ਮੁੱਖ ਖ਼ਬਰਾਂ 
ਨਿਊਯਾਰਕ ਵਿੱਚ ਅੰਮ੍ਰਿਤਧਾਰੀ
ਸਿੱਖ ’ਤੇ ਨਸਲੀ ਹਮਲਾ


ਸ਼ਿਕਾਗੋ­ 16 ਦਸੰਬਰ - ਕੋਲੰਬੀਆ ਯੂਨੀਵਰਸਿਟੀ ਦੇ ਇਕ ਸਿੱਖ ਪ੍ਰੋਫੈਸਰ ਉਤੇ ਹੋਏ ਨਸਲੀ ਹਮਲੇ ਦੀ ਅਜੇ ਗੱਲ ਠੰਢੀ ਨਹੀਂ ਹੋਈ ਸੀ ਕਿ ਮਿੰਨੀ ਪੰਜਾਬ ਵਜੋਂ ਜਾਣੇ ਜਾਂਦੇ ਨਿਊਯਾਰਕ ਦੇ ਰਿਚਮੰਡ ਹਿੱਲ ਇਲਾਕੇ ਵਿੱਚ ਇਕ ਹੋਰ ਅਜਿਹੀ ਘਟਨਾ ਵਾਪਰ ਗਈ ਹੈ। ਹਰਜਿੰਦਰ ਸਿੰਘ ਨਾਂ ਦੇ ਇਕ  ਅੰਮ੍ਰਿਤਧਾਰੀ ਵਿਅਕਤੀ ’ਤੇ ਤਿੰਨ ਸਿਰਫਿਰੇ ਅਮਰੀਕੀਆਂ ਨੇ ਬੰਦੂਕਾਂ ਤਾਣ ਦਿੱਤੀਆਂ।  ਪ੍ਰਾਪਤ ਜਾਣਕਾਰੀ ਮੁਤਾਬਕ ਹਰਜਿੰਦਰ ਸਿੰਘ (58 ਸਾਲ) ਜਦੋਂ ਰਾਤ ਨੂੰ ਦਸ ਕੁ ਵਜੇ 101 ਐਵੇਨਿਊ ਅਤੇ 117 ਸਟਰੀਟ ਉਤੇ ਸਥਿਤ ਮਸ਼ਹੂਰ ਕਰਿਆਨਾ ਸਟੋਰ ‘ਸਿੰਘ ਫਾਰਮ’ ਤੋਂ ਕੰਮ ਬਾਅਦ ਆਪਣੇ ਘਰ ਨੂੰ ਜਾ ਰਿਹਾ ਸੀ ਤਾਂ ਤਿੰਨ ਅਮਰੀਕੀਆਂ ਨੇ ਉਸ ਨੂੰ ਘੇਰ ਲਿਆ ਅਤੇ ‘ਓਸਾਮਾ-ਓਸਾਮਾ’ ਕਹਿ ਕੇ ਰੌਲਾ ਪਾਉਣਾ ਸ਼ੁਰੂ ਕਰ ਦਿੱਤਾ। ਹਰਜਿੰਦਰ ਸਿੰਘ ਮੁਤਾਬਕ ਇਕ ਵਿਅਕਤੀ ਨੇ ਉਨ੍ਹਾਂ ਵੱਲ ਬੰਦੂਕ ਤਾਣ ਦਿੱਤੀ। ਹਰਜਿੰਦਰ ਸਿੰਘ ਦੇ ਹੱਥ ਵਿੱਚ  ਇਕ ਬੈਗ ਸੀ। ਉਨ੍ਹਾਂ ਨੇ ਆਪਣੇ ਬਚਾਅ ਲਈ ਇਹ ਬੈਗ ਉਸ ਵਿਅਕਤੀ ਦੇ ਪਿਸਤੌਲ ’ਤੇ ਮਾਰਿਆ। ਉਨ੍ਹਾਂ ਦੱਸਿਆ ਕਿ ਫਿਰ ਦੂਜੇ ਵਿਅਕਤੀ ਨੇ ਵੀ ਬੰਦੂਕ ਕੱਢ ਲਈ ਪਰ ਉਸ ਨੇ ਆਪਣੇ ਬਚਾਅ ਲਈ ਆਪਣੇ ਹੱਥ ਵਿੱਚ ਫੜਿਆ ਝੋਲਾ ਘੁਮਾਇਆ ਅਤੇ ਰੌਲਾ ਵੀ ਪਾਇਆ। ਉਨ੍ਹਾਂ ਦੀ ਐਨਕ ਡਿੱਗ ਗਈ ਪਰ ਉਨ੍ਹਾਂ ਨੇ ਦਸਤਾਰ ਬਚਾਅ ਲਈ। ਹਰਜਿੰਦਰ ਸਿੰਘ ਨੇ ਦੱਸਿਆ ਕਿ ਕੁਝ ਲੋਕਾਂ ਨੂੰ ਉਨ੍ਹਾਂ ਵੱਲ ਆਉਂਦਿਆਂ ਵੇਖ ਕੇ ਹਮਲਾਵਰ ਉਸ ਨੂੰ ‘ਓਸਾਮਾ-ਓਸਾਮਾ ਗੋ ਬੈਕ, ਗੋ ਬੈਕ’ ਕਹਿੰਦਿਆਂ ਚਲੇ ਗਏ। ਹਮਲਾਵਾਰਾਂ ਨੇ ਹਰਜਿੰਦਰ ਸਿੰਘ ਕੋਲੋਂ ਪੈਸੇ ਆਦਿ ਦੀ ਮੰਗ ਨਹੀਂ ਕੀਤੀ। ਉਨ੍ਹਾਂ ਕਿਹਾ ਕਿ ਇਹ ਨਸਲੀ ਹਮਲਾ ਸੀ। ਨਿਊਯਾਰਕ ਪੁਲੀਸ ਨੇ ਇਸ ਸਬੰਧੀ ਰਿਪੋਰਟ ਦਰਜ ਕਰ ਲਈ ਹੈ।
ਨੈਲਸਨ ਮੰਡੇਲਾ ਨੂੰ ਅੰਤਿਮ ਵਿਦਾਇਗੀ

ਕੁਨੂ (ਦੱਖਣੀ ਅਫਰੀਕਾ), 16 ਦਸੰਬਰ - ਨਸਲਭੇਦ ਵਿਰੋਧੀ ਵਿਸ਼ਵ ਆਗੂ ਅਤੇ ਦੱਖਣੀ ਅਫਰੀਕਾ ਦੇ ਪਹਿਲੇ ਕਾਲੇ ਰਾਸ਼ਟਰਪਤੀ ਨੈਲਸਨ ਮੰਡੇਲਾ, ਜਿਨ੍ਹਾਂ ਦਾ 5 ਦਸੰਬਰ ਨੂੰ 95 ਸਾਲ ਦੀ ਉਮਰ ਵਿਚ ਲੰਬੀ ਬਿਮਾਰੀ ਪਿੱਛੋਂ ਦਿਹਾਂਤ ਹੋ ਗਿਆ ਸੀ ਨੂੰ ਅੱਜ ਜੋਹਾਨਸਬਰਗ ਤੋਂ 700 ਕਿਲੋਮੀਟਰ ਦੂਰ ਉਨ੍ਹਾਂ ਦੇ ਜੱਦੀ ਪਿੰਡ ਕੁਨੂ ਵਿਚ ਸਰਕਾਰੀ ਸਨਮਾਨਾਂ ਨਾਲ ਹੰਝੂਆਂ ਭਰੀ ਅੰਤਿਮ ਵਿਦਾਇਗੀ ਦਿੱਤੀ ਗਈ | ਅੰਤਿਮ ਵਿਦਾਇਗੀ ਮੌਕੇ ਮਹਾਨ ਆਗੂ ਨੂੰ 21 ਤੋਪਾਂ ਵੱਲੋਂ ਹਵਾ ਵਿਚ ਗੋਲੇ ਦਾਗ਼ ਕੇ ਸਲਾਮੀ ਦਿੱਤੀ ਗਈ | ਹਜ਼ਾਰਾਂ ਮਹਿਮਾਨ ਜਿਨ੍ਹਾਂ 'ਚੋਂ ਕੁਝ ਗਾ ਰਹੇ ਅਤੇ ਨੱਚ ਰਹੇ ਸਨ ਮੰਡੇਲਾ ਪਰਿਵਾਰ ਦੇ ਖੇਤਾਂ 'ਚ ਲਾਏ ਵੱਡੇ ਤੰਬੂ 'ਚ ਇਕੱਤਰ ਹੋਏ ਸਨ | ਜਦੋਂ ਮੰਡੇਲਾ ਦੇ ਤਾਬੂਤ ਨੂੰ ਦਫਨਾਉਣ ਦੀਆਂ ਰਸਮਾਂ ਸ਼ੁਰੂ ਹੋਈਆਂ ਤਾਂ ਉਨ੍ਹਾਂ ਨੇ ਭਾਵਨਾਤਮਿਕ ਪੇਸ਼ਕਾਰੀ ਨਾਲ ਕੌਮੀ ਗੀਤ ਗਾਇਆ ਜਿਸ ਦੌਰਾਨ ਮਾਤਮ ਮਨਾ ਰਹੇ ਕੁਝ ਲੋਕਾਂ ਨੇ ਆਪਣੀਆਂ ਛਾਤੀਆਂ ਪਿੱਟੀਆਂ | ਮੰਡੇਲਾ ਦਾ ਇਕ ਵੱਡਾ ਚਿੱਤਰ ਉਨ੍ਹਾਂ ਦੇ ਯਾਦਗਾਰੀ ਜੀਵਨ ਦੇ ਹਰੇਕ ਸਾਲ ਨੂੰ ਪੇਸ਼ ਕਰਦਾ 95 ਮੋਮਬੱਤੀਆਂ ਦੇ ਸਮੂਹ ਪਿੱਛੇ ਮਾਤਮੀ ਸਮਾਗਮ ਲਈ ਲਾਏ ਚਿੱਟੇ ਰੰਗ ਦੇ ਤੰਬੂ ਉੱਪਰ ਲਾਇਆ ਹੋਇਆ ਸੀ | ਕੌਮੀ ਝੰਡੇ ਵਿਚ ਲਪੇਟਿਆ ਮੰਡੇਲਾ ਦਾ ਤਾਬੂਤ ਦੱਖਣੀ ਅਫਰੀਕਾ ਦੀ ਦੇਸੀ ਗਾਂ ਦੀਆਂ ਖੱਲਾਂ ਤੋਂ ਬਣਾਏ ਕਾਰਪਿਟ 'ਤੇ ਰੱਖਿਆ ਗਿਆ ਸੀ ਅਤੇ ਕੋਲ ਬਣਾਏ ਮੰਚ 'ਤੇ ਬੁਲਾਰਿਆਂ ਨੇ ਨੈਲਸਨ ਮੰਡੇਲਾ ਦੇ ਕਸੀਦੇ ਪੜ੍ਹੇ | ਸੱਤਾਧਾਰੀ ਅਫਰੀਕਨ ਨੈਸ਼ਨਲ ਕਾਂਗਰਸ ਦੇ ਉਪ ਪ੍ਰਧਾਨ ਸੀਰਿਲ ਰਾਮਾਫੋਸਾ ਨੇ ਕਿਹਾ ਕਿ ਉਨ੍ਹਾਂ ਦਾ ਖਿਆਲ ਹੈ ਕਿ ਅਸੀਂ ਸਾਰੇ ਇਸ ਗੱਲ ਨਾਲ ਸਹਿਮਤ ਹੋਵਾਂਗੇ ਕਿ ਜਿਸ ਨੂੰ ਇਥੇ ਦਫਨਾਇਆ ਜਾ ਰਿਹਾ ਹੈ ਉਹ ਦੱਖਣੀ ਅਫਰੀਕਾ ਦੇ ਸਭ ਤੋਂ ਮਹਾਨ ਪੁੱਤਰ ਹੈ | ਮੰਡੇਲਾ ਦੇ ਪਰਿਵਾਰ ਦੇ ਪ੍ਰਤੀ ਨਿਧ ਗੈਂਗੋਮਹਲਾਬਾ ਮੈਟਨਜ਼ੀਮਾ ਨੇ ਸੈਨਿਕ ਡਾਕਟਰਾਂ ਦਾ ਧੰਨਵਾਦ ਕੀਤਾ ਜਿਹੜੇ ਉਨ੍ਹਾਂ ਦੇ ਹਸਪਤਾਲ 'ਚ ਦਾਖਲ ਹੋਣ ਦੌਰਾਨ ਤੇ ਆਪਣੇ ਜੀਵਨ ਦੇ ਆਖਰੀ ਮਹੀਨਿਆਂ ਦੌਰਾਨ ਉਨ੍ਹਾਂ ਦਾ ਇਲਾਜ ਕਰ ਰਹੀ ਡਾਕਟਰਾਂ ਦੀ ਟੀਮ ਦੇ ਹਿੱਸਾ ਸਨ | ਮੰਡੇਲਾ ਦੀ ਵਿਧਵਾ ਗਰੇਸ ਮੈਕਲ ਅਤੇ ਉਨ੍ਹਾਂ ਦੀ ਦੂਸਰੀ ਪਤਨੀ ਵਿਨੀ ਮਡੀਕੀਜ਼ੇਲਾ-ਮੰਡੇਲਾ ਨੇ ਕਾਲੇ ਰੰਗ ਦੇ ਕੱਪੜੇ ਪਾਏ ਹੋਏ ਸਨ ਅਤੇ ਉਹ ਦੱਖਣੀ ਅਫਰੀਕਾ ਦੇ ਰਾਸ਼ਟਰਪਤੀ ਜੈਕਬ ਜ਼ਿਊਮਾ ਦੇ ਨਾਲ ਬੈਠੀਆਂ ਹੋਈਆਂ ਸਨ | ਮਹਿਮਾਨਾਂ ਵਿਚ ਅਫਰੀਕਨ ਨੈਸ਼ਨਲ ਕਾਂਗਰਸ ਦੇ ਫ਼ੌਜੀ ਇਕਾਈ ਦੇ ਆਗੂ, ਅਮਰੀਕਾ ਦੇ ਰਾਜਦੂਤ ਪੈਟਰਿਕ ਗੈਸਪਰਡ ਅਤੇ ਦੂਸਰੇ ਦੇਸ਼ਾਂ ਦੇ ਰਾਜਦੂਤ ਸ਼ਾਮਿਲ ਸਨ | ਇਸ ਮੌਕੇ ਬਰਤਾਨੀਆਂ ਦੇ ਸ਼ਹਿਜ਼ਾਦਾ ਚਾਰਲਸ, ਅਰਬਪਤੀ ਵਪਾਰੀ ਰਿਚਰਡ ਬਰੈਨਸਨ ਅਤੇ ਜ਼ਿੰਬਾਬਵੇ ਦੇ ਸਾਬਕਾ ਪ੍ਰਧਾਨ ਮੰਤਰੀ ਮੋਰਗਨ ਸਵਾਂਗਿਰਾਏ ਵੀ ਮੌਜੂਦ ਸਨ | ਇਸ ਤੋਂ ਪਹਿਲਾਂ ਦੱਖਣੀ ਅਫਰੀਕਾ ਦੀ ਫ਼ੌਜ, ਜਲ ਸੈਨਾ ਅਤੇ ਹਵਾਈ ਸੈਨਾ ਨੇ ਗਾਰਡ ਆਫ ਆਨਰ ਪੇਸ਼ ਕੀਤਾ | ਕੌਮੀ ਝੰਡੇ 'ਚ ਲਪੇਟਿਆ ਮੰਡੇਲਾ ਦਾ ਤਾਬੂਤ ਫ਼ੌਜੀ ਗੱਡੀ ਰਾਹੀਂ ਤੰਬੂ 'ਚ ਲਿਜਾਇਆ ਗਿਆ | ਨੈਲਸਨ ਮੰਡੇਲਾ ਦੇ ਮਿ੍ਤਕ ਦੇਹ ਨੂੰ ਦਫਨਾਉਣ ਨਾਲ 10 ਦਿਨਾਂ ਦੇ ਮਾਤਮੀ ਸਮਾਗਮ ਖਤਮ ਹੋ ਗਏ ਹਨ ਜਿਨ੍ਹਾਂ ਵਿਚ ਜੋਹਾਨਸਬਰਗ 'ਚ ਫੁੱਟਬਾਲ ਸਟੇਡੀਅਮ ਵਿਚ ਵੱਡੀ ਸ਼ੋਕ ਸਭਾ ਵੀ ਸ਼ਾਮਿਲ ਹੈ | ਮੰਡੇਲਾ ਦਾ ਤਾਬੂਤ ਸਨਿਚਰਵਾਰ ਰਾਜਧਾਨੀ ਤੋਂ ਪਿੰਡ ਲਿਆਂਦਾ ਗਿਆ ਸੀ | ਤਾਬੂਤ ਦੇ ਨਾਲ ਪੁਲਿਸ, ਫ਼ੌਜ ਅਤੇ ਦੂਸਰੀਆਂ ਮੋਟਰ ਗੱਡੀਆਂ ਦਾ ਕਾਫ਼ਲਾ ਆਇਆ ਸੀ | ਰੰਗਭੇਦ ਵਿਰੁੱਧ ਅੰਦੋਲਨ ਬਦਲੇ 27 ਸਾਲ ਜੇਲ੍ਹ ਵਿਚ ਗੁਜ਼ਾਰਨ ਪਿੱਛੋਂ ਜਦੋਂ ਨੈਲਸਨ ਮੰਡੇਲਾ ਦੱਖਣੀ ਅਫਰੀਕਾ ਨੂੰ ਲੋਕਤੰਤਰ ਵੱਲ ਲਿਜਾਣ ਦੀ ਅਗਵਾਈ ਕਰਨ ਲਈ ਸਾਹਮਣੇ ਆਏ ਤਾਂ ਦੱਖਣੀ ਅਫਰੀਕਾ ਦੇ ਕਈ ਲੋਕਾਂ ਨੇ ਡਰ ਜ਼ਾਹਿਰ ਕੀਤਾ ਸੀ ਕਿ ਉਨ੍ਹਾਂ ਦਾ ਦੇਸ਼ ਨਸਲੀ ਜੰਗ ਵਿਚ ਫਸ ਜਾਵੇਗਾ ਪਰ ਅਜਿਹਾ ਕੁਝ ਨਹੀਂ ਹੋਇਆ ਅਤੇ ਉਹ 1994 ਦੀਆਂ ਪਹਿਲੀਆਂ ਬਹੁਨਸਲੀ ਚੋਣਾਂ ਪਿੱਛੋਂ ਪਹਿਲੇ ਕਾਲੇ ਰਾਸ਼ਟਰਪਤੀ ਬਣੇ |

