Advertisement

Sports News 

ਬੈਡਮਿੰਟਨ: ਕਸ਼ਯਪ ਨੇ ਆਖਰੀ

ਸੋਲਾਂ ’ਚ ਥਾਂ ਬਣਾਈ

ਚੀਨ, 23 ਅਪਰੈਲ-ਭਾਰਤ ਦੇ ਪਾਰੁਪੱਲੀ ਕਸ਼ਯਪ ਨੇ ਅੱਜ ਇਥੇ ਤਿੰਨ ਸੈੱਟ ਤਕ ਚੱਲੇ ਰੋਮਾਂਚਕ ਮੁਕਾਬਲੇ ਵਿੱਚ ਚੀਨੀ ਤਾਇਪੇ ਦੇ ਜੇਨ ਹਾਓ ਸੁ ਨੂੰ ਮਾਤ ਦੇ ਕੇ ਦੋ ਲੱਖ ਅਮਰੀਕੀ ਡਾਲਰ ਇਨਾਮੀ ਰਾਸ਼ੀ ਵਾਲੀ ਬੈਂਡਮਿੰਟਨ ੲੇਸ਼ੀਅਨ ਚੈਂਪੀਅਨਸ਼ਿਪ ਦੇ ਪ੍ਰੀ ਕੁਆਰਟਰ ਫਾੲੀਨਲ ਵਿੱਚ ਥਾਂ ਬਣਾ ਲੲੀ ਹੈ। ਵੁਹਾਨ ਸਪੋਰਟਸ ਸੈਂਟਰ ਦੇ ਜਿਮਨੇਜ਼ੀਅਮ ਹਾਲ ਵਿੱਚ ਡੇਢ ਘੰਟੇ ਤੋਂ ਵੱਧ ਸਮਾਂ ਚੱਲੇ ਇਸ ਮੈਚ ਵਿੱਚ ਕਸ਼ਯਪ ਨੇ ਵਿਰੋਧੀ ਖਿਡਾਰੀ ੂ 15-21, 21-18 ਤੇ 21-19 ਨਾਲ ਹਰਾਇਆ।ਰਾਸ਼ਟਰਮੰਡਲ ਖੇਡਾਂ ਦੇ ਚੈਂਪੀਅਨ ਦਾ ਅਗਲਾ ਮੁਕਾਬਲਾ ਚੀਨ ਦੇ ਸਤਵਾਂ ਦਰਜਾ ਪ੍ਰਾਪਤ ਝੇਂਗਮਿੰਗ ਵਾਂਗ ਨਾਲ ਹੋਵੇਗਾ। ਵਾਂਗ ਨੇ ਥਾੲੀਲੈਂਡ ਦੇ ਬੂਨਸਾਕ ਪੋਨਸਾਨਾ ਨੂੰ 21-10 ਤੇ 21-12 ਨਾਲ ਸਿੱਧੇ ਸੈੱਟਾਂ ’ਚ ਮਾਤ ਦੇ ਕੇ ਅਗਲੇ ਗੇਡ਼ ਵਿੱਚ ਥਾਂ ਬਣਾੲੀ ਸੀ। ਕਸ਼ਯਪ ਬੀਤੇ ਵਿੱਚ ਤਿੰਨ ਵਾਰ ਵਾਂਗ ਤੋਂ ਹਾਰ ਚੁੱਕਾ ਹੈ ਜਦਕਿ 2013 ਵਿੱਚ ਇੰਡੀਆ ਸੁਪਰ ਸੀਰੀਜ਼ ਦੌਰਾਨ ਕਸ਼ਯਪ ਨੇ ਵਾਂਗ ਨੂੰ ਮਾਤ ਦਿੱਤੀ ਸੀ।
ੳੁਧਰ ਵਿਸ਼ਵ ਚੈਂਪੀਅਨਸ਼ਿਪ ਵਿੱਚ ਦੋ ਵਾਰ ਕਾਂਸੇ ਦਾ ਤਗ਼ਮਾ ਜਿੱਤਣ ਵਾਲੀ ਪੀ.ਵੀ.ਸਿੰਧੂ ਨੇ ਵੀ ਸੱਟ ਤੋਂ ੳੁਭਰਣ ਮਗਰੋਂ ਸਕਾਰਾਤਮਕ ਸ਼ੁਰੂਆਤ ਕੀਤੀ ਹੈ। ਸਿੰਧੂ ਨੇ ਮਹਿਲਾ ਸਿੰਗਲਜ਼ ਵਿੱਚ ੳੁਜ਼ਬੇਕਿਸਤਾਨ ਦੀ ਅਨੈਤ ਖੁਰਸ਼ੁਦਯਾਨ ਨੂੰ ਮਹਿਜ਼ 16 ਮਿੰਟ ਵਿੱਚ 21-6 21-5 ਨਾਲ ਕਰਾਰੀ ਸ਼ਿਕਸਤ ਦਿੱੱਤੀ। ਅੱਠਵਾਂ ਦਰਜਾ ਪ੍ਰਾਪਤ ਸਿੰਧੂ ਦੀ ਅਗਲੇ ਦੌਰ ਵਿੱਚ ਮਕਾਓ ਦੀ ਯੂ ਤੇਂਗ ਓਕ ਨਾਲ ਟੱਕਰ ਹੋਵੇਗੀ।
ਅਕਸ਼ੈ ਦੇਵਾਲਕਰ ਤੇ ਪ੍ਰਣਯ ਜੇਰੀ ਚੋਪਡ਼ਾ ਦੀ ਡਬਲਜ਼ ਜੋਡ਼ੀ ਦੂਜੇ ਦੌਰ ਨੂੰ ਪਾਰ ਪਾੳੁਣ ਵਿੱਚ ਨਾਕਾਮ ਰਹੀ। ਇਸ ਜੋਡ਼ੀ ਨੂੰ ਚੌਥਾ ਦਰਜਾ ਪ੍ਰਾਪਤ ਜਪਾਨ ਦੇ ਖ਼ਿਡਾਰੀਆਂ ਹਿਰਾਯੁਕੀ ਇੰਡੋ ਅਤੇ ਕੇਨੇਚੀ ਹਯਾਕਾਵਾ ਹੱਥੋਂ 15-21, 17-21 ਨਾਲ ਹਾਰ ਦਾ ਮੂੰਹ ਵੇਖਣਾ ਪਿਆ। ਇਸ ਦੌਰਾਨ ਮਨੂ ਅੱਤਰੀ ਤੇ ਬੀ ਸੁਮਿਤ ਰੈਡੀ ਦੀ ਜੋਡ਼ੀ ਵਾਕਓਵਰ ਮਿਲਣ ਕਰਕੇ ਤੀਜੇ ਦੌਰ ਵਿੱਚ ਪੁੱਜ ਗੲੀ ਹੈ।

 

ਬੈਡਮਿੰਟਨ:  ਪੀ. ਕਸ਼ਯਪ ਸ਼ਾਨਦਾਰ

ਜਿੱਤ ਰਾਹੀਂ ਦੂਜੇ ਗੇਡ਼ ’ਚ

ਵੁਹਾਨ, 22 ਅਪਰੈਲ-ਭਾਰਤ ਦੇ ਪਰੂ ਪੱਲੀ ਕਸ਼ਯਪ ਨੇ ਦੋ ਲੱਖ ਡਾਲਰ ਦੀ ਇਨਾਮੀ ਰਾਸ਼ੀ ਵਾਲੀ ਬੈਡਮਿੰਟਨ ਏਸ਼ੀਆ ਚੈਂਪੀਅਨਸ਼ਿਪ ਦੇ ਵਿੱਚ ਸਿੰਗਾਪੁਰ ਦੇ ਜੀ ਲਿਆਂਗ ਡੈਰੇਕਵੋਂਗ ਨੂੰ ਸਿੱਧੇ ਸੈੱਟਾਂ ਵਿੱਚ ਹਰਾਕੇ ਦੂਜੇ ਗੇਡ਼ ਦੇ ਵਿੱਚ ਦਾਖਲਾ ਪਾ ਲਿਆ ਹੈ। ਰਾਸ਼ਟਰਮੰਡਲ ਖੇਡਾਂ ਦੇ ਚੈਂਪੀਅਨ ਕਸ਼ਯਪ ਨੇ 39 ਮਿੰਟ ਤਕ ਚੱਲੇ ਮੁਕਾਬਲੇ ਦੇ ਵਿੱਚ 21-17 , 21- 13 ਦੇ ਨਾਲ ਜਿੱਤ ਹਾਸਲ ਕੀਤੀ। ਹੁਣ ੳੁਸਦੀ ਅੱਕਰ ਚੀਨੀ ਤਾਇਪੈ ਦੇ ਯਾਚਿੰਗ ਸੂ ਦੇ ਨਾਲ ਹੋਵੇਗੀ। ਕਸ਼ਯਪ ੳੁਸਨੂੰ ਪਹਿਲਾਂ ਦੋ ਵਾਰ ਹਰਾ ਚੁੱਕਾ ਹੈ। ਕਸ਼ਯਪ ਨੇ ਸੂ ਨੂੰ ਪਿਛਲੀ ਵਾਰ ਭਾਰਤ ਵਿੱਚ ਇੰਡੀਆ ਸੁਪਰ ਸੀਰੀਜ਼ ਦੇ ਵਿੱਚ ਦਿੱਲੀ ਦੇ ਸ੍ਰੀਫੋਰਟ ਸਟੇਡੀਅਮ ਵਿੱਚ ਹਰਾਇਆ ਸੀ।ਰਾਸ਼ਟਰ ਮੰਡਲ ਖੇਡਾਂ ਦੀ ਚਾਂਦੀ ਦਾ ਤਗਮਾ ਪ੍ਰਾਪਤ ਜਵਾਲਾ ਗੁੱਟਾ ਅਤੇ ਅਸ਼ਵਨੀ ਪੁਨੱਪਾ ਦੀ ਜੋਡ਼ੀ ਚੀਨੀ ਤਾਇਪੈ ਦੀ ਯੂ ਪੋ ਪਾੲੀ ਅਤੇ ਯਾ ਚਿੰਗ ਸੂ ਤੋਂ 17- 21, 21- 15 ਅਤੇ 15- 21 ਨਾਲ ਹਾਰ ਗੲੀ। ਸ਼ੁਰੂਆਤ ਵਿੱਚ 4 1 ਦੀ ਲੀਡ ਲੈਣ ਤੋਂ ਬਾਅਦ ਕਸ਼ਯਪ ਪਛਡ਼ ਗਿਆ ਜਦੋਂ ਲੀ ਨੇ 9 9 ਨਾਲ ਬਰਾਬਰੀ ਕਰ ਲੲੀ ਪਰ ਕਸ਼ਯਪ ਨੇ ਜਲਦੀ ਹੀ ਵਾਪਸੀ ਕਰਦਿਆਂ ਪਹਿਲਾ ਸੈੱਟ ਜਿੱਤ ਲਿਆ। ਦੂਜੀ ਗੇਮ ਵਿੱਚ ੳੁਸਨੇ ਹਮਲਾਵਰ ਖੇਡ ਖੇਡਦਿਆਂ 9 1 ਦੀ ਲੀਡ ਲੈ ਲੲੀ । ਵੋਂਗ ਨੇ ਵਾਪਸੀ ਦੀ ਕੋਸ਼ਿਸ਼ ਕੀਤੀ ਪਰ ਪਰ ਕਸ਼ਯਪ ਨੇ ੳੁਸਨੂੰ ਨਾਕਾਮ ਬਣਾ ਦਿੱਤਾ।