ਮੁੱਖ ਖ਼ਬਰਾਂ 

ਨਸਲੀ ਭੇਦਭਾਵ ਵਿਰੋਧੀ ਵਿਸ਼ਵ

ਆਗੂ ਨੈਲਸਨ ਮੰਡੇਲਾ ਨਹੀਂ ਰਹੇ
*ਦੱਖਣੀ ਅਫਰੀਕਾ 'ਚ 10 ਦਿਨਾਂ ਦਾ ਸੋਗ
*ਅੰਤਿਮ ਸੰਸਕਾਰ 15 ਨੂੰ *ਦੁਨੀਆ ਭਰ ਦੇ ਨੇਤਾਵਾਂ ਵੱਲੋਂ ਸ਼ਰਧਾਂਜਲੀਆਂ


ਜੋਹਾਨਸਬਰਗ, 7 ਦਸੰਬਰ - ਦੱਖਣੀ ਅਫਰੀਕਾ ਨੂੰ ਨਸਲੀ ਭੇਦਭਾਵ ਵਾਲੀ ਹਕੂਮਤ ਤੋਂ ਆਜ਼ਾਦ ਕਰਵਾਉਣ ਵਾਲੇ ਨੈਲਸਨ ਮੰਡੇਲਾ ਜਿਹੜੇ ਉਥੋਂ ਦੇ ਪਹਿਲੇ ਕਾਲੇ ਰਾਸ਼ਟਰਪਤੀ ਬਣੇ, ਦਾ ਅੱਜ ਲੰਬੀ ਬਿਮਾਰੀ ਪਿੱਛੋਂ ਆਪਣੇ ਘਰ ਵਿਖੇ ਹੀ ਦਿਹਾਂਤ ਹੋ ਗਿਆ | ਰਾਸ਼ਟਰਪਤੀ ਜੈਕਬ ਜ਼ਿਊਮਾ ਨੇ ਟੈਲੀਵੀਜ਼ਨ 'ਤੇ ਰਾਸ਼ਟਰ ਨੂੰ ਸੰਬੋਧਨ 'ਚ ਨੋਬਲ ਪੁਰਸਕਾਰ ਜੇਤੂ ਮੰਡੇਲਾ ਦੇ 95 ਸਾਲ ਦੀ ਉਮਰ ਵਿਚ ਦਿਹਾਂਤ ਹੋਣ ਦਾ ਐਲਾਨ ਕਰਦਿਆਂ ਕਿਹਾ ਕਿ ਸਾਡੇ ਲੋਕਤੰਤਰਿਕ ਰਾਸ਼ਟਰ ਦੇ ਬਾਨੀ ਤੇ ਸਾਡੇ ਮਹਿਬੂਬ ਨੇਤਾ ਨੈਲਸਨ ਰੋਲੀਲਾਹਲਾ ਮੰਡੇਲਾ ਨਹੀਂ ਰਹੇ | ਨੈਲਸਨ ਮੰਡੇਲਾ ਜਿਨ੍ਹਾਂ ਨੂੰ 1990 ਵਿਚ ਭਾਰਤ ਦੇ ਸਭ ਤੋਂ ਉੱਚੇ ਨਾਗਰਿਕ ਪੁਰਸਕਾਰ ਭਾਰਤ ਰਤਨ ਨਾਲ ਸਨਮਾਨਿਤ ਕੀਤਾ ਗਿਆ ਸੀ ਦਾ ਪ੍ਰੀਟੋਰੀਆ ਦੇ ਇਕ ਹਸਪਤਾਲ ਵਿਚ ਫੇਫੜਿਆਂ ਦੀ ਬਿਮਾਰੀ ਦਾ ਤਿੰਨ ਮਹੀਨੇ ਇਲਾਜ ਚੱਲਣ ਪਿੱਛੋਂ ਸਤੰਬਰ ਮਹੀਨੇ ਤੋਂ ਹੀ ਡਾਕਟਰਾਂ ਦੀ ਟੀਮ ਉਨ੍ਹਾਂ ਦਾ ਘਰ 'ਚ ਹੀ ਇਲਾਜ ਕਰ ਰਹੀ ਸੀ | ਉਨ੍ਹਾਂ ਕਿਹਾ ਕਿ ਸਾਡੇ ਰਾਸ਼ਟਰ ਨੇ ਆਪਣਾ ਸਭ ਤੋਂ ਮਹਾਨ ਪੁੱਤਰ ਅਤੇ ਸਾਡੇ ਲੋਕਾਂ ਨੇ ਇਕ ਪਿਤਾ ਖੋਹ ਦਿੱਤਾ ਹੈ | ਮਹਾਨ ਆਗੂ ਨੂੰ 15 ਦਸੰਬਰ ਨੂੰ ਸਰਕਾਰੀ ਸਨਮਾਨਾਂ ਨਾਲ ਦਫਨਾਇਆ ਜਾਵੇਗਾ | ਦੱਖਣੀ ਅਫਰੀਕਾ ਨੇ ਵਿਛੜੇ ਆਗੂ ਦੇ ਸਨਮਾਨ 'ਚ 10 ਦਿਨਾਂ ਸੋਗ ਰੱਖਣ ਦਾ ਐਲਾਨ ਕੀਤਾ | ਅੱਜ ਸਵੇਰੇ ਹਜ਼ਾਰਾਂ ਦੇਸ਼ ਵਾਸੀਆਂ ਨੇ ਨੈਲਸਨ ਮੰਡੇਲਾ ਦੀ ਮੌਤ 'ਤੇ ਸ਼ੋਕ ਮਨਾਇਆ ਜਿਨ੍ਹਾਂ ਘੱਟਗਿਣਤੀ ਗੋਰਿਆਂ ਦੀ ਹਕੂਮਤ ਤੋਂ ਦੱਖਣੀ ਅਫਰੀਕਾ ਨੂੰ ਆਜ਼ਾਦ ਕਰਵਾਇਆ ਅਤੇ ਪਹਿਲੇ ਕਾਲੇ ਰਾਸ਼ਟਰਪਤੀ ਵਜੋਂ ਦੇਸ਼ ਦੀ ਸੇਵਾ ਕੀਤੀ | ਵਕੀਲ ਅਤੇ ਸਾਬਕਾ ਮੁੱਕੇਬਾਜ਼ ਮੰਡੇਲਾ ਨੂੰ ਹੋਰਨਾਂ ਦੇ ਨਾਲ ਰਿਵੋਨੀਆ ਮਾਮਲੇ 'ਚ ਦੋਸ਼ੀ ਠਹਿਰਾਏ ਜਾਣ ਪਿੱਛੋਂ 50 ਸਾਲ ਪਹਿਲਾਂ 27 ਸਾਲ ਜੇਲ੍ਹ 'ਚ ਰੱਖਿਆ ਗਿਆ ਜਿਸ ਚੋਂ ਬਹੁਤਾ ਸਮਾਂ ਉਨ ੍ਹਾਂ ਰੋਬਨ ਟਾਪੂ ਦੀ ਜੇਲ੍ਹ 'ਚ ਗੁਜ਼ਾਰਿਆ | 1994 ਦੀ ਪਹਿਲੀਆਂ ਲੋਕਤੰਤਰੀ ਚੋਣਾਂ ਵਿਚ ਰਾਸ਼ਟਰਪਤੀ ਚੁਣੇ ਜਾਣ ਪਿੱਛੋਂ 1999 ਵਿਚ ਉਹ ਅਹੁਦੇ ਤੋਂ ਹਟੇ | ਨੈਲਸਨ ਮੰਡੇਲਾ ਨੂੰ ਸ਼ਰਧਾਂਜਲੀਆਂ ਦੇਣ ਲਈ ਦੱਖਣੀ ਅਫਰੀਕਾ ਸਰਕਾਰ ਨੇ ਵਿਸ਼ੇਸ਼ ਸ਼ਰਧਾਂਜਲੀ ਵੈੱਬਸਾਈਟ ਤਿਆਰ ਕੀਤੀ ਹੈ |
ਮੰਡੇਲਾ ਵਰਗੀ ਸ਼ਖ਼ਸੀਅਤ ਮੁੜ ਨਹੀਂ ਲੱਭਣੀ-ਓਬਾਮਾ
ਆਪਣੇ ਆਪ ਨੂੰ ਨੈਲਸਨ ਮੰਡੇਲਾ ਤੋਂ ਪੇ੍ਰਰਨਾ ਲੈਣ ਵਾਲੇ ਲੱਖਾਂ ਲੋਕਾਂ ਵਿਚੋਂ ਇਕ ਦੱਸਦਿਆਂ ਅਮਰੀਕੀ ਰਾਸ਼ਟਰਪਤੀ ਬਰਾਕ ਓਬਾਮਾ ਨੇ ਨੈਲਸਨ ਮੰਡੇਲਾ ਦੇ ਦਿਹਾਂਤ 'ਤੇ ਡੂੰਘੇ ਦੁੱਖ ਦਾ ਪ੍ਰਗਟਾਵਾ ਕਰਦਿਆਂ ਕਿਹਾ ਕਿ ਦੁਨੀਆਂ ਨੂੰ ਉਨ੍ਹਾਂ ਵਰਗਾ ਆਗੂ ਮੁੜ ਨਹੀਂ ਮਿਲ ਸਕਦਾ | ਓਬਾਮਾ ਨੇ ਕਿਹਾ, ''ਲੱਖਾਂ ਲੋਕਾਂ ਵਾਂਗ ਮੈਂ ਵੀ ਨੈਲਸਨ ਮੰਡੇਲਾ ਦੇ ਜੀਵਨ ਤੋਂ ਪ੍ਰੇਰਨਾ ਹਾਸਿਲ ਕੀਤੀ | ਮੇਰਾ ਪਹਿਲਾ ਰਾਜਸੀ ਕਾਰਜ-ਅਜਿਹੀ ਪਹਿਲੀ ਚੀਜ਼, ਜੋ ਮੈਂ ਕਦੀ ਕਿਸੇ ਨੀਤੀ, ਮੁੱਦੇ ਜਾਂ ਰਾਜਨੀਤੀ ਤੋਂ ਸਬੰਧਿਤ ਹੋਵੇ, ਉਹ ਰੰਗਭੇਦ ਦਾ ਵਿਰੋਧ ਸੀ |'' ਮੈਂ ਉਨ੍ਹਾਂ ਦੀਆਂ ਗੱਲਾਂ ਅਤੇ ਹੋਰ ਅਮਲਾਂ ਦਾ ਅਧਿਐਨ ਕਰਾਂਗਾ | ਜਿਸ ਦਿਨ ਉਹ ਜੇਲ੍ਹ ਵਿਚੋਂ ਰਿਹਾਅ ਹੋਏ ਸਨ, ਉਸ ਦਿਨ ਮੈਨੂੰ ਮਹਿਸੂਸ ਹੋਇਆ ਕਿ ਇਨਸਾਨ ਆਪਣੀਆਂ ਉਮੀਦਾਂ ਦੇ ਦਿਸ਼ਾ-ਨਿਰਦੇਸ਼ਾਂ 'ਤੇ ਜੋ ਕਰ ਸਕਦਾ ਹੈ, ਉਹ ਡਰ ਨਾਲ ਨਹੀਂ ਕਰ ਸਕਦਾ | ਉਹ ਦੁਨੀਆਂ ਦੇ ਸਭ ਤੋਂ ਪ੍ਰਭਾਵਸ਼ਾਲੀ, ਸਾਹਸੀ ਤੇ ਚੰਗੇ ਲੋਕਾਂ ਵਿਚੋਂ ਇਕ ਸਨ | ਓਬਾਮਾ ਨੇ ਕਿਹਾ, 'ਉਹ ਸਾਡੇ ਨਾਲ ਨਹੀਂ ਹਨ, ਉਹ ਤਾਂ ਯੁੱਗਾਂ ਦੇ ਨਾਲ ਹਨ | ਇਕ ਕੈਦੀ ਤੋਂ ਲੈ ਕੇ ਰਾਸ਼ਟਰਪਤੀ ਤੱਕ ਦਾ ਉਨ੍ਹਾਂ ਦਾ ਸਫ਼ਰ ਇਹ ਵਾਅਦਾ ਕਰਦਾ ਹੈ ਕਿ ਇਨਸਾਨ ਤੇ ਦੇਸ਼ ਬਿਹਤਰ ਤਬਦੀਲੀ ਲਿਆ ਸਕਦੇ ਹਨ |'
ਸੰਯੁਕਤ ਰਾਸ਼ਟਰ ਵੱਲੋਂ ਅਫ਼ਸੋਸ
ਸੰਯੁਕਤ ਰਾਸ਼ਟਰ ਦੇ ਜਨਰਲ ਸਕੱਤਰ ਬਾਨ ਕੀ ਮੂਨ ਤੇ ਸੁਰੱਖਿਆ ਪ੍ਰੀਸ਼ਦ ਨੇ ਨੈਲਸਨ ਮੰਡੇਲਾ ਦੇ ਦਿਹਾਂਤ 'ਤੇ ਅਫਸੋਸ ਪ੍ਰਗਟਾਇਆ ਅਤੇ ਕਿਹਾ ਕਿ ਇਕ ਮਨੁੱਖੀ ਪ੍ਰੇਰਣਾ ਸਰੋਤ ਸਨ ਜਿਨ੍ਹਾਂ ਨੇ ਨਸਲਭੇਦ ਸ਼ੋਸ਼ਣ ਖਿਲਾਫ਼ ਜ਼ਿੰਦਗੀ ਭਰ ਜੰਗ ਲੜੀ | ਬਾਨ ਨੇ ਆਪਣੇ ਸ਼ੋਕ ਸੰਦੇਸ਼ 'ਚ ਕਿਹਾ ਕਿ ਨੈਲਸਨ ਮੰਡੇਲਾ ਵਿਸ਼ਵ ਮੰਚ 'ਤੇ ਇਕ ਅਨੋਖੀ ਹਸਤੀ ਸਨ | ਸ਼ਾਂਤੀ ਅਤੇ ਆਕਾਸ਼ ਛੂੰਹਦੀਆਂ ਉਪਲੱਬਧੀਆਂ ਦੇ ਵਿਅਕਤੀਆਂ, ਨਿਆਂ ਦੇ ਲਈ ਵਿਸ਼ਾਲ ਅਤੇ ਨਿਮਰਤਾ ਦੇ ਮਨੁੱਖੀ ਪ੍ਰੇਰਣਾ ਸਰੋਤ | ਉਨ੍ਹਾਂ ਕਿਹਾ ਕਿ ਉਹ ਉਨ੍ਹਾਂ ਦਾ ਦਿਹਾਂਤ ਹੋ ਜਾਣ ਨਾਲ ਬਹੁਤ ਦੁਖੀ ਹਨ | ਉਨ੍ਹਾਂ ਕਿਹਾ ਕਿ ਦੱਖਣ ਅਫਰੀਕਾ ਵਲੋਂ ਉਹ ਦੱਖਣ ਅਫਰੀਕਾ ਦੀ ਜਨਤਾ ਤੇ ਖਾਸ ਕਰ ਨੈਲਸਨ ਮੰਡੇਲਾ ਦੇ ਪਰਿਵਾਰ ਅਤੇ ਉਨ੍ਹਾਂ ਦੇ ਪਿਆਰਿਆਂ ਨਾਲ ਡੂੰਘੀ ਹਮਦਰਦੀ ਪ੍ਰਗਟ ਕਰਦੇ ਹਨ | ਬਾਨ ਨੇ ਕਿਹਾ ਕਿ ਮੰਡੇਲਾ ਨੇ ਆਪਣੀ ਜ਼ਿੰਦਗੀ ਆਪਣੇ ਲੋਕਾਂ ਅਤੇ ਮਨੁੱਖਤਾ ਦੀ ਸੇਵਾ 'ਚ ਲਾ ਦਿੱਤੀ ਅਤੇ ਉਨ੍ਹਾਂ ਨੇ ਅਜਿਹਾ ਆਪਣੀ ਮਹਾਨ ਨਿੱਜੀ ਕੁਰਬਾਨੀ ਦੇ ਬਲ 'ਤੇ ਕੀਤਾ | ਉਧਰ ਇਕ ਪ੍ਰੈੱਸ ਬਿਆਨ 'ਚ 15 ਦੇਸ਼ਾਂ ਦੀ ਸੁਰੱਖਿਆ ਪ੍ਰੀਸ਼ਦ ਨੇ ਮੰਡੇਲਾ ਨੂੰ ਸ਼ਰਧਾ ਦੇ ਫੁੱਲ ਭੇਟ ਕਰਦੇ ਹੋਏ ਕਿਹਾ ਕਿ ਉਹ ਪ੍ਰੇਰਿਤ ਕਰਨ ਵਾਲੇ ਇਕ ਨੇਤਾ ਸਨ ਜਿਨ੍ਹਾਂ ਨੇ ਦੁਨੀਆ ਭਰ 'ਚ ਲੱਖਾਂ ਲੋਕਾਂ ਦੀ ਜ਼ਿੰਦਗੀ ਬਦਲ ਦਿੱਤੀ |
ਸ਼ਾਂਤੀ ਦੇ ਦੂਤ ਸਨ ਨੈਲਸਨ ਮੰਡੇਲਾ
ਅਨਿਆਂ ਿਖ਼ਲਾਫ਼ ਵਿਰੋਧ ਦੇ ਪ੍ਰਤੀਕ ਵਜੋਂ ਵਿਸ਼ਵ ਵਿਚ ਸਤਿਕਾਰੇ ਜਾਂਦੇ ਨੈਲਸਨ ਮੰਡੇਲਾ ਨੇ ਦੱਖਣੀ ਅਫਰੀਕਾ ਵਿਚ ਰੰਗਭੇਦ ਹਕੂਮਤ ਦਾ ਖਾਤਮਾ ਕਰਨ ਦੇ ਨਾਲ ਬਾਕੀ ਅਫਰੀਕਾ ਮਹਾਂਦੀਪ ਵਿਚ ਆਜ਼ਾਦੀ ਦੀ ਭਾਵਨਾ ਫੈਲਾਈ | ਮਹਾਤਮਾ ਗਾਂਧੀ ਦੇ ਅਹਿੰਸਾ ਦੇ ਸਿਧਾਂਤ ਖਾਸਕਰ ਉਨ੍ਹਾਂ ਦੇ ਵਕੀਲ ਵਜੋਂ ਕੰਮ ਕਰਨ ਦੇ ਦਿਨਾਂ ਦੌਰਾਨ ਦੱਖਣੀ ਅਫਰੀਕਾ ਵਿਚ ਚਲਾਈ ਮੁਹਿੰਮ ਤੋਂ ਪ੍ਰੇਰਿਤ ਮੰਡੇਲਾ ਦੇ ਰੰਗਭੇਦ ਿਖ਼ਲਾਫ਼ ਅੰਦੋਲਨ ਦੌਰਾਨ ਭਾਵੇਂ ਹਿੰਸਕ ਘਟਨਾਵਾਂ ਵਾਪਰੀਆਂ ਪਰ ਉਨ੍ਹਾਂ ਨੇ ਵੀ ਹਿੰਸਾ ਿਖ਼ਲਾਫ਼ ਪ੍ਰਚਾਰ ਕੀਤਾ | ਨੋਬਲ ਪੁਰਸਕਾਰ ਜੇਤੂ ਮੰਡੇਲਾ ਨੂੰ 1990 ਵਿਚ ਭਾਰਤ ਦੇ ਸਭ ਤੋਂ ਉੱਚੇ ਨਾਗਰਿਕ ਪੁਰਸਕਾਰ 'ਭਾਰਤ ਰਤਨ' ਨਾਲ ਸਨਮਾਨਿਤ ਕੀਤਾ ਗਿਆ ਸੀ | ਉਨ੍ਹਾਂ ਨੇ 1993 ਵਿਚ ਨੋਬਲ ਸ਼ਾਂਤੀ ਪੁਰਸਕਾਰ ਜਿੱਤਿਆ ਸੀ | ਕੇਪਟਾਊਨ ਦੇ ਦੱਖਣ ਵਿਚ ਇਕ ਛੋਟੇ ਜਿਹੇ ਪਿੰਡ ਵਿਚ 1918 ਵਿਚ ਥੇਂਬੂ ਬਰਾਦਰੀ 'ਚ ਜਨਮੇ ਮੰਡੇਲਾ ਨੂੰ ਅਕਸਰ ਉਨ੍ਹਾਂ ਦੇ ਕਬੀਲੇ ਦਾ ਨਾਂਅ ਮਦੀਬਾ ਨਾਲ ਪੁਕਾਰਿਆ ਜਾਂਦਾ ਸੀ | ਰੋਲੀਲਾਹਲਾ ਦੈਲਿਬਹੰਗਾ ਵਜੋਂ ਜਨਮੇ ਮੰਡੇਲਾ ਨੂੰ ਉਨ੍ਹਾਂ ਦਾ ਅੰਗੇਰਜ਼ੀ ਨਾਂਅ ਉਨ੍ਹਾਂ ਦੇ ਸਕੂਲ ਵਿਖੇ ਅਧਿਆਪਕ ਨੇ ਰੱਖਿਆ ਸੀ | ਥੇਂਬੂ ਸ਼ਾਹੀ ਪਰਿਵਾਰ ਦੇ ਵਕੀਲ ਉਨ੍ਹਾਂ ਦੇ ਪਿਤਾ ਦਾ ਉਸ ਸਮੇਂ ਦਿਹਾਂਤ ਹੋ ਗਿਆ ਜਦੋਂ ਮੰਡੇਲਾ 9 ਸਾਲ ਦੇ ਸਨ | 1941 ਵਿਚ 23 ਸਾਲ ਦੀ ਉਮਰ 'ਚ ਨੈਲਸਨ ਮੰਡੇਲਾ ਪਰਿਵਾਰ ਵੱਲੋਂ ਤੈਅ ਕੀਤੇ ਵਿਆਹ ਤੋਂ ਭਜ ਕੇ ਜੋਹਾਨਸਬਰਗ ਚਲਾ ਗਿਆ | ਦੋ ਸਾਲ ਪਿੱਛੋਂ ਉਨ੍ਹਾਂ ਅਫਰੀਕਨਰ ਵਿਟਵਾਟਰਸਰੈਂਡ ਯੂਨੀਵਰਸਿਟੀ ਵਿਖੇ ਕਾਨੂੰਨ ਦੀ ਪੜ੍ਹਾਈ ਕਰਨੀ ਸ਼ੁਰੂ ਕਰ ਦਿੱਤੀ ਜਿਥੇ ਉਨ੍ਹਾਂ ਦੀ ਸਾਰੇ ਤਬਕਿਆਂ ਅਤੇ ਪਿਛੋਕੜ ਵਾਲੇ ਲੋਕਾਂ ਨਾਲ ਮੁਲਾਕਾਤ ਹੋਈ | ਉਸੇ ਸਾਲ ਉਹ ਅਫਰੀਕਨ ਨੈਸ਼ਨਲ ਕਾਂਗਰਸ ਵਿਚ ਸ਼ਾਮਿਲ ਹੋ ਗਏ ਅਤੇ ਬਾਅਦ ਵਿਚ ਅਫਰੀਕਨ ਨੈਸ਼ਨਲ ਯੂਥ ਲੀਗ ਦੇ ਸਹਿਬਾਨੀ ਬਣੇ | ਉਨ੍ਹਾਂ 1944 ਵਿਚ ਆਪਣੀ ਪਹਿਲੀ ਪਤਨੀ ਅਵੇਲਨ ਮੈਸੇ ਨਾਲ ਵਿਆਹ ਕਰਵਾਇਆ | ਚਾਰ ਬੱਚੇ ਹੋਣ ਪਿੱਛੋਂ 1958 ਵਿਚ ਉਨ੍ਹਾਂ ਦਾ ਤਲਾਕ ਹੋ ਗਿਆ | ਹੁਣ ਤਕ ਮੰਡੇਲਾ ਇਕ ਯੋਗ ਵਕੀਲ ਬਣ ਗਏ ਸਨ ਅਤੇ 1952 ਵਿਚ ਓਲੀਵਰ ਟੈਂਬੋ ਨਾਲ ਮਿਲ ਕੇ ਉਨ੍ਹਾਂ ਦੱਖਣੀ ਅਫਰੀਕਾ ਦੀ ਪਹਿਲੀ ਕਾਲੀ ਕਾਨੂੰਨੀ ਕੰਪਨੀ ਕਾਇਮ ਕੀਤੀ | 1956 ਵਿਚ ਮੰਡੇਲਾ ਅਤੇ 155 ਹੋਰਨਾਂ ਖਿਲਾਫ ਦੇਸ਼ ਧ੍ਰੋਹ ਦੇ ਦੋਸ਼ ਲਾਏ ਗਏ ਪਰ ਚਾਰ ਸਾਲ ਮੁਕੱਦਮਾ ਚਲਾਏ ਜਾਣ ਪਿੱਛੋਂ ਦੋਸ਼ ਵਾਪਸ ਲੈ ਲਏ | ਉਸ ਸਮੇਂ ਨਵੇਂ ਪਾਸ ਕੀਤੇ ਕਾਨੂੰਨਾਂ ਜਿਨ੍ਹਾਂ ਵਿਚ ਕਿਹਾ ਗਿਆ ਸੀ ਕਿ ਕਾਲੇ ਲੋਕਾਂ ਨੂੰ ਕਿਥੇ ਰਹਿਣ ਅਤੇ ਕੰਮ ਕਰਨ ਦੀ ਇਜਾਜ਼ਤ ਹੈ ਿਖ਼ਲਾਫ਼ ਅੰਦੋਲਨ ਤੇਜ਼ ਹੋ ਗਿਆ | 1958 ਵਿਚ ਮੰਡੇਲਾ ਨੇ ਵਿਨੀ ਮੈਡੀਕੀਜ਼ੇਲਾ ਨਾਲ ਵਿਆਹ ਕਰਵਾ ਲਿਆ ਜਿਸ ਨੇ ਬਾਅਦ ਵਿਚ ਆਪਣੇ ਪਤੀ ਨੂੰ ਜੇਲ੍ਹ ਚੋਂ ਰਿਹਾਅ ਕਰਵਾਉਣ ਲਈ ਕਾਫੀ ਸਰਗਰਮ ਰੋਲ ਨਿਭਾਇਆ | 1960 ਵਿਚ ਅਫਰੀਕਨ ਨੈਸ਼ਨਲ ਕਾਂਗਰਸ ਨੂੰ ਗੈਰ-ਕਾਨੂੰਨੀ ਕਰਾਰ ਦਿੱਤਾ ਗਿਆ ਅਤੇ ਮੰਡੇਲਾ ਰੂਪੋਸ਼ ਹੋ ਗਏ | ਇਸ ਨਾਲ ਸ਼ਾਂਤਮਈ ਵਿਰੋਧ ਖਤਮ ਹੋ ਗਿਆ ਅਤੇ ਨੈਲਸਨ ਮੰਡੇਲਾ ਜਿਹੜੇ ਅਫਰੀਕਨ ਨੈਸ਼ਨਲ ਕਾਂਗਰਸ ਦੇ ਪਹਿਲਾਂ ਹੀ ਉਪ-ਪ੍ਰਧਾਨ ਸਨ ਨੇ ਆਰਥਿਕ ਨੁਕਸਾਨ ਦੀ ਮੁਹਿੰਮ ਚਲਾਈ | ਬਾਅਦ ਵਿਚ ਉਨ੍ਹਾਂ ਨੂੰ ਗਿ੍ਫਤਾਰ ਕਰ ਲਿਆ ਅਤੇ ਉਨ੍ਹਾਂ 'ਤੇ ਅਸਥਿਰਤਾ ਫੈਲਾਉਣ ਅਤੇ ਸਰਕਾਰ ਨੂੰ ਹਿੰਸਾਤਮਿਕ ਤਰੀਕੇ ਨਾਲ ਸੱਤਾ ਤੋਂ ਹਟਾਉਣ ਦਾ ਯਤਨ ਕਰਨ ਦੇ ਦੋਸ਼ ਲਾਏ ਗਏ | ਬਾਅਦ ਵਿਚ ਇਸੇ ਮਾਮਲੇ ਵਿਚ ਉਨ੍ਹਾਂ ਨੂੰ ਜੇਲ੍ਹ ਭੇਜ ਦਿੱਤਾ ਗਿਆ | ਵਿਸ਼ਵ ਨੇਤਾਵਾਂ ਨੇ ਪਹਿਲੀ ਵਾਰ 1967 ਵਿਚ ਰੰਗਭੇਦ ਵਾਲੀ ਹਕੂਮਤ ਖਿਲਾਫ ਪਾਬੰਦੀਆਂ ਲਾਈਆਂ | ਪਾਬੰਦੀਆਂ ਦੇ ਨਤੀਜੇ ਵਜੋਂ 1990 ਵਿਚ ਰਾਸ਼ਟਰਪਤੀ ਐਫ. ਡਬਲਯੂ. ਡੀ ਕਲਾਰਕ ਨੇ ਅਫਰੀਕਨ ਨੈਸ਼ਨਲ ਕਾਂਗਰਸ ਤੋਂ ਪਾਬੰਦੀ ਚੁੱਕ ਲਈ ਅਤੇ ਮੰਡੇਲਾ ਨੂੰ ਜੇਲ੍ਹ ਚੋਂ ਰਿਹਾਅ ਕਰ ਦਿੱਤਾ | ਇਸ ਦੇ ਨਾਲ ਦੱਖਣੀ ਅਫਰੀਕਾ ਲਈ ਨਵਾਂ ਬਹੁ-ਨਸਲੀ ਲੋਕਤੰਤਰ ਕਾਇਮ ਕਰਨ ਲਈ ਗੱਲਬਾਤ ਸ਼ੁਰੂ ਹੋ ਗਈ | ਪੰਜ ਮਹੀਨੇ ਪਿੱਛੋਂ ਦੱਖਣੀ ਅਫਰੀਕਾ ਦੇ ਇਤਿਹਾਸ ਵਿਚ ਪਹਿਲੀ ਵਾਰ ਸਾਰੀਆਂ ਨਸਲਾਂ ਦੇ ਲੋਕਾਂ ਨੇ ਲੋਕਤੰਤਰੀ ਚੋਣਾਂ 'ਚ ਹਿੱਸਾ ਲਿਆ ਅਤੇ ਮੰਡੇਲਾ ਭਾਰੀ ਬਹੁਮਤ ਨਾਲ ਰਾਸ਼ਟਰਪਤੀ ਚੁਣੇ ਗਏ |

