Advertisement

Sports News 

ਜ਼ਿੰਬਾਬਵੇ ਨੂੰ ਹਰਾ ਕੇ ਪਾਕਿਸਤਾਨ ਨੇ

ਟੂਰਨਾਮੈਂਟ ਦੀ ਪਹਿਲੀ ਜਿੱਤ ਕੀਤੀ ਦਰਜ

ਬ੍ਰਿਸਬੇਨ,2 ਮਾਰਚ-ਵਹਾਬ ਰਿਆਜ ਦੀ ਆਲਰਾਊਂਡ ਖੇਡ ਅਤੇ ਮੁਹੰਮਦ ਇਰਫਾਨ ਦੀ ਚੰਗੀ ਗੇਂਦਬਾਜ਼ੀ ਨਾਲ ਪਾਕਿਸਤਾਨ ਨੇ ਅੱਜ ਇਥੇ ਜ਼ਿੰਬਾਬਵੇ ਨੂੰ 20 ਦੌੜਾਂ ਨਾਲ ਹਰਾ ਕੇ ਮੌਜੂਦਾ ਵਿਸ਼ਵ ਕੱਪ ’ਚ ਆਪਣੀ ਜਿੱਤ ਦਰਜ ਕੀਤੀ।
ਭਾਰਤ ਅਤੇ ਵੈਸਟ ਇੰਡੀਜ਼ ਤੋਂ ਕਰਾਰੀ ਹਾਰ ਖਾਣ ਵਾਲੀ ਪਾਕਿ ਟੀਮ ਇਕ ਵਾਰ ਜ਼ਿੰਬਾਬਵੇ ਹੱਥੋਂ ਵੀ ਹਾਰਨ ਵਾਲੀ ਸਥਿਤੀ ਵਿੱਚ ਸੀ ਕਿਉਂਕਿ ਉਸ ਦੇ ਬੱਲੇਬਾਜ਼ 7 ਵਿਕਟ ’ਤੇ 235 ਦੌੜਾਂ ਬਣਾ ਸਕੇ ਸਨ। ਇਹ ਸਕੋਰ ਵੀ ਕਪਤਾਨ ਮਿਸਬਾਹ ਉਲ ਹੱਕ (121 ਦੌੜਾਂ ’ਤੇ 73 ਦੌੜਾਂ) ਅਤੇ ਵਹਾਬ ਰਿਆਜ (46 ਗੇਂਦਾਂ ’ਤੇ ਨਾਬਾਦ 54 ਦੌੜਾਂ) ਦੀ ਬਦੌਲਤ ਪਹੁੰਚ ਸਕਿਆ। ਰਿਆਜ ਨੇ ਇਸ ਤੋਂ ਬਾਅਦ ਗੇਂਦਬਾਜ਼ੀ ਵਿੱਚ ਵੀ ਕਮਾਲ ਕੀਤਾ ਅਤੇ 45 ਦੌੜਾਂ ਦੇ ਕੇ ਚਾਰ ਖਿਡਾਰੀ ਆਊਟ ਕੀਤੇ। ਉਸ ਨੂੰ ਇਰਫਾਨ ਦਾ ਚੰਗਾ ਸਾਥ ਮਿਲਿਆ, ਜਿਸ ਨੇ 30 ਦੌੜਾਂ ਦੇ ਕੇ ਚਾਰ ਖਿਡਾਰੀ ਆਊਟ ਕੀਤੇ। ਜ਼ਿੰਬਾਬਵੇ ਦੇ ਸਾਹਮਣੇ ਵੱਡਾ ਟੀਚਾ ਨਹੀਂ ਸੀ ਪਰ 30 ਤੋਂ 40ਵੇਂ ਓਵਰ ਵਿੱਚ ਪੰਜ ਵਿਕਟਾਂ ਗਵਾਉਣ ਕਾਰਨ ਟੀਮ ਬੈਕਫੁੱਟ ’ਤੇ ਪਹੁੰਚ ਗਈ ਅਤੇ ਅਖੀਰ ਵਿੱਚ 49.4 ਓਵਰਾਂ ਵਿੱਚ 215 ਦੌੜਾਂ ’ਤੇ ਆਊਟ ਹੋ ਗਈ। ਜ਼ਿੰਬਾਬਵੇ ਤਰਫੋਂ ਬਰੈਂਡਨ ਟੇਲਰ ਨੇ ਸਭ ਤੋਂ ਵੱਧ 50 ਦੌੜਾਂ ਬਣਾਈਆਂ।
ਪਾਕਿਸਤਾਨ ਦੀ ਇਸ ਟੂਰਨਾਮੈਂਟ ਵਿੱਚ ਪਹਿਲੀ ਜਿੱਤ ਹੈ ਜਿਸ ਨਾਲ ਉਹ ਪੂਲ ‘ਬੀ’ ਦੀ ਅੰਕ ਸਾਰਣੀ ਵਿੱਚ ਕੁਝ ਉਪਰ ਚੜ੍ਹਨ ਵਿੱਚ ਸਫਲ ਹੋ ਗਿਆ ਹੈ। ਇਸੇ ਤਰ੍ਹਾਂ ਜ਼ਿੰਬਾਬਵੇ ਨੂੰ ਚੌਥੇ ਮੈਚ ਵਿੱਚ ਤੀਸਰੀ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ।
ਜ਼ਿੰਬਾਬਵੇ ਦੇ ਸਾਹਮਣੇ ਛੋਟਾ ਟੀਚਾ ਹੋਣ ਕਾਰਨ ਹੁਣ ਸਾਰਾ ਦਾਰੋਮਦਾਰ ਪਾਕਿਸਤਾਨ ਦੇ ਗੇਂਦਬਾਜ਼ਾਂ ’ਤੇ ਸੀ। ਇਰਫਾਨ ਨੇ ਦੋਨੋਂ ਸਲਾਮੀ ਬੱਲੇਬਾਜ਼ਾਂ ਚਾਮੂ (9) ਅਤੇ ਸਿਕੰਦਰ ਰਜ਼ਾ (8) ਨੂੰ ਸਤਵੇਂ ਓਵਰ ਵਿੱਚ ਪੈਵੀਲੀਅਨ ਪਹੁੰਚਾਇਆ।