ਆਪਣੀ ਜਿੱਤ ਤੋਂ ਬਾਅਦ ਭਾਰਤੀ ਖਿਡਾਰੀ ਕਸ਼ਯਪ ਨੇ ਕਿਹਾ, ਮੈਂ ਚੰਗੀ ਤਰ੍ਹਾਂ ਮੂਵ ਕਰ ਰਿਹਾ ਸੀ, ਮੈਂ ਕੁੱਝ ਹਮਲਾਵਰ ਸਟਰੋਕਸ ਅਤੇ ਸਮੈਸ਼ ਲਾਏ।’ ੳੁਸਨੇ ਕਿਹਾ,‘ ਮੇਰੇ ਡ੍ਰਿਵਲਜ਼ ਵੀ ਚੰਗੇ ਸਨ। ਮੈਨੂੰ ਸਿੱਧੇ ਸੈੱਟਾਂ ਦੇ ਨਾਲ ਮੈਚ ਜਿੱਤ ਕੇ ਖੁਸ਼ੀ ਮਿਲੀ ਹੈ। ਇਹ ਚੰਗੀ ਸ਼ੁਰੂਆਤ ਰਹੀ। ਮੈਨੂੰ ਭਲਕੇ ਦੇ ਮੁਕਾਬਲੇ ਦੀ ੳੁਡੀਕ ਹੈ।ਇਸ ਤੋਂ ੲਿਲਾਵਾ ਵਿਸ਼ਵ ਚੈਂਪੀਅਨਸ਼ਿਪ ਵਿਚੋਂ ਕਾਂਸੀ ਦਾ ਤਗਮਾ ਜੇਤੂ ਪੀ ਭਲਕੇ ਫਿਰ ਤੋਂ ਅੰਤਰਰਾਸ਼ਟਰੀ ਪੱਧਰ ੳੁੱਤੇ ਖੇਡਣਾ ਸ਼ਰੂ ਕਰੇਗੀ।  ਪੀ ਵੀ ਸਿੰਧੂ ਦੇ ਪੈਰ ਵਿੱਚ ਫਰੈਕਚਰ ਆੳੁਣ ਕਾਰਨ ੳੁਹ ਮੈਦਾਨ ਤੋਂ ਦੂਰ ਸੀ। ਪਹਿਲੇ ਗੇਡ਼ ਵਿੱਚ ੳੁਸਨੂੰ ਬਾੲੀ ਮਿਲੀ ਹੈ ਅਤੇ ਅਗਲੇ ਗੇਡ਼ ਵਿੱਚ ੳੁਸਦੀ ਟੱਕਰ ੳੁਜ਼ਬੇਕਿਸਤਾਨ ਦੀ ਅਨੈਤ ਖੁਰਸ਼ੂਦਿਆਨ ਨਾਲ ਹੈ। ਹਾਲ ਹੀ ਦੌਰਾਨ ਦੁਨੀਆਂ ਦੀ ਨੰਬਰ ਇੱਕ ਿਖਡਾਰਨ ਬਣੀ ਸਾਇਨਾ ਨੇਹਵਾਲ ਨੂੰ ਪਹਿਲੇ ਦੋ ਮੈਚਾਂ ਵਿੱਚ ਬਾੲੀ ਮਿਲ ਗੲੀ ਅਤੇ ਇੱਕ ਦੇ ਵਿੱਚ ਵਾਕਓਵਰ ਮਿਲ ਗਿਅਾ ਹੈ। ਹੁਣ ੳੁਹ ਤੀਜੇ ਗੇਡ਼ ਵਿੱਚ ਜਾਪਾਨ ਦੀ ਨੋਜੋਮੀ ਓਕੂਹਰਾ ਨਾਲ ਖੇਡੇਗੀ।

 