ਭਾਰਤ ਮੁੜ ਵਿਸ਼ਵ ਕਬੱਡੀ ਚੈਂਪੀਅਨ
ਫਾਈਨਲ ਵਿੱਚ ਪਾਕਿਸਤਾਨ ਤੋਂ 48-39 ਅੰਕਾਂ ਜੇਤੂ

ਲੁਧਿਆਣਾ, 15 ਦਸੰਬਰ - ਚੌਥੇ ਵਿਸ਼ਵ ਕਬੱਡੀ ਕੱਪ ਦੇ ਇੱਥੇ ਹੋਏ ਬੇਹੱਦ ਫਸਵੇਂ ਤੇ ਰੌਚਿਕ ਫਾਈਨਲ ਮੁਕਾਬਲੇ ਵਿਚ ਪਾਕਿਸਤਾਨ ਨੂੰ ਹਰਾ ਕੇ ਭਾਰਤੀ ਗੱਭਰੂਆਂ ਨੇ ਲਗਾਤਾਰ ਚੌਥੀ ਵਾਰ ਵਿਸ਼ਵ ਕਬੱਡੀ ਕੱਪ ਜਿੱਤਣ ਦਾ ਮਾਣ ਹਾਸਲ ਕੀਤਾ। ਆਖਰੀ ਸੀਟੀ ਵੱਜਣ ਮੌਕੇ ਭਾਰਤ ਦੇ 48 ਅੰਕ ਅਤੇ ਪਾਕਿਸਤਾਨ ਦੇ  39 ਅੰਕ ਸਨ। ਟੂਰਨਾਮੈਂਟ ਵਿੱਚ ਅਮਰੀਕਾ ਤੀਜੇ ਸਥਾਨ ’ਤੇ ਰਿਹਾ।ਫਾਈਨਲ ਮੈਚ ਦਾ ਪਹਿਲਾ ਅੰਕ ਹਾਸਲ ਕਰਕੇ ਪਾਕਿਸਤਾਨ ਦੀ ਟੀਮ ਨੇ ਧਮਾਕੇਦਾਰ ਸ਼ੁਰੂਆਤ ਕੀਤੀ ਤੇ ਇਕ ਇਕ ਅੰਕ ਲਈ ਸਖਤ ਮੁਕਾਬਲਾ ਵੇਖਣ ਨੂੰ ਮਿਲਿਆ। ਪਹਿਲੇ ਥੋੜ੍ਹ ਚਿਰੇ ਠਹਿਰਾਅ ਤੱਕ ਦੋਵੇਂ ਟੀਮਾਂ 11-11 ਅੰਕਾਂ ਨਾਲ ਬਰਾਬਰ ਸਨ ਤੇ ਖਚਾਖਚ ਭਰੇ ਗੁਰੂ ਨਾਨਕ ਸਟੇਡੀਅਮ ਵਿਚ ਪੰਜਬ ਦੇ ਕੋਨੇ ਕੋਨੇ ਤੋਂ ਪਹੁੰਚੇ ਕਬੱਡੀ ਪ੍ਰੇਮੀ ਦਰਸ਼ਕ ਉਸ ਵੇਲੇ ਹੈਰਾਨ ਰਹਿ ਗਏ ਜਦੋਂ ਪਾਕਿਸਤਾਨ ਦੇ ਜਾਫ਼ੀ ਨੇ ਭਾਰਤੀ ਟੀਮ ਦੇ ਕਪਤਾਨ ਤੇ ਚੋਟੀ ਦੇ ਧਾਵੀ ਸੁਖਬੀਰ ਸਰਾਵਾਂ ਨੂੰ ਜੱਫਾ ਮਾਰ ਕੇ ਪਾੜੇ ਦੀ ਟੱਚ ਲਾਈਨ ਤੋਂ ਕੁੱਝ ਫੁੱਟ ਉਰ੍ਹਾਂ ਹੀ ਰੋਕ ਕੇ ਅੰਕ ਆਪਣੇ ਹੱਕ ਵਿਚ ਕਰ ਲਿਆ।ਦੋਵਾਂ ਟੀਮਾਂ ਵੱਲੋਂ ਇਕ ਇਕ ਅੰਕ ਲਈ ਕੀਤੀ ਜਾ ਰਹੀ ਜੀਅ ਤੋੜ ਕੋਸ਼ਿਸ਼ ਦਾ ਨਤੀਜਾ ਸੀ ਕਿ ਪਹਿਲੇ ਅੱਧ ਵਿਚ ਭਾਰਤ ਦੇ 23 ਅਤੇ ਪਾਕਿਸਤਾਨ ਦੇ 21 ਅੰਕ ਸਨ।  ਦੂਜੇ ਅੱਧ ਦੌਰਾਨ ਵੀ ਮੁਕਾਬਲਾ ਬੇਹੱਦ ਸਖਤ ਰਿਹਾ ਅਤੇ ਤਿੰਨ-ਚਾਰ ਕੌਡੀਆਂ ਤੋਂ ਬਾਅਦ ਹੀ ਦੋਵੇਂ ਟੀਮਾਂ 25-25 ਅੰਕਾਂ ਦੀ ਬਰਾਬਰੀ ’ਤੇ ਪਹੁੰਚ ਗਈਆਂ। ਥੋੜ੍ਹੀ ਦੇਰ ਬਾਅਦ ਹੀ ਭਾਰਤੀ ਖਿਡਾਰੀਆਂ ਨੇ ਆਪਣੀ ਚੁਸਤੀ ਫੁਰਤੀ ਨਾਲ ਸਕੋਰ ਬੋਰਡ 29-26 ’ਤੇ ਲੈ ਆਂਦਾ ਪਰ ਪਾਕਿਸਤਾਨ ਦੇ ਖਿਡਾਰੀਆਂ ਨੇ ਮੁੜ ਹੰਭਲਾ ਮਾਰ ਕੇ ਇਸ ਨੂੰ 29-30 ਕਰ ਦਿੱਤਾ ਲੇਕਿਨ ਉਚੇ ਲੰਮੇ ਤੇ ਫੁਰਤੀਲੇ ਭਾਰਤੀ ਪੰਜਾਬੀ ਗੱਭਰੂਆਂ ਅੱਗੇ ਪਾਕਿਸਤਾਨ ਦੇ ਖਿਡਾਰੀਆਂ ਦੀ ਪੇਸ਼ ਨਾ ਚੱਲੀ ਤੇ ਜਿਉਂ ਜਿਉਂ ਮੈਚ ਸਮਾਪਤੀ ਵੱਲ ਵਧਿਆ ਉਵੇਂ ਹੀ ਭਾਰਤੀ ਟੀਮ ਦੇ ਅੰਕ ਵੀ ਵਧਦੇ ਗਏ।