International News 

ਸਿਡਨੀ ਵਿਚ ਘਰ ਨੂੰ ਅੱਗ

ਪੰਜਾਬੀ ਔਰਤ ਦੀ ਮੌਤ

ਸਿਡਨੀ, 5 ਦਸੰਬਰ - ਸਿਡਨੀ ਦੇ ਰੋਜ਼ ਹਿੱਲ ਇਲਾਕੇ ਵਿਚ ਘਰ ਨੂੰ ਅੱਗ ਲੱਗਣ ਨਾਲ ਪੰਜਾਬੀ ਔਰਤ ਪਰਮਿੰਦਰ ਕੌਰ ਦੀ ਸੜ ਕੇ ਮੌਤ ਹੋਣ ਦੀ ਖਬਰ ਮਿਲੀ ਹੈ | ਮਿ੍ਤਕ ਔਰਤ ਪਿੰਡ ਸਿੰਬਲੀ ਜ਼ਿਲ੍ਹਾ ਨਵਾਂਸ਼ਹਿਰ ਨਾਲ ਸੰਬੰਧਿਤ ਸੀ | ਮਿਲੀ ਸੂਚਨਾ ਅਨੁਸਾਰ ਸੋਮਵਾਰ ਦੁਪਹਿਰੇ ਘਰ ਨੂੰ ਅੱਗ ਲੱਗ ਗਈ ਜਿਸ ਵਿਚ ਪਰਮਿੰਦਰ ਕੌਰ ਬੁਰੀ ਤਰ੍ਹਾਂ ਅੱਗ ਦੀ ਲਪੇਟ ਵਿਚ ਆ ਗਈ | ਮੌਕੇ 'ਤੇ ਪੁਲਿਸ ਅਤੇ ਅੱਗ ਬੁਝਾਊ ਮਹਿਕਮੇ ਨੇ ਪਹੁੰਚ ਕੇ ਅੱਗ 'ਤੇ ਕਾਬੂ ਪਾਇਆ ਅਤੇ ਪਰਮਿੰਦਰ ਕੌਰ ਨੂੰ ਹਸਪਤਾਲ ਦਾਖਲ ਕਰਵਾਇਆ ਜਿਸ ਦੀ ਉਥੇ ਮੌਤ ਹੋ ਗਈ | ਅੱਗ ਵਿਚੋਂ 32 ਸਾਲਾ ਪਰਮਿੰਦਰ ਕੌਰ ਨੂੰ ਬਚਾਉਂਦੇ ਹੋਏ ਉਸ ਦੇ ਪਤੀ 34 ਸਾਲਾ ਕੁਲਵਿੰਦਰ ਸਿੰਘ ਵੀ ਅੱਗ ਦੀ ਲਪੇਟ ਵਿਚ ਆ ਗਏ ਜਿਸ ਨੂੰ ਹਸਪਤਾਲ ਵਿਚ ਦਾਖਲ ਕਰਵਾਇਆ ਗਿਆ ਅਤੇ ਬਾਅਦ ਵਿਚ ਉਨ੍ਹਾਂ ਨੂੰ ਛੁੱਟੀ ਮਿਲ ਗਈ | ਮਿ੍ਤਕ ਔਰਤ ਦੇ ਹੋਰ ਰਿਸ਼ਤੇਦਾਰ ਵੀ ਸਿਡਨੀ ਰਹਿੰਦੇ ਹਨ | ਉਨ੍ਹਾਂ ਦੱਸਿਆ ਕਿ ਜਦ ਇਹ ਘਟਨਾ ਵਾਪਰੀ ਉਸ ਸਮੇਂ ਮਿ੍ਤਕ ਔਰਤ ਘਰ ਵਿਚ ਇਕੱਲੀ ਸੀ ਅਤੇ ਉਹ ਚੀਕਾਂ ਮਾਰਦੀ ਬਾਹਰ ਨੂੰ ਭੱਜੀ | ਪੁਲਿਸ ਨੇ ਲਾਸ਼ ਨੂੰ ਕਬਜ਼ੇ ਵਿਚ ਲੈ ਲਿਆ ਹੈ ਅਤੇ ਇਸ ਘਟਨਾ ਦੇ ਅਸਲੀ ਕਾਰਨਾਂ ਦੀ ਛਾਣਬੀਣ ਕੀਤੀ ਜਾ ਰਹੀ ਹੈ |

ਜ਼ਿੰਦਗੀ 'ਚ ਕਦੀ ਵੀ ਜਗਦੀਸ਼ ਭੋਲੇ ਨੂੰ

ਨਹੀਂ ਮਿਲਿਆ-ਦਾਰਾ ਔਜਲਾ


ਸਰੀ, 14 ਨਵੰਬਰ - ਪੰਜਾਬ ਪੁਲਿਸ ਵਲੋਂ ਪਹਿਲਵਾਨ ਜਗਦੀਸ਼ ਭੋਲਾ ਦਾ ਡਰੱਗ ਨੈੱਟਵਰਕ ਫੜੇ ਜਾਣ ਤੋਂ ਬਾਅਦ ਚਾਰ ਕੈਨੇਡੀਅਨ ਵਿਅਕਤੀਆਂ ਦੇ ਨਾਂਅ ਪੰਜਾਬ ਪੁਲਿਸ ਦੇ ਹਵਾਲੇ ਨਾਲ ਜਨਤਕ ਹੋਏ ਹਨ, ਜਿਨ੍ਹਾਂ ਨੂੰ ਇਸ ਨੈੱਟਵਰਕ ਦਾ ਹਿੱਸਾ ਕਿਹਾ ਗਿਆ ਹੈ | ਇਨ੍ਹਾਂ 'ਚੋਂ ਦੋ ਕਬੱਡੀ ਪ੍ਰਮੋਟਰ ਰਣਜੀਤ ਸਿੰਘ ਔਜਲਾ ਉਰਫ ਦਾਰਾ ਮੁਠੱਡਾ ਤੇ ਸਰਬਜੀਤ ਸਿੰਘ ਉਰਫ ਨਿੱਕੂ ਵੈਨਕੂਵਰ ਇਲਾਕੇ 'ਚ ਰਹਿਣ ਵਾਲੇ ਹਨ | ਜਦਕਿ ਦੂਜੇ ਦੋਵੇਂ ਵਿਅਕਤੀ ਨਿਰੰਕਾਰ ਸਿੰਘ ਢਿੱਲੋਂ (ਅੱਪਰਾ) ਤੇ ਹਰਬੰਸ ਸਿੰਘ ਸਿੱਧੂ (ਬੁਰਜ ਲਿੱਟ) ਟਰਾਂਟੋ ਇਲਾਕੇ 'ਚ ਰਹਿੰਦੇ ਹਨ | ਜਿਉਂ ਹੀ ਇਹ ਨਾਂਅ ਸਥਾਨਕ ਮੀਡੀਏ ਰਾਹੀਂ ਨਸ਼ਰ ਹੋਏ ਤਾਂ ਆਮ ਪੰਜਾਬੀਆਂ ਨੇ ਕਾਫੀ ਹੈਰਾਨੀ ਪ੍ਰਗਟਾਈ | ਦਾਰਾ ਔਜਲਾ ਨਾਲ ਸੰਪਰਕ ਕਰਨ 'ਤੇ ਉਸਨੇ ਇਨ੍ਹਾਂ ਦੋਸ਼ਾਂ ਤੋਂ ਸਾਫ ਇਨਕਾਰ ਕਰਦਿਆਂ ਕਿਹਾ ਕਿ ਉਹ ਆਪਣੀ ਜ਼ਿੰਦਗੀ 'ਚ ਪਹਿਲਵਾਨ ਜਗਦੀਸ਼ ਭੋਲੇ ਨੂੰ ਜਾਂ ਉਸ ਦੇ ਨੈੱਟਵਰਕ ਅਧੀਨ ਕੰਮ ਕਰਦੇ ਕਿਸੇ ਵੀ ਵਿਅਕਤੀ ਨੂੰ ਕਦੇ ਮਿਲਿਆ ਹੀ ਨਹੀਂ | ਕਬੱਡੀ ਦੀ ਤਰੱਕੀ ਲਈ ਉਹ ਹਰ ਸਾਲ ਭਾਰਤ ਜਾ ਕੇ ਤਿੰਨ-ਚਾਰ ਮਹੀਨੇ ਰਹਿ ਕੇ ਆਉਂਦਾ ਹੈ ਪਰ ਕਦੇ ਵੀ ਕਿਸੇ ਥਾਣੇ 'ਚ ਉਸ ਨੂੰ ਪੁਛਗਿਛ ਲਈ ਨਹੀਂ ਬੁਲਾਇਆ ਗਿਆ | ਦਾਰਾ ਔਜਲਾ ਨੇ ਜਗਦੀਸ਼ ਭੋਲੇ ਦੇ ਨੈੱਟਵਰਕ 'ਚ ਆਪਣਾ ਨਾਂਅ ਆਉਣ 'ਤੇ ਹੈਰਾਨੀ ਪ੍ਰਗਟਾਈ ਤੇ ਕਿਹਾ ਕਿ ਉਸ ਨੂੰ ਕਿਸੇ ਵੱਡੀ ਸਾਜਿਸ਼ ਦਾ ਸ਼ਿਕਾਰ ਬਣਾਇਆ ਜਾ ਰਿਹਾ ਹੈ | ਉਸਨੇ ਕਿਹਾ ਜੇਕਰ ਪੰਜਾਬ ਪੁਲਿਸ ਜਾਂ ਕੈਨੇਡਾ ਪੁਲਿਸ ਦੇ ਅਧਿਕਾਰੀ ਉਸ ਨਾਲ ਸੰਪਰਕ ਕਰਨਗੇ ਤਾਂ ਉਹ ਇਸ ਕੇਸ ਦੀ ਜਾਂਚ ਲਈ ਪੂਰਨ ਸਹਿਯੋਗ ਦੇਵੇਗਾ | ਇਸ ਸਬੰਧੀ ਦੂਜੇ ਪੰਜਾਬੀ ਸਰਬਜੀਤ ਸਿੰਘ ਉਰਫ ਨਿੱਕੂ ਨਾਲ ਵੀ ਸੰਪਰਕ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ ਪਰ ਉਸ ਨਾਲ ਸੰਪਰਕ ਨਹੀਂ ਹੋ ਸਕਿਆ | ਕੈਨੇਡਾ ਵਸਦੇ ਪੰਜਾਬੀਆਂ ਨੇ ਸਥਾਨਕ ਰੇਡੀਓ ਟਾਕ-ਸ਼ੋਆਂ 'ਚ ਗੱਲ ਕਰਦਿਆਂ ਇਹ ਮੰਗ ਕੀਤੀ ਹੈ ਕਿ ਪੰਜਾਬ ਸਰਕਾਰ ਤੇ ਪੰਜਾਬ ਪੁਲਿਸ ਵਲੋਂ ਇਸ ਡਰੱਗ ਨੈੱਟਵਰਕ 'ਚ ਜੁੜੇ ਸਮੂਹ ਪ੍ਰਵਾਸੀ ਭਾਰਤੀਆਂ ਦੇ ਨਾਂਅ ਜਨਤਕ ਕੀਤੇ ਜਾਣ |


