International News 

ਟੋਕੀਓ 'ਚ ਤੂਫ਼ਾਨ 17 ਮਰੇ, 50 ਲਾਪਤਾ

ਟੋਕੀਓ, 17 ਅਕਤੂਬਰ - ਜਾਪਾਨੀ ਤੱਟ 'ਤੇ ਆਏ ਤੂਫ਼ਾਨ ਕਾਰਨ ਜ਼ਮੀਨ ਖਿਸਕਣੀ ਸ਼ੁਰੂ ਹੋ ਗਈ ਤੇ ਘੱਟੋ ਘੱਟ 17 ਲੋਕ ਮਾਰੇ ਗਏ | ਇਸ ਤੋਂ ਬਾਅਦ ਇਹ ਤੂਫ਼ਾਨ ਦੇਸ਼ ਦੇ ਪੂਰਬੀ ਤੱਟ ਵਲ ਵਧਿਆ ਜਿਸ ਦੀ ਵਜ੍ਹਾ ਨਾਲ ਸੈਂਕੜੋਂ ਉਡਾਣਾਂ ਰੱਦ ਹੋ ਗਈਆਂ | ਪੁਲਿਸ ਤੇ ਸ਼ਹਿਰ ਦੇ ਅਧਿਕਾਰੀਆਂ ਨੇ ਕਿਹਾ ਕਿ ਬਚਾਅ ਕਰਮੀਆਂ ਨੇ ਟੋਕੀਓ ਤੋਂ 120 ਕਿਲੋਮੀਟਰ ਦੱਖਣ ਵਲ ਸਥਿਤ ਈਝੂ ਓਸ਼ੀਮਾ ਤੱਟ 'ਤੇ 17 ਲਾਸ਼ਾਂ ਬਰਾਮਦ ਕੀਤੀਆਂ | ਇਨ੍ਹਾਂ ਵਿਚੋਂ ਜ਼ਿਆਦਾ ਲਾਸ਼ਾਂ ਖਿਸਕ ਚੁੱਕੀ ਮਿੱਟੀ 'ਚ ਦੱਬ ਗਈਆਂ ਸਨ | ਦਰਜਨਾਂ ਮਕਾਨ ਨੁਕਸਾਨੇ ਗਏ ਤੇ 50 ਤੋਂ ਵੱਧ ਲੋਕ ਲਾਪਤਾ ਹਨ | ਸ਼ਹਿਰ ਦੇ ਅਧਿਕਾਰੀ ਹਿਨਾਨੀ ਉਮਾਤਸੂ ਨੇ ਕਿਹਾ ਕਿ ਉਨ੍ਹਾਂ ਨੂੰ ਇਸ ਗੱਲ ਦਾ ਅੰਦਾਜ਼ਾ ਨਹੀਂ ਹੈ ਕਿ ਇਸ ਨੁਕਸਾਨ ਦਾ ਕਿੰਨਾ ਬੁਰਾ ਪ੍ਰਭਾਵ ਹੋ ਸਕਦਾ ਹੈ | ਵਿਫਾ ਨਾਮ ਦੇ ਤੂਫਾਨ 'ਚ ਹਵਾਵਾਂ 180 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਤੇਜ਼ੀ ਨਾਲ ਚਲ ਰਹੀਆਂ ਸਨ | ਇਸ ਇਲਾਕੇ ਦੇ ਦਰਜਨਾਂ ਸਕੂਲ ਬੰਦ ਰਹੇ |


