Advertisement

International News 

ਅਸੰਭਵ ਨਹੀਂ ਹਨ ਆਵਾਸ

ਸੁਧਾਰ: ਓਬਾਮਾ


ਵਾਸ਼ਿੰਗਟਨ, 13 ਜੂਨ - ਆਵਾਸੀ ਸੁਧਾਰ ਅਸੰਭਵ ਹੋਣ ਦੀ ਰਾਏ ਨੂੰ  ਮੂਲੋਂ ਹੀ ਰੱਦ ਕਰਦਿਆਂ ਅਮਰੀਕਾ ਦੇ ਰਾਸ਼ਟਰਪਤੀ ਬਰਾਕ ਓਬਾਮਾ ਨੇ ਕਾਂਗਰਸ ਨੂੰ ਜ਼ੋਰ ਦੇ ਕੇ ਕਿਹਾ ਹੈ ਕਿ ਇਸ ਸਬੰਧੀ ਐਕਟ ਪਾਸ ਕਰ ਦਿੱਤਾ ਜਾਵੇ ਤੇ ਜਦੋਂ ਇਹ ਸਹੀ ਬੰਦ ਹੋ ਕੇ ਕਾਨੂੰਨ ਬਣ ਗਿਆ ਤਾਂ ਇਸ ਨਾਲ ਕੋਈ ਇਕ ਕਰੋੜ 10 ਲੱਖ ਲੋਕਾਂ ਨੂੰ ਨਾਗਰਿਕਤਾ ਦੇ ਅਧਿਕਾਰ ਮਿਲ ਜਾਣਗੇ।ਵੈਸਟਨ ਮੈਸੇਚਿਊਸਿਟਸ ਵਿੱਚ ਇਕ ਸਮਾਗਮ ਦੌਰਾਨ ਓਬਾਮਾ ਨੇ ਕਿਹਾ ਕਿ ਵਿਦਵਾਨਾਂ ਤੇ ਵਿਸ਼ਲੇਸ਼ਣਕਾਰਾਂ ਨੂੰ ਸੁਣਨਾ ਦਿਲਚਸਪੀ ਭਰਿਆ ਹੁੰਦਾ ਹੈ, ਤੇ ਕੁਝ ਰਵਾਇਤੀ ਲੋਕ ਆਖਦੇ ਹਨ ਕਿ ਆਵਾਸ ਸੁਧਾਰ ਬਿਲਕੁਲ ਅਸੰਭਵ  ਹਨ।ਉਨ੍ਹਾਂ ਕਿਹਾ ਕਿ ਉਹ ਸਦਨ ਦੇ ਸਪੀਕਰ ਨੂੰ ਦੱਸਣਗੇ ਕਿ ਉਸ ਨੂੰ ਇਹ ਰਾਏ ਖਾਰਜ ਕਰਨ ਦੀ ਲੋੜ ਹੈ ਕਿਉਂਕਿ ਜੇਕਰ ਅੱਜ ਉਹ, ਉਨ੍ਹਾਂ ਲੋਕਾਂ ਨੂੰ ਮਿਲੇ ਹੁੰਦੇ ਤਾਂ ਪਤਾ ਲੱਗਦਾ ਕਿ ਸਿਆਸਤ ਇਸ ਵਿੱਚ ਕੋਈ ਭੂਮਿਕਾ ਅਦਾ ਨਹੀਂ ਕਰ ਸਕਦੀ। ਉਨ੍ਹਾਂ ਕਿਹਾ ਕਿ ਜੇਕਰ ਕੋਈ ਚਾਹੁੰਦਾ ਹੈ ਕਿ ਸਿਆਸਤ ਕਾਰਨ ਸਥਿਤੀ ਜਿਉਂ ਦੀ ਤਿਉਂ ਰਹਿਣੀ ਚਾਹੀਦੀ ਹੈ ਤਾਂ ਉਹ ਸਥਿਤੀ ਬਦਲ ਚੁੱਕੀ ਹੈ। ਕਿਸੇ ਨੁਕਤੇ ’ਤੇ ਆ ਕੇ ਮੁੱਦੇ ਇੰਨੇ ਅਹਿਮ ਹੁੰਦੇ ਹਨ ਕਿ ਉਹ ਆਪਣਾ ਰਾਹ ਆਪ ਬਣਾਉਂਦੇ ਹਨ।


