ਮੁੱਖ ਖ਼ਬਰਾਂ 
ਦੇਵਯਾਨੀ ਕੇਸ: ਨਜ਼ਰਸਾਨੀ ਕਰੇਗਾ ਅਮਰੀਕਾ
ਜਾਮਾ ਤਲਾਸ਼ੀ ਦੀ ਗੱਲ ਕਬੂਲੀ, ਬਦਸਲੂਕੀ ਬਾਰੇ ਹੋਵੇਗੀ ਜਾਂਚ


ਵਾਸ਼ਿੰਗਟਨ/ ਨਵੀਂ ਦਿੱਲੀ, 19 ਦਸੰਬਰ - ਆਪਣੀ ਸੀਨੀਅਰ ਡਿਪਲੋਮੈਟ ਦੇਵਯਾਨੀ ਖੋਬਰਗੜੇ ਨਾਲ ਕੀਤੇ ਗਏ ਮਾੜੇ ਸਲੂਕ ਖਿਲਾਫ਼ ਭਾਰਤ ਵੱਲੋਂ ਅਪਣਾਏ ਸਖ਼ਤ ਰੁਖ਼ ਨੇ ਅਮਰੀਕਾ ਨੂੰ ਵੀ ‘ਚਾਨਣ’ ਕਰ ਦਿੱਤਾ ਹੈ ਤੇ ਉਸ ਨੇ ਸਮੁੱਚੇ ਮਾਮਲੇ ’ਤੇ ‘ਨਜ਼ਰਸਾਨੀ’ ਕਰਨ ਦਾ ਭਰੋਸਾ ਦਿੱਤਾ ਹੈ। ਦੂਜੇ ਪਾਸੇ ਉਸ ਦੇ ਮਾਰਸ਼ਲਾਂ ਨੇ ਮੰਨਿਆ ਹੈ ਕਿ ਦੇਵਯਾਨੀ ਦੀ ਜਾਮਾ ਤਲਾਸ਼ੀ ਨਿਯਮਾਂ ਅਨੁਸਾਰ ਹੀ ਕੀਤੀ ਗਈ। ਇਸ ਗੰਭੀਰ ਮਾਮਲੇ ’ਤੇ ਅੱਜ ਸੰਸਦ ਵਿੱਚ ਵੀ ਰੌਲਾ ਪਿਆ ਤੇ ਵਿਦੇਸ਼ ਮੰਤਰੀ ਸਲਮਾਨ ਖੁਰਸ਼ੀਦ ਨੇ ਕਿਹਾ ਕਿ ਭਾਰਤੀ ਡਿਪਲੋਮੈਟ ਦੀ ਗ੍ਰਿਫ਼ਤਾਰੀ ਤੇ ਜਾਮਾ ਤਲਾਸ਼ੀ ‘ਸਾਜ਼ਿਸ਼’ ਦਾ ਨਤੀਜਾ ਹੈ।ਅਮਰੀਕੀ ਵਿਦੇਸ਼ ਮੰਤਰਾਲੇ ਦੀ ਤਰਜਮਾਨ ਮੈਰੀ ਹਰਫ਼ ਨੇ ਕਿਹਾ, ‘‘ਅਸੀਂ ਮੰਨਦੇ ਹਾਂ ਕਿ ਦੇਵਯਾਨੀ ਮਾਮਲਾ ਬਹੁਤ ਸਾਰੇ ਭਾਰਤੀਆਂ ਲਈ ਸੰਵੇਦਨਸ਼ੀਲ ਹੈ। ਅਸੀਂ ਇਸ ਮਾਮਲੇ ’ਤੇ ‘ਨਜ਼ਰਸਾਨੀ’ ਕਰ ਰਹੇ ਹਾਂ ਤਾਂ ਜੋ ਕਾਨੂੰਨ ਤੋਂ ਬਾਹਰ ਜਾ ਕੇ ਕੁਝ ਨਾ ਹੋ ਸਕੇ। ਇਹ ਕਾਨੂੰਨ ਦਾ ਮਾਮਲਾ ਹੈ ਤੇ ਨਿਯਮਾਂ ਅਨੁਸਾਰ ਹੀ ਦੇਖਿਆ ਜਾਵੇਗਾ। ਅਸੀਂ ਭਾਰਤ ਨਾਲ ਆਪਣੇ ਸਬੰਧਾਂ ਦੇ ਮੱਦੇਨਜ਼ਰ ਉਸ ਨਾਲ ਰਲ ਕੇ ਇਸ ਮਾਮਲੇ ’ਤੇ ਚੱਲਾਂਗੇ।’’