International News 

9 ਮੈਂਬਰੀ ਪੰਜਾਬੀ ਗਰੋਹ ਨੂੰ 15 ਸਾਲ ਕੈਦ
ਗੈਰ-ਕਾਨੂੰਨੀ ਭਾਰਤੀਆਂ ਨੂੰ ਬਰਮਿੰਘਮ ਤੋਂ ਕੈਨੇਡਾ ਭੇਜਣ ਦਾ ਮਾਮਲਾ


ਲੰਡਨ, 9 ਨਵੰਬਰ - ਬੀਤੇ ਦਿਨੀਂ ਬਰਮਿੰਘਮ ਹਵਾਈ ਅੱਡੇ ਤੋਂ ਸੁਰੱਖਿਆ ਕਰਮਚਾਰੀਆਂ ਦੀ ਮਦਦ ਨਾਲ ਬਰਤਾਨੀਆ 'ਚ ਰਹਿਣ ਵਾਲੇ ਗੈਰਕਾਨੂੰਨੀ ਲੋਕਾਂ ਨੂੰ ਕੈਨੇਡਾ ਸਮੱਗਲ ਕਰਨ ਵਾਲੇ 9 ਮੈਂਬਰੀ ਪੰਜਾਬੀਆਂ ਦੇ ਗਰੋਹ ਨੂੰ ਬਰਮਿੰਘਮ ਕਰਾਊਨ ਕੋਰਟ ਨੇ 15 ਸਾਲ ਕੈਦ ਦੀ ਸਜ਼ਾ ਸੁਣਾਈ ਹੈ | ਇਹ ਗਰੋਹ ਗਾਹਕਾਂ ਤੋਂ ਪ੍ਰਤੀ ਵਿਅਕਤੀ ਦੇ ਹਿਸਾਬ ਨਾਲ 10000 ਪੌਾਡ ਵਸੂਲਦਾ ਸੀ | ਅਦਾਲਤੀ ਕਾਰਵਾਈ ਦੌਰਾਨ ਦੱਸਿਆ ਗਿਆ ਕਿ 2010 'ਚ ਤਿੰਨ ਗੈਰਕਾਨੂੰਨੀ ਪ੍ਰਵਾਸੀ ਸੁਰੱਖਿਆ ਕਰਮਚਾਰੀਆਂ ਦੀ ਮਦਦ ਨਾਲ ਕੈਨੇਡਾ ਪਹੁੰਚ ਗਏ ਸਨ, ਜਿੱਥੇ ਜਾ ਕੇ ਉਨ੍ਹਾਂ ਨੇ ਸਿਆਸੀ ਪਨਾਹ ਮੰਗ ਲਈ, ਅਕਤੂਬਰ 2010 ਦੋ ਹੋਰ ਇਸ ਤਰ੍ਹਾਂ ਦੇ ਕੇਸ ਸਾਹਮਣੇ ਆਏ, ਜਿਸ ਵਿੱਚ ਸੁਖਵਿੰਦਰ ਨਿੱਝਰ ਅਤੇ ਬੂਟਾ ਸਿੰਘ ਪਹਿਲੇ ਚੈੱਕ ਪੁਆਇੰਟ ਤੋਂ ਸਾਫ ਲੰਘਦੇ ਵੇਖਿਆ ਗਿਆ, ਪਰ ਉਨ੍ਹਾਂ 'ਚੋਂ ਇੱਕ ਨੂੰ ਓਦੋਂ ਫੜ ਲਿਆ ਗਿਆ ਜਦੋਂ ਉਸ ਨੇ ਕਿਸੇ ਹੋਰ ਸੁਰੱਖਿਆ ਕਰਮਚਾਰੀ ਨੂੰ ਆਪਣੇ ਦਸਤਾਵੇਜ਼ ਫੜਾ ਦਿੱਤੇ | ਇਸ ਕਾਰਵਾਈ ਦੌਰਾਨ ਦੋਵਾਂ ਪ੍ਰਵਾਸੀਆਂ ਨੂੰ ਗਿ੍ਫ਼ਤਾਰ ਕਰ ਲਿਆ ਗਿਆ ਤੇ ਬਾਅਦ 'ਚ 8-8 ਮਹੀਨੇ ਕੈਦ ਦੀ ਸਜ਼ਾ ਹੋਈ ਤੇ ਬਾਅਦ 'ਚ ਦੋਵਾਂ ਨੂੰ ਭਾਰਤ ਡਿਪੋਰਟ ਕਰ ਦਿੱਤਾ | ਇਸ ਘਟਨਾ ਦੀ ਜਾਂਚ ਦੌਰਾਨ ਦੋ ਸੁਰੱਖਿਆ ਕਰਮਚਾਰੀ 45 ਸਾਲਾ ਇਮਤਿਆਜ਼ ਅਹਿਮਦ ਵਾਸੀ ਹਾਰਬਰੀ ਰੋਡ, ਬਾਲਸਾਲ ਹੀਥ ਤੇ 31 ਸਾਲਾ ਗੁਲਾਮ ਸਰਵਰ ਵਾਦਸੀ ਕਾਊਚਮੈਨ ਰੋਡ, ਐਲਮ ਰੌਕ ਸਮੇਤ 9 ਪੰਜਾਬੀ ਮੂਲ ਦੇ ਸੁਨੀਲ ਸ਼ੁਭ (22), ਵਾਸੀ ਰੋਲੀਆ ਡਰਾਈਵ, ਸਮੈਦਿਕ, ਵਜਿੰਦਰ ਜੌਹਲ (23) ਵਾਸੀ ਵਿਲਸਨ ਰੋਡ, ਸਮੈਦਿਕ, ਪ੍ਰਦੀਪ (22) ਵਾਸੀ ਐਸ਼ਓਵਰ ਗਰੋਵ, ਵਿਨਸਨ ਗਰੀਨ, ਦਵਿੰਦਰ ਕੰਦੋਲਾ (30) ਵਾਸੀ ਗਰੇਜ, ਐਸੈਕਸ, ਸੰਦੀਪ ਮਾਨ (26) ਵਾਸੀ ਐਡਵਾਰਡ ਰੋਡ, ਸਮੈਦਿਕ, ਵਿੱਤਰ ਸਿੰਘ (45) ਵਾਸੀ ਵਾਲਬਰੁੱਕ ਸਟਰੀਟ, ਬਿਲਸਟਨ, ਗੁਰਤੇਜ ਦਿਓਲ (29) ਵਾਸੀ ਚਰਚ ਲੇਨ, ਹੈਂਡਜ਼ਵਰਥ ਤੇ ਸਰਬ ਸਿੰਘ ਰਾਇ (34) ਵਾਸੀ ਕੌਨਿੰਗਜ਼ਬੀ ਰੋਡ ਲਮਿੰਗਟਨ ਸਪਾ ਨੂੰ ਦੋਸ਼ੀ ਮੰਨਦਿਆਂ ਅਹਿਮਦ ਨੂੰ 4 ਸਾਲ, ਸਰਵਰ ਨੂੰ ਤਿੰਨ ਸਾਲ, ਪਵਿੱਤਰ ਨੂੰ 18 ਮਹੀਨੇ, ਕੰਦੋਲਾ ਨੂੰ 14 ਮਹੀਨੇ, ਸੁਨੀਲ ਨੂੰ 8 ਮਹੀਨੇ, ਵਰਜਿੰਦਰ, ਪ੍ਰਦੀਪ ਤੇ ਸੰਦੀਪ ਨੂੰ 10-10 ਮਹੀਨੇ ਕੈਦ ਦੀ ਸਜ਼ਾ ਸੁਣਾਈ ਹੈ | ਜਦਕਿ ਨਰਿੰਦਰ ਸਿੱਧੂ, ਗੁਰਤੇਜ ਦਿਓਲ ਅਤੇ ਸਰਬ ਸਿੰਘ ਰਾਇ ਨੂੰ 10 ਮਹੀਨੇ ਦੀ ਕੈਦ ਸੁਣਾਈ ਹੈ ਜੋ 2 ਸਾਲ 'ਚ ਭੁਗਤਣੀ ਹੋਵੇਗੀ ਤੇ 150 ਘੰਟੇ ਸਮਾਜ ਸੇਵਾ ਦੇ ਹੁਕਮ ਸੁਣਾਏ ਹਨ |