ਯੂਨੀਸੈਫ ਨੇ ਮੰਗਿਆ ਉੱਤਰ ਪ੍ਰਦੇਸ਼

ਜਬਰ-ਜਨਾਹ ਪੀੜਤ ਪਰਿਵਾਰਾਂ ਲਈ ਇਨਸਾਫ਼

ਸੰਯੁਕਤ ਰਾਸ਼ਟਰ, 13 ਜੂਨ - ਸੰਯੁਕਤ ਰਾਸ਼ਟਰ ਬਾਲ ਵਿਕਾਸ ਸੰਗਠਨ ਯੂਨੀਸੈਫ ਨੇ ਉੱਤਰ ਪ੍ਰਦੇਸ਼ ਵਿੱਚ ਜਬਰ-ਜਨਾਹ ਮਗਰੋਂ ਕਤਲ ਕੀਤੀਆਂ ਲੜਕੀਆਂ ਦੇ ਪਰਿਵਾਰਾਂ ਨੂੰ ਇਨਸਾਫ ਦੇਣ ਦੀ ਮੰਗ ਕੀਤੀ ਹੈ। ਸੰਸਥਾ ਨੇ ਕਿਹਾ ਕਿ ਇਸ ਘਿਨੌਣੇ ਅਪਰਾਧ ਲਈ ਦੋਸ਼ੀਆਂ ਨੂੰ ਕਿਸੇ ਤਰ੍ਹਾਂ ਦੀ ਮੁਆਫ਼ੀ ਨਾ ਦਿੱਤੀ ਜਾਵੇ।ਬਦਾਯੂੰ ਵਿਚਲੀ ਇਸ ਘਟਨਾ ਮਗਰੋਂ ਬਿਜਨੌਰ ਵਿਖੇ 14 ਸਾਲਾ ਬੱਚੀ ਨਾਲ ਜਬਰ-ਜਨਾਹ ਮਗਰੋਂ ਕਤਲ ਕਰਨ ਦੀਆਂ ਰਿਪੋਰਟਾਂ ਦੇ ਮੱਦੇਨਜ਼ਰ ਯੂਨੀਸੇਫ ਨੇ ਕਿਹਾ, ‘‘ ਇਨ੍ਹਾਂ ਅਪਰਾਧਾਂ ਦੇ ਪੀੜਤਾਂ ਨੂੰ ਨਿਆਂ ਦਿੱਤਾ ਜਾਵੇ ਤਾਂ ਲੋਕ ਸਜ਼ਾ ਤੋਂ ਸਬਕ ਲੈ ਸਕਣ।’’
ਯੂਨੀਸੇਫ ਨੇ ਬੀਤੇ ਦਿਨ ਇਕ ਬਿਆਨ ਵਿੱਚ ਕਿਹਾ, ‘‘ਅਜਿਹੇ ਅਪਰਾਧ ਲਈ ਮੁਆਫ਼ੀ ਦੀ ਗੁੰਜਾਇਸ਼ ਨਹੀਂ ਹੈ। ਇਸ ਅਪਰਾਧ ਨੇ ਨਾ ਸਿਰਫ਼ ਲੜਕੀਆਂ ਤੇ ਉਨ੍ਹਾਂ ਦੇ ਪਰਿਵਾਰਾਂ ਨੂੰ ਤਬਾਹ ਕੀਤਾ ਹੈ, ਸਗੋਂ  ਸਮਾਜ ਨੂੰ ਦਾਗ਼ਦਾਰ ਕੀਤਾ ਹੈ। ਇਸ ਨਾਲ ਮਨੁੱਖੀ ਸਭਿਅਤਾ ਸ਼ਮਸਾਰ ਹੋ ਗਈ । ਅਸੀਂ ਅਜਿਹੇ ਅਪਰਾਧਾਂ ਦੀ ਨਿਖੇਧੀ ਕਰਦੇ ਹਾਂ। ਭਾਵੇਂ ਮਰ ਚੁੱਕੀਆਂ ਲੜਕੀਆਂ ਨੂੰ ਵਾਪਸ ਨਹੀਂ ਲਿਆਂਦਾ ਜਾ ਸਕਦਾ, ਪਰ ਅਸੀਂ ਦੋਸ਼ੀਆਂ ਨੂੰ ਸਜ਼ਾਵਾਂ ਦਿਵਾ ਕੇ ਹੋਰ ਲੜਕੀਆਂ ਤੇ ਔਰਤਾਂ ਦੀ ਹਿਫਾਜ਼ਤ ਵੱਲ ਕਦਮ ਜ਼ਰੂਰ ਪੁੱਟ ਸਕਦੇ ਹਾਂ।’’ ਬੀਤੇ ਹਫਤੇ ਸੰਯੁਕਤ ਰਾਸ਼ਟਰ ਦੇ ਸਕੱਤਰ ਜਨਰਲ ਬਾਨ ਕੀ ਮੂਨ ਨੇ ਵੀ ਉੱਤਰ ਪ੍ਰਦੇਸ਼ ਵਿਚਲੀਆਂ ਘਟਨਾਵਾਂ ਦੀ ਨਿਖੇਧੀ ਕਰਦਿਆਂ ਦੁੱਖ ਪ੍ਰਗਟਾਇਆ ਸੀ ਤੇ ਦੋਸ਼ੀਆਂ ਨੂੰ ਸਖ਼ਤ ਸਜ਼ਾਵਾਂ ਦੇਣ ਦੀ ਮੰਗ ਕੀਤੀ ਸੀ। ਭਾਰਤ ਵਿੱਚ ਸੰਯੁਕਤ ਰਾਸ਼ਟਰ ਦੀ ਰੈਜੀਡੈਂਸ ਕੁਆਰਡੀਨੇਟਰ ਲੀਸ ਗਰੈਂਡ ਨੇ ਦੋਸ਼ੀਆਂ ਵਿਰੁੱਧ ਤੁਰੰਤ ਕਾਰਵਾਈ ਕਰਨ ਦੀ ਮੰਗ ਕੀਤੀ  ਹੈ।