ਟੇਲਰ ਨੇ ਇਸ ਤੋਂ ਬਾਟ ਹੈਮਿਲਟਨ (29) ਅਤੇ ਸੀਨ ਵਿਲੀਅਮਜ਼ (33) ਦੇ ਨਾਲ ਅਗਲੇ ਦੋ ਵਿਕਟਾਂ ਲਈ ਕ੍ਰਮਵਾਰ 52 ਅਤੇ 54 ਦੌੜਾਂ ਦੀਆਂ ਪਾਰੀਆਂ ਖੇਡੀਆਂ। ਬਾਅਦ ਵਿੱਚ ਇਰਫਾਨ ਨੇ ਹੈਮਿਲਟਨ ਨੂੰ ਆਊਟ ਕੀਤਾ। ਮਿਸਬਾਹ ਨੇ ਉਸ ਦਾ ਸ਼ਾਨਦਾਰ ਕੈਚ ਲਪਕਿਆ। ਰਿਆਜ ਨੇ ਟੇਲਰ ਨੂੰ ਵਿਕਟ ਪਿੱਛੇ ਕੈਚ ਆਊਟ ਕਰਵਾ ਕੇ ਪਾਕਿਸਤਾਨ ਨੂੰ ਸਭ ਤੋਂ ਵੱਡਾ ਵਿਕਟ ਦਿਵਾਇਆ। ਇਸ ਤੋਂ ਬਾਅਦ ਕਰੈਗ ਇਰਵਿਨ (14) ਨੂੰ ਵੀ ਵੱਡੀ ਪਾਰੀ ਨਹੀਂ ਖੇਡਣ ਦਿੱਤੀ। ਜ਼ਿੰਬਾਬਵੇ ਦੇ ਕਪਤਾਨ ਐਲਟਨ ਚਿੰਗੁਵੁਰਾ (35) ਨੇ ਵੀ ਘੱਟ ਵਿਕਟਾਂ ਬਚੀਆਂ ਹੋਣ ਦੇ ਬਾਵਜੂਦ ਟੀਮ ਦੀ ਜਿੱਤ ਲਈ ਕੋਈ ਖਾਸ ਉਦਮ ਨਹੀਂ ਕੀਤਾ।
ਇਸ ਤੋਂ ਪਹਿਲਾਂ ਪਾਕਿਸਤਾਨ ਨੇ ਟਾਸ ਜਿੱਤ ਕੇ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਪਰ ਟੀਮ ਦੀ ਸ਼ੁਰੂਆਤ ਚੰਗੀ ਨਹੀਂ ਰਹੀ। ਟੀਮ ਦਾ ਸਲਾਮੀ ਬੱਲੇਬਾਜ਼ ਨਾਸਿਰ ਜਮਸ਼ੇਦ (1) ਅਤੇ ਅਹਿਮਦ ਸ਼ਾਹਜ਼ਾਦ (ਜ਼ੀਰੋ) ਪਹਿਲੇ ਪੰਜ ਓਵਰਾਂ ਵਿੱਚ ਹੀ ਪੈਵੀਲੀਅਨ ਪਰਤ ਗਏ। ਇਸ ਸਮੇਂ ਟੀਮ ਦਾ ਸਕੋਰ ਚਾਰ ਦੌੜਾਂ ਸੀ। ਇਸ ਮਗਰੋਂ ਮਿਸਬਾਹ ਕਰੀਜ਼ ’ਤੇ ਪਹੁੰਚਿਆ। ਉਸ ਦੇ ਹਾਰਿਸ ਸੋਹੇਲ (27) ਦੇ ਨਾਲ 54 ਅਤੇ ਅਕਮਲ (33) ਦੇ ਨਾਲ 69 ਦੌੜਾਂ ਦੀ ਸਾਂਝੇਦਾਰੀ ਕੀਤੀ। ਇਸ ਮਗਰੋਂ ਰਿਆਜ ਦੇ ਕਰੀਜ਼ ’ਤੇ ਆਉਣ ਕਾਰਨ ਦੌੜਾਂ ਦੀ ਗਤੀ ਥੋੜ੍ਹੀ ਤੇਜ਼ ਹੋਈ। ਉਸ ਨੇ ਆਪਣੀ ਪਾਰੀ ਵਿੱਚ ਛੇ ਚੌਕੇ ਤੇ ਇਕ ਸਿਕਸਰ ਲਗਾਇਆ। ਇਸ ਤੋਂ ਪਹਿਲਾਂ ਸ਼ੋਏਬ ਮਕਸੂਦ ਨੇ 21 ਦੌੜਾਂ ਬਣਾਈਆਂ ਪਰ ਸ਼ਾਹਿਦ ਅਫਰੀਦੀ ਨੇ ਨਿਰਾਸ਼ ਕੀਤਾ। ਉਹ ਬਿਨਾਂ ਖਾਤਾ ਖੋਲ੍ਹੇ ਹੀ ਪੈਵੀਲੀਅਨ ਪਰਤ ਗਿਆ। ਜ਼ਿੰਬਾਬਵੇ ਤਰਫੋਂ ਟ੍ਰੇਡਾਈ ਚਤਾਰਾ ਸਭ ਤੋਂ ਵੱਧ ਸਫਲ ਗੇਂਦਬਾਜ਼ ਰਿਹਾ। ਉਸ ਨੇ 35 ਦੌੜਾਂ ਦੇ ਕੇ ਤਿੰਨ ਖਿਡਾਰੀ ਆਊਟ ਕੀਤੇ। ਆਪਣੇ 10 ਓਵਰਾਂ ਵਿੱਚ ਉਸ ਨੇ ਦੋ ਓਵਰ ਮੇਡਨ ਸੁੱਟੇ। ਇਸ ਤਰ੍ਹਾਂ ਸਪਿੰਨਰ ਸੀਨ ਵਿਲੀਅਮਜ਼ ਨੇ 10 ਓਵਰਾਂ ਵਿੱਚ 48 ਦੌੜਾਂ ਦੇ ਕੇ ਦੋ ਖਿਡਾਰੀ ਆਊਟ ਕੀਤੇ।