ਅਗਲੇ ਵਰ੍ਹੇ ਮੁੜ ਲੰਡਨ ਅਜਾਇਬ ਘਰ ਵਿਚ

ਸੁਸ਼ੋਭਿਤ ਹੋਵੇਗਾ ਮਹਾਰਾਜਾ ਰਣਜੀਤ

ਸਿੰਘ ਦਾ ਸੋਨੇ ਦਾ ਤਖ਼ਤ


ਲੰਡਨ, 17 ਅਕਤੂਬਰ - ਮਹਾਰਜਾ ਰਣਜੀਤ ਸਿੰਘ ਦਾ ਸੋਨੇ ਦਾ ਤਖ਼ਤ (ਸੋਨੇ ਦੀ ਕੁਰਸੀ) ਜੋ ਬੀਤੇ ਕਈ ਵਰਿ੍ਹਆਂ ਤੋਂ ਵਿਕਟੋਰੀਆ ਐਾਡ ਐਲਬਰਟ ਅਜਾਇਬ ਘਰ ਲੰਡਨ 'ਚ ਰੱਖਿਆ ਹੋਇਆ ਸੀ, ਪਰ ਹੁਣ ਉੱਥੇ ਨਹੀਂ ਹੈ | ਜਦੋਂ ਇਸ ਸਬੰਧੀ ਪਤਾ ਕੀਤਾ ਗਿਆ ਤਾਂ ਸਬੰਧਿਤ ਅਧਿਕਾਰੀਆਂ ਨੇ ਦੱਸਿਆ ਕਿ ਵਰ੍ਹੇ 2010 ਤੋਂ ਇਸ ਸੋਨੇ ਦੇ ਤਖ਼ਤ ਨੂੰ ਮਿਊਜ਼ੀਅਮ ਦੀ ਏਸ਼ੀਅਨ ਗੈਲਰੀ 'ਚੋਂ ਹਟਾ ਦਿੱਤਾ ਗਿਆ ਸੀ, ਇਹ ਤਖ਼ਤ ਵਰ੍ਹੇ 2010 ਤੋਂ ਸੰਸਾਰ ਭਰ 'ਚ ਵੱਖ-ਵੱਖ ਥਾਵਾਂ 'ਤੇ ਲੱਗਣ ਵਾਲੇ ਭਾਰਤੀ ਮਹਾਰਾਜਿਆਂ ਸਬੰਧੀ ਪ੍ਰਦਰਸ਼ਨੀ 'ਇੰਡੀਆਜ਼ ਰੋਇਲ ਕੋਰਟਸ ਐਗਜ਼ੀਬਿਸ਼ਨ' ਦਾ ਹਿੱਸਾ ਬਣਿਆ ਹੋਇਆ ਹੈ ਤੇ ਅਜਾਇਬ ਘਰ ਵੱਲੋਂ ਇਸ ਨੂੰ ਲੋਨ 'ਤੇ ਦਿੱਤਾ ਹੋਇਆ ਹੈ | ਜੋ ਅਗਲੇ ਵਰ੍ਹੇ 2014 ਦੀਆਂ ਗਰਮੀਆਂ 'ਚ ਖ਼ਤਮ ਹੋਵੇਗਾ, ਜਿਸ ਨੂੰ ਮੁੜ ਲੰਡਨ ਅਜਾਇਬ ਘਰ 'ਚ ਸੁਸ਼ੋਭਿਤ ਕੀਤਾ ਜਾਵੇਗਾ | ਦੱਸਿਆ ਜਾਂਦਾ ਹੈ ਕਿ ਮਹਾਰਾਜਾ ਰਣਜੀਤ ਸਿੰਘ ਦਾ ਇਹ ਤਖ਼ਤ ਲਾਹੌਰ ਵਿਖੇ ਆਮ ਸਭਾਵਾਂ ਮੌਕੇ ਸਜਾਇਆ ਜਾਂਦਾ ਸੀ, ਜਿਸ ਨੂੰ ਮੁਲਤਾਨ ਦੇ ਹਾਫਿਜ਼ ਮੁਹੰਮਦ ਨਾਂਅ ਦੇ ਕਾਰੀਗਰ ਵੱਲੋਂ 1818 'ਚ ਬਣਾਇਆ ਗਿਆ ਸੀ | 1979 ਦੇ ਕਰੀਬ ਇਸ ਕੁਰਸੀ ਦਾ ਇੱਕ ਟੁਕੜਾ ਇਹ ਵੇਖਣ ਲਈ ਤੋੜਿਆ ਗਿਆ ਸੀ, ਕਿ ਕੀ ਇਹ ਸੱਚਮੁੱਚ ਹੀ ਸੋਨੇ ਦਾ ਹੈ, ਜਿਸ ਦੀ ਜਾਂਚ ਤੋਂ ਬਾਅਦ ਪਾਇਆ ਗਿਆ ਕਿ ਇਹ ਤਖ਼ਤ ਸੋਨੇ ਦੀ ਝਾਲ ਵਾਲਾ ਨਹੀਂ ਬਲਕਿ ਸੱਚਮੁੱਚ ਹੀ ਸ਼ੁੱਧ ਸੋਨੇ ਦਾ ਬਣਿਆ ਹੋਇਆ ਹੈ |