ਇੰਡੋ-ਕੈਨੇਡੀਅਨ ਪੀੜਤਾਂ ਨੇ

ਲਾਏ ਨਸਲੀ ਵਿਤਕਰੇ ਦੇ ਦੋਸ਼


ਵੈਨਕੂਵਰ, 12 ਨਵੰਬਰ - ਕੈਨੇਡਾ ਦੀਆਂ ਜੰਮਪਲ ਤਿੰਨ ਪੰਜਾਬਣਾਂ ਨੇ ਵੈਨਕੂਵਰ ਦੇ ਇਕ ਬਾਰ 'ਤੇ ਨਸਲੀ ਵਿਤਕਰੇ ਦੇ ਦੋਸ਼ ਲਾਏ ਹਨ | ਵੈਨਕੂਵਰ ਦੀ ਜੰਮਪਲ ਜੈਸ ਢਿੱਲੋਂ ਦੇ 26ਵੇਂ ਜਨਮ ਦਿਨ 'ਤੇ ਇਹ ਘਟਨਾ ਗੈਸਟਾਊਨ 'ਚ ਚਾਰਲਰ ਬਾਰ 'ਚ ਵਾਪਰੀ | ਪ੍ਰਾਪਤ ਜਾਣਕਾਰੀ ਅਨੁਸਾਰ 24 ਸਾਲਾ ਰਾਜ ਖੁਰਾਣਾ ਅਤੇ 28 ਸਾਲਾ ਮਨਦੀਪ ਗਰੇਵਾਲ ਜੈਸ ਦੇ ਜਨਮ ਦਿਨ 'ਤੇ ਪਾਰਟੀ ਲਈ ਉਕਤ ਰੈਸਟੋਰੈਂਟ 'ਚ ਪੁੱਜੇ | ਇਸ ਦੌਾਰਨ ਬਾਰ 'ਚ ਉਨ੍ਹਾਂ ਨਾਲ ਬਹੁਤ ਮਾੜਾ ਵਿਵਹਾਰ ਕਰਦਿਆਂ 'ਸਰੀ ਵਾਲੇ ਹਾਲ' ਦਾ ਨਸਲੀ ਤਾਅਨਾ ਮਾਰਿਆ ਗਿਆ, ਕਿਉਂਕਿ ਸਰੀ 'ਚ ਇੰਡੋ-ਕੈਨੇਡੀਅਨ ਦੀ ਗਿਣਤੀ ਵਿਸ਼ਾਲ ਹੈ | ਨਿਰਾਸ਼ ਹੋਈ ਜੈਸ ਢਿੱਲੋਂ ਨੇ ਕਿਹਾ ਕਿ ਬਾਰ ਦੇ ਕਰਮਚਾਰੀ ਦੇ ਨਸਲੀ ਵਿਵਹਾਰ ਦੀ ਸ਼ਿਕਾਇਤ ਉਨ੍ਹਾਂ ਮੈਨੇਜਰ ਕੋਲ ਵੀ ਕੀਤੀ, ਪਰ ਉਸ ਵੱਲੋਂ ਵੀ ਉਲਟਾ ਉਨ੍ਹਾਂ ਨਾਲ ਹੀ ਮਾੜਾ ਵਿਵਹਾਰ ਕੀਤਾ ਗਿਆ | ਨਸਲੀ ਘਟਨਾ ਨੂੰ ਲੈ ਕੇ ਤਿੰਨੇ ਲੜਕੀਆਂ ਨੇ ਵਿਤਕਰੇ ਭਰੇ ਵਿਵਹਾਰ ਖਿਲਾਫ ਆਵਾਜ਼ ਉਠਾਉਣ ਦਾ ਫੈਸਲਾ ਕੀਤਾ ਹੈ | ਢਿੱਲੋਂ ਦਾ ਕਹਿਣਾ ਹੈ ਕਿ ਕੈਨੇਡਾ ਵਰਗੇ ਦੇਸ਼ ਦੇ ਵੈਨਕੂਵਰ ਸ਼ਹਿਰ 'ਚ ਅੱਜ ਦੇ ਸਮੇਂ ਅਜਿਹਾ ਵਿਵਹਾਰ ਹੋਣਾ ਮੰਦਭਾਗਾ ਹੈ ਤੇ ਭਵਿੱਖ 'ਚ ਅਜਿਹੀਆਂ ਘਟਨਾਵਾਂ ਰੋਕਣ ਲਈ ਪੁਲਿਸ ਪ੍ਰਸ਼ਾਸਨ ਨੂੰ ਠੋਸ ਕਦਮ ਚੁੱਕਣੇ ਚਾਹੀਦੇ ਹਨ |