ਡੋਪਿੰਗ: ਵੇਟਲਿਫਟਰ ਗੀਤਾ ਰਾਣੀ ਦਾ

ਬੀ ਨਮੂਨਾ ਵੀ ਪਾਜ਼ੇਟਿਵ

ਨਵੀਂ ਦਿੱਲੀ-ਰਾਸ਼ਟਰਮੰਡਲ ਖੇਡਾਂ ਦੀ ਸੋਨੇ ਦਾ ਤਗ਼ਮਾ ਜੇਤੂ ਵੇਟਲਿਫਟਰ ਗੀਤਾ ਰਾਣੀ ਦੇ ਡੋਪਿੰਗ ਟੈਸਟ ਦਾ ਬੀ ਨਮੂਨਾ ਵੀ ਪਾਜ਼ੇਟਿਵ ਆਇਆ ਹੈ। ਇਸ ਕਾਰਨ ੳੁਸ ੳੁਪਰ ਲੰਮੀ ਪਾਬੰਦੀ ਲੱਗਣ ਦੀ ਸੰਭਾਵਨਾ ਹੈ।ਰਾਸ਼ਟਰਮੰਡਲ ਖੇਡਾਂ 2006 ਵਿੱਚ ਸੋਨੇ ਅਤੇ 2004 ਵਿੱਚ ਏਸ਼ਿਆੲੀ ਚੈਂਪੀਅਨਸ਼ਿਪ ਵਿੱਚ ਚਾਂਦੀ ਦਾ ਤਗ਼ਮਾ ਜਿੱਤਣ ਵਾਲੀ ਰਾਣੀ ਦਾ ਏ ਨਮੂਨਾ ਵੀ ਪਾਜ਼ੇਟਿਵ ਪਾਇਆ ਗਿਆ ਸੀ, ਜੋ ਕੇਰਲਾ ਵਿੱਚ ਜਨਵਰੀ-ਫਰਵਰੀ ਵਿੱਚ ਹੋੲੀਆਂ ਕੌਮੀ ਖੇਡਾਂ ਦੌਰਾਨ ਲਿਆ ਗਿਆ। ਏ ਨਮੂਨੇ ਦੀ ਜਾਂਚ ਦੇ ਨਤੀਜੇ ਆੳੁਣ ਤੋਂ ਬਾਅਦ ੳੁਸ ਨੂੰ ਆਰਜ਼ੀ ਤੌਰ ’ਤੇ ਮੁਅੱਤਲ ਕੀਤਾ ਗਿਆ ਸੀ। ਹੁਣ ੳੁਹ ਸੁਣਵਾੲੀ ਲੲੀ ਨਾਡਾ ਦੀ ਕਮੇਟੀ ਅੱਗੇ ਪੇਸ਼ ਹੋਵੇਗੀ।
ਨਾਡਾ ਤੇ ਵਾਡਾ ਦੇ ਨਵੇਂ ਨਿਯਮਾਂ ਤਹਿਤ ਪਹਿਲੀ ਵਾਰ ਡੋਪਿੰਗ ਦਾ ਦੋਸ਼ੀ ਪਾਏ ਜਾਣ ੳੁਤੇ ਵੱਧ ਤੋਂ ਵੱਧ ਚਾਰ ਸਾਲ ਦੀ ਪਾਬੰਦੀ ਦੀ ਤਜਵੀਜ਼ ਹੈ। ਕੌਮੀ ਖੇਡਾਂ ਤੋਂ ਇਲਾਵਾ ਰਾਣੀ ਦਾ ਨਮੂਨਾ ਪਿਛਲੇ ਮਹੀਨੇ ਪੁਲੀਸ ਖੇਡਾਂ ਦੌਰਾਨ ਵੀ ਲਿਆ ਗਿਆ ਸੀ, ਜੋ ਪਾਜ਼ੇਟਿਵ ਪਾਇਆ ਗਿਆ।ਭਾਰਤੀ ਵੇਟ ਲਿਫਟਿੰਗ ਫੈਡਰੇਸ਼ਨ ਦੇ ੳੁਪ ਪ੍ਰਧਾਨ ਸਹਿਦੇਵ ਯਾਦਵ ਨੇ ਕਿਹਾ ਕਿ ਗੀਤਾ ਰਾਣੀ ਦਾ ਬੀ ਨਮੂਨਾ ਵੀ ਪਾਜ਼ੇਟਿਵ ਪਾਇਆ ਗਿਆ ਹੈ। ਨਾਡਾ ਦੀ ਕਮੇਟੀ ਹੁਣ ੳੁਸ ਬਾਰੇ ਫੈਸਲਾ ਲਵੇਗੀ ਅਤੇ ਸਜ਼ਾ ਸੁਣਾਏਗੀ। ਜੇ ਪੁਲੀਸ ਖੇਡਾਂ ਦੌਰਾਨ ਲਿਆ ਗਿਆ ਰਾਣੀ ਦਾ ਬੀ ਨਮੂਨਾ ਵੀ ਪਾਜ਼ੇਟਿਵ ਪਾਇਆ ਜਾਂਦਾ ਹੈ ਅਤੇ ਨਾਡਾ ਦੀ ਕਮੇਟੀ ਇਸ ਨੂੰ ਦੂਜੀ ੳੁਲੰਘਣਾ ਮੰਨਦੀ ਹੈ ਤਾਂ ੳੁਸ ੳੁਤੇ ਅੱਠ ਸਾਲ ਦੀ ਪਾਬੰਦੀ ਲੱਗ ਸਕਦੀ ਹੈ, ਜਿਸ ਨਾਲ ੳੁਸ ਦਾ ਕਰੀਅਰ ਲਗਪਗ ਖ਼ਤਮ ਹੋ ਜਾਵੇਗਾ।ਫੈਡਰੇਸ਼ਨ ਨੇ ਹਾਲ ਹੀ ਵਿੱਚ ਡੋਪਿੰਗ ਦੇ ਦੋਸ਼ੀਆਂ ਦੇ ਕੋਚਾਂ ’ਤੇ ਵੀ ਪਾਬੰਦੀ ਲਾੳੁਣ ਅਤੇ ਸੂਬਾੲੀ ਇਕਾੀਆਂ ਨੂੰ ਵੀ ਮੁਅੱਤਲ ਕਰਨ ਦਾ ਫੈਸਲਾ ਲਿਆ ਸੀ ਪਰ ਯਾਦਵ ਨੇ ਕਿਹਾ ਕਿ ਰਾਣੀ ਦੇ ਮਾਮਲੇ ਵਿੱਚ ਇਹ ਪਤਾ ਕਰਨਾ ਮੁਸ਼ਕਲ ਹੈ ਕਿ ੳੁਸ ਦਾ ਕੋਚ ਕੌਣ ਹੈ ਕਿੳੁਂਕਿ ੳੁਹ ਕੌਮੀ ਕੈਂਪ ਵਿੱਚ ਨਹੀਂ ਹੈ। ੳੁਹ ਖ਼ੁਦ ਅਭਿਆਸ ਕਰਦੀ ਹੈ। ਇਹ ਵੀ ਨਹੀਂ ਪਤਾ ਕਿ ਕੌਮੀ ਖੇਡਾਂ ਦੌਰਾਨ ੳੁਸ ਦਾ ਕੋਚ ਕੌਣ ਸੀ।ਕੌਮੀ ਖੇਡਾਂ ਦੌਰਾਨ ਤਿੰਨ ਹੋਰ ਵੇਟ ਲਿਫਟਰ ਵੀ ਡੋਪ ਟੈਸਟ ਵਿੱਚ ਫੇਲ੍ਹ ਰਹੇ ਅਤੇ 17 ਹੋਰ ਪਾਜ਼ੇਟਿਵ ਪਾਏ ਗਏ ਪਰ ਯਾਦਵ ਨੇ ਕਿਹਾ ਕਿ ਇਨ੍ਹਾਂ ਦੇ ਬੀ ਨਮੂਨਿਆਂ ਦੀ ਰਿਪੋਰਟ ਆੳੁਣੀ ਬਾਕੀ ਹੈ।