ਦਰਸ਼ਕਾਂ ਨੇ ਆਪਣੇ ਹੱਥਾਂ ਵਿਚ ‘ਚੁੰਘਦੇ ਆ ਬੂਰੀਆਂ ਤੇ ਖੇਡਦੇ ਕਬੱਡੀ’, ‘‘ਗੱਭਰੂ ਪੁੱਤ ਪੰਜਾਬ ਤੇ ਠੱਲ੍ਹ ਲੈਂਦੇ ਦਰਿਆ’’ ਵਰਗੇ ਨਾਹਰਿਆਂ ਵਾਲੇ ਬੈਨਰ ਫੜੇ ਹੋਏ ਸਨ। ਸਰਵੋਤਮ ਧਾਵੀ ਬਲਬੀਰ ਦੁੱਲਾ ਤੇ ਸਰਵੋਤਮ ਜਾਫ਼ੀ ਬਲਬੀਰ ਪਾਲਾ ਨੂੰ ਪ੍ਰੀਤ ਟ੍ਰੈਕਟਰ ਇਨਾਮ ਵਜੋਂ ਦਿੱਤੇ ਗਏ।ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਅਤੇ ਉਪ ਮੁਖ ਮੰਤਰੀ ਸੁਖਬੀਰ ਸਿੰਘ ਬਾਦਲ ਨੇ ਅੱਧੇ ਸਮੇਂ ਦੌਰਾਨ ਆਪਣੇ ਭਾਸ਼ਣ ’ਚ ਲਹਿੰਦੇ ਪੰਜਾਬ ਦੇ ਮੁੱਖ ਮੰਤਰੀ ਸ਼ਾਹਬਾਜ਼ ਸ਼ਰੀਫ਼ ਵੱਲੋਂ ਲਾਹੌਰ ਵਿਖੇ ਕਬੱਡੀ ਕੱਪ ਕਰਾਉਣ ਦੇ ਸੁਝਾਅ ਦਾ ਜ਼ੋਰਦਾਰ ਸਵਾਗਤ ਕਰਦਿਆਂ ਕਿਹਾ ਕਿ ਉਨ੍ਹਾਂ ਨੂੰ ਬੇਹੱਦ ਮਾਣ ਮਹਿਸੂਸ ਹੋ ਰਿਹਾ ਹੈ ਕਿ ਸਾਡੀ ਮਾਂ ਖੇਡ ਕਬੱਡੀ ਅੱਜ ਦੋਵਾਂ ਮੁਲਕਾਂ ਦੀ ਕੁੜੱਤਣ ਦੂਰ ਕਰਕੇ ਸਰਹੱਦਾਂ ਦੇ ਆਰ-ਪਾਰ ਵਸਦੇ ਪੰਜਾਬੀਆਂ ਨੂੰ ਇਕ ਸਾਂਝੇ ਮੈਦਾਨ ਵਿਚ ਇਕੱਠਾ ਕਰ ਰਹੀ ਹੈ।ਜੇਤੂ ਟੀਮਾਂ ਅਤੇ ਸਰਵੋਤਮ ਖਿਡਾਰੀਆਂ ਨੂੰ ਇਨਾਮਾਂ ਦੀ ਵੰਡ ਮੁੱਖ ਮਹਿਮਾਨ ਸ਼ਾਹਬਾਜ਼ ਸ਼ਰੀਫ਼, ਪ੍ਰਕਾਸ਼ ਸਿੰਘ ਬਾਦਲ ਅਤੇ ਸੁਖਬੀਰ ਸਿੰਘ ਬਾਦਲਨੇ ਸਾਂਝੇ ਤੌਰ ’ਤੇ ਕੀਤੀ।   ਭਾਰਤੀ ਟੀਮ ਨੂੰ 2 ਕਰੋੜ ਅਤੇ ਪਾਕਿਸਤਾਨ ਦੀ ਟੀਮ ਨੂੰ ਇਕ ਕਰੋੜ ਰੁਪਏ ਦੇ ਇਨਾਮੀ ਚੈਕ ਭੇਟ ਕੀਤੇ ਗਏ ਜਦਕਿ ਤੀਜੇ ਨੰਬਰ ’ਤੇ ਰਹੀ ਅਮਰੀਕਾ ਦੀ ਟੀਮ ਨੂੰ 25 ਲੱਖ ਰੁਪਏ ਦਾ ਇਨਾਮ ਦਿੱਤਾ ਗਿਆ। ਔਰਤਾਂ ਦੀ ਜੇਤੂ ਅਤੇ ਉਪ ਜੇਤੂ ਟੀਮਾਂ ਨੂੰ ਵੀ ਤਗ਼ਮੇ, ਕੱਪ ਤੇ ਨਕਦ ਇਨਾਮ ਭੇਟ ਕੀਤੇ ਗਏ।
ਐਤਕੀਂ ਸਪਸ਼ਟ ਬਹੁਮਤ ਮਿਲਣ ਦੀ
ਸੰਭਾਵਨਾ ਨਹੀਂ: ਚਿਦੰਬਰਮ


