Advertisement

Sports News 

ਪ੍ਰੋ-ਮੁੱਕੇਬਾਜ਼ੀ ਵਿੱਚ ਲਹਿਰਾਵਾਂਗਾ

ਤਿਰੰਗਾ: ਵਿਜੇਂਦਰ ਸਿੰਘ

ਨਵੀਂ ਦਿੱਲੀ, 13 ਜੁਲਾਈ-ਗਲੇ ਸਾਲ ਹੋਣ ਵਾਲੀਅਾਂ ਰੀਓ ਓਲੰਪਿਕ ਖੇਡਾਂ ਤੋਂ ਪਹਿਲਾਂ ਹੀ ਪ੍ਰੋਫੈਸ਼ਨਲ ਮੁੱਕੇਬਾਜ਼ੀ ਵਿੱਚ ਜਾਣ ਦਾ ਫ਼ੈਸਲਾ ਕਰਨ ਵਾਲੇ ਭਾਰਤ ਦੇ ਸਟਾਰ ਮੁੱਕੇਬਾਜ਼ ਵਿਜੇਂਦਰ ਸਿੰਘ ਨੇ ਕਿਹਾ ਹੈ ਕਿ ਉਸ ਨੂੰ ਨਹੀਂ ਲੱਗਦਾ ਕਿ ਇਹ ਕੋਈ ਗਲਤ ਫ਼ੈਸਲਾ ਹੈ ਅਤੇ ਉਹ ਇਸ ਵਿੱਚ ਵੀ ਭਾਰਤ ਦੀ ਨੁਮਾਇੰਦਗੀ ਕਰੇਗਾ ਅਤੇ ਦੇਸ਼ ਨੂੰ ਨਵੀਂ ਪਛਾਣ ਦਿਵਾਵੇਗਾ। ਸਾਲ 2008 ਦੀਅਾਂ ਪੇਇਚਿੰਗ ਓਲੰਪਿਕ ਖੇਡਾਂ ਵਿੱਚੋਂ ਕਾਂਸੀ ਦਾ ਤਗ਼ਮਾ ਜਿੱਤ ਕੇ ਇਤਿਹਾਸ ਰਚਣ ਵਾਲੇ ਵਿਜੇਂਦਰ ਨੇ ਕਿਹਾ, ‘ਮੈਂ ਪ੍ਰੋ-ਮੁੱਕੇਬਾਜ਼ ਬਣ ਕੇ ਬਹੁਤ ਉਤਸ਼ਾਹਿਤ ਹਾਂ ਅਤੇ ਮੈਂ ਆਪਣੀ ਜ਼ਿੰਦਗੀ ਦੇ ਇਸ ਨਵੇਂ ਸਫ਼ਰ ਦੇ ਪੰਨ੍ਹਿਅਾਂ ਦੇ ਖੁੱਲ੍ਹਣ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਿਹਾ ਹਾਂ। ਮੇਰਾ ਸੁਪਨਾ ਓਲੰਪਿਕ ਵਿੱਚ ਤਗ਼ਮਾ ਜਿੱਤਣਾ ਸੀ ਅਤੇ ਸਾਲ 2008 ਵਿੱਚ ਹੀ ਮੈਂ ਇਹ ਸੁਪਨਾ ਸਾਕਾਰ ਕਰ ਚੁੱਕਾ ਹਾਂ। ਮੈਂ ਪ੍ਰੋਫੈਸ਼ਨਲ ਮੁੱਕੇਬਾਜ਼ੀ ਵਿੱਚ ਵਿਸ਼ਵ ਪੱਧਰ ’ਤੇ ਆਪਣੇ ਦੇਸ਼ ਦਾ ਨਾਂ ਉੱਚਾ ਕਰਨ ਲਈ ਸਖ਼ਤ ਮਿਹਨਤ ਕਰਾਂਗਾ।’29 ਸਾਲਾ ਹਰਿਆਣਵੀ ਮੁੱਕੇਬਾਜ਼ ਨੇ ਆਲੋਚਕਾਂ ਨੂੰ ਜਵਾਬ ਦਿੰਦਿਆਂ ਕਿਹਾ, ‘ਕਈ ਲੋਕ ਬਿਨਾਂ ਕੁੱਝ ਜਾਣੇ ਤੇ ਸਮਝੇ ਵੀ ਬੋਲਦੇ ਹਨ। ਮੈਨੂੰ ਨਹੀਂ ਲੱਗਦਾ ਹੈ ਕਿ ਮੈਂ ਕੋਈ ਵੀ ਗਲਤ ਫ਼ੈਸਲਾ ਲਿਆ ਹੈ। ਮੈਂ ਫਲਾਇਡ ਮੇਅਵੈਦਰ ਅਤੇ ਮੈਨੀ ਪੈਕਿਆਓ ਦੇ ਪੱਧਰ ਤਕ ਪਹੁੰਚਣਾ ਚਾਹੁੰਦਾ ਹਾਂ ਅਤੇ ਸਭ ਤੋਂ ਅਹਿਮ ਇਹ ਹੈ ਕਿ ਮੈਂ ਭਾਰਤ ਦੀ ਨੁਮਾਇੰਦਗੀ ਕਰਦਾ ਰਹਾਂਗਾ। ਦੇਸ਼ ਪ੍ਰਤੀ ਮੇਰੀ ਵਫ਼ਾਦਾਰੀ ਘੱਟ ਨਹੀਂ ਹੋਵੇਗੀ।’ ਜ਼ਿਕਰਯੋਗ ਹੈ ਕਿ ਵਿਜੇਂਦਰ ਨੇ ਭਾਰਤੀ ਮੁੱਕੇਬਾਜ਼ੀ ਦੇ ਇਤਿਹਾਸ ਵਿੱਚ ਇਕ ਨਵਾਂ ਅਧਿਅਾਏ ਜੋਡ਼ਦਿਅਾਂ ਪਿਛਲੇ ਮਹੀਨੇ ਆਈਓਅੈਸ ਸਪੋਰਟਸ ਅੈਂਡ ਅੈਂਟਰਟੇਨਮੈਂਟ ਰਾਹੀਂ ਕਵੀਨਜ਼ ਬੈਰੀ ਪ੍ਰਮੋਸ਼ਨਜ਼ ਨਾਲ ਬਹੁਸਾਲਾਂ ਪ੍ਰਮੋਸ਼ਨਲ ਕਰਾਰ ਕੀਤਾ, ਜਿਸ ਤਹਿਤ ਇਹ ਮਿਡਲਵੇਟ ਮੁੱਕੇਬਾਜ਼ ਆਪਣੇ ਪਹਿਲੇ ਸਾਲ ਘੱਟ ਤੋਂ ਘੱਟ ਛੇ ਮੁਕਾਬਲੇ ਲਡ਼ੇਗਾ। ਫੈਸ਼ਨਲ ਮੁੱਕੇਬਾਜ਼ੀ ਬਾਰੇ ਵਿਜੇਂਦਰ ਨੇ ਕਿਹਾ ਕਿ ਅੈਮਚਿਓਰ ਮੁੱਕੇਬਾਜ਼ੀ ਵਿੱਚ ਜਿੱਥੇ ਸਾਰਾ ਧਿਆਨ ਤੇਜ਼ੀ ਨਾਲ ਅੰਕ ਹਾਸਲ ਕਰਨ ’ਤੇ ਹੁੰਦਾ ਹੈ। ਉਥੇ ਪ੍ਰੋਫੈਸ਼ਨਲ ਮੁੱਕੇਬਾਜ਼ੀ ਵਿੱਚ ਸ਼ਾਂਤ ਰਹਿ ਕੇ ਘਸੁੰਨ ਜਡ਼ਨ ਲਈ ਸਹੀ ਮੌਕਿਅਾਂ ਦਾ ਇੰਤਜ਼ਾਰ ਕਰਨਾ ਪੈਂਦਾ ਹੈ ਅਤੇ ਦਸ ਰਾਊਂਡ ਤਕ ਖੇਡਦੇ ਰਹਿਣ ਲਈ ਫਿੱਟਨੈਸ ਦਾ ਪੱਧਰ ਉੱਚਾ ਹੋਣਾ ਬੇਹੱਦ ਜ਼ਰੂਰੀ ਹੈ। ਹਰਿਆਣਾ ਦੇ ਭਿਵਾਨੀ ਦੇ ਇਸ ਮੁੱਕੇਬਾਜ਼ ਦਾ ਹੁਣ ਨਵਾਂ ਟਿਕਾਣਾ ਇੰਗਲੈਂਡ ਦਾ ਮੈਨਚੈਸਟਰ ਹੋਵੇਗਾ, ਜਿਥੇ ਉਹ ਉੱਘੇ ਟਰੇਨਰ ਲੀ ਬੀਅਰਡ ਤੋਂ ਸਿਖਲਾਈ ਲਵੇਗਾ, ਜੋ ਬ੍ਰਿਟੇਨ ਦੇ ਮਹਾਨ ਮੁੱਕੇਬਾਜ਼ ਰਿਕੀ ਹੈਟਨ ਨਾਲ ਕੰਮ ਕਰ ਚੁੱਕਾ ਹੈ। ਭਾਰਤ ਦੇ ਸਭ ਤੋਂ ਸਫ਼ਲ ਮੁੱਕੇਬਾਜ਼ਾਂ ਵਿੱਚੋਂ ਇਕ ਵਿਜੇਂਦਰ ਨੇ 2006 ਤੇ 2014 ਦੀਅਾਂ ਰਾਸ਼ਟਰਮੰਡਲ ਖੇਡਾਂ ਵਿੱਚ ਚਾਂਦੀ ਦੇ ਤਗ਼ਮੇ, 2006 ਦੀਅਾਂ ਏਸ਼ਿਆਈ ਖੇਡਾਂ ਵਿੱਚ ਕਾਂਸੀ ਦਾ ਤਗ਼ਮਾ, 2008 ਪੇਇਚਿੰਗ ਓਲੰਪਿਕ ਵਿੱਚ ਕਾਂਸੀ ਦਾ ਤਗ਼ਮਾ, 2009 ਦੀ ਵਿਸ਼ਵ ਅੈਮਚਿਓਰ ਚੈਂਪੀਅਨਸ਼ਿਪ ਅਤੇ 2010 ਦੀਅਾਂ ਰਾਸ਼ਟਰਮੰਡਲ ਖੇਡਾਂ ਵਿੱਚ ਕਾਂਸੀ ਅਤੇ 2010 ਦੀਅਾਂ ਏਸ਼ਿਆਈ ਖੇਡਾਂ ਵਿੱਚ ਸੋਨੇ ਦਾ ਤਗ਼ਮਾ ਜਿੱਤਿਆ ਹੈ। ਵਿਜੇਂਦਰ 2009 ਵਿੱਚ ਮਿਡਲਵੇਟ ਵਰਗ ਵਿੱਚ ਵਿਸ਼ਵ ਦਾ ਅੱਵਲ ਨੰਬਰ ਮੁੱਕੇਬਾ਼ਜ਼ ਰਿਹਾ ਸੀ।