 

ਅਜ਼ਲਾਨ ਸ਼ਾਹ ਹਾਕੀ: ਨਿਊਜ਼ੀਲੈਂਡ ਨਵਾਂ

 ਚੈਂਪੀਅਨ; ਭਾਰਤ ਦਾ ਤੀਜਾ ਸਥਾਨ

ਇਪੋਹ 13 ਅਪਰੈਲ-ਨਿਊਜ਼ੀਲੈਂਡ ਨੇ ਵਿਸ਼ਵ ਚੈਂਪੀਅਨ ਆਸਟਰੇਲੀਆ ਨੂੰ ਪੈਨਲਟੀ  ਸ਼ੂਟਆਊਟ ਵਿੱਚ  3-1 ਨਾਲ ਹਰਾ ਕੇ ਦੂਸਰੀ ਵਾਰ ਸੁਲਤਾਨ ਅਜਲਾਨ ਸ਼ਾਹ ਹਾਕੀ ਟੂਰਨਾਮੈਂਟ ਜਿੱਤ ਲਿਆ ਹੈ। ਨਿਊਜ਼ੀਲੈਂਡ ਦੀ ਜਿੱਤ ਦਾ ਨਾਇਕ ਗੋਲਕੀਪਰ ਡੇਵਿਨ ਮੈਨਚੈਸਟਰ ਰਿਹਾ। ਦੋਵੇਂ ਟੀਮਾਂ ਦਾ  ਨਿਰਧਾਰਤ 60 ਮਿੰਟਾਂ ਵਿੱਚ ਸਕੋਰ 2-2 ਰਿਹਾ। ਨਿਊਜ਼ੀਲੈਂਡ ਦੀ ਤਰਫੋਂ ਦੋਵੇਂ ਗੋਲ ਐਂਡੀ ਹੈਵਰਡ ਨੇ ਕੀਤੇ ਜਦੋਂਕਿ ਆਸਟਰੇਲੀਆ ਤਰਫੋਂ ਗੋਲ ਜੈਕਬ ਵੇਟਨ ਅਤੇ ਨਿਕੋਲਸਨ ਬਜੋਨ ਨੇ  ਕੀਤੇ।  ਮੈਚ ਦੌਰਾਨ ਮੁਕਾਬਲਾ  ਕਾਫੀ ਰੋਮਾਂਚਕ ਰਿਹਾ। ਨਿਊਜ਼ੀਲੈਂਡ ਨੇ ਮੈਚ ਲਗਪਗ ਜਿੱਤ ਲਿਆ ਸੀ ਪਰ ਹੂਟਰ ਵੱਜਣ  ਤੋਂ ਦੋ ਮਿੰਟ ਪਹਿਲਾਂ ਹੈਵਰਡ ਨੇ ਪੈਨਲਟੀ ਕਾਰਨਰ ਰਾਹੀਂ ਗੋਲ ਕਰ ਦਿੱਤਾ। ਆਸਟਰੇਲੀਆ ਨੇ ਹਾਲਾਂਕਿ ਆਪਣੀ ਰਾਹ ਨਹੀਂ ਮੰਨੀ ਅਤੇ ਬਜੋਨ ਨੇ ਆਖਰੀ ਮਿੰਟ ਵਿੱਚ ਗੋਲ ਕਰਕੇ  ਮੈਚ ਨੂੰ ਪੈਨਲਟੀ ਸ਼ੂਟਆਊਟ ’ਚ ਪਹੁੰਚਾ ਦਿੱਤਾ। ਸ਼ੂਟਆਊਟ ਵਿੱਚ ਆਸਟਰੇਲੀਆ ਤਰਫੋਂ ਸਿਰਫ ਵੇਟੋਨ ਨੇ ਗੋਲ ਕੀਤਾ ਜਦੋਂਕਿ ਨਿਊਜ਼ੀਲੈਂਡ ਤਰਫੋਂ ਡੇਨੀਅਲ ਬੀੲਲੇ, ਐਂਡੀ ਓਕੇਂਡੇਨ ਤੇ ਆਰਾਨ ਜੇਲਵਸਕੀ ਨੇ ਗੋਲ ਕੀਤੇ।