ਨਾਰਾਇਣ ਸਾਈਾ ਦਾ 6 ਦਿਨ

ਦਾ ਪੁਲਿਸ ਰਿਮਾਂਡ
ਬਚਣ ਲਈ ਘੁੰਮਦਾ ਰਿਹਾ 9 ਸੂਬਿਆਂ 'ਚ


ਸੂਰਤ, 6 ਦਸੰਬਰ - ਜਬਰ ਜਨਾਹ ਦੇ ਦੋਸ਼ੀ ਨਾਰਾਇਣ ਸਾਈਾ ਨੂੰ ਅੱਜ ਸੂਰਤ ਦੀ ਇਕ ਅਦਾਲਤ 'ਚ ਪੇਸ਼ ਕੀਤਾ ਗਿਆ ਜਿਥੇ ਉਸ ਨੂੰ ਅਦਾਲਤ ਨੇ 6 ਦਿਨਾ ਪੁਲਿਸ ਰਿਮਾਂਡ 'ਤੇ ਭੇਜ ਦਿੱਤਾ | ਅੱਜ ਪੁਲਿਸ ਨੇ ਸਾੲੀਂ ਨੂੰ ਸੂਰਤ ਦੇ ਚੀਫ ਜੁਡੀਸ਼ੀਅਲ ਮੈਜਿਸਟਰੇਟ ਜੇ. ਐਨ. ਠਾਕੁਰ ਦੀ ਅਦਾਲਤ ਵਿਚ ਪੇਸ਼ ਕੀਤਾ ਅਤੇ ਉਸ ਦਾ 14 ਦਿਨ ਦਾ ਰਿਮਾਂਡ ਮੰਗਿਆ ਪਰ ਅਦਾਲਤ ਨੇ ਪੁਲਿਸ ਨੂੰ ਨਰਾਇਣ ਸਾੲੀਂ ਦਾ 6 ਦਿਨ ਦਾ ਪੁਲਿਸ ਦਿੰਦਿਆਂ ਉਸ ਨੂੰ 11 ਦਸੰਬਰ ਤੱਕ ਪੁਲਿਸ ਹਿਰਾਸਤ ਵਿਚ ਭੇਜ ਦਿੱਤਾ | ਇਸ ਦੇ ਨਾਲ ਹੀ ਅਦਾਲਤ ਨੇ ਉਸ ਦੇ ਸਹਿਯੋਗੀਆਂ ਕੌਸ਼ਲ ਠਾਕੁਰ ਉਰਫ ਹਨੂੰਮਾਨ ਦਾ ਵੀ 6 ਦਿਨਾ ਪੁਲਿਸ ਰਿਮਾਂਡ ਦੇ ਦਿੱਤਾ ਜਦ ਕਿ ਉਸ ਦੇ ਡਰਾਈਵਰ ਰਮੇਸ਼ ਮਲਹੋਤਰਾ ਨੂੰ 7 ਦਸੰਬਰ ਤੱਕ ਪੁਲਿਸ ਰਿਮਾਂਡ 'ਤੇ ਭੇਜ ਦਿੱਤਾ | ਸਾਈਾ ਬਾਰੇ ਪੁਲਿਸ ਸੂਤਰਾਂ ਨੇ ਦੱਸਿਆ ਕਿ 58 ਦਿਨ ਬਾਅਦ ਗਿ੍ਫ਼ਤਾਰ ਕੀਤੇ ਸਾਈਾ ਨੇ 9 ਸੂਬਿਆਂ ਵਿਚ 55 ਟਿਕਾਣੇ ਬਦਲੇ | ਇਕ ਦਿਨ ਵਿਚ ਉਹ ਤਿੰਨ ਤੋਂ ਚਾਰ ਅੱਡੇ ਬਦਲ ਲੈਂਦਾ ਸੀ | ਪੁਲਿਸ ਤੋਂ ਬਚਣ ਲਈ ਸਾਈਾ ਨੇ ਕਈ ਵਾਰ ਸੜਕ ਕਿਨਾਰੇ ਢਾਬੇ 'ਤੇ ਰਾਤਾਂ ਗੁਜ਼ਾਰੀਆਂ ਸਨ |
ਆਸਾਰਾਮ ਦੇ ਭਗਤ ਨੇ ਕਰਵਾਇਆ ਗਿ੍ਫ਼ਤਾਰ
ਨਾਰਾਇਣ ਸਾਈਾ ਜਿਸ ਗੱਡੀ ਵਿਚ ਚੱਲਦਾ ਸੀ, ਉਸ ਵਿਚ ਚੱਲਦਾ-ਫਿਰਦਾ 'ਕਿਚਨ' ਹੰੁਦਾ ਸੀ | ਇਸ ਗੱਡੀ ਵਿਚ ਖਾਣਾ ਬਣਾਉਣ ਵਾਲਾ ਸਟੋਵ ਤੇ ਹੋਰ ਸਾਮਾਨ ਬਰਾਮਦ ਹੋਇਆ ਹੈ | ਸਾਈਾ ਗਿ੍ਫ਼ਤਾਰੀ ਵਿਚ ਉਸ ਦੇ ਸਾਬਕਾ ਡਰਾਈਵਰ ਅਤੇ ਅੰਗ ਰੱਖਿਅਕ ਨੇ ਅਹਿਮ ਭੂਮਿਕਾ ਨਿਭਾਈ | ਇਹ ਡਰਾਈਵਰ ਆਸਾਰਾਮ ਦਾ ਭਗਤ ਹੈ | ਸਤੀਸ਼ ਵਾਧਵਾਨੀ ਉਹੀ ਵਿਅਕਤੀ ਹੈ ਜਿਸ ਨੇ ਇੰਦੌਰ ਪੁਲਿਸ ਨੂੰ ਸਾਈਾ ਦੇ ਟਿਕਾਣੇ ਬਾਰੇ ਜਾਣਕਾਰੀ ਦਿੱਤੀ ਸੀ | ਸਤੀਸ਼ 20 ਸਾਲ ਪਹਿਲਾਂ ਆਸਾਰਾਮ ਅਤੇ ਸਾਈਾ ਦੇ ਆਸ਼ਰਮ ਵਿਚ ਡਰਾਈਵਰ ਦਾ ਕੰਮ ਕਰਦਾ ਸੀ | ਜਦੋਂ ਆਸਾਰਾਮ ਅਤੇ ਸਾਈਾ ਦੇ ਖਿਲਾਫ਼ ਜਬਰ ਜਨਾਹ ਦਾ ਕੇਸ ਦਰਜ ਕੀਤਾ ਗਿਆ ਤਾਂ ਉਦੋਂ ਸੂਰਤ ਪੁਲਿਸ ਨੇ ਸਤੀਸ਼ ਕੋਲੋਂ ਦੋ ਵਾਰ ਪੁੱਛਗਿੱਛ ਕੀਤੀ ਸੀ | 28 ਨਵੰਬਰ ਨੂੰ ਪੁਲਿਸ ਨੇ ਸਤੀਸ਼ ਕੋਲੋਂ ਪੁੱਛਗਿੱਛ ਕੀਤੀ ਸੀ | ਸਤੀਸ਼ ਨੇ ਪੁਲਿਸ ਨੂੰ ਦੱਸਿਆ ਸੀ ਕਿ ਸਾਈਾ ਦਾ ਇਕ ਵਿਸ਼ੇਸ਼ ਕਰੀਬੀ ਪੰਜਾਬ ਅਤੇ ਹਰਿਆਣਾ ਵਿਚ ਹੈ | ਉਸ ਨੇ ਸਾਰੇ ਸਹਿਯੋਗੀਆਂ ਦੇ ਰਾਬਤੇ ਬਾਰੇ ਪੁਲਿਸ ਨੂੰ ਜਾਣਕਾਰੀ ਦਿੱਤੀ ਸੀ | ਇਸੇ ਸੂਚਨਾ ਦੇ ਆਧਾਰ 'ਤੇ ਪੁਲਿਸ ਨੇ ਸਾਈਾ ਨੂੰ ਲੱਭਿਆ |
ਸਾਈਾ ਦੇ ਸਹਿਯੋਗੀਆਂ ਨੇ ਸਤੀਸ਼ ਨੂੰ ਧਮਕੀ ਦਿੱਤੀ ਸੀ ਕਿ ਉਹ ਪੁਲਿਸ ਨੂੰ ਕੋਈ ਜਾਣਕਾਰੀ ਨਾ ਦੇਣ |

ਹੁਣ ਮਿਲਾਵਟੀ ਦੁੱਧ ਵੇਚਣ

ਵਾਲਿਆਂ ਨੂੰ ਹੋਵੇਗੀ ਉਮਰ ਕੈਦ


ਨਵੀਂ ਦਿੱਲੀ, 6 ਦਸੰਬਰ - ਹੁਣ ਦੁੱਧ 'ਚ ਮਿਲਾਵਟ ਕਰਨਾ ਮਹਿੰਗਾ ਪਵੇਗਾ | ਸੁਪਰੀਮ ਕੋਰਟ ਨੇ ਵੀਰਵਾਰ ਨੂੰ ਰਾਜ ਸਰਕਾਰਾਂ ਨੂੰ ਕਿਹਾ ਕਿ ਉਹ ਆਪਣੇ ਇਥੇ ਦੇ ਮੌਜੂਦਾ ਕਾਨੂੰਨਾਂ 'ਚ ਜ਼ਰੂਰੀ ਬਦਲਾਅ ਕਰਕੇ ਮਿਲਾਵਟੀ ਦੁੱਧ ਦੀ ਵਿਕਰੀ ਤੇ ਨਿਰਮਾਣ 'ਤੇ ਸਜ਼ਾ ਨੂੰ ਉਮਰ ਕੈਦ 'ਚ ਬਦਲਣ | ਜੱਜ ਕੇ. ਐਸ. ਰਾਧਾਕ੍ਰਿਸ਼ਨਨ ਤੇ ਜੱਜ ਏ. ਕੇ. ਸੀਕਰੀ ਦੇ ਬੈਂਚ ਨੇ ਇਕ ਜਨਹਿਤ ਪਟੀਸ਼ਨ ਦੀ ਸੁਣਵਾਈ 'ਚ ਇਹ ਆਦੇਸ਼ ਦਿੱਤਾ | ਬੈਂਚ ਨੇ ਉੱਤਰ ਪ੍ਰਦੇਸ਼, ਓਡੀਸ਼ਾ ਤੇ ਪੱਛਮੀ ਬੰਗਾਲ 'ਚ ਹੋ ਰਹੀ ਮਿਲਾਵਟੀ ਦੁੱਧ ਦੀ ਵਿਕਰੀ ਨੂੰ ਧਿਆਨ 'ਚ ਰੱਖਦੇ ਹੋਏ ਇਹ ਆਦੇਸ਼ ਦਿੱਤਾ | ਇਨ੍ਹਾਂ ਰਾਜਾਂ 'ਚ ਸਿੰਥੈਟਿਕ ਪਦਾਰਥਾਂ ਤੋਂ ਦੁੱਧ ਬਣਾਇਆ ਜਾ ਰਿਹਾ ਹੈ | ਮਨੁੱਖ ਲਈ ਹਾਨੀਕਾਰਕ ਸਿੰਥੈਟਿਕ ਦੁੱਧ ਦੇ ਨਿਰਮਾਣ ਤੇ ਵਿਕਰੀ 'ਤੇ ਰੋਕ ਲਾਉਣ ਲਈ ਕਾਨੂੰਨ ਨੂੰ ਹੋਰ ਸਖਤ ਕਰਨ ਲਈ ਕਹਿੰਦੇ ਹੋਏ ਸੁਪਰੀਮ ਕੋਰਟ ਨੇ ਕਿਹਾ ਕਿ ਫੂਡ ਸੇਫਟੀ ਐਾਡ ਸਟੈਂਡਰਡ ਐਕਟ ਤਹਿਤ ਇਸ ਅਪਰਾਧ ਲਈ ਮਿਲਣ ਵਾਲੀ ਵੱਧ ਤੋਂ ਵੱਧ ਛੇ ਮਹੀਨੇ ਦੀ ਸਜ਼ਾ ਕਾਫੀ ਨਹੀਂ ਹੈ | ਵਰਨਣਯੋਗ ਹੈ ਕਿ ਭਾਰਤੀ ਖੁਰਾਕ ਸੁਰੱਖਿਆ ਤੇ ਸਟੈਂਡਰਡ ਅਥਾਰਟੀ ਨੇ ਆਪਣੀ ਰਿਪੋਰਟ 'ਚ 68.4 ਪ੍ਰਤੀਸ਼ਤ ਦੁੱਧ ਮਿਲਾਵਟੀ ਹੋਣ ਦੀ ਗੱਲ ਕਹੀ ਸੀ | ਇਸ ਦੇ ਬਾਵਜੂਦ ਰਾਜਾਂ ਨੇ ਆਪਣੇ ਜਵਾਬ 'ਚ ਮਿਲਾਵਟ ਨਾ ਹੋਣ ਦਾ ਹਵਾਲਾ ਦਿੱਤਾ ਸੀ |