ਕੈਨੇਡਾ ਦੇ ਪੰਜਾਬੀ ਨੌਜਵਾਨ ਦੀ

ਸੜਕ ਹਾਦਸੇ 'ਚ ਮੌਤ


ਵੈਨਕੂਵਰ, 8 ਨਵੰਬਰ –- ਕੈਨੇਡਾ ਦੇ ਪੰਜਾਬੀ ਮੋਟਰ ਸਾਈਕਲ ਸਵਾਰ ਨੌਜਵਾਨ ਦੀ ਮੰਗਲਵਾਰ ਨੂੰ ਸੜਕ ਹਾਦਸੇ 'ਚ ਮੌਤ ਹੋ ਗਈ | ਇਹ ਹਾਦਸਾ 128 ਸਟਰੀਟ ਅਤੇ 96 ਐਵੇਨਿਊ 'ਤੇ ਉਸ ਸਮੇਂ ਵਾਪਰਿਆ, ਜਦੋਂ ਮੋਟਰ ਸਾਈਕਲ ਐਸ. ਯੂ. ਵੀ. ਟਰੱਕ ਨਾਲ ਟਕਰਾਉਣ ਮਗਰੋਂ ਉਸ ਦੇ ਹੇਠਾਂ ਜਾ ਵੜਿਆ ਅਤੇ ਡਰਾਈਵਰ ਮਾਰਿਆ ਗਿਆ | ਸਰੀ ਰਾਇਲ ਕੈਨੇਡੀਅਨ ਮੌਾਟੇਡ ਪੁਲਿਸ ਦੇ ਕਾਰਪੋਰੇਲ ਬਰਾਈਨ ਫੈਡੀਰਚਕ ਅਨੁਸਾਰ ਹਾਦਸੇ ਦੇ ਕਾਰਨਾਂ ਦੀ ਜਾਂਚ ਹੋ ਰਹੀ ਹੈ ਤੇ ਟਰੱਕ ਚਾਲਕ ਔਰਤ ਪੁਲਿਸ ਨੂੰ ਸਹਿਯੋਗ ਦੇ ਰਹੀ ਹੈ | ਚਾਹੇ ਸ਼ਰਾਬ ਆਦਿ ਨੂੰ ਹਾਦਸੇ ਦਾ ਕਾਰਨ ਨਹੀਂ ਦੱਸਿਆ ਗਿਆ, ਪਰ ਰਫਤਾਰ ਦੇ ਸਬੰਧ ਵਿਚ ਪੁਲਿਸ ਪੜਤਾਲ ਕਰ ਰਹੀ ਹੈ | ਭਰੋਸੇਯੋਗ ਸੂਤਰਾਂ ਅਨੁਸਾਰ ਹਾਦਸੇ 'ਚ ਮਾਰਿਆ ਗਿਆ ਮੋਟਰਸਾਈਕਲ ਚਾਲਕ 30 ਸਾਲਾ ਰਜਿੰਦਰ ਸਿੰਘ ਗਿੱਲ ਸੀ, ਜੋ ਸਰੀ ਦਾ ਵਸਨੀਕ ਸੀ | ਬੀਤੇ ਸਮੇਂ ਦੌਰਾਨ ਇਥੇ ਕਈ ਮੋਟਰਸਾਈਕਲ ਹਾਦਸੇ ਵਾਪਰ ਚੁੱਕੇ ਹਨ | ਜਿਨ੍ਹਾਂ 'ਚ ਪੰਜਾਬੀ ਵਿਦਿਆਰਥਣ ਅਮਰਪ੍ਰੀਤ ਕੌਰ ਸਿਵੀਆ ਦੀ ਮੋਟਰਸਾਈਕਲ ਨਾਲ ਟਕਰਾਉੁਣ ਕਰਕੇ ਮੌਤ ਹੋ ਗਈ ਸੀ, ਜਦਕਿ ਇਕ ਹੋਰ ਪੰਜਾਬੀ ਮੋਟਰਸਾਈਕਲ ਚਾਲਕ ਵੀ ਵੱਖਰੇ ਹਾਦਸੇ 'ਚ ਮਾਰਿਆ ਗਿਆ ਸੀ |