ਲਾਸ ਵੈਗਾਸ ਵਿੱਚ

ਗੋਲੀਬਾਰੀ, 5 ਹਲਾਕ


ਵਾਸ਼ਿੰਗਟਨ, 10 ਜੂਨ - ਲਾਸ ਵੇਗਾਸ ਵਿੱਚ ਐਤਵਾਰ ਨੂੰ ਦੋ ਬੰਦੂਕਧਾਰੀਆਂ ਨੇ ਦੋ ਪੁਲੀਸ ਅਧਿਕਾਰੀਆਂ ਤੇ ਇਕ ਸਿਵਲੀਅਨ ਦੀ ਗੋਲੀਆਂ ਮਾਰ ਕੇ ਹੱਤਿਆ ਕਰ ਦਿੱਤੀ ਤੇ ਬਾਅਦ ਵਿੱਚ ਆਪਣੇ ਆਪ ਨੂੰ ਵੀ ਮਾਰ ਮੁਕਾਇਆ। ਇਕ ਹਮਲਾਵਰ ਨੇ ਪੁਲੀਸ ਅਧਿਕਾਰੀ ਨੂੰ ਗੋਲੀਆਂ ਮਾਰਨ ਤੋਂ ਪਹਿਲਾਂ ਕਿਹਾ, ‘‘ਇਹ ਇਨਕਲਾਬ ਦੀ ਸ਼ੁਰੂਆਤ ਹੈ। ਹਮਲਾਵਰਾਂ ਵਿੱਚ ਇਕ ਔਰਤ ਵੀ ਸੀ। ਇਕ ਅਫਸਰ ਦੀ ਮੌਕੇ ’ਤੇ ਹੀ ਮੌਤ ਹੋ ਗਈ ਜਦੋਂਕਿ ਦੂਜੇ ਨੇ ਹਸਪਤਾਲ ਵਿੱਚ ਅਪਰੇਸ਼ਨ ਸਮੇਂ ਦਮ ਤੋੜਿਆ। ਦੋਵੇਂ ਹਮਲਾਵਰ ਇਸ ਤੋਂ ਬਾਅਦ ਨੇੜਲੇ ਵਾਲਮਾਰਟ ਸਟੋਰ ’ਤੇ ਗਏ ਅਤੇ ਉਥੇ ਸਿਵਲੀਅਨ ਦੀ ਗੋਲੀਆਂ ਮਾਰ ਕੇ ਹੱਤਿਆ ਕਰ ਦਿੱਤੀ। ਬਾਅਦ ਵਿੱਚ ਉਨ੍ਹਾਂ ਨੇ ਆਪਣੇ ਆਪ ਨੂੰ ਮਾਰ ਮੁਕਾਇਆ। ਇਸ ਘਟਨਾ ਬਾਅਦ ਇਲਾਕੇ ’ਚ ਦਹਿਸ਼ਤ ਦਾ ਮਾਹੌਲ ਸੀ। ਪੁਲੀਸ ਘਟਨਾ ਦੀ ਜਾਂਚ ਕਰ ਰਹੀ ਹੈ।     


ਮੋਦੀ ਬਣੇ ਫੈਸ਼ਨ ਦੀ ਦੁਨੀਆਂ

ਦੇ ਨਵੇਂ ਅਵਤਾਰ


ਵਾਸ਼ਿੰਗਟਨ, 8 ਜੂਨ - ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਪਹਿਰਾਵੇ ਨੇ ਜਿੱਥੇ ਦੇਸ਼ ‘ਚ ਉਨ੍ਹਾਂ ਦੇ ਕਿਰਦਾਰ ਨੂੰ ਉਭਾਰਨ ‘ਚ ਵੱਡਾ ਯੋਗਦਾਨ ਪਾਇਆ ਹੈ, ਉੱਥੇ ਅਮਰੀਕੀ ਮੀਡੀਆ ਨੇ ਉਨ੍ਹਾਂ ਨੂੰ ਫੈਸ਼ਨ ਦਾ ਨਵਾਂ ਅਵਤਾਰ ਕਰਾਰ ਦਿੱਤਾ ਹੈ।
ਸ੍ਰੀ ਮੋਦੀ ਦੀ ਅਮਰੀਕਾ ਫੇਰੀ ਨੂੰ ਪਹਿਲਾਂ ਕਈ ਵਰ੍ਹਿਆਂ ਤੱਕ ਰੋਕੀ ਰੱਖਣ ਤੋਂ ਬਾਅਦ ਹੁਣ ਉਨ੍ਹਾਂ ਦੀ ਆਮਦ ਨੂੰ ਲੈ ਕੇ ਉੱਥੋਂ ਦਾ ਮੀਡੀਆ ਵੀ ਸਰਗਰਮ ਹੋ ਗਿਆ ਹੈ। ਭਾਜਪਾ ਨੂੰ ਸ੍ਰੀ ਨਰਿੰਦਰ ਮੋਦੀ ਦੀ ਅਗਵਾਈ ‘ਚ ਮਿਲੀ ਵੱਡੀ ਜਿੱਤ ਤੋਂ ਬਾਅਦ ਉਨ੍ਹਾਂ ਦਾ ‘ਮੋਦੀ ਕੁੜਤਾ’ ਅਮਰੀਕੀ ਮੀਡੀਆ ‘ਚ ਛਾ ਗਿਆ ਹੈ। ਅਮਰੀਕਾ ਦੇ ਤਿੰਨ ਪ੍ਰਮੁੱਖ ਅਖ਼ਬਾਰਾਂ ਟਾਈਮ, ਨਿਊਯਾਰਕ ਟਾਈਮਜ਼ ਅਤੇ ਵਾਸ਼ਿੰਗਟਨ ਪੋਸਟ ਨੇ ਸ੍ਰੀ ਮੋਦੀ ਦੇ ਨਿਵੇਕਲੇ ਪਹਿਰਾਵੇ ਦੀ ਤਾਰੀਫ਼ ‘ਚ ਕਈ ਲੇਖ ਲਿਖੇ ਹਨ।
‘ਨਿਊਯਾਰਕ ਟਾਈਮਜ਼’ ‘ਚ ਲਿਖੇ ਗਏ ਲੇਖ ‘ਚ ਕਿਹਾ ਗਿਆ ਹੈ ਕਿ ਦੁਨੀਆਂ ਨੇ ਮਿਸ਼ੇਲ ਓਬਾਮਾ, ਔਲਾਂਦੇ, ਡਿਲਮਾ ਰੂਸੈਫ਼ ਦੇ ਪਹਿਰਾਵੇ ਅਤੇ ਨੈਲਸਨ ਮੰਡੇਲਾ ਦੀਆਂ ਰੰਗਦਾਰ ਕਮੀਜ਼ਾਂ ਬਾਰੇ ਬਥੇਰੀ ਚਰਚਾ ਕੀਤੀ ਹੈ, ਪਰ ਭਾਰਤ ਦੇ ਨਵੇਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਫੈਸ਼ਨ ਬਾਰੇ ਪੜਚੋਲ ਕਰਨ ਦੀ ਲੋੜ ਹੈ। ਲੇਖ ‘ਚ ਕਿਹਾ ਗਿਆ ਹੈ ਕਿ ਭਾਰਤ ਦੇ ਆਗੂਆਂ ਨੂੰ ਸ਼ਾਇਦ ਕੱਪੜੇ ਪਹਿਨਣ ਦੇ ਚੱਜਾਂ ਬਾਰੇ ਇੰਨੀ ਜਾਣਕਾਰੀ ਨਹੀਂ ਹੈ, ਪਰ ਮੋਦੀ ਦਾ ਪਹਿਰਾਵਾ ਹੋਰਨਾਂ ਕੌਮਾਂਤਰੀ ਹਸਤੀਆਂ ਦੀ ਸੂਚੀ ‘ਚ ਆਉਂਦਾ ਹੈ।
‘ਵਾਸ਼ਿੰਗਟਨ ਪੋਸਟ’ ਨੇ ਸ੍ਰੀ ਮੋਦੀ ਦੇ ਪਹਿਰਾਵੇ ਦੀ ਸ਼ਲਾਘਾ ਕਰਦਿਆਂ ਲਿਖਿਆ ਹੈ, ”ਪਾਸੇ ਹਟੋ, ਮਿਸ਼ੇਲ ਓਬਾਮਾ। ਦੁਨੀਆਂ ਨੂੰ ਹੁਣ ਫੈਸ਼ਨ ਦਾ ਨਵਾਂ ਅਵਤਾਰ ਮਿਲ ਗਿਆ ਹੈ। ਇਹ ਵਲਾਦੀਮੀਰ ਪੂਤਿਨ ਨਹੀਂ, ਸਗੋਂ ਭਾਰਤ ਦੇ ਨਵੇਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਹਨ।” ਟਾਈਮ ਮੈਗਜ਼ੀਨ ਨੇ ਕੱਲ੍ਹ ਲਿਖੇ ਲੇਖ ‘ਚ ਕਿਹਾ ਹੈ ਕਿ ਨਰਿੰਦਰ ਮੋਦੀ ਭਾਰਤੀ ਫੈਸ਼ਨ ‘ਚ ਮੋਹਰੀ ਰਹਿਣ ਵਾਲੇ ਹਨ।