ਇਸ ਦੌਰਾਨ ਅਮਰੀਕੀ ਮਾਰਸ਼ਲਜ਼ ਸਰਵਿਸ ਨੇ ਦੇਵਯਾਨੀ ਦੀ ਜਾਮਾ ਤਲਾਸ਼ੀ ਲੈਣ ਦੀ ਪੁਸ਼ਟੀ ਕੀਤੀ ਹੈ। ਸਰਵਿਸ ਦੀ ਤਰਜਮਾਨ ਨਿੱਕੀ ਸੀ. ਬਾਰੈੱਟ ਨੇ ਕਿਹਾ, ‘‘ਜਿਹੋ-ਜਿਹੇ ਢੰਗ ਨਾਲ ਭਾਰਤੀ ਡਿਪਲੋਮੈਟ ਦੀ ਗ੍ਰਿਫ਼ਤਾਰੀ ਮਗਰੋਂ ਜਾਮਾ ਤਲਾਸ਼ੀ ਲਈ ਗਈ ਉਹ ਨਿਯਮਾਂ ਅਨੁਸਾਰ ਹੀ ਸੀ। ਜਦੋਂ ਕਿਸੇ ਨੂੰ ਗ੍ਰਿਫ਼ਤਾਰ ਕੀਤਾ ਜਾਂਦਾ ਹੈ ਤਾਂ ਉਸ ਦੀ ਜਾਮਾ ਤਲਾਸ਼ੀ ਲੈਣੀ ਇਥੋਂ ਦਾ ਕਾਨੂੰਨ ਹੈ।’’ਸੰਸਦ ਵਿੱਚ ਰੌਲਾ-ਰੱਪਾ: ਭਾਰਤ ਦੀ ਡਿਪਲੋਮੈਟ ਨਾਲ ਬਦਸਲੂਕੀ ਦੇ ਮਾਮਲੇ ’ਤੇ ਸੰਸਦ ਦੇ ਦੋਵੇਂ  ਸਦਨਾਂ ਵਿੱਚ ਅਮਰੀਕਾ ਵਿਰੁੱਧ ਆਵਾਜ਼ ਉੱਠੀ। ਉਨ੍ਹਾਂ ਮੰਗ ਕੀਤੀ ਕਿ ਅਮਰੀਕਾ ਆਪਣੀ ਇਸ ਹਰਕਤ ਲਈ ਮੁਆਫੀ ਮੰਗੇ। ਇਸ ਮਾਮਲੇ ’ਤੇ ਸਾਰੀਆਂ ਪਾਰਟੀਆਂ ਇਕਸੁਰ ਸਨ।ਸੰਸਦ ਵਿੱਚ ਦੇਵਯਾਨੀ ਮਾਮਲਾ ਜ਼ੋਰਦਾਰ ਢੰਗ ਨਾਲ ਉਠਣ ਮਗਰੋਂ ਵਿਦੇਸ਼ ਮੰਤਰੀ ਸਲਮਾਨ ਖੁਰਸ਼ੀਦ ਨੇ ਦੋਵਾਂ ਸਦਨਾਂ ਵਿੱਚ ਕਿਹਾ ਕਿ ਇਹ ਬੜੀ ਨਿੰਦਣਯੋਗ ਘਟਨਾ ਹੈ ਤੇ ਭਾਰਤੀ ਡਿਪਲੋਮੈਟ ਸਾਜ਼ਿਸ਼ ਦਾ ਸ਼ਿਕਾਰ ਹੋਈ ਹੈ। ਉਨ੍ਹਾਂ ਕਿਹਾ ਕਿ ਜੂਨ-ਜੁਲਾਈ ’ਚ ਉਸ ਦੀ ਨੌਕਰਾਣੀ ‘ਗਾਇਬ’ ਹੋ ਗਈ ਤੇ ਇਸ ਬਾਰੇ ਕੇਸ ਦਰਜ ਕਰਵਾ ਦਿੱਤਾ ਗਿਆ ਸੀ।