ਕਿਊਬਕ ਦੀ ਵਿਧਾਨ ਸਭਾ 'ਚ

ਅੱਜ ਪੇਸ਼ ਹੋਵੇਗਾ ਬਿੱਲ
ਮਾਮਲਾ ਧਾਰਮਿਕ ਚਿੰਨ੍ਹਾਂ 'ਤੇ ਪਾਬੰਦੀ ਦਾ


ਟੋਰਾਂਟੋ, 7 ਨਵੰਬਰ - ਕੈਨੇਡਾ ਦੇ ਸੂਬੇ ਕਿਊਬਕ ਵਿਚ ਧਾਰਮਿਕ ਚਿੰਨ੍ਹ੍ਹਾਂ 'ਤੇ ਪਾਬੰਦੀ ਲਗਾਉੁਣ ਵਾਲੇ ਚਾਰਟਰ ਆਫ ਕਿਊਬਕ ਵੈਲਿਊਜ਼ ਦੇ ਖਰੜੇ ਨੂੰ ਸੂਬਾਈ ਸਰਕਾਰ ਵੱਲੋਂ ਅੰਤਿਮ ਰੂਪ ਦੇ ਦਿੱਤਾ ²ਗਿਆ ਹੈ ਅਤੇ ਇਸ ਬਾਰੇ ਬਿੱਲ ਵੀਰਵਾਰ 7 ਨਵੰਬਰ ਨੂੰ ਵਿਧਾਨ ਸਭਾ ਵਿਚ ਪੇਸ਼ ਕੀਤਾ ਜਾਣਾ ਹੈ | ਇਸ ਕਾਰਜ ਲਈ ਜ਼ਿੰਮੇਵਾਰ ਕੈਬਨਿਟ ਮੰਤਰੀ ਬਰਨਾਰਡ ਡਰੇਨਵਿੱਲ ਨੇ ਬੀਤੀ 10 ਸਤੰਬਰ ਨੂੰ ਜਨਤਕ ਥਾਵਾਂ ਅਤੇ ਵਿਭਾਗਾਂ 'ਚ ਧਾਰਮਿਕ ਚਿੰਨ੍ਹ ਪਹਿਚਾਣ 'ਤੇ ਰੋਕ ਲਗਾਉਣ ਵਾਲੇ ਇਸ ਚਾਰਟਰ ਦਾ ਖਰੜਾ ਜਾਰੀ ਕੀਤਾ ਸੀ। ਮੁੱਖ ਮੰਤਰੀ ਪਾਓਲੀਨ ਮਾਰੋਇਸ ਨੇ ਵੀ ਚਾਰਟਰ ਦੇ ਹੱਕ ਵਿਚ ਧੜੱਲੇ ਨਾਲ ਪ੍ਰਚਾਰ ਕੀਤਾ। ਬੀਤੇ ਹਫਤਿਆਂ ਦੌਰਾਨ ਇਸ ਬਾਰੇ ਸੂਬੇ ਦੇ ਲੋਕਾਂ ਅਤੇ ਵਿਰੋਧੀ ਪਾਰਟੀਆਂ ਵੱਲੋਂ ਆਪੋ-ਆਪਣਾ ਨਜ਼ਰੀਆ ਪੇਸ਼ ਕੀਤਾ ਜਾਂਦਾ ਰਿਹਾ। ਇਸੇ ਦੌਰਾਨ ਪਾਰਟੀ ਕਿਊਬਕ ਦੀ ਘੱਟ-ਗਿਣਤੀ ਸਰਕਾਰ ਨੂੰ ਅੰਤਰਰਾਸ਼ਟਰੀ ਪੱਧਰ 'ਤੇ ਵੱਖ-ਵੱਖ ਭਾਈਚਾਰਿਆਂ ਦੀ ਕਰੜੀ ਆਲੋਚਨਾ ਦਾ ਸਾਹਮਣਾ ਕਰਨਾ ਪਿਆ ਅਤੇ ਲੜੀਵਾਰ ਰੋਸ ਪ੍ਰਦਰਸ਼ਨ ਵੀ ਹੋਏ। ਸ੍ਰੀ ਡਰੇਨਵਿੱਲ ਨੇ ਬੀਤੇ ਮਹੀਨੇ ਚਾਰਟਰ ਦੇ ਮਸੌਦੇ ਵਿਚ ਕੁਝ ਸੋਧਾਂ ਕਰਨਾ ਮੰਨ ਲਿਆ ਸੀ ਪਰ ਧਾਰਮਿਕ ਚਿੰਨ੍ਹਾਂ 'ਤੇ ਪਾਬੰਦੀ ਲਗਾਉਣ ਅਤੇ ਸਰਕਾਰੀ ਕਰਮਚਾਰੀਆਂ ਲਈ ਧਾਰਮਿਕ ਦਿਹਾੜਿਆਂ 'ਤੇ ਛੁੱਟੀ ਲੈਣ 'ਤੇ ਰੋਕ ਲਗਾਉਣ ਦਾ ਵਿਚਾਰ ਤਿਆਗਣ ਤੋਂ ਇਨਕਾਰ ਕਰ ਦਿੱਤਾ ਸੀ। ਅਜਿਹੇ ਵਿਚ ਕਿਊਬਕ 'ਚ ਸਿੱਖਾਂ, ਮੁਸਲਮਾਨਾਂ ਅਤੇ ਯਹੂਦੀਆਂ ਸਮੇਤ ਲਗਭਗ ਸਾਰੀਆਂ ਧਾਰਮਿਕ ਘੱਟ ਗਿਣਤੀਆਂ ਦੇ ਲੋਕ ਚਿੰਤਤ ਹਨ। ਇਨ੍ਹਾਂ ਭਾਈਚਾਰਿਆਂ ਦੀ ਬਹੁਗਿਣਤੀ ਮਾਂਟਰੀਅਲ ਇਲਾਕੇ ਵਿਚ ਹੈ ਅਤੇ ਬੀਤੇ ਐਤਵਾਰ ਨੂੰ ਮਾਂਟਰੀਅਲ ਦੇ ਨਵੇਂ ਚੁਣੇ ਗਏ ਮੇਅਰ ਡੈਨਿਸ ਕੋਦੇਰ ਨੇ ਕਿਹਾ ਹੈ ਕਿ ਜੇਕਰ ਚਾਰਟਰ ਦਾ ਬਿੱਲ ਵਿਧਾਨ ਸਭਾ ਵਿਚ ਪਾਸ ਕੀਤਾ ਗਿਆ ਤਾਂ ਉਹ ਸਰਕਾਰ ਖਿਲਾਫ ਅਦਾਲਤ ਵਿਚ ਜਾਣਗੇ। ਮਾਂਟਰੀਅਲ ਸਿਟੀ ਕੌਂਸਲ ਵੱਲੋਂ ਸਰਬ ਸੰਮਤੀ ਨਾਲ ਇਕ ਮਤਾ ਪਾਸ ਕਰਕੇ ਇਸ ਬਿੱਲ ਦੀ ਨਿਖੇਧੀ ਕੀਤੀ ਜਾ ਚੁੱਕੀ ਹੈ। ਸਤੰਬਰ 'ਚ ਕੈਨੇਡਾ ਫੇਰੀ ਦੌਰਾਨ ਅਕਾਲੀ ਦਲ ਦੇ ਸਕੱਤਰ ਜਨਰਲ ਸੁਖਦੇਵ ਸਿੰਘ ਢੀਂਡਸਾ, ਬੁਲਾਰੇ ਡਾ: ਦਲਜੀਤ ਸਿੰਘ ਚੀਮਾ ਅਤੇ ਹੋਰ ਆਗੂਆਂ ਨੇ ਇਸ ਚਾਰਟਰ ਦੀ ਸਖਤ ਨਿੰਦਾ ਕੀਤੀ ਸੀ।


ਟੈਕਸ ਚੋਰੀ ਦੇ ਮਾਮਲੇ 'ਚ ਦੋ ਭਰਾਵਾਂ ਇੰਦਰਜੀਤ

ਸਿੰਘ ਤੇ ਅਮਨਦੀਪ ਸਿੰਘ ਨੂੰ 6 ਸਾਲ ਕੈਦ


ਲੰਡਨ, 5 ਨਵੰਬਰ - ਪੰਜਾਬੀ ਮੂਲ ਦੇ ਦੋ ਭਰਾਵਾਂ 30 ਸਾਲਾ ਇੰਦਰਜੀਤ ਸਿੰਘ ਤੇ 27 ਸਾਲਾ ਅਮਨਦੀਪ ਸਿੰਘ ਨੂੰ ਲੀਡਜ਼ ਕਰਾਊਨ ਕੋਰਟ ਨੇ ਟੈਕਸ ਚੋਰੀ ਮਾਮਲੇ 'ਚ 6 ਸਾਲ ਕੈਦ ਦੀ ਸਜ਼ਾ ਸੁਣਾਈ ਹੈ | ਇਨ੍ਹਾਂ ਦੋਵਾਂ ਭਰਾਵਾਂ ਨੇ ਲਿੰਕੋਇਨਸ਼ਾਇਰ ਦੇ ਸਕਨਥਰੋਪ 'ਚ ਵੱਡੀ ਮਾਤਰਾ 'ਚ ਸ਼ਰਾਬ ਰੱਖੀ ਤੇ ਵੇਚੀ ਹੈ | ਜੋ ਸਹੀ ਤੌਰ 'ਤੇ ਵਿਦੇਸ਼ਾਂ ਨੂੰ ਭੇਜੀ ਜਾਣੀ ਸੀ, ਪਰ ਇਨ੍ਹਾਂ ਭਰਾਵਾਂ ਨੇ ਇਸ ਨੂੰ ਯੂ. ਕੇ. 'ਚ ਹੀ ਰੱਖ ਲਿਆ ਤੇ ਨਿੱਜੀ ਫਾਇਦੇ ਲਈ ਵੇਚਿਆ ਜਿਸ ਦੀ ਕੀਮਤ 250 ਲੱਖ ਪੌਾਡ ਦੇ ਕਰੀਬ ਸੀ ਤੇ ਜਿਸ ਤੋਂ ਸਰਕਾਰ ਨੂੰ 64 ਲੱਖ ਟੈਕਸ ਦੇਣਾ ਪੈਣਾ ਸੀ | ਐਚ ਐਮ ਰੈਵੇਨਿਊ ਤੇ ਕਸਟਮ ਵਿਭਾਗ ਅਨੁਸਾਰ ਛਾਪੇਮਾਰੀ ਦੌਰਾਨ 4,428,201 ਲੀਟਰ ਬੀਅਰ, 261,357 ਲੀਟਰ ਸ਼ਰਾਬ ਤੇ 212,912 ਲੀਟਰ ਸਪਿਰਟ ਫੜੀ ਗਈ | ਜਿਸ ਦੀ ਗੈਰਕਾਨੂੰਨੀ ਮੰਡੀ 'ਚ 100 ਲੱਖ ਪੌਾਡ ਕੀਮਤ ਹੈ, ਜਦਕਿ ਜੇ ਇਸ ਨੂੰ ਸਹੀ ਤਰੀਕੇ ਨਾਲ ਵੇਚਿਆ ਜਾਂਦਾ ਤਾਂ ਇਸ ਦੀ ਕੀਮਤ 250 ਲੱਖ ਪੌਾਡ ਬਣਦੀ ਹੈ | ਕਸਟਮ ਵਿਭਾਗ ਨੇ ਅਕਤੂਬਰ 2010 'ਚ ਇਨ੍ਹਾਂ ਨੂੰ ਗੈਰਕਾਨੂੰਨੀ ਸ਼ਰਾਬ ਵੇਚਦੇ ਫੜਿਆ ਸੀ | ਕਸਟਮ ਵਿਭਾਗ ਦੇ ਜਾਂਚ ਅਧਿਕਾਰੀ ਜੋਅ ਟੇਲਰ ਨੇ ਕਿਹਾ ਕਿ ਸ਼ਰਾਬ ਤੇ ਕਸਟਮ ਘਪਲਾ ਵੱਡੀ ਪੱਧਰ 'ਤੇ ਹੋ ਰਿਹਾ ਹੈ |