ਰਿਪਬਲਿਕਨ ਨੇਤਾਵਾਂ ਨਾਲ

ਓਬਾਮਾ ਦੀ ਬੈਠਕ ਬੇਸਿੱਟਾ


ਵਾਸ਼ਿੰਗਟਨ, 12 ਅਕਤੂਬਰ - ਅਮਰੀਕਾ ਦੇ ਰਾਸ਼ਟਰਪਤੀ ਬਰਾਕ ਓਬਾਮਾ ਅਤੇ ਰਿਪਬਲਿਕਨ ਨੇਤਾਵਾਂ ਵਿਚਕਾਰ ਵਾਈਟ ਹਾਊਸ ਵਿਚ ਹੋਈ ਬੈਠਕ ਦੌਰਾਨ ਅ²ੰਸ਼ਿਕ ਸਰਕਾਰੀ ਬੰਦ ਨੂੰ ਖਤਮ ਕਰਨ ਦੇ ਸਬੰਧ ਵਿਚ ਕਿਸੇ ਵੀ ਸਿੱਟੇ 'ਤੇ ਨਹੀਂ ਪਹੁੰਚਿਆ ਜਾ ਸਕਿਆ | ਵਾਈਟ ਹਾਊਸ ਨੇ ਬੈਠਕ ਨੂੰ ਚੰਗਾ ਦੱਸਿਆ ਅਤੇ ਕਿਹਾ ਕਿ ਓਬਾਮਾ ਵਿਕਾਸ ਚਾਹੁੰਦੇ ਹਨ | ਓਬਾਮਾ ਨੇ ਅਮਰੀਕੀ ਪ੍ਰਤੀਨਿਧੀ ਸਭਾ ਦੇ ਚੇਅਰਮੈਨ ਜਾਨ ਬੋਏਹਨਰ ਸਮੇਤ 20 ਰਿਪਬਲਿਕਨ ਨੇਤਾਵਾਂ ਨਾਲ ਗੱਲਬਾਤ ਕੀਤੀ | ਵਾਈਟ ਹਾਊਸ ਨੇ ਲਗਭਗ ਡੇਢ ਘੰਟੇ ਤੱਕ ਹੋਈ ਬੈਠਕ ਦੇ ਬਾਅਦ ਕਿਹਾ ਕਿ ਸੰਭਾਵਿਤ ਰਾਹ ਕੱਢਣ ਦੇ ਉਪਾਵਾਂ 'ਤੇ ਚਰਚਾ ਦੇ ਬਾਅਦ ਕੋਈ ਵੀ ਵਿਸ਼ੇਸ਼ ਫ਼ੈਸਲਾ ਨਹੀਂ ਲਿਆ ਗਿਆ | ਵਾਈਟ ਹਾਊਸ ਨੇ ਕਿਹਾ ਰਾਸ਼ਟਰਪਤੀ ਇਹ ਯਕੀਨੀ ਬਣਾਉਣਾ ਚਾਹੁੰਦੇ ਹਨ ਕਿ ਅਸੀਂ ਬਿੱਲਾਂ ਦਾ ਭੁਗਤਾਨ ਕਰ ਸਕੀਏ ਤਾਂ ਕਿ ਸਰਕਾਰੀ ਕੰਮ ਫਿਰ ਤੋਂ ਸ਼ੁਰੂ ਹੋ ਸਕੇ ਅਤੇ ਅਰਥ-ਵਿਵਸਥਾ ਫਿਰ ਤੋਂ ਵਿਕਾਸ ਦੇ ਰਾਹ 'ਤੇ ਆ ਸਕੇ, ਨੌਕਰੀਆਂ ਪੈਦਾ ਹੋਣ 'ਤੇ ਮੱਧ ਵਰਗ ਮਜ਼ਬੂਤ ਹੋ ਸਕੇ |


