਅਪਰੇਸ਼ਨ ਨਹੀਂ ਕੀਤਾ। ਉਨ੍ਹਾਂ ਜਾਨ ਬੱਚਣ ਲਈ ਰੱਬ ਦਾ ਸ਼ੁਕਰ ਕੀਤਾ।
ਪੰਜਾਬ ਮੈਡੀਕਲ ਕੌਂਸਲ ਦੇ ਪ੍ਰਧਾਨ ਡਾ. ਗੁਰਿੰਦਰ ਸਿੰਘ ਗਰੇਵਾਲ ਨੇ ਕਿਹਾ ਹੈ ਕਿ ਮੁੱਖ ਮੰਤਰੀ ਨੇ ਕੌਂਸਲ ਨੂੰ ਆਪਣੇ ਪੱਧਰ ‘ਤੇ ਜਾਂਚ ਕਰਨ ਦੇ ਆਦੇਸ਼ ਦਿੱਤੇ ਹਨ। ਉਨ੍ਹਾਂ ਮੈਂਬਰ ਡਾ. ਬਲਚਰਣਜੀਤ ਸਿੰਘ ਭਾਟੀਆ ਦੀ ਡਿਊਟੀ ਲਗਾ ਦਿੱਤੀ ਹੈ। ਕੌਂਸਲ ਦੇ ਰਜਿਸਟਰਾਰ ਡਾ. ਕਲਿਆਣ ਜੋ ਡਾਇਰੈਕਟਰ ਮੈਡੀਕਲ ਐਜੂਕੇਸ਼ਨ ਅਤੇ ਰਿਸਰਚ ਵੀ ਹਨ, ਨੇ ਕਿਹਾ ਕਿ ਇਸ ਪੂਰੇ ਮਸਲੇ ਦੀ ਕੌਂਸਲ ਆਪਣੇ ਪੱਧਰ ‘ਤੇ ਜਾਂਚ ਕਰਵਾਏਗੀ।



<< Start < Prev 1 2 3 4 5 6 7 8 9 10 Next > End >>

ਮੁੱਖ ਖ਼ਬਰਾਂ : 

ਖੇਡ ਖ਼ਬਰਾ : 

ਪੰਜਾਬ ਖ਼ਬਰਾਂ : 

ਨਵੇਂ ਲੇਖ : 

 

Random Video 

Latest Added Magzine 

Advertisement

Advertisement
Advertisement
Advertisement