ਮੁੰਬਈ, 15 ਦਸੰਬਰ -ਵਿੱਤ ਮੰਤਰੀ ਪੀ. ਚਿਦੰਬਰਮ ਨੇ ਅੱਜ ਕਿਹਾ ਕਿ 2014 ਦੀਆਂ ਲੋਕ ਸਭਾ ਚੋਣਾਂ ਵਿਚ ਕਿਸੇ ਵੀ ਪਾਰਟੀ ਨੂੰ ‘ਸਪਸ਼ਟ’ ਬਹੁਮਤ ਮਿਲਣ ਦੀ ਸੰਭਾਵਨਾ ਨਹੀਂ ਹੈ।ਇਥੇ ਐਨਆਈਈ ਦੀ 20ਵੀਂ ਵਰ੍ਹੇਗੰਢ ਮੌਕੇ ਪੈਨਲ ਡਿਸਕਸ਼ਨ ਦੌਰਾਨ ਉਨ੍ਹਾਂ ਕਿਹਾ, ‘‘ਮੈਨੂੰ ਨਹੀਂ ਲੱਗਦਾ ਕਿ 2014 ਦੀਆਂ ਲੋਕ ਸਭਾ ਚੋਣਾਂ ਦੇ ਨਤੀਜਿਆਂ ਮਗਰੋਂ ਸੰਸਦ  ਵਿਚ ‘ਸਪਸ਼ਟ ਬਹੁਮਤ’ ਵਾਲੀ ਸਰਕਾਰ ਬਣੇਗੀ। ਪਰ ਜੇਕਰ ਅਜਿਹਾ ਹੁੰਦਾ ਹੈ ਤਾਂ ਇਹ ਆਪਣੀਆਂ ਕਮਜ਼ੋਰੀਆਂ ਤੋਂ ਉਭਰਨ ਲਈ ਅਹਿਮ ਮੋੜ ਹੋਵੇਗਾ।’’ਲੋਕ ਸਭਾ ਚੋਣਾਂ ਅਗਲੇ ਵਰ੍ਹੇ ਮਈ ਤੱਕ ਹੋਣੀਆਂ ਹਨ। ਕੇਂਦਰ ਵਿਚ ਯੂਪੀਏ ਸਰਕਾਰ ਦੀ ਅਗਵਾਈ ਕਰਦੀ ਕਾਂਗਰਸ ਪਾਰਟੀ ਨੂੰ ਚਾਰ ਰਾਜਾਂ ਮੱਧ ਪ੍ਰਦੇਸ਼, ਰਾਜਸਥਾਨ, ਛੱਤੀਸਗੜ੍ਹ ਅਤੇ ਦਿੱਲੀ ਦੀਆਂ ਵਿਧਾਨ ਸਭਾ ਚੋਣਾਂ ਵਿਚ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ। ਸ੍ਰੀ ਚਿਦੰਬਰਮ ਨੇ ਅੱਗੇ ਕਿਹਾ ਕਿ ਇਸ ਸਮੇਂ ਭਾਰਤੀ ਲੋਕਤੰਤਰ ਕਮਜ਼ੋਰ ਪੜਾਅ ’ਚੋਂ ਲੰਘ ਰਿਹਾ ਹੈ। ਪਿਛਲੇ 60 ਸਾਲਾਂ ਦੌਰਾਨ ਭਾਰਤੀ ਲੋਕਤੰਤਰ ਦਾ ਇਹ ਸਭ ਤੋਂ ਕਮਜ਼ੋਰ ਸਮਾਂ ਹੈ।  ਉਨ੍ਹਾਂ ਕਿਹਾ ਕਿ ਸਾਡੇ ਅਦਾਰਿਆਂ ਦੀ ਵੱਧ ਪਹੁੰਚ ਕਰਕੇ ਕਾਰਜਪਾਲਿਕਾ ਵਿਚ ਵਿਘਨ ਪੈ ਰਿਹਾ ਹੈ, ਸੰਸਦ ਨੂੰ ਲਗਪਗ ਚੱਲਣ ਹੀ ਨਹੀਂ ਦਿੱਤਾ ਜਾ ਰਿਹਾ।
ਭਾਰਤੀ ਅਧਿਕਾਰੀ ਨੂੰ ਗਿ੍ਫ਼ਤਾਰ ਕਰਨ
'ਤੇ ਅਮਰੀਕੀ ਰਾਜਦੂਤ ਤਲਬ