ਇਸ ਦੇ ਬਾਵਜੂਦ ਨਿਊਯਾਰਕ ਪੁਲੀਸ ਨੇ ਕੋਈ ਕਾਰਵਾਈ ਨਹੀਂ ਕੀਤੀ, ਜਦਕਿ ਗਾਇਬ ਨੌਕਰਾਣੀ ਸੰਗੀਤਾ, ਰਿਚਰਡ ਦੇ ਪਤੀ ਤੇ ਦੋ ਬੱਚਿਆਂ ਨੂੰ 10 ਦਸੰਬਰ ਨੂੰ ਅਮਰੀਕਾ ਨੇ ਵੀਜ਼ਾ ਦੇ ਦਿੱਤਾ ਤੇ ਉਸ ਦੇ ਦੋ ਦਿਨਾਂ ਮਗਰੋਂ ਦੇਵਯਾਨੀ ਗ੍ਰਿਫ਼ਤਾਰ ਹੁੰਦੀ ਹੈ। ਉਨ੍ਹਾਂ ਕਿਹਾ, ‘‘ਇਹ ਮੇਰੀ ਜ਼ਿੰਮੇਵਾਰੀ ਹੈ ਕਿ ਡਿਪਲੋਮੈਟ ਦਾ ਮਾਣ-ਸਨਮਾਨ ਬਹਾਲ ਹੋਵੇ। ਜੇ ਮੈਂ ਇਸ ਕੰਮ ’ਚ ਸਫਲ ਨਾ ਹੋਇਆ ਤਾਂ ਮੈਂ ਸਦਨ ਵਿੱਚ ਪੈਰ ਨਹੀਂ ਧਰਾਂਗਾ।’’ ਵਿਦੇਸ਼ ਮੰਤਰਾਲੇ ਨੇ ਕਿਹਾ ਹੈ ਕਿ ਭਾਰਤੀ ਆਪਣੇ ਡਿਪਲੋਮੈਟਾਂ ਦੀ ਪੂਰੀ ਰੱਖਿਆ ਕਰੇਗਾ। ਵੀਆਨਾ ਕਨਵੈਨਸ਼ਨ ਕੌਮਾਂਤਰੀ ਹੈ ਤੇ ਸਾਰੇ ਮੁਲਕ ਇਸ ਨੂੰ ਲਾਗੂ ਕਰਨ ਲਈ ਪਾਬੰਦ ਹਨ।ਅਮਰੀਕੀ ਸਫ਼ਾਰਤਖਾਨੇ ਬਾਹਰ ਪ੍ਰਦਰਸ਼ਨ: ਭਾਰਤੀ ਡਿਪਲੋਮੈਟ ਦੇਵਯਾਨੀ ਖੋਬਰਗੜੇ ਨਾਲ ਨਿਊਯਾਰਕ ਵਿਖੇ ‘ਧੱਕਾ’ ਕੀਤੇ ਜਾਣ ਖਿਲਾਫ਼ ਅੱਜ ਇਥੇ ਅਮਰੀਕੀ ਸਫ਼ਾਰਤਖਾਨੇ ਬਾਹਰ ਲੋਕਾਂ ਨੇ ਪ੍ਰਦਰਸ਼ਨ ਕੀਤਾ। ਇਹ ਪ੍ਰਦਰਸ਼ਨਕਾਰੀ ਦਿੱਲੀ ਯੂਨੀਵਰਸਿਟੀ ਦੇ ਵਿਦਿਆਰਥੀਆਂ ਤੋਂ ਇਲਾਵਾ ਹੋਰ ਕਈ ਸੰਗਠਨਾਂ ਨਾਲ ਸਬੰਧਤ ਸਨ।