ਸਰਕਾਰ ਸਾਰੇ ਮੁੱਦਿਆਂ 'ਤੇ ਆਮ ਸਹਿਮਤੀ

ਬਣਾਉਣ ਦਾ ਯਤਨ ਕਰੇਗੀ-ਪ੍ਰਧਾਨ ਮੰਤਰੀ


ਨਵੀਂ ਦਿੱਲੀ, 6 ਦਸੰਬਰ - ਨਰਿੰਦਰ ਮੋਦੀ ਵੱਲੋਂ ਫਿਰਕੂ ਹਿੰਸਾ ਵਿਰੋਧੀ ਬਿੱਲ ਨੂੰ ਤਬਾਹੀ ਦਾ ਨੁਕਸਾ ਕਰਾਰ ਦੇਣ ਦਰਮਿਆਨ ਪ੍ਰਧਾਨ ਮੰਤਰੀ ਮਨਮੋਹਨ ਸਿੰਘ ਨੇ ਅੱਜ ਕਿਹਾ ਕਿ ਸਰਕਾਰ ਉਨ੍ਹਾਂ ਸਾਰੇ ਮੁੱਦਿਆਂ 'ਤੇ ਆਮ ਸਹਿਮਤੀ ਬਣਾਉਣ ਦਾ ਯਤਨ ਕਰੇਗੀ ਜਿਨ੍ਹਾਂ ਦਾ ਕਾਨੂੰਨੀ ਮਹੱਤਵ ਬਹੁਤ ਜ਼ਿਆਦਾ ਹੈ | ਡਾ: ਸਿੰਘ ਨੇ ਕਿਹਾ ਕਿ ਸਰਕਾਰ ਸਾਰੇ ਬਿੱਲਾਂ ਨੂੰ ਆਰਾਮ ਨਾਲ ਪਾਸ ਕਰਵਾਉਣ ਨੂੰ ਯਕੀਨੀ ਬਣਾਉਣ ਲਈ ਸੰਸਦ ਦੇ ਸਾਰੇ ਵਰਗਾਂ ਦਾ ਸਹਿਯੋਗ ਚਾਹੁੰਦੀ ਹੈ | ਇਥੇ ਦੱਸਣਯੋਗ ਹੈ ਕਿ ਭਾਜਪਾ ਨੇ ਜਿਥੇ ਫਿਰਕੂ ਹਿੰਸਾ ਵਿਰੋਧੀ ਬਿੱਲ 'ਤੇ ਗੰਭੀਰ ਇਤਰਾਜ਼ ਪ੍ਰਗਟ ਕੀਤਾ ਹੈ ਉਥੇ ਸਮਾਜਵਾਦੀ ਪਾਰਟੀ ਨੇ ਔਰਤਾਂ ਲਈ ਰਾਖਵਾਂਕਰਨ ਵਰਗੇ ਵਿਵਾਦਪੂਰਨ ਬਿੱਲ ਲਿਆਉਣ 'ਤੇ ਸੰਸਦ ਦਾ ਕੰਮਕਾਜ ਠੱਪ ਕਰਨ ਦੀ ਧਮਕੀ ਦਿੱਤੀ ਹੈ | ਪ੍ਰਧਾਨ ਮੰਤਰੀ ਨੇ ਸੰਸਦ ਭਵਨ ਦੇ ਬਾਹਰ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਸਾਡਾ ਯਤਨ ਹੋਵੇਗਾ ਕਿ ਕਾਨੂੰਨੀ ਮਹੱਤਵ ਦੇ ਸਾਰੇ ਮੁੱਦਿਆਂ 'ਤੇ ਆਮ ਸਹਿਮਤੀ ਬਣਾਈ ਜਾਵੇ | ਭਾਜਪਾ ਦੇ ਪ੍ਰਧਾਨ ਮੰਤਰੀ ਅਹੁਦੇ ਲਈ ਉਮੀਦਵਾਰ ਨਰਿੰਦਰ ਵਲੋਂ ਫਿਰਕੂ ਹਿੰਸਾ ਵਿਰੋਧੀ ਬਿੱਲ ਦਾ ਵਿਰੋਧ ਕੀਤੇ ਜਾਣ 'ਤੇ ਪੁੱਛੇ ਗਏ ਸਵਾਲ ਦੇ ਜਵਾਬ ਵਿਚ ਪ੍ਰਧਾਨ ਮੰਤਰੀ ਨੇ ਉਪਰੋਕਤ ਗੱਲ ਆਖੀ | ਪ੍ਰਧਾਨ ਮੰਤਰੀ ਦੇ ਬਿਆਨ ਪਿੱਛੋਂ ਗ੍ਰਹਿ ਮੰਤਰੀ ਸੁਸ਼ੀਲ ਕੁਮਾਰ ਸ਼ਿੰਦੇ ਨੇ ਵੀ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਸਰਕਾਰ ਬਿੱਲ 'ਤੇ ਆਮ ਸਹਿਮਤੀ ਬਣਾਉਣ ਦਾ ਯਤਨ ਕਰੇਗੀ |