ਅਭਿਨੇਤਰੀ ਸ਼ਵੇਤਾ ਮੇਨਨ ਨੇ ਸੰਸਦ

ਮੈਂਬਰ ਖਿਲਾਫ਼ ਕੇਸ ਲਿਆ ਵਾਪਸ


ਕੋਲਮ, 5 ਨਵੰਬਰ - ਅਭਿਨੇਤਰੀ ਸ਼ਵੇਤਾ ਮੇਨਨ ਨੇ ਕਾਂਗਰਸ ਸੰਸਦ ਮੈਂਬਰ ਐਨ. ਪੀਤਾਂਬਰ ਕੁਰੂਪ ਖਿਲਾਫ਼ ਛੇੜਛਾੜ ਦੇ ਦੋਸ਼ਾਂ ਦੀ ਆਪਣੀ ਸ਼ਿਕਾਇਤ ਨੂੰ ਵਾਪਸ ਲੈ ਲਿਆ ਹੈ | ਅਭਿਨੇਤਰੀ ਨੇ 71 ਸਾਲਾ ਨੇਤਾ ਦੁਆਰਾ ਵਿਅਕਤੀਗਤ ਰੂਪ ਨਾਲ ਮੁਆਫ਼ੀ ਮੰਗੇ ਜਾਣ 'ਤੇ ਇਹ ਕਦਮ ਚੁੱਕਿਆ | ਪੁਲਿਸ ਦੁਆਰਾ ਕੋਲਮ ਤੋਂ ਲੋਕ ਸਭਾ ਸੰਸਦ ਮੈਂਬਰ ਖਿਲਾਫ਼ ਮਾਮਲਾ ਦਰਜ ਕੀਤੇ ਜਾਣ ਦੇ ਕੁਝ ਘੰਟਿਆਂ ਬਾਅਦ ਸ਼ਵੇਤਾ ਨੇ ਬੀਤੀ ਰਾਤ ਸ਼ਿਕਾਇਤ ਵਾਪਸ ਲੈਣ ਦਾ ਕਦਮ ਚੁੱਕਿਆ | ਅਭਿਨੇਤਰੀ ਨੇ ਪੁਲਿਸ ਨੂੰ ਸੂਚਿਤ ਕਰ ਦਿੱਤਾ ਹੈ ਕਿ ਉਹ ਕੁਰੂਪ ਖਿਲਾਫ਼ ਕੀਤੀ ਗਈ ਆਪਣੀ ਸ਼ਿਕਾਇਤ ਵਾਪਸ ਲੈ ਰਹੀ ਹੈ | ਪੁਲਿਸ ਨੇ ਦੱਸਿਆ ਕਿ ਉਨ੍ਹਾਂ ਨੂੰ 39 ਸਾਲਾ ਸ਼ਵੇਤਾ ਵਲੋਂ ਬੀਤੀ ਦੇਰ ਰਾਤ ਇਕ ਈ-ਮੇਲ ਮਿਲਿਆ ਜਿਸ 'ਚ ਕਿਹਾ ਗਿਆ ਕਿ ਉਹ ਕੁਰੂਪ ਖਿਲਾਫ਼ ਆਪਣੀ ਸ਼ਿਕਾਇਤ ਵਾਪਸ ਲੈ ਰਹੀ ਹੈ | ਪੁਲਿਸ ਨੇ ਦੱਸਿਆ ਜੇਕਰ ਮਾਮਲਾ ਬੰਦ ਕਰਨਾ ਹੈ ਤਾਂ ਅਭਿਨੇਤਰੀ ਨੂੰ ਬਿਆਨ ਦਰਜ ਕਰਵਾਉਣੇ ਪੈਣਗੇ |



<< Start < Prev 1 2 3 4 5 6 7 8 9 10 Next > End >>

ਮੁੱਖ ਖ਼ਬਰਾਂ : 

ਖੇਡ ਖ਼ਬਰਾ : 

ਅੰਤਰਰਾਸ਼ਟਰੀ ਖ਼ਬਰਾ : 

ਪੰਜਾਬ ਖ਼ਬਰਾਂ : 

ਨਵੇਂ ਲੇਖ : 

 

 

Random Video 

Receive Newsletter & Updates 

Sample Newsletter


Receive HTML?

Advertisement
Advertisement
Advertisement