 


ਟੀ-20 ਕ੍ਰਿਕਟ: ਕਿਵੀਅਾਂ ਨੇ ਭਾਰਤੀ

ਮੁਟਿਆਰਾਂ ਦੇ ਤੋਤੇ ਉਡਾਏ


ਬੰਗਲੌਰ, 12 ਜੁਲਾਈ-ਸੋਫੀਆ ਡਿਵਾਇਨ (22 ਗੇਂਦਾਂ ’ਚ 70 ਦੌਡ਼ਾਂ) ਦੇ ਤੂਫ਼ਾਨੀ ਨੀਮ ਸੈਂਕਡ਼ੇ ਅਤੇ ਮੋਰਨ ਨੀਲਸਨ ਤੇ ਕੇਟ ਬ੍ਰੌਡਮੋਰ (ਤਿੰਨ ਤਿੰਨ ਵਿਕਟਾਂ) ਦੀ ਸ਼ਾਨਦਾਰ ਗੇਂਦਬਾਜ਼ੀ ਬਦੌਲਤ ਨਿਊਜ਼ੀਲੈਂਡ ਦੀ ਮਹਿਲਾ ਟੀਮ ਨੇ ਸ਼ਨਿਚਰਵਾਰ ਨੂੰ ਇਥੇ ਭਾਰਤ ਨੂੰ ਪਹਿਲੇ ਟੀ-20 ਕ੍ਰਿਕਟ ਮੈਚ ਵਿੱਚ ਅੱਠ ਵਿਕਟਾਂ ਨਾਲ ਮਾਤ ਦਿੱਤੀ। ਕਿਵੀ ਟੀਮ ਨੇ ਟਾਸ ਜਿੱਤ ਕੇ ਭਾਰਤ ਨੂੰ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਸੱਦਾ ਦਿੱਤਾ ਅਤੇ ਉਸ ਦੇ ਗੇਂਦਬਾਜ਼ਾਂ ਦੇ ਸਟੀਕ ਪ੍ਰਦਰਸ਼ਨ ਅੱਗੇ ਮੇਜ਼ਬਾਨ ਟੀਮ 19.5 ਓਵਰਾਂ ਵਿੱਚ 125 ਦੌਡ਼ਾਂ ’ਤੇ ਢੇਰ ਹੋ ਗਈ। ਆਸਾਨ ਟੀਚੇ ਦਾ ਪਿੱਛਾ ਕਰਨ ਉਤਰੀ ਨਿਊਜ਼ੀਲੈਂਡ ਦੀ ਟੀਮ ਨੇ 12.3 ਓਵਰਾਂ ਵਿੱਚ ਦੋ ਵਿਕਟਾਂ ’ਤੇ 126 ਦੌਡ਼ਾਂ ਬਣਾ ਕੇ ਮੈਚ ਆਪਣੇ ਨਾਂ ਕਰ ਲਿਆ। ਇਸ ਦੇ ਨਾਲ ਹੀ ਮਹਿਮਾਨ ਟੀਮ ਨੇ ਤਿੰਨ ਮੈਚਾਂ ਦੀ ਲਡ਼ੀ ਵਿੱਚ 1-0 ਦੀ ਲੀਡ ਹਾਸਲ ਕਰ ਲਈ ਹੈ। ਭਾਰਤ ਵੱਲੋਂ ਇਕੱਲੀ ਕਪਤਾਨ ਮਿਤਾਲੀ ਰਾਜ ਹੀ 35 ਦੌਡ਼ਾਂ ਬਣਾ ਸਕੀ। ਉਸ ਤੋਂ ਇਲਾਵਾ ਹਰਮਨਪ੍ਰੀਤ ਕੌਰ ਨੇ 15 ਦੌਡ਼ਾਂ, ਵੇਦਾ ਕ੍ਰਿਸ਼ਨਾਮੂਰਤੀ ਨੇ 14 ਦੌਡ਼ਾਂ, ਸਨੇਹ ਰਾਣਾ ਨੇ 16 ਦੌਡ਼ਾਂ ਅਤੇ ਸੁਸ਼ਮਾ ਵਰਮਾ ਨੇ 12 ਦੌਡ਼ਾਂ ਬਣਾਈਅਾਂ। ਇਸ ਤੋਂ ਪਹਿਲਾਂ ਇਕ-ਰੋਜ਼ਾ ਕ੍ਰਿਕਟ ਮੈਚਾਂ ਦੀ ਲਡ਼ੀ ਵਿੱਚ 3-2 ਨਾਲ ਜਿੱਤ ਦਰਜ ਕਰਨ ਵਾਲੀ ਭਾਰਤੀ ਟੀਮ ਵੱਲੋਂ ਅੱਜ ਵਿਨੀਤਾ ਨੇ 8 ਦੌਡ਼ਾਂ, ਸਮ੍ਰਿਤੀ ਮੰਧਾਨਾ ਨੇ ਚਾਰ ਦੌਡ਼ਾਂ, ਝੂਲਨ ਗੋਸਵਾਮੀ ਚਾਰ ਦੌਡ਼ਾਂ, ਸ਼ਿਖਾ ਪਾਂਡੇ ਇਕ ਦੌਡ਼ ਅਤੇ ਏਕਤਾ ਬਿਸ਼ਟ ਸੱਤ ਦੌਡ਼ਾਂ ਬਣਾ ਕੇ ਆਊਟ ਹੋਈ ਜਦੋਂ ਕਿ ਰਾਜੇਸ਼ਵਰੀ ਗਾਇਕਵਾਡ਼ ਪੰਜ ਦੌਡ਼ਾਂ ਬਣਾ ਕੇ ਨਾਬਾਦ ਰਹੀ। ਨਿਊਜ਼ੀਲੈਂਡ ਵੱਲੋਂ ਨੀਲਸਨ ਨੇ 3.5 ਓਵਰਾਂ ਵਿੱਚ 30 ਦੌਡ਼ਾਂ ਦੇ ਕੇ ਤਿੰਨ ਵਿਕਟਾਂ ਅਤੇ ਬ੍ਰੈਡਮੋਰ ਨੇ ਚਾਰ ਓਵਰਾਂ ਵਿੱਚ 16 ਦੌਡ਼ਾਂ ਦੇ ਕੇ ਤਿੰਨ ਵਿਕਟਾਂ ਝਟਕਾਈਅਾਂ। ਕਾਸਪੈਰਿਕ ਨੇ 18 ਦੌਡ਼ਾਂ ਦੇ ਕੇ ਦੋ ਵਿਕਟਾਂ ਹਾਸਲ ਕੀਤੀਅਾਂ। ਨਿਊਜ਼ੀਲੈਂਡ ਦੀ ਕਪਤਾਨ ਸੋਫੀ ਨੇ ਹਰਫ਼ਨਮੌਲਾ ਪ੍ਰਦਰਸ਼ਨ ਕਰਦਿਅਾਂ 22 ਗੇਂਦਾਂ ਵਿੱਚ ਪੰਜ ਚੌਕਿਅਾਂ ਤੇ ਅੱਠੇ ਛੱਕਿਅਾਂ ਦੀ ਮਦਦ ਨਾਲ 70 ਦੌਡ਼ਾਂ ਦੀ ਮੈਚ ਜੇਤੂ ਪਾਰੀ ਖੇਡੀ। ਇਸ ਤੋਂ ਪਹਿਲਾਂ ਉਸ ਨੇ ਤਿੰਨ ਓਵਰਾਂ ਵਿੱਚ 18 ਦੌਡ਼ਾਂ ਦੇ ਕੇ ਇਕ ਵਿਕਟ ਵੀ ਹਾਸਲ ਕੀਤੀ। ਸੋਫੀ ਤੋਂ ਇਲਾਵਾ ਅੈਮੀ ਸੈਟਰਥਵੇਟ ਨੇ ਨਾਬਾਦ 39 ਦੌਡ਼ਾਂ ਅਤੇ ਲੇਹ ਕਾਸਪੈਰਿਕ ਨੇ ਨਾਬਾਦ 11 ਦੌਡ਼ਾਂ ਦਾ ਯੋਗਦਾਨ ਦਿੱਤਾ। ਭਾਰਤ ਵੱਲੋਂ ਗੋਸਵਾਮੀ ਨੇ ਦੋ ਓਵਰਾਂ ਵਿੱਚ 19 ਦੌਡ਼ਾਂ ਦੇ ਕੇ ਇਕ ਵਿਕਟ ਅਤੇ ਰਾਜੇਸ਼ਵਰੀ ਨੇ 30 ਦੌਡ਼ਾਂ ਦੇ ਇਕ ਵਿਕਟ ਹਾਸਲ ਕੀਤੀ।