ਆਖਰ ਕਾਬੂ ਆ ਗਿਆ ਨਾਰਾਇਣ ਸਾਈਂ
-ਪਿੱਪਲੀ ਤੋਂ ਕੀਤਾ ਗਿ੍ਫ਼ਤਾਰ -2 ਮਹੀਨਿਆਂ ਤੋਂ ਸੀ ਫ਼ਰਾਰ

ਨਵੀਂ ਦਿੱਲੀ, ਕੁਰੂਕਸ਼ੇਤਰ, 5 ਦਸੰਬਰ (ਏਜੰਸੀ, ਸੋਢੀ, ਜਸਬੀਰ ਸਿੰਘ ਦੁੱਗਲ)-ਸਰੀਰਕ ਸ਼ੋਸ਼ਣ ਦੇ ਮਾਮਲੇ ਵਿਚ ਲਗਭਗ 2 ਮਹੀਨੇ ਤੋਂ ਭਗੌੜੇ ਆਪੇ ਬਣੇ ਭਗਵਾਨ ਆਸਾ ਰਾਮ ਦੇ ਪੁੱਤਰ ਨਾਰਾਇਣ ਸਾਈਾ ਨੂੰ ਅੱਜ ਤੜਕਸਾਰ ਦਿੱਲੀ-ਹਰਿਆਣਾ ਸਰੱਹਦ ਤੋਂ ਗਿ੍ਫਤਾਰ ਕਰ ਲਿਆ ਗਿਆ | ਉਸ ਦੀ ਗਿ੍ਫਤਾਰੀ ਦਿੱਲੀ ਪੁਲਿਸ ਦੀ ਅਪਰਾਧ ਸ਼ਾਖਾ ਨੇ ਕੀਤੀ | ਵਧੀਕ ਪੁਲਿਸ ਕਮਿਸ਼ਨਰ (ਅਪਰਾਧ) ਰਵਿੰਦਰ ਯਾਦਵ ਨੇ ਨਾਰਾਇਣ ਸਾਈਾ ਦੀ ਗਿ੍ਫਤਾਰੀ ਦੀ ਪੁਸ਼ਟੀ ਕਰਦਿਆਂ ਦੱਸਿਆ ਕਿ ਸਾਈਾ ਦੇ ਨਾਲ ਉਸ ਦੇ 4 ਸਹਾਇਕਾਂ ਨੂੰ ਵੀ ਗਿ੍ਫਤਾਰ ਕੀਤਾ ਗਿਆ ਹੈ, ਜਿਨ੍ਹਾਂ ਵਿਚ ਹਨੂੰਮਾਨ, ਭਾਵਿਕਾ, ਵਿਸ਼ਨੂੰ ਤੇ ਰੇਮਸ਼ ਸ਼ਾਮਿਲ ਹਨ | ਸਾਈਾ ਦੀ ਗਿ੍ਫਤਾਰੀ ਲਈ ਸੂਹ ਦੇਣ ਵਾਲੇ ਨੂੰ 5 ਲੱਖ ਰੁਪਏ ਇਨਾਮ ਦੇਣ ਦਾ ਐਲਾਨ ਕੀਤਾ ਗਿਆ ਸੀ | ਪੁਲਿਸ ਸੂਤਰਾਂ ਨੇ ਦੱਸਿਆ ਕਿ ਸਾਈਾ ਆਪਣੀ ਪਛਾਣ ਲੁਕਾਉਣ ਲਈ ਸਿੱਖ ਦੇ ਭੇਸ ਵਿਚ ਰਹਿ ਰਿਹਾ ਸੀ | ਉਸ ਨੇ ਲਾਲ ਰੰਗ ਦੀ ਪੱਗ ਬੰਨ੍ਹੀ ਹੋਈ ਸੀ ਤੇ ਦਾਹੜੀ ਰੱਖੀ ਹੋਈ ਸੀ | ਉਹ ਟੀ ਸ਼ਰਟ ਤੇ ਪੈਂਟ ਪਾਉਂਦਾ ਸੀ | ਇਸ ਤੋਂ ਇਲਾਵਾ ਖੇਡ ਜੈਕਟ ਵੀ ਪਹਿਨਦਾ ਸੀ | ਅਪਰਾਧ ਸ਼ਾਖਾ ਨੂੰ ਸੂਹ ਮਿਲੀ ਸੀ ਕਿ ਸਾਈਾ ਕੁਰੂਕਸ਼ੇਤਰ ਨੇੜੇ ਪਿੱਪਲੀ ਪਿੰਡ ਵਿਚ ਮੌਜੂਦ ਹੈ, ਪਰੰਤੂ ਜਦੋਂ ਪੁਲਿਸ ਦੀ ਟੀਮ ਉਥੇ ਪਹੁੰਚੀ ਤਾਂ ਪਤਾ ਲੱਗਾ ਕਿ ਉਹ ਦਿੱਲੀ ਲਈ ਰਵਾਨਾ ਹੋ ਗਿਆ ਹੈ | ਪੁਲਿਸ ਨੇ ਉਸ ਦਾ ਪਿੱਛਾ ਕੀਤਾ ਤੇ ਅੰਤ ਵਿਚ ਅੱਧੀ ਰਾਤ ਤੋਂ ਬਾਅਦ 1.30 ਵਜੇ ਉਸ ਨੂੰ ਗਿ੍ਫਤਾਰ ਕਰ ਲਿਆ ਗਿਆ | ਉਸ ਸਮੇਂ ਐਸ. ਯੂ.ਵੀ ਗੱਡੀ, ਜਿਸ ਵਿਚ ਉਹ ਸਵਾਰ ਸੀ, ਵਿਚ ਇਕ ਪੈਟਰੋਲ ਪੰਪ 'ਤੇ ਤੇਲ ਪਵਾਇਆ ਜਾ ਰਿਹਾ ਸੀ | ਸਾਈਾ ਦੇ ਨਾਲ ਗਿ੍ਫਤਾਰ ਕੀਤਾ ਗਿਆ ਕੌਸ਼ਲ ਉਰਫ ਹਨੂੰਮਾਨ ਉਸ ਦਾ ਬਹੁਤ ਨਜ਼ਦੀਕੀ ਹੈ ਤੇ ਸਰੀਰਕ ਸ਼ੋਸ਼ਣ ਮਾਮਲੇ ਵਿਚ ਉਸ ਦਾ ਨਾਂਅ ਵੀ ਦੋਸ਼ੀ ਵਜੋਂ ਸ਼ਾਮਿਲ ਹੈ | ਸੂਰਤ ਪੁਲਿਸ ਨੇ ਦੋ ਭੈਣਾਂ ਦੀ ਸ਼ਿਕਾਇਤ 'ਤੇ ਆਸਾ ਰਾਮ ਤੇ ਸਾਈਾ ਵਿਰੁੱਧ ਜਬਰ ਜਨਾਹ, ਸਰੀਰਕ ਸ਼ੋਸ਼ਣ, ਬੰਧਕ ਬਣਾਉਣ ਤੇ ਹੋਰ ਦੋਸ਼ਾਂ ਤਹਿਤ 2 ਮਾਮਲੇ ਦਰਜ ਕੀਤੇ ਸਨ | ਦੋ ਭੈਣਾਂ ਵਿਚੋਂ ਛੋਟੀ ਭੈਣ ਨੇ ਸਾਈਾ ਵਿਰੁੱਧ ਲਿਖਾਈ ਸ਼ਿਕਾਇਤ ਵਿਚ ਦੋਸ਼ ਲਾਇਆ ਹੈ ਕਿ 2002 ਤੋਂ 2005 ਦਰਮਿਆਨ ਜਦੋਂ ਉਹ ਸੂਰਤ ਆਸ਼ਰਮ ਵਿਚ ਰਹਿੰਦੀ ਸੀ ਤਾਂ ਸਾਈਾ ਨੇ ਉਸ  ਨਾਲ ਕਈ ਵਾਰ ਜਬਰ ਜਨਾਹ ਕੀਤਾ। ਇਸੇ ਤਰ੍ਹਾਂ ਦੇ ਹੀ ਦੋਸ਼ ਵੱਡੀ ਭੈਣ ਨੇ ਬਾਪੂ ਆਸਾ ਰਾਮ ਵਿਰੁੱਧ ਲਾਏ ਹਨ। ਆਸਾ ਰਾਮ ਇਸ ਸਮੇਂ ਨਿਆਂਇਕ ਹਿਰਾਸਤ ਤਹਿਤ ਜੋਧਪੁਰ ਦੀ ਜੇਲ੍ਹ ਵਿਚ ਬੰਦ ਹੈ।
ਗੁਜਰਾਤ ਪੁਲਿਸ ਦੇ ਹਵਾਲੇ