ਵਿਸ਼ਵ ਕੱਪ: ਸ੍ਰੀਲੰਕਾ ਨੇ

ਬੰਗਲਾਦੇਸ਼ ਨੂੰ ਮਧੋਲਿਆ


ਮੈਲਬਰਨ,27 ਫਰਵਰੀ-ਚਾਰ ਸੌ ਇੱਕਰੋਜ਼ਾ ਖੇਡਣ ਦਾ ਰਿਕਾਰਡ ਬਣਾਉਣ ਵਾਲੇ ਕੁਮਾਰ ਸੰਗਾਕਾਰਾ ਦੇ ਸੈਂਕੜੇ ਅਤੇ ਤਿਲਕਰਤਨੇ ਦਿਲਸ਼ਾਨ ਦੀ 161 ਦੌੜਾਂ ਦੀ ਨਾਬਾਦ ਪਾਰੀ ਦੇ ਦਮ ਉੱਤੇ ਅੱਜ ਸ੍ਰੀਲੰਕਾ ਨੇ ਬੰਗਲਾਦੇਸ਼ ਨੂੰ 92 ਦੌੜਾਂ ਨਾਲ ਹਰਾ ਦਿੱਤਾ ਹੈ।ਸ੍ਰੀਲੰਕਾ ਨੇ ਪਹਿਲਾ ਬੱਲੇਬਾਜ਼ੀ ਕਰਦਿਆਂ ਇੱਕ ਵਿਕਟ ਉੱਤੇ 322 ਦੌੜਾਂ ਬਣਾਈਆਂ। ਜਵਾਬ ਵਿੱਚ ਬੰਗਲਾਦੇਸ਼ ਦੀ ਟੀਮ 47 ਓਵਰਾਂ ਵਿੱਚ 240 ਦੌੜਾਂ ਹੀ ਬਣਾ ਸਕੀ।
ਇੱਕ ਸਮੇਂ ’ਤੇ ਬੰਗਲਾਦੇਸ਼ ਨੇ ਪੰਜ ਵਿਕਟਾਂ 21ਵੇਂ ਓਵਰ ਵਿੱਚ 100 ਦੌੜਾਂ ਉੱਤੇ ਗਿਰਾਉਣ ਤੋਂ ਬਾਅਦ ਸ੍ਰੀਲੰਕਾ ਦੀ ਟੀਮ ਨੂੰ ਸ਼ਾਕਿਬ ਅੱਲ ਹਸਨ (46) ਤੇ ਸ਼ਬੀਰ ਰਹਿਮਾਨ (53) ਨੇ ਜਿੱਤ ਦੇ ਲਈ ਇੰਤਜ਼ਾਰ ਕਰਨ ਨੂੰ ਮਜਬੂਰ ਕਰ ਦਿੱਤਾ। ਇਸ ਤੋਂ ਪਹਿਲਾਂ ਸ੍ਰੀਲੰਕਾ ਨੇ ਬੱਲੇਬਾਜ਼ੀ ਕਰਦਿਆਂ ਬੰਗਲਾਦੇਸ਼ ਸਾਹਮਣੇ 323 ਦੌੜਾਂ ਦਾ ਟੀਚਾ ਰੱਖਿਆ ਪਰ ਬੰਗਲਾਦੇਸ਼ ਦੀ ਟੀਮ 47 ਓਵਰਾਂ ਵਿੱਚ  240 ਦੌੜਾਂ ਹੀ ਬਣਾ ਸਕੀ।
ਆਪਣਾ 400ਵਾਂ ਇਕ ਰੋਜ਼ਾ ਖੇਡ ਰਹੇ ਕੁਮਾਰ ਸੰਗਕਾਰਾ ਨੇ ਨਾਬਾਦ 105 ਦੌੜਾਂ ਤੇ ਤਿਲਕ ਰਤਨੇ ਦਿਲਸ਼ਾਨ ਦੀ 161 ਦੌੜਾਂ ਦੀ ਨਾਬਾਦ ਪਾਰੀਆਂ ਦੀ ਮਦਦ ਨਾਲ ਸ੍ਰੀਲੰਕਾ ਨੂੰ ਬੰਗਲਾਦੇਸ਼ ਦੇ ਵਿਰੁੱਧ ਵਿਸ਼ਵ ਕੱਪ ਮੈਚ ’ਚ ਇਕ ਵਿਕਟ ਪਿੱਛੇ 332 ਦੌੜਾਂ ਦਾ ਵਿਸ਼ਾਲ ਸਕੋਰ ਬਣਾਇਆ।ਪਹਿਲੇ ਮੈਚ ਵਿੱਚ ਨਿਊਜ਼ੀਲੈਂਡ ਦੇ ਵਿਰੁੱਧ 233 ਦੌੜਾਂ ਉੱਤੇ ਆਊਟ ਹੋਣ ਬਾਅਦ ਅਫਗਾਨਿਸਤਾਨ ਖ਼ਿਲਾਫ਼ 232 ਦੌੜਾਂ ਦਾ ਟੀਚਾ ਹਾਸਲ ਕਰਨ ਲਈ ਮੁਸ਼ੱਕਤ ਕਰਨ ਵਾਲੀ ਟੀਮ ਨੇ ਆਖ਼ਰਕਾਰ ਬੱਲੇਬਾਜ਼ੀ ਦਾ ਸ਼ਾਨਦਾਰ ਮੁਜ਼ਾਹਰਾ ਕੀਤਾ ਹੈ। ਦੂਜੇ ਪਾਸੇ ਬੰਗਲਾਦੇਸ਼ ਦੀ ਫੀਲਡਿੰਗ ਬੇਹੱਦ ਖ਼ਰਾਬ ਸੀ ਤੇ ਟੀਮ ਨੇ ਪੰਜ ਮੌਕੇ ਗਵਾਏ। ਦਿਲਸ਼ਾਨ ਨੇ ਪਹਿਲੀ ਵਿਕਟ ਲਈ ਲਾਹੀਰੂ ਤਿਰੀਮੰਨੇ (52) ਦੇ ਨਾਲ 122 ਦੌੜਾਂ ਜੋੜੀਆਂ। ਇਸ ਤੋਂ ਬਾਅਦ ਸੰਗਕਾਰਾ ਦੇ ਨਾਲ ਦੂਜੇ ਵਿਕਟ ਲਈ 210 ਦੌੜਾ ਦੀ ਨਾਬਾਦ ਸਾਂਝੇਦਾਰੀ ਕੀਤੀ। ਸੰਗਕਾਰਾ ਨੇ ਆਪਣੇ 22ਵੇਂ ਇਕ ਰੋਜ਼ਾ  ਸੈਂਕੜੇ ਵਿੱਚ 13 ਚੌਕੇ ਤੇ ਇਕ ਛੱਕਾ ਲਾਇਆ।
ਦਿਲਸ਼ਾਨ ਨੇ 17ਵੇਂ ਇਕ ਰੋਜ਼ਾ ਵਿੱਚ 22 ਚੌਕੇ ਲਾਏ। ਤਿਰੀਮੰਨੇ ਨੂੰ ਅਰਧ ਸੈਂਕੜੇ ਦੀ ਪਾਰੀ ਵਿੱਚ ਤਿੰਨ ਜੀਵਨਦਾਨ ਮਿਲੇ। ਅਨਾਮੁੱਲ ਹੱਕ ਨੇ ਬੰਗਲਾਦੇਸ਼ੀ ਕਪਤਾਨ ਮਸ਼ਰੇਫ਼ ਮੁਰਤਜ਼ਾ ਦੇ ਪਹਿਲੇ ਹੀ ਓਵਰ ਵਿੱਚ ਉਸ ਦਾ ਕੈਚ ਪਹਿਲੀ ਸਲਿੱਪ ਵਿੱਚ ਛੱਡਿਆ। ਉਸ ਸਮੇਂ ਤਿਰੀਮੰਨੇ ਦਾ ਸਕੋਰ 22 ਦੌੜਾਂ ਸੀ ਤੇ ਇਸ ਤੋਂ ਬਾਅਦ 44 ਦੇ ਸਕੋਰ ਉੱਤੇ ਸ਼ਬੀਰ ਰਹਿਮਾਨ ਦੀ ਗੇਂਦ ਉੱਤੇ ਮੁਸ਼ਫਿਕਰ ਰਹੀਮ ਨੇ ਉਸ ਨੂੰ ਸਟੰਪ ਆਊਟ ਕਰਨ ਦਾ ਮੌਕਾ ਗਵਾਇਆ।
ਆਖ਼ਰ ਵਿੱਚ ਤੇਜ਼ ਗੇਂਦਬਾਜ਼ ਰੁਬੇਲ ਹੁਸੈਨ ਦੀ ਗੇਂਦ ਉੱਤੇ ਥਰਡਮੈਨ ਵਿੱਚ ਕੈਚ ਦੇ ਕੇ ਉਹ ਪੈਵੇਲੀਅਨ ਪਰਤਿਆ। ਸੰਗਕਾਰਾ ਉਦੋਂ 23 ਦੌੜਾਂ ਉੱਤੇ ਸੀ ਜਦੋਂ ਤਸਕੀਨ ਅਹਿਮਦ ਨੇ ਉਸ ਦਾ ਰਿਟਰਨ ਕੈਚ ਛੱਡਿਆ।
ਉਸ ਨੂੰ ਰੂਬੇਲ ਦੀ ਗੇਂਦ ਉੱਤੇ ਫਿਰ ਜੀਵਨਦਾਨ ਮਿਲਿਆ ਜਦੋਂ ਪੁਆਇੰਟ ਵਿੱਚ ਮੋਮਿਲ ਉੱਲ ਹੱਕ ਨੇ ਉਸ ਦਾ ਕੈਚ ਛੱਡ ਦਿੱਤਾ। ਸੰਗਕਾਰਾ ਨੇ ਆਖਰੀ ਓਵਰ ਵਿੱਚ ਆਪਣਾ ਸੈਂਕੜਾ ਪੂਰਾ ਕੀਤਾ। ਉਹ 400 ਇਕ ਰੋਜ਼ਾ ਮੈਚ ਖੇਡਣ ਵਾਲਾ ਚੌਥਾ ਕ੍ਰਿਕਟ ਖਿਡਾਰੀ ਬਣ ਗਿਆ ਹੈ। ਉਸ ਤੋਂ ਵੱਧ ਇਕ ਰੋਜ਼ਾ ਭਾਰਤ ਦੇ ਸਚਿਨ ਤੇਂਦੁਲਕਰ (463), ਸ੍ਰੀਲੰਕਾ ਦੇ ਸਨਤ ਜੈਸੂਰਿਆ 445 ਤੇ ਮੌਜੂਦਾ ਟੀਮ ਦੇ ਸਾਥੀ ਖਿਡਾਰੀ ਮਹੇਲਾ ਜੈਵਰਧਨੇ (444) ਨੇ ਖੇਡੇ  ਹਨ। ਬੰਗਲਾਦੇਸ਼ ਦੇ ਲਈ ਤਸਕੀਨ ਨੇ 10 ਓਵਰਾਂ ਵਿੱਚ 82 ਦੌੜਾਂ ਦੇ ਦਿੱਤੀਆਂ ਤੇ ਉਸ ਨੂੰ ਇਕ ਵੀ ਵਿਕਟ ਨਹੀਂ ਮਿਲਿਆ।      -