ਕੈਨੇਡਾ ਵਿੱਚ 3 ਪੁਲੀਸ ਅਧਿਕਾਰੀਆਂ

ਦੀ ਹੱਤਿਆ, 2 ਜ਼ਖ਼ਮੀ


ਮੋਨਕਟਨ (ਕੈਨੇਡਾ), 6 ਜੂਨ - ਕੈਨੇਡਾ ਦੇ ਪੂਰਬੀ ਤੱਟੀ ਸੂਬੇ ਵਿੱਚ ਬਰਨਸਵਿੱਕ ਵਿੱਚ ਤਿੰਨ ਪੁਲੀਸ ਅਧਿਕਾਰੀਆਂ ਨੂੰ ਗੋਲੀਆਂ ਮਾਰ ਕੇ ਮਾਰ ਦਿੱਤਾ ਗਿਆ ਤੇ ਦੋ ਹੋਰ ਜ਼ਖ਼ਮੀ ਹੋ ਗਏ। ਹਮਲਾਵਰ ਦੀ ਭਾਲ ਕੀਤੀ ਜਾ ਰਹੀ ਹੈ।
ਰਾਇਲ ਕੈਨੇਡੀਅਨ ਮਾਊਂਟਿਡ ਪੁਲੀਸ ਨਿਊ ਬਰਨਸਵਿੱਕ ਨੇ ਆਪਣੇ ਟਵਿੱਟਰ ਪੰਨੇ ‘ਤੇ ਇਸ ਦੀ ਪੁਸ਼ਟੀ ਕੀਤੀ ਹੈ ਕਿ ਕੱਲ੍ਹ ਤਿੰਨ ਪੁਲੀਸ ਅਧਿਕਾਰੀਆਂ ਨੂੰ ਗੋਲੀਆਂ ਮਾਰ ਕੇ ਮਾਰ ਦਿੱਤਾ ਗਿਆ ਤੇ ਦੋ ਹੋਰ ਦੇ ਸੱਟਾਂ ਲੱਗੀਆਂ ਹਨ ਪਰ ਉਨ੍ਹਾਂ ਦੀ ਹਾਲਤ ਖ਼ਤਰੇ ਤੋਂ ਬਾਹਰ ਹੈ। ਪੁਲੀਸ ਨੇ ਤਰਜਮਾਨ ਪਾਲ ਗਰੀਨ ਨੇ ਮੌਤਾਂ ਦੀ ਪੁਸ਼ਟੀ ਕੀਤੀ ਹੈ।
ਪੁਲੀਸ ਨੇ ਟਵਿੱਟਰ ‘ਤੇ ਕਿਹਾ ਹੈ  ਕਿ ਇਹ ਮੋਨਕਟਨ ਦੇ 24 ਕੁ ਸਾਲ ਦੇ ਜਸਟਿਸ ਬੁਰਕ ਦੀ ਭਾਲ ਕਰ ਰਹੀ ਹੈ। ਪੁਲੀਸ ਅਨੁਸਾਰ ਮਸ਼ਕੂਕ ਨੇ ਫੌਜੀ ਵਰਦੀ ਪਹਿਨੀ ਹੋਈ ਹੈ ਤੇ ਉਸ ਕੋਲ ਦੋ ਬੰਦੂਕਾਂ ਹਨ। ਕਾਂਸਟੇਬਲ ਡੇਮੀਅਨ ਥੇਰੀਅਟਲਟ ਨੇ ਦੱਸਿਆ ਕਿ ਇਲਾਕੇ ਦੇ ਲੋਕਾਂ ਨੂੰ ਪੁਲੀਸ ਨੇ ਘਰਾਂ ਤੋਂ ਬਾਹਰ ਨਾ ਨਿਕਲਣ ਅਤੇ ਆਪਣੇ ਦਰਵਾਜ਼ੇ ਕੁੰਡੇ ਬੰਦ ਰੱਖਣ ਦੀ ਹਦਾਇਤ ਦਿੱਤੀ ਹੈ। ਡਰਾਈਵਰਾਂ ਨੂੰ ਵੀ ਇਸ ਇਲਾਕੇ ਵਿੱਚੋਂ ਬਾਹਰ ਹੀ ਰਹਿਣ ਲਈ ਕਿਹਾ ਗਿਆ ਹੈ। ਕੈਨੇਡਾ ਵਿੱਚ ਅਜਿਹੀ ਹਿੰਸਾ ਬੜੀ ਵਿਰਲੀ ਘਟਨਾ ਹੈ, ਖਾਸ ਕਰ ਇਸ ਦੇ ਪੂਰਬੀ ਤੱਟੀ ਖੇਤਰ ਵਿੱਚ ਤਾਂ ਇਹ ਹੈਰਾਨੀ ਵਾਲੀ ਗੱਲ ਹੈ।