ਟੀਪੂ ਸੁਲਤਾਨ ਦੀ ਤਲਵਾਰ

98,500 ਪੌਂਡ 'ਚ ਵਿਕੀ


ਲੰਡਨ, 11 ਅਕਤੂਬਰ - ਭਾਰਤ ਦੇ ਮਸੂਰੀ ਰਾਜ ਦੇ ਮਸ਼ਹੂਰ ਤੇ ਬਹਾਦਰ ਰਾਜਾ ਟੀਪੂ ਸੁਲਤਾਨ ਨਾਲ ਸਬੰਧਿਤ ਕਈ ਚੀਜ਼ਾਂ ਦੀ ਕੱਲ੍ਹ ਲੰਡਨ ਵਿਖੇ ਨਿਲਾਮੀ ਹੋਈ। ਜਿਸ ਵਿੱਚ ਆਰਟ ਆਫ ਇੰਪੀਰੀਅਲ ਦੀਆਂ ਵਸਤੂਆਂ ਦੀ ਕੁੱਲ ਨਿਲਾਮੀ 1 ਕਰੋੜ, 8 ਲੱਖ, 37 ਹਜ਼ਾਰ 925 ਪੌਂਡ ਦੀ ਹੋਈ। ਜਿਸ ਵਿਚ ਟੀਪੂ ਸੁਲਤਾਨ ਦੀ ਸ਼ੇਰ ਮੂੰਹ ਵਾਲੇ ਮੁੱਠੇ ਵਾਲੀ ਇੱਕ ਤੇਜ਼ਧਾਰ ਤਲਵਾਰ 98500 ਪੌਂਡ ਦੀ ਵਿਕੀ, ਇਕ ਛੋਟੀ ਤੋਪ 37500 ਪੌਂਡ ਦੀ ਇੱਕ ਬੋਲੀਕਾਰ ਨੇ ਖਰੀਦੀ, ਜਦਕਿ 18ਵੀਂ ਸਦੀ ਦੀ ਬਣੀ ਇੱਕ ਬੰਦੂਕ 12500 ਪੌਂਡ ਦੀ ਇੱਕ ਬੋਲੀਕਾਰ ਨੇ ਖਰੀਦੀ। ਇਕ ਹੋਰ 11 ਬੋਰ ਦੀ ਬੰਦੂਕ 88900 ਪੌਂਡ ਦੀ ਵਿਕੀ, ਜਦਕਿ ਇੱਕ ਸੋਨੇ ਤੇ ਹੀਰਿਆਂ ਜੜ੍ਹਿਆਂ ਗਹਿਣਿਆਂ ਦਾ ਖੂਬਸੂਰਤ ਡੱਬਾ ਜਿਸ ਦੇ ਆਸ-ਪਾਸ 8 ਛੋਟੇ-ਛੋਟੇ ਡੱਬੇ ਬਣੇ ਹੋਏ ਸਨ 6 ਲੱਖ 62 ਹਜ਼ਾਰ 5 ਸੌ ਪੌਂਡ ਦਾ ਵਿਕਿਆ। ਇਸ ਮੌਕੇ ਮੁਗਲ ਰਾਜ ਦੇ ਸਮੇਂ ਦੇ ਹੋਰ ਕਈ ਸਾਜੋ ਸਾਮਾਨ ਤੇ ਚਿੱਤਰਕਲਾਵਾਂ ਦੀ ਵੀ ਨਿਲਾਮੀ ਹੋਈ। ਇਸ ਮੌਕੇ ਮਹਾਰਾਜਾ ਮਹਿੰਦਰਾ ਸਿੰਘ ਪਟਿਆਲਾ ਦੀ 18 ਕੈਰੈਟ ਸੋਨੇ ਦੀ ਬਿਨਾ ਸੂਈਆਂ ਵਾਲੀ ਜੇਬ ਘੜੀ 62500 ਪੌਂਡ ਦੀ ਨਿਲਾਮ ਹੋਈ ਜਦਕਿ ਇਸ ਦਾ ਅੰਦਾਜ਼ਨ ਮੁੱਲ 15 ਤੋਂ 20 ਹਜ਼ਾਰ ਮੰਨਿਆ ਜਾਂਦਾ ਸੀ। ਇਸ ਮੌਕੇ 1850 ਦਾ ਬਣਿਆ ਇੱਕ ਹੀਰਿਆਂ ਦਾ ਸੈੱਟ 74500 ਪੌਂਡ ਦਾ ਵਿਕਿਆ, ਪਰ ਵੇਖਣ ਵਾਲੀ ਗੱਲ ਇਹ ਹੈ ਕਿ ਇਹ 163 ਸਾਲ ਪੁਰਾਣੇ ਤੇ ਅਸਲੀ ਲੱਕੜ ਦੇ ਡੱਬੇ 'ਚ ਹੀ ਬੰਦ ਸੀ।


ਕਈ ਘੰਟੇ ਬੰਦੀ ਬਣਾਈ ਰੱਖਣ ਤੋਂ ਬਾਅਦ

ਲੀਬੀਆ ਦੇ ਪ੍ਰਧਾਨ ਮੰਤਰੀ ਨੂੰ ਛੱਡਿਆ


ਤਿ੍ਪੋਲੀ, 11 ਅਕਤੂਬਰ -ਅਮਰੀਕਾ ਵੱਲੋਂ ਅਲ- ਕਾਇਦਾ ਦੇ ਸ਼ੱਕੀ ਅੱਤਵਾਦੀ ਨੂੰ ਗਿ੍ਫ਼ਤਾਰ ਕਰਵਾਉਣ ਵਿਚ ਸਰਕਾਰ ਦੀ ਭੂਮਿਕਾ ਦੇ ਮੱਦੇਨਜ਼ਰ ਬਦਲਾ ਲਊ ਕਾਰਵਾਈ ਕਰਦਿਆਂ ਹਥਿਆਰਬੰਦ ਬਾਗ਼ੀਆਂ ਵੱਲੋਂ ਅਗ਼ਵਾ ਕਰਕੇ ਕਈ ਘੰਟੇ ਬੰਦੀ ਬਣ ਕੇ ਰੱਖੇ ਲੀਬੀਆ ਦੇ ਪ੍ਰਧਾਨ ਮੰਤਰੀ ਅਲੀ ਜੇਦਾਨ ਨੂੰ ਛੱਡ ਦਿੱਤਾ ਗਿਆ |ਵਿਦੇਸ਼ ਮੰਤਰੀ ਮੁਹੰਮਦ ਅਬਦੇਲਾਜ਼ੀਜ਼ ਨੇ ਇਹ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਪ੍ਰਧਾਨ ਮੰਤਰੀ ਨੂੰ ਰਿਹਾਅ ਕਰ ਦਿੱਤਾ ਗਿਆ ਹੈ ਪਰ ਇਹ ਜਾਣਕਾਰੀ ਨਹੀਂ ਮਿਲ ਸਕੀ ਕਿ ਉਨ੍ਹਾਂ ਨੂੰ ਕਿਹੜੀਆਂ ਪ੍ਰਤੀਸਥਿਤੀਆਂ ਵਿਚ ਰਿਹਾਅ ਕੀਤਾ ਗਿਆ ਹੈ। ਮਿਲੇ ਵੇਰਵਿਆਂ ਅਨੁਸਾਰ ਕੁਝ ਅਣਪਛਾਤੇ ਹਥਿਆਰਬੰਦ ਬਾਗੀਆਂ ਨੇ ਤ੍ਰਿਪੋਲੀ ਦੇ ਕੋਰਿਨਥਿਯਨ ਹੋਟਲ ਤੋਂ ਪ੍ਰਧਾਨ ਮੰਤਰੀ ਨੂੰ ਕਾਰਾਂ ਦੇ ਕਾਫ਼ਲੇ ਵਿਚ ਅਗਵਾ ਕੀਤਾ ਸੀ। ਅਗਵਾ ਕਰਨ ਸਮੇਂ ਬੰਦੂਕਧਾਰੀਆਂ ਨੇ ਕੋਈ ਗੋਲੀ ਨਹੀਂ ਚਲਾਈ ਨਾ ਹੀ ਕੋਈ ਸਮੱਸਿਆ ਪੈਦਾ ਕੀਤੀ। ਅਬਾਗੀ ਉਸ ਨੂੰ ਕਿਸੇ ਅਗਿਆਤ ਥਾਂ 'ਤੇ ਲੈ ਗਏ ਸਨ। ਇਸ ਦੀ ਜਾਣਕਾਰੀ ਪ੍ਰਧਾਨ ਮੰਤਰੀ ਦੇ ਬੁਲਾਰੇ ਨੇ ਟੈਲੀਵੀਜ਼ਨ ਰਾਹੀਂ ਦਿੱਤੀ। ਇਕ ਪ੍ਰਤੱਖ ਦਰਸ਼ੀ ਨੇ ਦੱਸਿਆ ਕਿ ਬਾਗੀਆਂ ਨੇ ਉਕਤ ਹੋਟਲ ਵਿਚੋਂ ਪ੍ਰਧਾਨ ਮੰਤਰੀ ਨੂੰ ਅਗ਼ਵਾ ਕੀਤਾ। ਸੀ.