ਸਾਨੀਆ ਅਤੇ ਬੋਪੰਨਾ

ਵੱਲੋਂ ਜਿੱਤਾਂ ਦਰਜ

ਦੁਬਈ, 26 ਫਰਵਰੀ-ਭਾਰਤੀ ਟੈਨਿਸ ਖਿਡਾਰੀ ਰੋਹਨ ਬੋਪੰਨਾ ਅਤੇ ਸਾਨੀਆ ਮਿਰਜ਼ਾ ਨੇ ਆਪਣੇ-ਆਪਣੇ ਜੋੜੀਦਾਰਾਂ ਨਾਲ ´ਮਵਾਰ ਦੁਬਈ ਓਪਨ ਅਤੇ ਕਤਰ ਓਪਨ ਟੈਨਿਸ ਟੂਰਨਾਮੈਂਟ ਦੇ ਕੁਆਰਟਰ ਫਾਈਨਲ ‘ਚ ਦਾਖ਼ਲਾ ਹਾਸਲ ਕਰ ਲਿਆ ਹੈ। ਬੋਪੰਨਾ ਤੇ ਕੈਨੇਡਾ ਦੇ ਉਸ ਦੇ ਜੋੜੀਦਾਰ ਡੇਨੀਅਲ ਨੈਸਟਰ ਨੂੰ ਦੁਬਈ ਟੈਨਿਸ ਟੂਰਨਾਮੈਂਟ ਦੇ ਪਹਿਲੇ ਗੇੜ ‘ਚ ਜਿੱਤ ਦਰਜ ਕਰਨ ਲਈ ਬਹੁਤੀ ਮੁਸ਼ੱਕਤ ਨਹੀਂ ਕਰਨੀ ਪਈ। ਇਸ ਜੋੜੀ ਨੇ ਪਹਿਲੇ ਗੇੜ ਦੇ ਮੁਕਾਬਲੇ ਵਿੱਚ ਵਾਈਲਡ ਕਾਰਡਧਾਰੀ ਜੋੜੀ ਨੋਵਾਕ ਜੋਕੋਵਿਚ ਤੇ ਡੈਜਰੇ ਲਾਸਕੋ ਨੂੰ 6-2, 7-5 ਨਾਲ ਮਾਤ ਦਿੱਤੀ।
ਉੱਧਰ, ਦੋਹਾ ਵਿੱਚ ਖੇਡੇ ਜਾ ਰਹੇ ਕਤਰ ਓਪਨ ਵਿੱਚ ਸਾਨੀਆ ਤੇ ਚੀਨੀ ਤਾਇਪੇਈ ਦੀ ਸੂ ਵੇਈ ਸੀਹ ਦੀ ਜੋੜੀ ਨੇ ਐਨਾਬੈਲ ਮੇਡਿਨਾ ਅਤੇ ਅਰਾਂਤਸਾ ਪੈਰਾ ਸੈਟੋਨਾ ਦੀ ਜੋੜੀ ਨੂੰ 6-2, 6-1 ਨਾਲ ਮਾਤ ਦੇ ਕੇ ਅਗਲੇ ਗੇੜ ‘ਚ ਦਾਖ਼ਲਾ ਹਾਸਲ ਕੀਤਾ ਹੈ।

ਵਿਸ਼ਵ ਕੱਪ: ਇੰਗਲੈਂਡ

ਨੇ ਸ਼ਰੀਕ ਢਾਹਿਆ

ਕਰਾਈਸਟਚਰਚ, 24 ਫਰਵਰੀ-ਮੋਇਨ ਅਲੀ ਦੇ ਸੈਂਕੜੇ ਦੀ ਮਦਦ ਨਾਲ ਇੰਗਲੈਂਡ ਨੇ ਅੱਜ ਪੂਲ ‘ਏ’ ਦੇ ਮੈਚ ਵਿੱਚ ਸਕਾਟਲੈਂਡ ਨੂੰ 119 ਦੌੜਾਂ ਨਾਲ ਹਰਾ ਕੇ ਆਈਸੀਸੀ ਕ੍ਰਿਕਟ ਵਿਸ਼ਵ ਕੱਪ ਵਿੱਚ ਪਹਿਲੀ ਜਿੱਤ ਦਰਜ ਕੀਤੀ। ਹੈ। ਅਲੀ ਦੀਆਂ 128 ਦੌੜਾਂ ਦੀ ਮਦਦ ਨਾਲ ਇੰਗਲੈਂਡ ਨੇ ਅੱਠ ਵਿਕਟਾਂ ‘ਤੇ 303 ਦੌੜਾਂ ਬਣਾਈਆਂ। ਇਸ ਦੇ ਜਵਾਬ ਵਿੱਚ ਸਕਾਟਲੈਂਡ ਦੀ ਟੀਮ 42.1 ਓਵਰਾਂ ਵਿੱਚ 184 ਦੌੜਾਂ ‘ਤੇ ਹੀ ਢੇਰ ਹੋ ਗਈ। ਆਸਟਰੇਲੀਆ ਤੇ ਨਿਊਜ਼ੀਲੈਂਡ ਤੋਂ ਹਾਰਨ ਤੋਂ ਬਾਅਦ ਨਿਰਾਸ਼ ਇੰਗਲਿਸ਼ ਟੀਮ ਨੂੰ ਧਮਾਕੇਦਾਰ ਜਿੱਤ ਦੀ ਲੋੜ ਸੀ ਪਰ ਸਕਾਟਲੈਂਡ ਵਰਗੀ ਕਮਜ਼ੋਰ ਟੀਮ ਖ਼ਿਲਾਫ਼ ਵੀ ਉਸ ਦੀ ਇਹ ਜਿੱਤ ਬਹੁਤੀ ਪ੍ਰਭਾਵਸ਼ਾਲੀ ਨਹੀਂ ਸੀ। ਸਕਾਟਲੈਂਡ ਖ਼ਿਲਾਫ਼ 128 ਦੌੜਾਂ ਬਣਾਉਣ ਤੇ ਫਿਰ ਦੋ ਵਿਕਟਾਂ ਝਟਕਾਉਣ ਵਾਲੇ ਇੰਗਲਿਸ਼ ਓਪਨਰ ਮੋਈਨ ਅਲੀ ਨੂੰ  ‘ਮੈਨ ਆਫ ਦਿ ਮੈਚ’ ਚੁਣਿਆ ਗਿਆ।
ਇੰਗਲੈਂਡ ਦੀ ਟੀਮ ਨੇ ਇਕ ਸਮੇਂ ਦੋ ਵਿਕਟਾਂ ‘ਤੇ 202 ਦੌੜਾਂ ਬਣਾ ਲਈਆਂ ਸਨ ਅਤੇ ਲੱਗ ਰਿਹਾ ਸੀ ਕਿ ਟੀਮ ਵਿਸ਼ਾਲ ਸਕੋਰ ਖੜ੍ਹਾ ਕਰੇਗੀ। ਅਲੀ ਅਤੇ ਇਯਾਨ ਬੈੱਲ (54 ਦੌੜਾਂ) ਨੇ ਪਹਿਲੀ ਵਿਕਟ ਲਈ 172 ਦੌੜਾਂ ਦੀ ਸਾਂਝੇਦਾਰੀ ਕੀਤੀ ਜੋ ਹੁਣ ਤੱਕ ਪਹਿਲੀ ਵਿਕਟ ਲਈ ਸਭ ਤੋਂ ਵੱਡੀ ਸਾਂਝੇਦਾਰੀ ਹੈ। ਇਸ ਤੋਂ ਬਾਅਦ ਇੰਗਲੈਂਡ ਨੇ ਛੇ ਵਿਕਟਾਂ ਆਖਰੀ 15 ਓਵਰਾਂ ‘ਚ 102 ਦੌੜਾਂ ਹਾਸਲ ਕਰਨ ‘ਚ ਗੁਆ ਦਿੱਤੀਆਂ। ਅਲੀ ਨੂੰ ਦੂਜੇ ਓਵਰ ਵਿੱਚ ਜੀਵਨ ਦਾਨ ਮਿਲਿਆ, ਜਦੋਂ ਫਰੈਡੀ ਕੋਲਮੈਨ ਉਸ ਦਾ ਕੈਚ ਫੜਨ ‘ਚ ਨਾਕਾਮ ਰਿਹਾ।  