ਫਿਲਪਾਈਨ 'ਚ ਮੌਤਾਂ ਦੀ

ਗਿਣਤੀ 12 ਹਜ਼ਾਰ ਤੋਂ ਪਾਰ


ਮਨੀਲਾ, 12 ਨਵੰਬਰ - ਫਿਲਪਾਈਨ 'ਚ ਆਏ ਤੂਫ਼ਾਨ 'ਹੇਯਾਨ' ਨਾਲ ਹੋਈ ਭਾਰੀ ਤਬਾਹੀ ਤੋਂ ਬਾਅਦ ਇਥੇ ਰਾਹਤ ਕਰਮੀ ਜਿਉਂਦੇ ਬਚੇ, ਭੁੱਖੇ ਤੇ ਬੇਸਹਾਰਾ ਲੋਕ ਾਂ ਤੱਕ ਜ਼ਰੂਰੀ ਸਹਾਇਤਾ ਪਹੁੰਚਾਉਣ ਲਈ ਸੰਘਰਸ਼ ਕਰ ਰਹੇ ਹਨ | ਦੇਸ਼ 'ਚ ਆਈ ਹੁਣ ਤੱਕ ਦੀ ਇਹ ਸਭ ਤੋਂ ਘਾਤਕ ਕੁਦਰਤੀ ਆਫ਼ਤ 'ਚ 12,000 ਤੋਂ ਵੱਧ ਲੋਕਾਂ ਦੇ ਮਾਰੇ ਜਾਣ ਦਾ ਖਦਸ਼ਾ ਹੈ | ਰਾਹਤ ਕਰਮੀਆਂ ਨੇ ਇਥੇ ਬੀਤੇ ਦਿਨੀਂ 'ਹੇਯਾਨ' ਤੂਫ਼ਾਨ ਦੀ ਵਜ੍ਹਾ ਨਾਲ ਉੱਠੀ ਸੁਨਾਮੀ ਵਰਗੀਆਂ ਲਹਿਰਾਂ ਤੇ ਤੇਜ਼ ਹਵਾਵਾਂ 'ਚ ਹੋ ਰਹੀ ਭਾਰੀ ਤਬਾਹੀ ਨੂੰ ਵੇਖਦਿਆਂ ਆਪਣੇ ਯਤਨ ਤੇਜ਼ ਕਰ ਦਿੱਤੇ ਹਨ | ਫਿਲਪਾਈਨ ਤੋਂ ਬੀਤੇ ਦਿਨੀਂ ਬਾਹਰ ਨਿਕਲ ਕੇ ਦੱਖਣੀ ਚੀਨ ਸਾਗਰ ਤੋਂ ਹੁੰਦਾ ਹੋਇਆ ਇਹ ਤੂਫ਼ਾਨ ਤੜਕੇ ਵਿਅਤਨਾਮ ਪਹੁੰਚ ਗਿਆ | ਜਿਸ ਨੂੰ ਵੇਖਦਿਆਂ ਉਥੋਂ ਦੇ 6 ਲੱਖ ਲੋਕਾਂ ਨੂੰ ਸੁਰੱਖਿਅਤ ਥਾਵਾਂ 'ਤੇ ਪਹੁੰਚਾ ਦਿੱਤਾ ਗਿਆ ਹੈ | ਤੂਫ਼ਾਨ ਨਾਲ ਤਬਾਹ ਹੋਏ ਲੇਯਟੇ ਖੇਤਰ ਦੀ ਰਾਜਧਾਨੀ ਤਕਲੋਬਾਨ 'ਚ ਬਦਮਾਸ਼ਾਂ ਦੇ ਗਿਰੋਹ ਟੈਲੀਵਿਜ਼ਨ ਵਰਗੀਆਂ ਵਸਤਾਂ ਦੀਆਂ ਚੋਰੀਆਂ ਕਰ ਰਹੇ ਹਨ ਤੇ ਇਨ੍ਹਾਂ ਨੂੰ ਰੋਕਣ ਲਈ ਸੈਂਕੜੇ ਪੁਲਿਸ ਅਧਿਕਾਰੀ ਤੇ ਫੌਜ ਨੂੰ ਤਾਇਨਾਤ ਕੀਤਾ ਗਿਆ ਹੈ | ਤਕਲੋਬਾਨ ਦੇ ਤਬਾਹ ਹੋ ਚੁੱਕੇ ਹਵਾਈ ਅੱਡੇ 'ਤੇ ਮਦਦ ਦੀ ਆਸ 'ਚ ਪਹੁੰਚੇ ਭੁੱਖੇ ਤੇ ਥੱਕੇ-ਹਾਰੇ ਲੋਕਾਂ ਦੀਆਂ ਲੰਬੀਆਂ ਕਤਾਰਾਂ ਲੱਗੀਆਂ ਹੋਈਆਂ ਹਨ | ਜੋਆਨ ਲੁੰਬਰੇ ਵਿਲਸਨ ਨੇ ਦੱਸਿਆ ਕਿ ਅਧਿਕਾਰੀ ਇਥੇ ਮਦਦ ਮੰਗ ਰਹੇ ਲੋਕਾਂ ਦੀ ਇਸ ਭਾਰੀ ਗਿਣਤੀ ਨੂੰ ਸੰਭਾਲਣ ਲਈ ਸੰਘਰਸ਼ ਕਰ ਰਹੇ ਹਨ | ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਕਿਹਾ ਕਿ ਉਨ੍ਹਾਂ ਨੂੰ ਜ਼ਖ਼ਮੀਆਂ ਲਈ ਦਵਾਈਆਂ ਤੇ ਪਾਣੀ ਚਾਹੀਦਾ ਹੈ | ਇਸ ਦੌਰਾਨ ਅਮਰੀਕਾ ਨੇ ਤੂਫਾਨ ਨਾਲ ਤਬਾਹ ਹੋਏ ਇਸ ਦੇਸ਼ 'ਚ ਮਨੁੱਖੀ ਰਾਹਤ ਕਾਰਜਾਂ ਲਈ ਕਰੀਬ 80 ਜਲ ਸੈਨਿਕਾਂ ਦੇ ਇਕ ਦਲ ਨੂੰ ਰਵਾਨਾ ਕੀਤਾ ਹੈ | ਰਾਸ਼ਟਰਪਤੀ ਬਰਾਕ ਓਬਾਮਾ ਨੇ ਇਕ ਬਿਆਨ 'ਚ ਕਿਹਾ ਹੈ ਕਿ ਅਮਰੀਕਾ ਹੋਰ ਵੱਧ ਸਹਾਇਤਾ ਮੁਹੱਈਆ ਕਰਵਾਉਣ ਲਈ ਤਿਆਰ ਖੜ੍ਹਾ ਹੈ
|ਮਲਬੇ 'ਚ ਬੱਚੀ ਨੇ ਲਿਆ ਜਨਮ
ਤੂਫ਼ਾਨ ਨਾਲ ਤਬਾਹ ਫਿਲਪਾਈਨ ਸ਼ਹਿਰ 'ਚ ਇਕ ਬੱਚੀ ਨੂੰ ਜਨਮ ਦੇਣ ਤੋਂ ਬਾਅਦ ਏਮਿਲੀ ਸਾਗਾਲਿਸ ਦੀਆਂ ਅੱਖਾਂ 'ਚ ਖੁਸ਼ੀ ਦੇ ਅੱਥਰੂ ਆ ਗਏ | ਇਸ ਬੱਚੀ ਦਾ ਨਾਂਅ ਉਸ ਦੀ ਮਾਂ ਨੇ ਆਪਣੀ ਮਾਂ ਦੇ ਨਾਂਅ (ਬੀ ਜਾਏ) 'ਤੇ ਰੱਖਿਆ ਹੈ, ਜੋ ਇਸ ਤੂਫ਼ਾਨ 'ਚ