ਜਬਰ ਜਨਾਹ ਦੇ ਦੋਸ਼ਾਂ ਤਹਿਤ ਅੱਜ ਗ੍ਰਿਫਤਾਰ ਕੀਤੇ ਗਏ ਨਰਾਇਣ ਸਾਈਂ ਨੂੰ ਇਕ ਸਥਾਨਕ ਅਦਾਲਤ ਨੇ 24 ਘੰਟਿਆਂ ਲਈ ਗੁਜਰਾਤ ਪੁਲਿਸ ਦੀ ਹਿਰਾਸਤ ਵਿਚ ਭੇਜਣ ਦਾ ਆਦੇਸ਼ ਦਿੱਤਾ। ਗੁਜਰਾਤ ਪੁਲਿਸ ਨੇ ਸਾਈਂ ਨੂੰ ਸੂਰਤ ਦੀ ਇਕ ਅਦਾਲਤ ਵਿਚ ਪੇਸ਼ ਕਰਨ ਲਈ ਲਾਂਘਾ ਰਿਮਾਂਡ ਦੇਣ ਦੀ ਬੇਨਤੀ ਕੀਤੀ ਸੀ। ਮੈਟਰੋਪੋਲੀਟਨ ਮੈਜਿਸਟ੍ਰੇਟ ਧੀਰਜ ਮੋਰ ਨੇ ਆਪਣੇ ਆਦੇਸ਼ ਵਿਚ ਕਿਹਾ ''ਮੈਂ ਗੁਜਰਾਤ ਪੁਲਿਸ ਨੂੰ ਸਾਈਂ ਸਮੇਤ ਦੋ ਹੋਰਨਾਂ ਦਾ ਵੀ 24 ਘੰਟੇ ਲਈ 'ਟਰਾਂਜਿਟ ਰਿਮਾਂਡ' ਦਿੰਦਾ ਹਾਂ ਤੇ ਇਹ ਸਮਾਂ 7 ਵਜੇ ਸ਼ਾਮ ਨੂੰ ਸ਼ੁਰੂ ਹੋਵੇਗਾ।''
ਸਾਈਂ ਕੋਲੋਂ ਨਕਦੀ ਬਰਾਮਦ
ਪੁਲਿਸ ਅਨੁਸਾਰ ਸਾਈਂ ਕੋਲੋਂ 2.61 ਲੱਖ ਰੁਪਏ ਦੀ ਰਾਸ਼ੀ ਵੀ ਬਰਾਮਦ ਹੋਈ ਹੈ ਅਤੇ ਭਗਤ ਹਨੂੰਮਾਨ ਦੇ ਕੋਲੋਂ 13500 ਰੁਪਏ ਫੜੇ ਗਏ ਹਨ। ਇਸ ਦੇ ਨਾਲ ਹੀ ਨਰਾਇਣ ਸਾਈਂ ਤੋਂ 6 ਮੋਬਾਈਲ ਤੇ ਕੁਝ ਸਿਮ ਕਾਰਡ ਵੀ ਫੜੇ ਗਏ ਹਨ। ਗੱਡੀ ਵਿਚੋਂ ਸਟੋਵ ਅਤੇ ਬਰਤਨ ਵੀ ਬਰਾਮਦ ਹੋਏ ਹਨ। ਇਸ ਤੋਂ ਇਲਾਵਾ ਡਰਾਈ ਫਰੂਟ ਵੀ ਬਰਾਮਦ ਹੋਇਆ ਹੈ।
ਨਰਾਇਣ ਸਾਈਂ ਨੂੰ ਲੁਧਿਆਣਾ ਆਸ਼ਰਮ ਤੋਂ ਗ੍ਰਿਫ਼ਤਾਰ ਕੀਤਾ ਗਿਆ?
ਲੁਧਿਆਣਾ, 4 ਦਸੰਬਰ (ਪਰਮੇਸ਼ਰ ਸਿੰਘ)-ਭਾਵੇਂ ਦਿੱਲੀ ਪੁਲਿਸ ਦੇ ਅਧਿਕਾਰੀ ਨਰਾਇਣ ਸਾਈਂ ਨੂੰ ਹਰਿਆਣਾ ਦੇ ਪਿੱਪਲੀ ਨੇੜਿਉਂ ਗ੍ਰਿਫ਼ਤਾਰ ਕੀਤਾ ਦੱਸ ਰਹੇ ਹਨ ਪਰ ਸੂਤਰਾਂ ਮੁਤਾਬਕ ਉਸ ਨੂੰ ਆਸਾ ਰਾਮ ਦੇ ਲੁਧਿਆਣਾ ਨੇੜੇ ਪਿੰਡ ਜਸਪਾਲ ਬਾਂਗਰ ਵਿਖੇ ਸਥਿਤ ਆਸ਼ਰਮ ਤੋਂ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਦਿੱਲੀ ਪੁਲਿਸ ਦੇ ਅਧਿਕਾਰੀਆਂ ਨੇ ਇਸ ਗੱਲ ਦੀ ਭਿਣਕ ਲੁਧਿਆਣਾ ਪੁਲਿਸ ਨੂੰ ਨਹੀਂ ਪੈਣ ਦਿੱਤੀ, ਤਾਂ ਜੋ ਗ੍ਰਿਫ਼ਤਾਰੀ ਦਾ ਸਿਹਰਾ ਕਿਤੇ ਲੁਧਿਆਣਾ ਪੁਲਿਸ ਹੀ ਨਾ ਲੈ ਜਾਵੇ। ਆਸ਼ਰਮ ਦੇ ਆਸ-ਪਾਸ ਖੇਤੀ ਕਰਨ ਵਾਲੇ ਪਿੰਡ ਜਸਪਾਲ ਬਾਂਗਰ, ਹਰਨਾਮਪੁਰਾ ਅਤੇ ਸੰਗੋਵਾਲ ਦੇ ਕੁਝ ਕਿਸਾਨਾਂ ਨੇ ਦੱਸਿਆ ਕਿ ਪਿਛਲੇ ਕਰੀਬ ਇਕ ਮਹੀਨੇ ਤੋਂ ਅਕਸਰ ਸਾਦੇ ਕਪੜਿਆਂ ਵਿਚ ਕੁਝ ਲੋਕ, ਜਿਹੜੇ ਕੱਦਕਾਠ ਤੇ ਹਾਵਭਾਵ ਤੋਂ ਪੁਲਿਸ ਵਾਲੇ ਜਾਪਦੇ ਸਨ, ਇਸ ਆਸ਼ਰਮ ਦੇ ਆਲ਼ੇ ਦੁਆਲ਼ੇ ਚੱਕਰ ਕੱਟਦੇ ਵੇਖੇ ਗਏ ਸਨ। ਇਨ੍ਹਾਂ ਕਿਸਾਨਾਂ ਦਾ ਇਹ ਵੀ ਕਹਿਣਾ ਹੈ ਕਿ ਇਸ ਆਸ਼ਰਮ ਦੇ ਪ੍ਰਬੰਧਕਾਂ ਵੱਲੋਂ ਚਲਾਈ ਜਾ ਰਹੀ ਗਊਸ਼ਾਲਾ ਵਿਚ ਪਿਛਲੇ ਇਕ ਹਫ਼ਤੇ ਤੋਂ ਲੁਧਿਆਣਾ ਸ਼ਹਿਰ ਦੇ ਕੁੱਝ ਰਸੂਖਦਾਰ ਵਿਅਕਤੀਆਂ ਅਤੇ ਕਾਰੋਬਾਰੀਆਂ ਦਾ ਆਉਣਾ-ਜਾਣਾ ਵਧ ਗਿਆ ਸੀ ਤੇ ਸੰਭਵ ਹੈ ਕਿ ਇਹ ਲੋਕ ਨਰਾਇਣ ਸਾਈਂ ਨੂੰ ਮਿਲਣ ਹੀ ਆ ਰਹੇ ਹੋਣ, ਜੋ ਕਿ ਪਿਛਲੇ ਦੋ ਹਫ਼ਤੇ ਤੋਂ ਇਸ ਆਸ਼ਰਮ ਵਿਚ ਠਹਿਰਿਆ ਹੋਇਆ ਦੱਸਿਆ ਗਿਆ ਹੈ। ਦੂਜੇ ਪਾਸੇ ਲੁਧਿਆਣਾ ਪੁਲਿਸ ਦੇ ਅਧਿਕਾਰੀਆਂ ਨੇ ਇਸ ਮਾਮਲੇ ਵਿਚ ਕੁਝ ਵੀ ਕਹਿਣ ਤੋਂ ਇਨਕਾਰ ਕਰ ਦਿੱਤਾ ਹੈ।