ਐਨ.ਐਨ. ਨੇ ਇਸ ਸਬੰਧ ਵਿਚ ਪ੍ਰਧਾਨ ਮੰਤਰੀ ਦੇ ਸੈਕਟਰੀ ਤੇ ਮੁੱਖ ਸੁਰੱਖਿਆ ਅਧਿਕਾਰੀ ਨਾਲ ਗੱਲਬਾਤ ਕਰਨ ਦੀ ਕੋਸ਼ਿਸ਼ ਕੀਤੀ ਪਰ ਦੋਵਾਂ ਨੇ ਇਸ ਬਾਰੇ ਕੋਈ ਟਿੱਪਣੀ ਨਹੀਂ ਕੀਤੀ। ਲੀਬੀਆ ਦੀ ਸਰਕਾਰ ਨੇ ਆਪਣੀ ਵੈਬਸਾਈਟ 'ਤੇ ਸੰਖੇਪ ਬਿਆਨ ਜਾਰੀ ਕਰਦਿਆਂ ਦੱਸਿਆ ਕਿ ਸੰਭਾਵਿਤ ਸਾਬਕਾ ਬਾਗੀਆਂ ਦਾ ਇਕ ਧੜਾ ਪ੍ਰਧਾਨ ਮੰਤਰੀ ਅਲੀ ਜੇਦਾਨ ਨੂੰ ਅਗਵਾ ਕਰਕੇ ਲੈ ਗਿਆ। ਬਾਗ਼ੀਆਂ ਨੇ ਜੇਦਾਨ 'ਤੇ ਦੋਸ਼ ਲਾਇਆ ਹੈ ਕਿ ਇਸ ਨੇ ਅਲ ਕਾਇਦਾ ਦੇ ਸ਼ੱਕੀ ਅੱਤਵਾਦੀਆਂ ਨੂੰ ਅਮਰੀਕੀ ਹਮਲੇ ਦੌਰਾਨ ਗ੍ਰਿਫ਼ਤਾਰ ਕਰਵਾਇਆ ਹੈ। ਜ਼ਿਕਰਯੋਗ ਹੈ ਕਿ ਲੀਬੀਆ ਵਿਚ ਕਰੀਬ ਦੋ ਸਾਲ ਤੋਂ ਵਧੇਰੇ ਸਮੇਂ ਤੋਂ ਗ੍ਰਹਿ-ਯੁੱਧ ਚੱਲ ਰਿਹਾ ਹੈ। ਬਾਗ਼ੀ ਤੇ ਸਰਕਾਰ ਆਹਮੋ-ਸਾਹਮਣੇ ਹਨ। ਲੀਬੀਆ ਦੇ ਤਾਨਾਸ਼ਾਹ ਕਰਨਲ ਮੁਅੱਮਰ ਗਦਾਫ਼ੀ ਦੀ ਅਕਤੂਬਰ 2011 ਵਿਚ ਬਾਗ਼ੀਆਂ ਨੇ ਹੱਤਿਆ ਕਰ ਦਿੱਤੀ ਸੀ। ਇਸ ਤੋਂ ਬਾਅਦ ਵਿਚ ਤੋਂ ਹੀ ਦੇਸ਼ ਗ੍ਰਹਿ ਯੁੱਧ ਦੀ ਭੱਠੀ ਵਿਚ ਝੁਲਸ ਰਿਹਾ ਹੈ।



<< Start < Prev 1 2 3 4 5 6 7 8 9 10 Next > End >>

ਮੁੱਖ ਖ਼ਬਰਾਂ : 

ਖੇਡ ਖ਼ਬਰਾ : 

ਅੰਤਰਰਾਸ਼ਟਰੀ ਖ਼ਬਰਾ : 

ਪੰਜਾਬ ਖ਼ਬਰਾਂ : 

ਨਵੇਂ ਲੇਖ : 

 

 

Random Video 

Receive Newsletter & Updates 

Sample Newsletter


Receive HTML?

Advertisement
Advertisement
Advertisement