ਦੇਵਯਾਨੀ ਦਾ ਕੇਸ ਮਜ਼ਬੂਤ: ਅਟਾਰਨੀ ਭਾਰਤੀ ਡਿਪਲੋਮੈਟ ਦੇਵਯਾਨੀ ਖੋਬਰਗੜੇ ਦੇ ਵਕੀਲ ਡੇਨੀਅਲ ਐਨ. ਮਾਰਸ਼ਲ ਨੇ ਕਿਹਾ ਹੈ ਕਿ ਦੇਵਯਾਨੀ ਨੂੰ ਡਿਪਲੋਮੈਟ ਛੋਟ ਹਾਸਲ ਹੈ ਤੇ ਉਸ ਨੂੰ ਗ੍ਰਿਫ਼ਤਾਰ ਕਰਕੇ ਅਮਰੀਕਾ ਨੇ ਕੌਮਾਂਤਰੀ ਪ੍ਰੋਟੋਕਾਲ ਦੀ ਉਲੰਘਣਾ ਕੀਤੀ ਹੈ। ਦੂਜੇ ਪਾਸੇ ਉੱਘੇ ਵਕੀਲ ਰਵੀ ਬੱਤਰਾ ਨੇ ਕਿਹਾ ਹੈ ਕਿ ਜਦੋਂ ਕੇਸ ਦਰਜ ਹੋ ਜਾਵੇ ਤੇ ਮਾਮਲਾ ਅਦਾਲਤ ’ਚ ਚਲਾ ਜਾਵੇ ਤਾਂ ਉਹ ਮਾਮਲਾ ਕਾਨੂੰਨੀ ਹੋ ਜਾਂਦਾ ਹੈ ਤੇ ਛੋਟਾਂ ਨਹੀਂ ਮਿਲਦੀਆਂ।ਭਾਰਤ ਨੇ ਲਿਆ ਬਦਲਾ: ਮੀਡੀਆ ਭਾਰਤ ਵੱਲੋਂ ਅਮਰੀਕੀ ਸਫ਼ਾਰਤਖਾਨੇ ਨੂੰ ਦਿੱਤੀਆਂ ਵਿਸ਼ੇਸ਼ ਛੋਟਾਂ ਵਾਪਸ ਲੈਣ ਨੂੰ ਅਮਰੀਕੀ ਮੰਤਰਾਲੇ ਨੇ ਬਦਲਾਲਊ ਕਾਰਵਾਈ ਕਰਾਰ ਦਿੱਤਾ ਹੈ।
ਦੇਵਯਾਨੀ ਦਾ ਸਥਾਈ ਮਿਸ਼ਨ ’ਚ ਤਬਾਦਲਾ
ਭਾਰਤ ਸਰਕਾਰ ਨੇ ਡਿਪਲੋਮੈਟ ਦੇਵਯਾਨੀ ਦੀ ਸੰਯੁਕਤ ਰਾਸ਼ਟਰ ਵਿੱਚ ਭਾਰਤ ਦੇ ਸਥਾਈ ਮਿਸ਼ਨ ’ਚ ਬਦਲੀ ਕਰ ਦਿੱਤੀ ਤਾਂ ਜੋ ਉਸ ਨੇ ਪੂਰੀ ਡਿਪਲੋਮੈਟਿਕ ਮੁਆਫੀ ਦੇ ਯੋਗ ਬਣਾਇਆ ਜਾ ਸਕੇ। ਭਾਰਤ ਨੇ ਇਸ ਮਾਮਲੇ ਨੂੰ ਵੱਕਾਰ ਦਾ ਸਵਾਲ ਬਣਾ ਲਿਆ ਹੈ। ਵਿਦੇਸ਼ ਮੰਤਰੀ ਸਲਮਾਨ ਖੁਰਸ਼ੀਦ ਨੇ ਅੱਜ ਸੰਸਦ ਵਿੱਚ ਕਿਹਾ ਕਿ ਉਹ ਦੇਵਯਾਨੀ ਦਾ ਪੂਰਾ ਸਨਮਾਨ ਬਹਾਲ ਕਰਵਾ ਕੇ ਹੀ ਦਮ ਲੈਣਗੇ।