<< Start < Prev 1 2 3 4 5 6 7 8 9 10 Next > End >>

ਮੁੱਖ ਖ਼ਬਰਾਂ : 

ਖੇਡ ਖ਼ਬਰਾ : 

ਅੰਤਰਰਾਸ਼ਟਰੀ ਖ਼ਬਰਾ : 

ਪੰਜਾਬ ਖ਼ਬਰਾਂ : 

ਨਵੇਂ ਲੇਖ : 

 

 

Random Video 

Receive Newsletter & Updates 

Sample Newsletter


Receive HTML?

Advertisement
Advertisement
Advertisement
maillot de foot pas cher maillot de foot pas cher maillot de foot pas cher maillot de foot pas cher maillot de foot pas cher scarpe nike air max outlet scarpe nike air max outlet scarpe nike air max outlet scarpe nike air max outlet scarpe nike air max outlet scarpe nike air max outlet nike tn pas cher nike tn pas cher nike tn pas cher nike tn pas cher air max pas cher air max pas cher stone island outlet stone island outlet stone island outlet stone island outlet stone island outlet stone island outlet barbour paris barbour paris barbour paris barbour paris barbour paris piumini peuterey outlet piumini peuterey outlet piumini peuterey outlet piumini peuterey outlet piumini peuterey outlet canada goose pas cher canada goose pas cher canada goose pas cher canada goose pas cher canada goose pas cher canada goose pas cher woolrich outlet online piumini woolrich outlet moncler outlet online moncler outlet piumini moncler outlet moncler outlet online peuterey outlet online peuterey outlet pop canvas art mcm outlet online moose knuckles outlet