 

ਅੈਸ਼ੇਜ਼ ਲਡ਼ੀ: ਇੰਗਲੈਂਡ

ਦਾ ਪਲਡ਼ਾ ਭਾਰੀ

ਕਾਰਡਿਫ,11 ਜੁਲਾਈ-ਇੰਗਲੈਂਡ ਨੇ ਆਸਟਰੇਲੀਆ ਦੇ ਹੇਠਲੇ ਕ੍ਰਮ ਨੂੰ ਜਲਦੀ ਸਮੇਟਦਿਅਾਂ ਅੈਸ਼ੇਜ਼ ਕ੍ਰਿਕਟ ਟੈਸਟ ਲਡ਼ੀ ਦੇ ਪਹਿਲੇ ਮੈਚ ਦੇ ਤੀਜੇ ਦਿਨ ਸ਼ੁੱਕਰਵਾਰ ਨੂੰ ਲੰਚ ਤਕ ਮਹੱਤਵਪੂਰਨ ਲੀਡ ਹਾਸਲ ਕਰ ਲਈ ਹੈ। ਇੰਗਲੈਂਡ ਨੇ ਲੰਚ ਤਕ ਆਪਣੀ ਦੂਜੀ ਪਾਰੀ ਵਿੱਚ ਇਕ ਵਿਕਟ ’ਤੇ 21 ਦੌਡ਼ਾਂ ਬਣਾਈਅਾਂ, ਜਿਸ ਨਾਲ ਉਸ ਦੀ ਕੁੱਲ ਲੀਡ 143 ਦੌਡ਼ਾਂ ਹੋ ਗਈ ਹੈ। ਲੰਚ ਸਮੇਂ ਅੈਡਮ ਲਿਥ ਸੱਤ ਦੌਡ਼ਾਂ ਬਣਾ ਕੇ ਖੇਡ ਰਿਹਾ ਸੀ ਜਦੋਂ ਕਿ ਗੈਰੀ ਬੈਲੇਂਸ ਨੇ ਹਾਲੇ ਖਾਤਾ ਨਹੀਂ ਖੋਲ੍ਹਿਆ ਸੀ। ਮੇਜ਼ਬਾਨ ਟੀਮ ਨੇ ਲੰਚ ਤੋਂ ਪਹਿਲਾਂ ਕਪਤਾਨ ਅੈਲਿਸਟੇਅਰ ਕੁੱਕ (12 ਦੌਡ਼ਾਂ) ਦੀ ਵਿਕਟ ਗੁਆਈ। ਉਸ ਨੂੰ ਮਿਸ਼ੇਲ ਸਟਾਰਕ ਨੇ ਨਾਥਨ ਲਿਓਨ ਹੱਥੋਂ ਕੈਚ ਆਊਟ ਕਰਾਇਆ। ਇਸ ਤੋਂ ਪਹਿਲਾਂ ਇੰਗਲੈਂਡ ਦੀਅਾਂ ਪਹਿਲੀ ਪਾਰੀ ਵਿੱਚ 430 ਦੌਡ਼ਾਂ ਦੇ ਜਵਾਬ ਵਿੱਚ ਆਸਟਰੇਲੀਅਨ ਟੀਮ 308 ਦੌਡ਼ਾਂ ’ਤੇ ਹੀ ਢੇਰ ਹੋ ਗਈ, ਜਿਸ ਨਾਲ ਮੇਜ਼ਬਾਨ ਟੀਮ ਨੂੰ 122 ਦੌਡ਼ਾਂ ਦੀ ਲੀਡ ਮਿਲ ਗਈ। ਆਸਟਰੇਲੀਆ ਵੱਲੋਂ ਸਲਾਮੀ ਬੱਲੇਬਾਜ਼ ਕ੍ਰਿਸ ਰੌਜਰਜ਼ ਨੇ ਸਭ ਤੋਂ ਵੱਧ 95 ਦੌਡ਼ਾਂ ਬਣਾਈਅਾਂ ਜਦੋਂ ਕਿ ਕਪਤਾਨ ਮਾਈਕਲ ਕਲਾਰਕ ਨੇ 38 ਦੌਡ਼ਾਂ ਦਾ ਯੋਗਦਾਨ ਪਾਇਆ। ਬ੍ਰਿਟੇਨ ਵਿੱਚ 14 ਸਾਲਾਂ ਬਾਅਦ ਅੈਸ਼ੇਜ਼ ਲਡ਼ੀ ਜਿੱਤਣ ਦੇ ਇਰਾਦੇ ਨਾਲ ਉਤਰੀ ਆਸਟਰੇਲੀਆ ਨੇ ਅੱਜ ਆਪਣੀਅਾਂ ਆਖਰੀ ਪੰਜ ਵਿਕਟਾਂ 44 ਦੌਡ਼ਾਂ ਬਦਲੇ ਗੁਆ ਦਿੱਤੀਅਾਂ। ਟੀਮ ਅੱਜ ਪੰਜ ਵਿਕਟਾਂ ’ਤੇ 264 ਦੌਡ਼ਾਂ ਤੋਂ ਅੱਗੇ ਖੇਡਣ ਉਤਰੀ ਸੀ। ਸ਼ੇਨ ਵਾਟਸਨ (30 ਦੌਡ਼ਾਂ) ਨੂੰ ਸਟੂਅਰਟ ਬ੍ਰੈਡ ਨੇ ਟੰਗ ਅਡ਼ਿੱਕਾ ਆਊਟ ਕੀਤਾ। ਇਹ ਹਰਫ਼ਨਮੌਲਾ ਆਪਣੇ ਟੈਸਟ ਕ੍ਰਿਕਟ ਕਰੀਅਰ ਵਿੱਚ 28ਵੀਂ ਵਾਰ ਟੰਗ ਅਡ਼ਿੱਕਾ ਆਊਟ ਹੋਇਆ ਹੈ। ਨਾਈਟਵਾਚਮੈਨ ਲਿਓਨ ਨੂੰ ਮਾਰਕਵੁੱਡ ਨੇ ਟੰਗ ਅਡ਼ਿੱਕਾ ਕਰਨ ਬਾਅਦ ਆਸਟਰੇਲੀਆ ਦਾ ਸਕੋਰ ਸੱਤ ਵਿਕਟਾਂ ’ਤੇ 265 ਦੌਡ਼ਾਂ ਹੋ ਗਿਆ। ਬ੍ਰੈਡ ਹੈਡਿਨ (22 ਦੌਡ਼ਾਂ) ਜੇਮਜ਼ ਅੈਂਡਰਸਨ ਦੀ ਗੇਂਦ ’ਤੇ ਵਿਕਟਕੀਪਰ ਜੋਸ ਬਟਲਰ ਨੂੰ ਕੈਚ ਦੇ ਬੈਠਾ। ਅੈਂਡਰਸਨ (43 ਦੌਡ਼ਾਂ ’ਤੇ ਤਿੰਨ ਵਿਕਟਾਂ) ਨੇ ਸਟਾਰਕ ਨੂੰ ਜੋਅ ਰੂਟ ਹੱਥੋਂ ਕੈਚ ਆਊਟ ਕਰਾ ਕੇ ਆਸਟਰੇਲੀਅਾ ਦੀ ਪਾਰੀ ਦਾ ਅੰਤ ਕੀਤਾ।