ਦੇਵਯਾਨੀ ਸਾਜ਼ਿਸ਼ ਦੀ ਸ਼ਿਕਾਰ: ਖੁਰਸ਼ੀਦ
ਵਿਦੇਸ਼ ਮੰਤਰੀ ਸਲਮਾਨ ਖੁਰਸ਼ੀਦ ਨੇ ਕਿਹਾ ਹੈ ਕਿ ਇਹ ਨਿੰਦਣਯੋਗ ਘਟਨਾ ਹੈ ਤੇ ਭਾਰਤੀ ਡਿਪਲੋਮੈਟ ਸਾਜ਼ਿਸ਼ ਦਾ ਸ਼ਿਕਾਰ ਹੋਈ ਹੈ। ਜੂਨ-ਜੁਲਾਈ ’ਚ ਉਸ ਦੀ ਨੌਕਰਾਣੀ ‘ਗਾਇਬ’ ਹੋ ਗਈ ਤੇ ਇਸ ਬਾਰੇ ਕੇਸ ਦਰਜ ਕਰਵਾ ਦਿੱਤਾ ਗਿਆ ਸੀ ਪਰ ਨਿਊਯਾਰਕ ਪੁਲੀਸ ਨੇ ਕੋਈ ਕਾਰਵਾਈ ਨਹੀਂ ਕੀਤੀ, ਜਦਕਿ ਗਾਇਬ ਨੌਕਰਾਣੀ ਸੰਗੀਤਾ ਰਿਚਰਡ ਦੇ ਪਤੀ ਤੇ ਦੋ ਬੱਚਿਆਂ ਨੂੰ 10 ਦਸੰਬਰ ਨੂੰ ਅਮਰੀਕਾ ਨੇ ਵੀਜ਼ਾ ਦੇ ਦਿੱਤਾ।
ਡਾ. ਮਨਮੋਹਨ ਨੂੰ ਸਾਹਿਤ
ਅਕਾਦਮੀ ਐਵਾਰਡ


ਨਵੀਂ ਦਿੱਲੀ, 19 ਦਸੰਬਰ - ਸਾਹਿਤ ਅਕਾਦਮੀ ਦੇ ਸਾਲਾਨਾ ਐਵਾਰਡਾਂ ਦਾ ਐਲਾਨ ਕਰ ਦਿੱਤਾ ਗਿਆ ਹੈ। ਪੰਜਾਬੀ ਭਾਸ਼ਾ ਲਈ ਇਹ ਐਵਾਰਡ ਪ੍ਰਸਿੱਧ ਲੇਖਕ ਡਾ. ਮਨਮੋਹਨ ਨੂੰ ਉਨ੍ਹਾਂ ਦੀ ਕਿਤਾਬ ‘ਨਰਵਾਣ’ ਲਈ ਦਿੱਤਾ ਗਿਆ ਹੈ। ਪੁਲੀਸ ਵਿਚ ਉੱਚ ਅਧਿਕਾਰੀ ਵਜੋਂ ਉਹ ਅੱਜ-ਕੱਲ੍ਹ ਚੰਡੀਗੜ੍ਹ ਵਿਖੇ ਤਾਇਨਾਤ ਹਨ। ਡਾ. ਮਨਮੋਹਨ ਪੰਜਾਬੀ ਸਾਹਿਤ ਵਿਚ ਕਵਿਤਾ, ਨਾਵਲ, ਆਲੋਚਨਾ ਦੇ ਖੇਤਰ ’ਚ ਵੀ ਯੋਗਦਾਨ ਪਾਇਆ ਗਿਆ ਹੈ। 