ਸਵਿੰਗ ਗੇਂਦਬਾਜ਼ਾਂ ਲਈ ਮਦਦ ਪਿੱਚ ‘ਤੇ ਅਲੀ ਨੇ ਹਮਲਾਵਰ ਬੱਲੇਬਾਜ਼ੀ ਕੀਤੀ। ਉਸ ਨੇ 107 ਗੇਂਦਾਂ ਦੀ ਆਪਣੀ ਪਾਰੀ ਵਿੱਚ 12 ਚੌਕੇ ਤੇ ਪੰਜ ਛੱਕੇ ਲਗਾਏ। ਬੈੱਲ ਨੂੰ ਵੀ ਪਾਰੀ ਦੀ ਸ਼ੁਰੂਆਤ ਵਿੱਚ ਜੀਵਨਦਾਨ ਮਿਲਿਆ ਜਦੋਂ ਐਲਸਡੇਅਰ ਇਵਾਂਸ ਦੀ ਗੇਂਦ ‘ਤੇ ਉਸ ਦੀ ਟੰਗ ਅੜਿੱਕਾ ਦੀ ਅਪੀਲ ਖ਼ਾਰਜ ਹੋ ਗਈ। ਸਕਾਟਲੈਂਡ ਨੇ ਅਪੀਲ ਨਹੀਂ ਕੀਤੀ ਪਰ ਰੀਪਲੇਅ ਵਿੱਚ ਸਪਸ਼ਟ ਹੋ ਰਿਹਾ ਸੀ ਕਿ ਗੇਂਦ ਲੈੱਗ ਸਟੰਪ ‘ਤੇ ਪੈ ਰਹੀ ਹੈ। ਉਸ ਨੂੰ ਅਖੀਰ ਰਿਚੀ ਬੈਰਿੰਗਟਨ ਨੇ ਬਾਹਰ ਦਾ ਰਸਤਾ ਦਿਖਾਇਆ। ਬੈਰਿੰਗਟਨ ਦੀ ਗੇਂਦ ‘ਤੇ ਕਾਇਲੇ ਕੋਇਟਜ਼ਰ ਨੇ ਉਸ ਦਾ ਕੈਚ ਫੜਿਆ। ਅਲੀ ਨੂੰ ਆਫ ਸਪਿੰਨਰ ਮਜ਼ੀਦ ਹੱਕ ਨੇ ਆਊਟ ਕੀਤਾ।
ਅਲੀ ਨੇ ਆਊਟ ਹੋਣ ਤੋਂ ਬਾਅਦ ਇੰਗਲੈਂਡ ਦੀਆਂ ਤਿੰਨ ਵਿਕਟਾਂ ਦੋ ਦੌੜਾਂ ‘ਤੇ 10 ਗੇਂਦਾਂ ਵਿੱਚ ਡਿੱਗ ਗਈਆਂ। ਗੈਰੀ ਬੈਲੇਂਸ (10 ਦੌੜਾਂ) ਅਤੇ ਜੋਅ ਰੂਟ (1 ਦੌੜ) ਜ਼ਿਆਦਾ ਸਮਾਂ ਟਿਕ ਕੇ ਨਾ ਖੇਡ ਸਕੇ। ਇੰਗਲੈਂਡ ਦਾ ਸਕੋਰ ਇਕ ਵਿਕਟ ‘ਤੇ 201 ਦੌੜਾਂ ਤੋਂ ਚਾਰ ਵਿਕਟਾਂ ‘ਤੇ 203 ਦੌੜਾਂ ਹੋ ਗਿਆ। ਜੇਮਜ਼ ਟੇਲਰ (17 ਦੌੜਾਂ) ਅਤੇ ਜੋਸ  ਬਟਲਰ (24 ਦੌੜਾਂ) ਚੰਗੀ ਸ਼ੁਰੂਆਤ ਨੂੰ ਵੱਡੀ ਪਾਰੀ ਵਿੱਚ ਨਾ ਬਦਲ ਸਕੇ। ਕਪਤਾਨ ਈਓਨ ਮੌਰਗਨ ਨੇ 46 ਦੌੜਾਂ ਬਣਾ ਕੇ ਟੀਮ ਨੂੰ 300 ਦੌੜਾਂ ਦੇ ਪਾਰ ਪਹੁੰਚਾਇਆ। ਸਕਾਟਲੈਂਡ ਲਈ ਜੋਸ਼ ਡੈਵੀ ਨੇ 10 ਓਵਰਾਂ ਵਿੱਚ 68 ਦੌੜਾਂ ਦੇ ਕੇ ਚਾਰ ਵਿਕਟਾਂ ਝਟਕਾਈਆਂ।
ਜਿੱਤ ਲਈ 304 ਦੌੜਾਂ ਦਾ ਪਿੱਛਾ ਕਰਨ ਉੱਤਰੀ ਸਕਾਟਲੈਂਡ ਟੀਮ ਲਈ ਸਲਾਮੀ ਬੱਲੇਬਾਜ਼ ਕੋਇਟਜ਼ਰ ਨੇ 84 ਗੇਂਦਾਂ ਵਿੱਚ 11 ਚੌਕਿਆਂ ਦੀ ਮਦਦ ਨਾਲ 71 ਦੌੜਾਂ ਬਣਾਈਆਂ। ਉਸ ਤੋਂ ਬਿਨਾਂ ਹੋਰ ਕੋਈ ਬੱਲੇਬਾਜ਼ ਪ੍ਰਭਾਵਸ਼ਾਲੀ ਪ੍ਰਦਰਸ਼ਨ ਨਾ ਕਰ ਸਕਿਆ। ਪ੍ਰਿਸਟਨ ਮੌਮਸਨ (26 ਦੌੜਾਂ) ਅਤੇ ਕੋਇਟਜ਼ਰ ਵਿਚਾਲੇ ਚੌਥੀ ਵਿਕਟ ਲਈ 60 ਦੌੜਾਂ ਦੀ ਸਾਂਝੇਦਾਰੀ ਤੋੜ ਕੇ ਜੋਅ ਰੂਟ ਨੇ ਮੈਚ ਪੂਰੀ ਤਰ੍ਹਾਂ ਇੰਗਲਿਸ਼ ਟੀਮ ਦੀ ਪਕੜ ‘ਚ ਲਿਆ ਦਿੱਤਾ। ਇੰਗਲੈਂਡ ਲਈ ਸਟੀਵਨ ਫਿਨ ਨੇ 26 ਦੌੜਾਂ ਦੇ ਕੇ ਤਿੰਨ ਵਿਕਟਾਂ ਝਟਕਾਈਆਂ।