ਇਟਲੀ 'ਚ ਕਾਰ ਹੇਠਾਂ ਆਉਣ ਨਾਲ

ਜਲੰਧਰ ਦੇ ਵਿਅਕਤੀ ਦੀ ਮੌਤ


ਵੀਨਸ, 11 ਨਵੰਬਰ - ਇਟਲੀ ਦੇ ਸ਼ਹਿਰ ਕਤਾਨੀਆ ਵਿਖੇ ਪਿਛਲੇ ਦਿਨ ਹੋਏ ਇਕ ਭਿਆਨਕ ਸੜਕ ਹਾਦਸੇ ਦੌਰਾਨ ਕਾਰ ਦੇ ਹੇਠਾਂ ਆ ਕੇ ਜਲੰਧਰ ਸ਼ਹਿਰ ਦੀ ਰਾਮਾਂ ਮੰਡੀ ਨਾਲ਼ ਸੰਬੰਧਿਤ ਇਕ 43 ਸਾਲਾ ਵਿਅਕਤੀ ਦੀ ਮੌਤ ਹੋ ਗਈ | ਰੌਸ਼ਨ ਲਾਲ ਨਾਂਅ ਦਾ ਇਹ ਵਿਅਕਤੀ ਜੋ ਕਿ ਪਿਛਲੇ ਲਗਭਗ 10 ਸਾਲ ਤੋਂ ਇਟਲੀ ਰਹਿੰਦਾ ਸੀ | ਬੀਤੇ ਦਿਨ ਜਦੋਂ ਉਹ ਸਵੇਰੇ ਅੱਠ ਵਜੇ ਕੰਮ 'ਤੇ ਜਾਣ ਲਈ ਆਪਣੇ ਘਰ ਦੇ ਫੁੱਟਪਾਥ 'ਤੇ ਖੜ੍ਹਾ ਸੀ ਤਾਂ ਇਕ ਤੇਜ਼ ਰਫ਼ਤਾਰ ਗੱਡੀ, ਜਿਸ ਨੂੰ ਇਟਾਲੀਅਨ ਔਰਤ ਚਲਾ ਰਹੀ ਸੀ, ਕਾਰ ਅਚਾਨਕ ਬੇਕਾਬੂ ਹੋ ਕੇ ਫੁੱਟਪਾਥ 'ਤੇ ਚੜ੍ਹਦੀ ਹੋਈ ਰੌਸ਼ਨ ਲਾਲ 'ਤੇ ਆ ਚੜ੍ਹੀ ਜਿਸ ਕਾਰਨ ਰੌਸ਼ਨ ਲਾਲ ਦੀਆਂ ਮੌਕੇ 'ਤੇ ਹੀ ਲੱਤਾਂ ਟੁੱਟ ਗਈਆਂ ਅਤੇ ਉਸ ਨੂੰ ਨੇੜਲੇ ਹਸਪਤਾਲ ਵਿਖੇ ਦਾਖਲ ਕਰਵਾਇਆ ਗਿਆ, ਜਿੱਥੇ ਕਿ ਜ਼ਖ਼ਮਾਂ ਦੀ ਤਾਬ ਨਾ ਝਲਦਿਆਂ ਉਸ ਦੀ ਮੌਤ ਹੋ ਗਈ |



<< Start < Prev 1 2 3 4 5 6 7 8 9 10 Next > End >>

ਮੁੱਖ ਖ਼ਬਰਾਂ : 

ਖੇਡ ਖ਼ਬਰਾ : 

ਅੰਤਰਰਾਸ਼ਟਰੀ ਖ਼ਬਰਾ : 

ਪੰਜਾਬ ਖ਼ਬਰਾਂ : 

ਨਵੇਂ ਲੇਖ : 

 

 

Random Video 

Receive Newsletter & Updates 

Sample Newsletter


Receive HTML?

Advertisement
Advertisement
Advertisement