 

ਕ੍ਰਿਕਟ:ਜ਼ਿੰਬਾਬਵੇ ਖ਼ਿਲਾਫ਼

ਪਹਿਲਾ ਇਕ ਰੋਜ਼ਾ ਮੈਚ ਅੱਜ

ਹਰਾਰੇ, 10 ਜੁਲਾੲੀ-ਬੰਗਲਾਦੇਸ਼ ਖ਼ਿਲਾਫ਼ ਇਕ ਰੋਜ਼ਾ ਲਡ਼ੀ ਗੁਆੳੁਣ ਮਗਰੋਂ ਆਲੋਚਨਾਵਾਂ ’ਚ ਘਿਰੀ ਟੀਮ ਇੰਡੀਆ ਭਲਕੇ ੲਿਥੇ ਜ਼ਿੰਬਾਬਵੇ ਖ਼ਿਲਾਫ਼ ਪਹਿਲੇ ਇਕ ਰੋਜ਼ਾ ਮੈਚ ਵਿੱਚ ਆਪਣੇ ਨੌਜਵਾਨ ਖ਼ਿਡਾਰੀਆਂ ਦੀ ਅਜ਼ਮਾਇਸ਼ ਅਤੇ ਖ਼ੁਦ ਨੂੰ ਸਾਬਤ ਕਰਨ ਦੇ ਇਰਾਦੇ ਨਾਲ ਮੈਦਾਨ ਵਿੱਚ ੳੁਤਰੇਗੀ। ਅਜਿੰਕਿਆ ਰਾਹਾਣੇ ਦੀ ਅਗਵਾੲੀ ਵਿੱਚ ਭਾਰਤੀ ਟੀਮ ਮੇਜ਼ਬਾਨ ਜ਼ਿੰਬਾਬਵੇ ਖ਼ਿਲਾਫ਼ ਤਿੰਨ ਇਕ ਰੋਜ਼ਾ ਅਤੇ ਦੋ ਟੀ-ਟਵੰਟੀ ਮੈਚ ਖੇਡੇਗੀ। ਪਿਛਲੇ ਮਹੀਨੇ ਬੰਗਲਾਦੇਸ਼ ਖ਼ਿਲਾਫ਼ ਲਡ਼ੀ 1-2 ਨਾਲ ਗੁਆੳੁਣ ਤੋਂ ਬਾਅਦ ਆਲੋਚਨਾਵਾਂ ’ਚ ਘਿਰੀ ਭਾਰਤੀ ਟੀਮ ਵਿੱਚ ਵੱਡਾ ਫੇਰਬਦਲ ਕੀਤਾ ਗਿਆ ਹੈ। ਚੋਣਕਾਰਾਂ ਨੇ ਜ਼ਿੰਬਾਬਵੇ ਦੌਰੇ ਲੲੀ ਕਪਤਾਨ ਮਹਿੰਦਰ ਸਿੰਘ ਧੋਨੀ, ਵਿਰਾਟ ਕੋਹਲੀ, ਰੋਹਿਤ ਸ਼ਰਮਾ, ਸੁਰੇਸ਼ ਰੈਨਾ, ਰਵੀਚੰਦਰਨ ਅਸ਼ਵਿਨ, ਸ਼ਿਖਰ ਧਵਨ ਤੇ ੳੁਮੇਸ਼ ਯਾਦਵ ਜਿਹੇ ਸੀਨੀਅਰ ਖਿਡਾਰੀਆਂ ਨੂੰ ਅਾਰਾਮ ਦਿੱਤਾ ਹੈ ਅਤੇ ਪਹਿਲੀ ਵਾਰ ਟੀਮ ਦੀ ਕਮਾਨ ਰਾਹਾਣੇ ਨੂੰ ਸੌਂਪੀ ਹੈ। ੳੁਧਰ ਚਾਰ ਸਾਲ ਬਾਅਦ ਇਕ ਰੋਜ਼ਾ ਟੀਮ ਵਿੱਚ ਵਾਪਸੀ ਕਰ ਰਹੇ ਹਰਭਜਨ ਸਿੰਘ ਲੲੀ ਵੀ ਇਹ ਲਡ਼ੀ ਕਾਫੀ ਅਹਿਮ ਹੋਵੇਗੀ। ਟੀਮ ਦਾ ਸਭ ਤੋਂ ਸੀਨੀਅਰ ਖਿਡਾਰੀ ਹੋਣ ਕਰਕੇ ੳੁਸ ਦੀ ਜ਼ਿੰਮੇਵਾਰੀ ਹੋਰ ਵੀ ਵੱਧ ਜਾਂਦੀ ਹੈ। ਕਰਣ ਸ਼ਰਮਾ ਦੀ ੳੁਂਗਲੀ ’ਤੇ ਸੱਟ ਲੱਗੀ ਹੋਣ ਕਰਕੇ ਸਪਿੰਨ ਗੇਂਦਬਾਜ਼ੀ ਦਾ ਸਾਰਾ ਦਾਰੋਮਦਾਰ ਹਰਭਜਨ ਤੇ ਅਕਸ਼ਰ ਪਟੇਲ ਦੇ ਮੋਢਿਆਂ ’ਤੇ ਹੋਵੇਗਾ। ਤੇਜ਼ ਗੇਂਦਬਾਜ਼ੀ ਵਿੱਚ ਮੋਹਿਤ ਸ਼ਰਮਾ, ਭੁਵਨੇਸ਼ਵਰ ਕੁਮਾਰ ਤੇ ਧਵਲ ਕੁਲਕਰਨੀ ਅਹਿਮ ਭੂਮਿਕਾ ਨਿਭਾੳੁਣਗੇ। ਜਦਕਿ ਭਾਰਤੀ ਬੱਲੇਬਾਜ਼ੀ ਮੁਰਲੀ ਵਿਜੈ, ਰੌਬਿਨ ੳੁਥੱਪਾ, ਅਜਿੰਕਿਆ ਰਾਹਾਣੇ, ਮਨੋਜ ਤਿਵਾਡ਼ੀ, ਕੇਦਾਰ ਜਾਧਵ, ਮਨੀਸ਼ ਪਾਂਡੇ ਅਤੇ ਅੰਬਾਤੀ ਰਾਇਡੂ ’ਤੇ ਨਿਰਭਰ ਕਰੇਗੀ। ੳੁਧਰ ਭਾਰਤ ਦੇ ਮੁਕਾਬਲੇ ਕੁਝ ਕਮਜ਼ੋਰ ਲੱਗ ਰਹੀ ਜ਼ਿੰਬਾਬਵੇ ਦੀ ਟੀਮ ਪਾਕਿਸਤਾਨ ਖ਼ਿਲਾਫ਼ ਲਡ਼ੀ ਤੋਂ ਬਾਅਦ ਆਤਮ ਵਿਸ਼ਵਾਸ ਨਾਲ ਲਬਰੇਜ਼ ਨਜ਼ਰ ਆ ਰਹੀ ਹੈ। ਕਪਤਾਨ ਐਲਟਨ ਚਿਗੁੰਬਰਾ ਦੀ ਅਗਵਾੲੀ ਵਿੱਚ ਟੀਮ ਘਰੇਲੂ ਮੈਦਾਨ ’ਤੇ ਬਿਹਤਰ ਪ੍ਰਦਰਸ਼ਨ ਕਰਨ ਦੀ ਕੋਸ਼ਿਸ਼ ਕਰੇਗੀ। ਮੇਜ਼ਬਾਨ ਟੀਮ ਨੇ ਪਹਿਲੇ ਮੈਚ ਲੲੀ ਟੀਮ ਵਿੱਚ ਕੁਝ ਅਹਿਮ ਬਦਲਾਅ ਕਰਦਿਆਂ ਹਰਫ਼ਨਮੌਲਾ ਮੈਲਕਮ ਵਾਲਰ, ਨੇਵਿਲੇੇ ਮਦਜਿਵਾ, ਵਿਕਟਕੀਪਰ ਕੇਜਿਸ ਚਕਾਬਵਾ ਤੇ ਤੇਜ਼ ਗੇਂਦਬਾਜ਼ ਡੋਨਾਲਡ ਤਿਰਿਪਾਨੋ ਨੂੰ ਟੀਮ ਵਿੱਚ ਸ਼ਾਮਲ  ਕੀਤਾ ਹੈ। ਭਾਰਤ: ਅਜਿੰਕਿਅਾ ਰਾਹਾਣੇ, ਰੋਬਿਨ ੳੁਥੱਪਾ, ਮੁਰਲੀ ਵਿਜੈ, ਸਟੂਅਰਟ ਬਿਨੀ, ਮਨੋਜ ਤਿਵਾਡ਼ੀ, ਹਰਭਜਨ ਸਿੰਘ, ਕੇਦਾਰ ਜਾਧਵ, ਧਵਲ ਕੁਲਕਰਨੀ, ਭੁਵਨੇਸ਼ਵਰ ਕੁਮਾਰ, ਮਨੀਸ਼ ਪਾਂਡੇ, ਅਕਸ਼ਰ ਪਟੇਲ, ਅੰਬਾਤੀ ਰਾਇਡੂ, ਸੰਦੀਪ ਸ਼ਰਮਾ ਤੇ ਮੋਹਿਤ ਸ਼ਰਮਾ। ਜ਼ਿੰਬਾਬਵੇ: ਐਲਟਨ ਚਿਗੁੰਬਰਾ, ਰੇਗਿਸ ਚਕਾਬਵਾ, ਚਾਮੂ ਚਿਜ਼ਾਜ਼ਾ, ਗ੍ਰੀਮ ਕੇਮਰ, ਨੇਵਿਲੇ ਮੇਜਿਵਾ, ਹੈਮਿਲਟਨ ਮਸਾਕਾਜਾ, ਰਿਚਮੰਡ ਮੁਤੁੰਬਾਮੀ, ਤਿਨਾਸ਼ੇ ਪੇਂਗਿਯਾਂਗਰਾ, ਸਿਕੰਦਰ ਰਜ਼ਾ, ਡੋਨਾਲਡ ਤਿਰਿਪਾਨੋ, ਬਰਾਇਨ ਵਿਟੋਰੀ, ਮੈਲਕਮ ਵਾਲਰ ਤੇ ਸੀਨ ਵਿਲੀਅਮਜ਼।