ਦੱਖਣੀ ਕੋਰੀਆ ਨੂੰ ਹਰਾ ਕੇ ਭਾਰਤ ਤੀਸਰੇ ਸਥਾਨ ’ਤੇ: ਭਾਰਤ ਨੇ ਅੱਜ ਇੱਥੇ ਨਿਰਧਾਰਤ ਸਮੇਂ ਵਿੱਚ ਸਕੋਰ 2-2 ਨਾਲ ਬਰਾਬਰ ਰਹਿਣ ’ਤੇ ਪੈਨਲਟੀ ਸ਼ੂਟਆਊਟ ਵਿੱਚ ਦੱਖਣੀ ਕੋਰੀਆ ਨੂੰ 4-1 ਨਾਲ ਹਰਾ ਕੇ ਸੁਲਤਾਨ ਅਜ਼ਲਾਨ ਸ਼ਾਹ ਹਾਕੀ ਟੂਰਨਾਮੈਂਟ ਵਿੱਚ ਤੀਸਰਾ ਸਥਾਨ ਹਾਸਲ ਕੀਤਾ। ਕਰੀਬ ਇਕ ਮਹੀਨੇ ਪਹਿਲਾਂ ਨਵੇਂ ਮੁੱਖ ਕੋਚ ਪਾਲ ਵਾਨ ਏਸ ਨੇ ਟੇਰੀ ਵਾਲਸ ਦੀ ਥਾਂ  ਲਈ ਸੀ। ਇਸ ਨਵੇਂ ਕੋਚ ਦੇ ਆਊਟ ਨਾਲ ਨਿਸ਼ਚਤ ਰੂਪ ਹੀ ਭਾਰਤੀ ਟੀਮ ਦਾ ਇਹ ਪ੍ਰਦਰਸ਼ਨ ਉਸ ਵਾਸਤੇ ਉਤਸ਼ਾਹ ਵਧਾਉਣ ਵਾਲਾ ਹੈ। ਵਾਨ ਏਸ ਦੇ ਲਈ ਭਾਰਤ ਦਾ ਤੀਸਰੇ ਨੰਬਰ ’ਤੇ ਰਹਿਣਾ ਇਕ ਚੰਗੀ ਸ਼ੁਰੂਆਤ ਵਾਂਗ ਹੀ ਹੈ।ਭਾਰਤ ਨੇ ਇਸ ਤੋਂ ਪਹਿਲਾਂ ਲੀਗ ਮੈਚ ਵਿੱਚ ਕੋਰੀਆ ਦੇ ਨਾਲ 1-1 ਨਾਲ ਡਰਾਅ ਖੇਡਿਆ ਸੀ। ਅੱਜ ਦੇ ਮੈਚ ਤੋਂ ਪਹਿਲਾਂ ਭਾਰਤ ਨੇ ਬੀਤੇ ਦਿਨ ਅਜ਼ਲਾਨ ਸ਼ਾਹ ਸਟੇਡੀਅਮ ਵਿੱਚ ਵਿਸ਼ਵ ਜੇਤੂ ਤੇ ਟੂਰਨਾਮੈਂਟ ’ਚ ਸਾਬਕਾ ਜੇਤੂ ਆਸਟਰੇਲੀਆ ਨੂੰ 4-2 ਨਾਲ ਹਰਾਇਆ ਸੀ। ਅੱਜ ਦੇ ਮੈਚ ਵਿੱਚ ਭਾਰਤ ਤਰਫੋਂ ਦੋਵੇਂ ਗੋਲ ਫੀਲਡ ਗੋਲ ਰਹੇ ਜੋ ਕਿ ਨਿਕਿਨ ਥਿਮੈਇਆ  ਤੇ ਸਤਬੀਰ ਸਿੰਘ ਵਿੱਚ ਕੀਤੇ ਜਦੋਂਕਿ ਦੱਖਣੀ ਕੋਰੀਆ ਨੇ ਦੋਵੇਂ ਗੋਲ ਪੈਨਲਟੀ ਕਾਰਨਰ ਰਾਹੀਂ ਕੀਤੇ। ਦੱਖਰੀ ਕੋਰੀਆ ਵੱਲੋਂ ਯੋ ਹਿਓਸਿਕ ਨੇ 20ਵੇਂ ਮਿੰਟ ਤੇ ਨਾਮ ਹਿਊਨਵੂ ਨੇ 29ਵੇਂ ਮਿੰਟ ਵਿੱਚ ਕੀਤੇ।ਭਾਰਤ ਦੇ ਉਪ ਕਪਤਾਨ ਅਤੇ ਗੋਲਕੀਪਰ ਪੀਆਰ ਸ੍ਰੀਜੇਸ਼ ਲਈ ਅੱਜ ਦਾ ਦਿਨ ਸ਼ਾਨਦਾਰ ਰਿਹਾ ਕਿਉਂਕਿ ਉਸ ਨੇ ਨਾ ਸਿਰਫ਼ ਪੂਰੇ 60 ਮਿੰਟ ਕਈ ਗੋਲ ਬਦਲੇ ਬਲਕਿ ਸ਼ੂਟ ਆਊਟ ਵਿੱਚ ਵੀ ਭਾਰਤ ਦਾ ਨਾਇਕ ਸਾਬਤ ਹੋਇਆ। ਉਸ ਨੇ ਦੱਖਣੀ ਕੋਰੀਆ ਦੀ ਟੀਮ ਦੀਆਂ ਦੋ ਕਾਰਨਰਾਂ ਨੂੰ ਅਸਫਲ ਬਣਾਉਣ ਵਿੱਚ ਮਦਦ ਕੀਤੀ। ਭਾਰਤ ਵਾਸਤੇ ਨਿਰਾਸ਼ਾ ਦੀ ਗੱਲ ਪੈਨਲਟੀ ਕਾਰਨਰ ਰਹੇ। ਸਰਦਾਰ ਸਿੰਘ ਦੀ ਅਗਵਾਈ ਵਾਲੀ ਟੀਮ ਪੈਨਲਟੀ ਕਾਰਨਰ ਜੁਟਾਉਣ ਵਿੱਚ ਅਸਫਲ ਰਹੀ ਜਦੋਂ ਕਿ ਡਿਫੈਂਸ ਵਿੱਚ ਸੱਤ ਸ਼ਾਰਟ ਕਾਰਨਰ ਦੇ ਦਿੱਤੇ। ਸ਼ੁਰੂਆਤੀ ਮੈਚ ਵਿੱਚ ਦੋਹਾਂ ਟੀਮਾਂ ਨੇ ਖਰਾਬ ਪ੍ਰਦਰਸ਼ਨ ਕੀਤਾ। ਭਾਰਤ ਨੇ 6ਵੇਂ ਮਿੰਟ ਵਿੱਚ ਗੋਲ ਪੋਸਟ ’ਤੇ ਪਹਿਲਾ ਹਮਲਾ ਕੀਤਾ ਪਰ ਅਕਾਸ਼ਦੀਪ ਸਿੰਘ ਦਾ ਸ਼ਾਟ ਬਾਹਰ ਨਿਕਲ ਗਿਆ। ਤਿੰਨ ਮਿੰਟ ਬਾਅਦ ਕੋਰੀਆ ਨੂੰ ਪਹਿਲਾ ਪੈਨਲਟੀ ਕਾਰਨਰ ਮਿਲਿਆ, ਜਿਸ ਨੂੰ ਸ੍ਰੀਜੇਸ਼ ਨੇ ਬਚਾ ਲਿਆ। ਭਾਰਤ ਨੇ ਅਗਲੇ ਹੀ ਮਿੰਟ ਵਿੱਚ ਚੜ੍ਹਤ ਬਣਾ ਲਈ ਅਤੇ ਇਹ ਗੋਲ ਪਿਛਲੇ ਮੈਚ ਦੇ ਹੀਰੋ ਨਿਕਿਨ ਨੇ ਕੀਤਾ। ਧਰਮਵੀਰ ਸਿੰਘ ਨੇ ਮੂਵ ਬਣਾਉਣਾ ਸ਼ੁਰੂ ਕੀਤਾ ਅਤੇ ਗੇਂਦ ਐਸ ਕੇ ਉਥੱਪਾ  ਨੂੰ ਸੌਂਪੀ ਜਿਸ ਨੇ ਗੇਂਦ ਨਿਕਿਨ ਨੂੰ ਸੌਂਪੀ ਤੇ ਉਸ ਨੇ ਗੋਲ ਕਰਨ ਵਿੱਚ ਕੋਈ ਗਲਤੀ ਨਹੀਂ ਕੀਤੀ। ਦੂਸਰੇ ਕੁਆਰਟਰ ਦੇ ਪੰਜਵੇਂ ਮਿੰਟ ਵਿੱਚ ਕੋਰੀਆ ਨੂੰ ਦੂਸਰਾ ਪੈਨਲਟੀ ਕਾਰਨਰ ਮਿਲਿਅਆ ਜਿਸ ’ਤੇ ਯੂ ਹਿਓਸਿਟ ਨੇ ਰੀਬਾਊਂਡ ਗੋਲ ਕੀਤਾ। ਇਸ ਤੋਂ ਪਹਿਲਾਂ ਜਾਂਗ ਜੋਂਗਹਿਊਨ ਦੇ ਡਰੈਗਫਲਿਕ ਨੂੰ ਸ੍ਰੀਜੇਸ਼ ਨੇ ਗੋਲ ਵਿੱਚ ਤਬਦੀਲ ਨਹੀਂ ਹੋਣ ਦਿੱਤਾ। ਭਾਰਤ ਤਰਫੋਂ ਸਤਬੀਰ ਨੇ ਦੋ ਮਿੰਟਾਂ ਬਾਅਦ ਗੋਲ ਕਰਕੇ ਫਿਰ ਚੜ੍ਹਤ ਬਣਾ ਲਈ। ਦੂਸਰੇ ਕੁਆਰਟਰ ਮਿੰਟਾਂ ਵਿੱਚ ਰਮਨਦੀਪ ਦੀ ਗਲਤੀ ਨਾਲ ਭਾਰਤ ਨੂੰ 10 ਖਿਡਾਰੀਆਂ ਦੇ ਨਾਲ ਖੇਡਣਾ ਪਿਆ ਅਤੇ ਉਸ ਦੀ ਕੀਮਤ ਵੀ ਚੁਕਾਉਣੀ ਪਈ।