ਨਵੀਂ ਦਿੱਲੀ, 14 ਦਸੰਬਰ - ਅਮਰੀਕਾ 'ਚ ਭਾਰਤੀ ਕੌਾਸਲਖਾਨੇ 'ਚ ਡਿਪਟੀ ਕੌਾਸਲ ਜਨਰਲ ਦੇਵਿਆਨੀ ਖੋਬਰਾਗਡੇ ਨੂੰ ਕੱਲ੍ਹ ਇਕ ਭਾਰਤੀ ਨਾਗਰਿਕ ਦੀ ਵੀਜ਼ਾ ਅਰਜ਼ੀ ਲਈ ਜਾਅਲੀ ਦਸਤਾਵੇਜ਼ ਪੇਸ਼ ਕਰਨ ਦੇ ਦੋਸ਼ 'ਚ ਗਿ੍ਫ਼ਤਾਰ ਕਰਨਾ ਨਾ ਸਵੀਕਾਰ ਕੀਤਾ ਜਾਣ ਵਾਲਾ ਕਹਿੰਦਿਆਂ ਅਤੇ ਆਪਣੀ ਨਾਖੁਸ਼ੀ ਪ੍ਰਗਟਾਉਣ ਲਈ ਵਿਦੇਸ਼ ਮੰਤਰਾਲੇ ਨੇ ਅੱਜ ਭਾਰਤ 'ਚ ਅਮਰੀਕਾ ਦੀ ਰਾਜਦੂਤ ਨੈਂਸੀ ਪਾਵੇਲ ਨੂੰ ਤਲਬ ਕੀਤਾ | ਡਿਪਟੀ ਕੌਾਸਲ ਜਨਰਲ ਦੇਵਿਆਨੀ ਖੋਬਰਾਗਡੇ ਨੂੰ ਲੋਕਾਂ ਸਾਹਮਣੇ ਗਿ੍ਫ਼ਤਾਰ ਕਰਨ 'ਤੇ ਸਖਤ ਪ੍ਰਤੀਕਰਮ ਤਹਿਤ ਵਿਦੇਸ਼ ਸਕੱਤਰ ਨੇ ਪਾਵੇਲ ਨੂੰ ਸਖਤ ਵਿਰੋਧ ਪ੍ਰਗਟਾਉਣ ਤੇ ਭਾਰਤੀ ਕੂਟਨੀਤਕ ਨੂੰ ਗਿ੍ਫ਼ਤਾਰ ਕੀਤੇ ਜਾਣ 'ਤੇ ਨਾਖੁਸ਼ੀ ਪ੍ਰਗਟ ਕਰਨ ਲਈ ਦੱਖਣੀ ਖਲਾਕ 'ਚ ਬੁਲਾਇਆ | ਸੂਤਰਾਂ ਅਨੁਸਾਰ ਸਿੰਘ ਨੇ ਪਾਵੇਲ ਨੂੰ ਦੱਸਿਆ ਕਿ ਭਾਰਤ ਦੇ ਸੀਨੀਅਰ ਕੂਟਨੀਤਕ ਨਾਲ ਅਜਿਹਾ ਵਿਵਹਾਰ ਬਿਲਕੁਲ ਵੀ ਬਰਦਾਸ਼ਤਯੋਗ ਨਹੀਂ ਹੈ | ਇਕ ਕੂਟਨੀਤਕ ਅਧਿਕਾਰੀ ਨਾਲ ਵੱਡੀ ਕੂਟਨੀਤਕ ਘਟਨਾ ਤਹਿਤ ਖੋਬਰਾਗਡੇ ਨੂੰ ਉਸ ਸਮੇਂ ਰਾਹ 'ਚ ਹੀ ਲੋਕਾਂ ਸਾਹਮਣੇ ਿਗ਼੍ਰਫ਼ਤਾਰ ਕਰ ਲਿਆ ਗਿਆ ਸੀ ਜਦੋਂ ਉਹ ਕੱਲ੍ਹ ਸਵੇਰੇ 9 ਵਜੇ ਆਪਣੀ ਬੇਟੀ ਨੂੰ ਸਕੂਲ ਛੱਡ ਕੇ ਆ ਰਹੀ ਸੀ ਤੇ ਬਾਅਦ 'ਚ ਉਸ ਨੂੰ ਬੇਕਸੂਰ ਸਾਬਿਤ ਹੋਣ 'ਤੇ 250,000 ਦੇ ਨਿੱਜੀ ਮੁਚੱਲਕੇ 'ਤੇ ਰਿਹਾਅ ਕਰ ਦਿੱਤਾ ਗਿਆ | ਵਿਦੇਸ਼ ਮੰਤਰਾਲੇ ਦੇ ਬੁਲਾਰੇ ਸੱਯਦ ਅਕਬਰੂਦੀਨ ਨੇ ਕਿਹਾ ਕਿ ਅਮਰੀਕੀ ਅਧਿਕਾਰੀਆਂ ਵਲੋਂ ਜੋ ਰਵੱਈਆ ਉਸ ਨਾਲ ਅਪਣਾਇਆ ਗਿਆ ਹੈ ਉਸ ਨਾਲ ਉਨ੍ਹਾਂ ਨੂੰ ਝਟਕਾ ਲੱਗਾ ਹੈ | ਉਨ੍ਹਾਂ ਨੇ ਇਸ ਸਬੰਧੀ ਵਾਸ਼ਿੰਗਟਨ ਸਥਿਤ ਭਾਰਤੀ ਦੂਤਘਰ ਰਾਹੀਂ ਇਹ ਮੁੱਦਾ ਮਜ਼ਬੂਤੀ ਨਾਲ ਅਮਰੀਕੀ ਸਰਕਾਰ ਕੋਲ ਉਠਾਇਆ ਹੈ | ਉਨ੍ਹਾਂ ਨੇ ਕਿ ਅਸੀਂ ਵਾਰ-ਵਾਰ ਦੁਹਰਾ ਰਹੇ ਹਾਂ ਕਿ ਸਾਡੇ ਕਿਸੇ ਵੀ ਕੂਟਨੀਤਕ ਨਾਲ ਅਜਿਹਾ ਵਿਵਹਾਰ ਬਰਦਾਸ਼ਤਯੋਗ ਨਹੀਂ ਹੈ | ਉਨ੍ਹਾਂ ਕਿਹਾ ਕਿ ਮੰਤਰਾਲਾ ਇਸ ਮਸਲੇ ਨੂੰ ਛੇਤੀ ਨਾਲ ਹੱਲ ਕਰਨ ਲਈ ਕੰਮ ਕਰ ਰਿਹਾ ਹੈ |