ਸੂਬਾਈ ਸਿਹਤ ਵਿਭਾਗ ਹੋਰਾਇਜ਼ਾ ਹੈਲਥ ਨੈੱਟਵਰਕ ਨੇ ਆਪਣੇ ਟਵਿੱਟਰ ਪੰਨੇ ‘ਤੇ ਕਿਹਾ ਹੈ  ਕਿ ਗੋਲੀਆਂ ਲੱਗਣ ਨਾਲ ਜ਼ਖ਼ਮੀ ਹੋਏ ਦੋ ਵਿਅਕਤੀਆਂ ਨੂੰ ਮੋਨਕਟਨ ਹਸਪਤਾਲ ਦਾਖ਼ਲ ਕਰਵਾਇਆ ਗਿਆ ਹੈ। ਕਾਂਸਟੇਬਲ ਡੇਮੀਅਨ ਅਨੁਸਾਰ ਦੋ ਗਲੀਆਂ ਵਿੱਚ ਮਸ਼ਕੂਕ ਦੀ  ਭਾਲ ਕੀਤੀ ਜਾ ਰਹੀ ਹੈ।
ਇਸ ਇਲਾਕੇ ਦੇ ਨੇੜੇ ਰਹਿੰਦੇ 35 ਸਾਲਾ ਸੀਮਾਨ ਗਾਲਾਚਰ ਨੇ ਦੱਸਿਆ ਕਿ ਉਸ ਨੇ ਜੋ ਜ਼ੋਰਦਾਰ ਅਵਾਜ਼ਾਂ ਸੁਣੀਆਂ ਸਨ,ਉਹ ਗੋਲੀਆਂ ਚੱਲਣ ਦੀਆਂ ਸਨ। ਪਹਿਲਾਂ ਉਸ ਨੂੰ ਜਾਪਿਆ ਸੀ ਕਿ ਉਸ ਦੀ ਧੀ ਨੇ ਖਿਡੌਣੇ ਸੁੱਟੇ ਹਨ। ਉਸ ਨੇ ਦੱਸਿਆ ਕਿ ਉਹ ਘਰ ਵਿੱਚ ਹੇਠਾਂ ਸੀ ਤੇ ਉਸ ਨੇ ਠਾਹ-ਠਾਹ ਦੀਆਂ ਆਵਾਜ਼ਾਂ ਸੁਣੀਆਂ ਸਨ। ਕੈਨੇਡਾ ਦੇ ਪਬਲਿਕ ਸੇਫਟੀ ਮੰਤਰੀ ਸਟੀਵਨ ਬਲੇਨੀ ਨੇ ਕਿਹਾ ਕਿ ਉਹ ਇਸ ਦੁਖਾਂਤ ਕਾਰਨ ਸਦਮੇ ਵਿੱਚ ਹੈ ਤੇ ਉਹ ਆਰਸੀਐਮਪੀ ਅਧਿਕਾਰੀਆਂ ਲਈ ਦੁਆਵਾਂ ਕਰਦਾ ਹੈ। 



<< Start < Prev 1 2 3 4 5 6 7 8 9 10 Next > End >>

ਮੁੱਖ ਖ਼ਬਰਾਂ : 

ਖੇਡ ਖ਼ਬਰਾ : 

ਨਵੇਂ ਲੇਖ : 

 

Random Video 

Latest Added Magzine 

Advertisement

Advertisement
Advertisement
Advertisement