 

ਰਾਵਣ ਵਾਂਗ ਹੰਕਾਰੀ

ਹੈ ਧੋਨੀ: ਯੋਗਰਾਜ

ਨਵੀਂ ਦਿੱਲੀ, 9 ਅਪਰੈਲ-ਸਟਾਰ ਖਿਡਾਰੀ ਯੁਵਰਾਜ ਸਿੰਘ ਨੂੰ ਵਿਸ਼ਵ ਕੱਪ ਟੀਮ ਵਿੱਚ ਨਾ ਚੁਣੇ ਜਾਣ ਤੋਂ ਪੈਦਾ ਹੋਇਆ ਵਿਵਾਦ ਰੁਕਣ ਦਾ ਨਾਂ ਨਹੀਂ ਲੈ ਰਿਹਾ। ਹੁਣ ਯੁਵੀ ਦੇ ਪਿਤਾ ਯੋਗਰਾਜ ਸਿੰਘ ਨੇ ਭਾਰਤੀ ਟੀਮ ਦੇ ਕਪਤਾਨ ਮਹਿੰਦਰ ਸਿੰਘ ਧੋਨੀ ਦੀ ਤੁਲਨਾ ਰਾਵਣ ਨਾਲ ਕੀਤੀ ਹੈ। ਇਕ ਚੈਨਲ ਨਾਲ ਮੁਲਾਕਾਤ ਦੌਰਾਨ ਯੋਗਰਾਜ ਨੇ ਕਿਹਾ, ‘ਧੋਨੀ ਬਹੁਤ ਜ਼ਿਆਦਾ ਹੰਕਾਰੀ ਹੈ ਅਤੇ ਇਸ ਮਾਮਲੇ ਵਿੱਚ ਉਹ ਖ਼ੁਦ ਨੂੰ ਰਾਵਣ ਤੋਂ ਵੀ ਉੱਪਰ ਸਮਝਦਾ ਹੈ। ਜਿਸ ਤਰ੍ਹਾਂ ਰਾਵਣ ਦਾ ਹੰਕਾਰ ਟੁੱਟਿਆ ਸੀ, ਉਹੀ ਹਾਲ ਇਕ ਦਿਨ ਧੋਨੀ ਦਾ ਵੀ ਹੋਵੇਗਾ ਅਤੇ ਉਹ ਕੰਗਾਲ ਹੋ ਕੇ ਭੀਖ ਮੰਗੇਗਾ।’ ਉਨ੍ਹਾਂ ਨੇ ਧੋਨੀ ਨੂੰ ਹੀਰੋ ਬਣਾਉਣ ਲਈ ਮੀਡੀਆ ਨੂੰ ਜ਼ਿੰਮੇਵਾਰ ਠਹਿਰਾਉਂਦਿਆਂ ਕਿਹਾ ਕਿ ਧੋਨੀ ਅੱਜ ਜੋ ਕੁਝ ਵੀ ਹੈ। ਉਹ ਮੀਡੀਆ ਕਾਰਨ ਹੀ ਹੈ। ਮੀਡੀਆ ਨੇ ਧੋਨੀ ਦੇ ਸਿਰ ’ਤੇ ਤਾਜ ਸਜਾਇਆ ਹੈ, ਜਿਸ ਦੇ ਉਹ ਬਿਲਕੁਲ ਕਾਬਲ ਨਹੀਂ ਹੈ। ਉਨ੍ਹਾਂ ਕਿਹਾ, ‘ਜਦੋਂ ਕੋਈ ਮੇਰੇ ਕੋਲ ਧੋਨੀ ਦੀ ਤਾਰੀਫ਼ ਕਰਦਾ ਹੈ ਤਾਂ ਮੈਨੂੰ ਸ਼ਰਮ ਆਉਂਦੀ ਹੈ ਕਿਉਂਕਿ ਮੈਂ ਉਸ ਤੋਂ ਮਾਡ਼ਾ ਇਨਸਾਨ ਆਪਣੀ ਜ਼ਿੰਦਗੀ ਵਿੱਚ ਨਹੀਂ ਦੇਖਿਆ।’ ਯੋਗਰਾਜ ਨੇ ਕਿਹਾ ਕਿ 2011 ਵਿਸ਼ਵ ਕੱਪ ਫਾਈਨਲ ਵਿੱਚ ਯੁਵਰਾਜ ਦੀ ਜਗ੍ਹਾ ਧੋਨੀ ਖੁਦ ਚਾਰ ਨੰਬਰ ’ਤੇ ਉਤਰਿਆ ਅਤੇ ਭਾਰਤ ਦੇ ਚੈਂਪੀਅਨ ਬਣਨ ਨਾਲ ਹੀ ਹੀਰੋ ਬਣ ਗਿਆ। ਜੇਕਰ ਉਹ ਖ਼ੁਦ ਨੂੰ ਐਨਾ ਮਹਾਨ ਸਮਝਦਾ ਹੈ ਤਾਂ ਇਸ ਵਾਰ ਆਸਟਰੇਲੀਆ ਖ਼ਿਲਾਫ਼ ਸੈਮੀ ਫਾਈਨਲ ਵਿੱਚ ਉਸ ਨੇ ਅਜਿਹਾ ਕਿਉਂ ਨਹੀਂ ਕੀਤਾ ਜਦੋਂ ਕਿ ਟੀਮ ਨੂੰ ਸਭ ਤੋਂ ਵੱਧ ਲੋਡ਼ ਸੀ।

 


<< Start < Prev 1 2 3 4 5 6 7 8 9 10 Next > End >>

ਮੁੱਖ ਖ਼ਬਰਾਂ : 

ਖੇਡ ਖ਼ਬਰਾ : 

ਪੰਜਾਬ ਖ਼ਬਰਾਂ : 

ਨਵੇਂ ਲੇਖ : 

 

Random Video 

Latest Added Magzine 

Advertisement

Advertisement
Advertisement
Advertisement