<< Start < Prev 1 2 3 4 5 6 7 8 9 10 Next > End >>

ਮੁੱਖ ਖ਼ਬਰਾਂ : 

ਖੇਡ ਖ਼ਬਰਾ : 

ਅੰਤਰਰਾਸ਼ਟਰੀ ਖ਼ਬਰਾ : 

ਪੰਜਾਬ ਖ਼ਬਰਾਂ : 

ਨਵੇਂ ਲੇਖ : 

 

 

Random Video 

Receive Newsletter & Updates 

Sample Newsletter


Receive HTML?

Advertisement
Advertisement
Advertisement
maillot de foot pas cher maillot de foot pas cher maillot de foot pas cher maillot de foot pas cher maillot de foot pas cher scarpe nike air max outlet scarpe nike air max outlet scarpe nike air max outlet scarpe nike air max outlet scarpe nike air max outlet scarpe nike air max outlet nike tn pas cher nike tn pas cher nike tn pas cher nike tn pas cher air max pas cher air max pas cher stone island outlet stone island outlet stone island outlet stone island outlet stone island outlet stone island outlet barbour paris barbour paris barbour paris barbour paris barbour paris piumini peuterey outlet piumini peuterey outlet piumini peuterey outlet piumini peuterey outlet piumini peuterey outlet canada goose pas cher canada goose pas cher canada goose pas cher canada goose pas cher canada goose pas cher canada goose pas cher woolrich outlet online piumini woolrich outlet moncler outlet online moncler outlet piumini moncler outlet moncler outlet online peuterey outlet online peuterey outlet pop canvas art mcm outlet online moose knuckles outlet