 

ਮੈਂ ਖੁਸ਼ ਹਾਂ ਪਰ ਸੰਤੁਸ਼ਟ

ਨਹੀਂ: ਸਚਿਨ

ਮੈਲਬਰਨ, 24 ਫਰਵਰੀ-ਮਾਸਟਰ ਬਲਾਸਟਰ ਸਚਿਨ ਤੇਂਦੁਲਕਰ ਵਿਸ਼ਵ ਕੱਪ ਵਿੱਚ ਹੁਣ ਤਕ ਭਾਰਤੀ ਟੀਮ ਦੇ ਦਬਦਬੇ ਵਾਲੇ ਪ੍ਰਦਰਸ਼ਨ ਤੋਂ ਪ੍ਰਭਾਵਿਤ ਹੈ ਪਰ ਇਸ ਤੋਂ ਪੂਰੀ ਤਰ੍ਹਾਂ ਸੰਤੁਸ਼ਟ ਨਹੀਂ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਟੀਮ ਆਪਣੀ ਖੇਡ ਵਿੱਚ ਹੋਰ ਸੁਧਾਰ ਕਰ ਸਕਦੀ ਹੈ। ਪਾਕਿਸਤਾਨ ਅਤੇ ਦੱਖਣੀ ਅਫਰੀਕਾ ‘ਤੇ ਜਿੱਤ ਬਾਅਦ ਭਾਰਤ ਪੂਲ ‘ਬੀ’ ਵਿੱਚ ਸਿਖ਼ਰ ‘ਤੇ ਚੱਲ ਰਿਹਾ ਹੈ। ਸਾਬਕਾ ਚੈਂਪੀਅਨ ਟੀਮ ਦੇ ਘੱਟ ਤੋਂ ਘੱਟ ਸੈਮੀ ਫਾਈਨਲ ਵਿੱਚ ਜਗ੍ਹਾ ਬਣਾਉਣ ਦੀ ਭਵਿੱਖਬਾਣੀ ਕਰਨ ਵਾਲੇ ਸਚਿਨ ਦਾ ਮੰਨਣਾ ਹੈ ਕਿ ਹੁਣ ਤਕ ਦਾ ਪ੍ਰਦਰਸ਼ਨ ਠੀਕ ਰਿਹਾ ਹੈ।
ਲਿਟਲ ਮਾਸਟਰ ਨੇ ਕਿਹਾ,’ਮੈਂ ਭਾਰਤ ਦੇ ਪ੍ਰਦਰਸ਼ਨ ਤੋਂ ਖੁਸ਼ ਹਾਂ ਪਰ ਸੰਤੁਸ਼ਟ ਨਹੀਂ। ਮੈਂ ਚਾਹੁੰਦਾ ਹਾਂ ਕਿ ਟੀਮ ਇਹ ਪ੍ਰਦਰਸ਼ਨ ਜਾਰੀ ਰੱਖੇ।’ ਉਨ੍ਹਾਂ ਸ਼ਿਖਰ ਧਵਨ ਤੇ ਅਜਿਨਕਿਆ ਰਹਾਣੇ ਦੀ ਸ਼ਾਨਦਾਰ ਪ੍ਰਦਰਸ਼ਨ ਦੀ ਸ਼ਲਾਘਾ ਕੀਤੀ ਹੈ। ਅਭਿਆਸ ਸੈਸ਼ਨ ਵਿੱਚ ਅਚਾਨਕ ਬਰੇਕ ਲੈਣ ਦੀ ਭਾਰਤੀ ਟੀਮ ਦੀ ਰਣਨੀਤੀ ਭਾਵੇਂ ਕਈਆਂ ਨੂੰ ਰਾਸ ਨਹੀਂ ਆਈ ਪਰ ਸਚਿਨ ਨੇ ਮਹਿੰਦਰ ਸਿੰਘ ਧੋਨੀ ਦੇ ਇਸ ਫੈਸਲੇ ਦਾ ਸਮਰਥਨ ਕਰਦਿਆਂ ਕਿਹਾ ਕਿ ਤਰੋਤਾਜ਼ਾ ਰਹਿਣ ਲਈ ਜ਼ਿਆਦਾ ਅਭਿਆਸ ਦਾ ਬੋਝ ਨਾ ਲੈਣਾ ਠੀਕ ਹੈ। ਉਨ੍ਹਾਂ ਕਿਹਾ ਕਿ ਸਫਲਤਾ ਲਈ ਆਰਾਮ ਤੇ ਅਭਿਆਸ ਵਿੱਚ ਸੰਤੁਲਨ ਹੋਣਾ ਜ਼ਰੂਰੀ ਹੈ।

 


<< Start < Prev 1 2 3 4 5 6 7 8 9 10 Next > End >>

ਮੁੱਖ ਖ਼ਬਰਾਂ : 

ਖੇਡ ਖ਼ਬਰਾ : 

ਨਵੇਂ ਲੇਖ : 

 

Random Video 

Latest Added Magzine 

Advertisement

Advertisement
Advertisement
Advertisement