 

ਵਿੰਬਲਡਨ: ਸੇਰੇਨਾ ਦੇ ਵੱਡੇ

ਪ੍ਰਦਰਸ਼ਨ ਅੱਗੇ ਵੀਨਸ ਹੋਈ ‘ਛੋਟੀ’

ਲੰਡਨ, 7 ਜੁਲਾਈ-ਵਿਸ਼ਵ ਦੀ ਅੱਵਲ ਨੰਬਰ ਖਿਡਾਰਨ ਅਮਰੀਕਾ ਦੀ ਸੇਰੇਨਾ ਵਿਲੀਅਮਜ਼ ਨੇ ਆਪਣੀ ਵੱਡੀ ਭੈਣ ਵੀਨਸ ਵਿਲੀਅਮਜ਼ ਨੂੰ 6-4, 6-3 ਨਾਲ ਹਰਾ ਕੇ ਸੋਮਵਾਰ ਨੂੰ ਵਿੰਬਲਡਨ ਟੈਨਿਸ ਚੈਂਪੀਅਨਸ਼ਿਪ ਵਿੱਚ ਮਹਿਲਾ ਸਿੰਗਲਜ਼ ਦੇ ਕੁਆਰਟਰ ਫਾਈਨਲ ਵਿੱਚ ਦਾਖ਼ਲਾ ਹਾਸਲ ਕਰ ਲਿਆ ਹੈ। ਪੰਜ ਵਾਰ ਦੀ ਚੈਂਪੀਅਨ ਸੇਰੇਨਾ ਨੇ ਆਪਣੀ ਵੱਡੀ ਭੈਣ ਦੀ ਚਾਰ ਵਾਰ ਸਰਵਿਸ ਤੋਡ਼ੀ ਅਤੇ ਇਕ ਘੰਟਾ ਸੱਤ ਮਿੰਟਾਂ ਵਿੱਚ ਇਹ ਮੁਕਾਬਲਾ ਜਿੱਤ ਲਿਆ। ਇਸ ਦੌਰਾਨ ਰੂਸ ਦੀ ਮਾਰੀਆ ਸ਼ਾਰਾਪੋਵਾ ਨੇ ਕਜ਼ਾਖਿਸਤਾਨ ਦੀ ਜ਼ਰੀਨਾ ਡਿਆਜ਼ ਨੂੰ 6-4, 6-4 ਨਾਲ, ਪੋਲੈਂਡ ਦੀ ਅਗਨੈੱਸਕਾ ਰਦਵਾਂਸਕਾ ਨੇ ਸਰਬੀਆ ਦੀ ਜੇਲੇਨਾ ਜਾਂਕੋਵਿਚ ਨੂੰ 7-5, 6-4 ਨਾਲ ਅਤੇ ਅਮਰੀਕਾ ਦੀ ਕੋਕੋ ਵੈਂਡੇਵੇਗੇ ਨੇ ਚੈੱਕ ਗਣਰਾਜ ਦੀ ਲੂਸੀ ਸਫਾਰੋਵਾ ਨੂੰ 7-6, 7-6 ਨਾਲ ਹਰਾ ਕੇ ਆਖ਼ਰੀ ਅੱਠਾਂ ਵਿੱਚ ਜਗ੍ਹਾ ਬਣਾ ਲਈ ਹੈ। ਅਮਰੀਕਾ ਦੀ ਮੈਡੀਸਨ ਕੀਅਜ਼ ਨੇ ਬੇਲਾਰੂਸ ਦੀ ਓਲਗਾ ਗੋਵਰਤਸੋਵਾ ਨੂੰ ਬਾਹਰ ਦਾ ਰਸਤਾ ਦਿਖਾਇਆ। ਪੁਰਸ਼ ਸਿੰਗਲਜ਼ ਦੇ ਕੁਆਰਟਰ ਫਾਈਨਲ ’ਚ ਦਾਖ਼ਲਾ ਹਾਸਲ ਕਰਨ ਲਈ ਫਰਾਂਸ ਦੇ ਰਿਚਰਡ ਗਾਸਕੂ ਨੇ ਆਸਟਰੇਲੀਆ ਦੇ ਨਿਕ ਕਿ੍ਗਿਓਸ ਨੂੰ 7-5, 6-1, 6-7, 7-6 ਨਾਲ ਹਰਾਇਆ। ਕੈਨੇਡਾ ਦੇ ਵਾਸੇਕ ਪੋਸਪੀਸਿਲ ਨੇ ਸਰਬੀਆ ਦੇ ਵਿਕਟਰ ਟ੍ਰੋਯੋਕੀ ਨੂੰ ਹਰਾ ਕੇ ਆਖਰੀ ਅੱਠਾਂ ਵਿੱਚ ਦਾਖ਼ਲਾ ਹਾਸਲ ਕੀਤਾ।

 


<< Start < Prev 1 2 3 4 5 6 7 8 9 10 Next > End >>

ਮੁੱਖ ਖ਼ਬਰਾਂ : 

ਖੇਡ ਖ਼ਬਰਾ : 

ਨਵੇਂ ਲੇਖ : 

 

Random Video 

Latest Added Magzine 

Advertisement

Advertisement
Advertisement
Advertisement