14 ਜੁਲਾਈ 1962 ਨੂੰ ਅੰਮ੍ਰਿਤਸਰ ਜਨਮੇ ਮਨਮੋਹਨ ਦੀ ਕਵਿਤਾ ਦੀ ਪਹਿਲੀ ਕਿਤਾਬ 1982 ਦੌਰਾਨ ‘ਅਗਲੇ ਚੁਰਾਹੇ ਤਕ’ ਛਪੀ ਸੀ। ਉਸ ਸਮੇਂ ਉਹ ਪੜ੍ਹਾਈ ਕਰ ਰਹੇ ਸਨ। ਉਨ੍ਹਾਂ ਦਾ ਕਵਿਤਾ ਸੰਗ੍ਰਹਿ ‘ਮਨ ਮਹਿਲ’ 1989 ’ਚ ਛਪਿਆ। ਸੁਰ  ਸੰਕੇਤ 1998, ਨਮਿਤ 2001 ’ਚ,  2004 ’ਚ, ਅਥ ਨੀਲ ਕੰਠ 2008 ’ਚ, ਦੂਜੇ ਸ਼ਬਦਾਂ ’ਚ 2010 ਦੌਰਾਨ ਤੇ 2102 ‘ਬੈਖਰੀ’ ਕਿਤਾਬ ਛਪੀ। ਇਨਾਮ ਪ੍ਰਾਪਤ ਕਿਤਾਬ  ਪ੍ਰਕਾਸ਼ਿਤ ਹੋਈ ਸੀ। ਉਨ੍ਹਾਂ ਦੀ ਹਿੰਦੀ ਕਵਿਤਾਵਾਂ ਦੀ ਇਹ ਕਿਤਾਬ ਵੀ 1993 ’ਚ ਛਪ ਚੁੱਕੀ ਹੈ। ਆਲੋਚਨਾ ਦੇ ਖੇਤਰ ’ਚ ਉਨ੍ਹਾਂ ਦੇ ‘ਵਿਚਾਰ ਚਿੰਤਨ ਤੇ ਵਿਹਾਰ’ ‘ਪ੍ਰਰਾਕਥਨ ਤੇ ਪ੍ਰਪੇਖ’ ਕਿਤਾਬਾਂ ਰਾਹੀਂ ਯੋਗਦਾਨ ਦਿੱਤਾ ਹੈ। ਉਨ੍ਹਾਂ ਵੱਲੋਂ 2000 ’ਚ ਪੰਜਾਬੀ ਅਕਾਦਮੀ ਦਿੱਲੀ ਲਈ ਵੀ ਸਾਹਿਤਕ ਕਾਰਜ ਕੀਤਾ ਸੀ। ਉਨ੍ਹਾਂ 4 ਕਿਤਾਬਾਂ ਅੰਗਰੇਜ਼ੀ ਤੇ ਪੰਜਾਬੀ ’ਚ ਅਨੁਵਾਦ ਕੀਤੀਆਂ ਹਨ। ਇਕ ਪੰਜਾਬੀ ਨਾਟਕ ‘ਸਾਵੀ’ ਅੰਗਰੇਜ਼ੀ ’ਚ ਅਨੁਵਾਦ ਕੀਤਾ ਹੈ। ਉਨ੍ਹਾਂ ਨੂੰ 2001 ’ਚ ਪੰਜਾਬੀ ਅਕਾਦਮੀ ਦਿੱਲੀ ਵੱਲੋਂ ਕਵਿਤਾ ਐਵਾਰਡ, ਆਲੋਚਨਾ ਐਵਾਰਡ 2005 ’ਚ ਅਤੇ ਵਾਰਤਕ ਐਵਾਰਡ 2009 ’ਚ ਮਿਲ ਚੁੱਕਾ ਹੈ। ਮਨਮੋਹਨ ਨੇ ਆਪਣੀ ਡਾਕਟਰੇਟ ਗੁਰੂ ਗੋਬਿੰਦ ਸਿੰਘ ਦੀ ਮਥਿਆਲੋਜਕ ਕਵਿਤਾ ਦੇ ਵਿਸ਼ੇ ’ਤੇ ਕੀਤੀ ਸੀ। ਇਸ ਐਵਾਰਡ ਦੀ ਜਿਊਰੀ ’ਚ ਜਲੰਧਰ ਦੇ ਪ੍ਰੇਮ ਪ੍ਰਕਾਸ਼, ਲੁੁਧਿਆਣਾ ਤੋਂ ਅਮਰਜੀਤ ਗਰੇਵਾਲ ਤੇ ਪਟਿਆਲਾ ਤੋਂ ਡਾ. ਸਤੀਸ਼ ਕੁਮਾਰ ਵਰਮਾ ਸ਼ਾਮਲ ਸਨ। ਸਾਹਿਤ ਅਕਾਦਮੀ ’ਚ ਪੰਜਾਬੀ ਭਾਸ਼ਾ ਲਈ ਡਾ. ਰਵੇਲ ਸਿੰਘ (ਸਕੱਤਰ ਪੰਜਾਬੀ ਅਕਾਦਮੀ ਦਿੱਲੀ) ਕਨਵੀਨਰ ਵਜੋਂ ਭੂਮਿਕਾ ਨਿਭਾਅ ਰਹੇ ਹਨ।
ਆਮ ਆਦਮੀ ਪਾਰਟੀ ਦਿੱਲੀ 'ਚ ਸਰਕਾਰ ਬਣਾਉਣ ਨੂੰ ਤਿਆਰ,
ਅੱਜ ਦੀ ਅਹਿਮ ਬੈਠਕ 'ਚ ਹੋ ਸਕਦਾ ਹੈ ਐਲਾਨ


ਨਵੀਂ ਦਿੱਲੀ, 17 ਦਸੰਬਰ  - ਦਿੱਲੀ 'ਚ ਅਗਲੀ ਸਰਕਾਰ ਬਣਨ ਦਾ ਰਸਤਾ ਕਾਫ਼ੀ ਹੱਦ ਤੱਕ ਸਾਫ਼ ਹੋ ਚੁੱਕਾ ਹੈ। ਆਮ ਆਦਮੀ ਪਾਰਟੀ ਸਿਧਾਂਤਕ ਰੂਪ ਨਾਲ ਦਿੱਲੀ 'ਚ ਸਰਕਾਰ ਬਣਾਉਣ ਲਈ ਰਾਜੀ ਹੋ ਚੁੱਕੀ ਹੈ। ਹਾਲਾਂਕਿ ਆਖਰੀ ਫੈਸਲਾ 7 ਦਿਨਾਂ ਦੇ ਬਾਅਦ ਹੀ ਲਿਆ ਜਾਵੇਗਾ। ਅੱਜ ਦਿੱਲੀ 'ਚ ਆਮ ਆਦਮੀ ਪਾਰਟੀ ਦੇ ਵੱਡੇ ਨੇਤਾਵਾਂ ਦੀ ਬੈਠਕ ਹੈ। ਬੈਠਕ 'ਚ ਅੱਗੇ ਦੀ ਰਣਨੀਤੀ ਤੈਅ ਕੀਤੀ ਜਾਵੇਗੀ। ਅਗਲੇ 7 ਦਿਨਾਂ 'ਚ ਦਿੱਲੀ ਦੇ 280 ਇਲਾਕਿਆਂ 'ਚ ਲੋਕਾਂ ਦੇ ਨਾਲ ਬੈਠਕ ਕੀਤੀ ਜਾਵੇਗੀ, ਜਿਸ 'ਚ ਲੋਕਾਂ ਦੀ ਰਾਏ ਲਈ ਜਾਵੇਗੀ। ਹਾਲਾਂਕਿ ਪਾਰਟੀ ਦੇ ਬਹੁਤ ਸਾਰੇ ਨੇਤਾ ਸਰਕਾਰ ਬਣਾਉਣ ਦੇ ਖਿਲਾਫ ਹਨ। ਉਨ੍ਹਾਂ ਦਾ ਮੰਨਣਾ ਹੈ ਕਿ ਸਮਰਥਨ ਦੇ ਕੇ ਕਾਂਗਰਸ ਜਾਲ ਵਿਛਾ ਰਹੀ ਹੈ। ਲੇਕਿਨ ਪਾਰਟੀ ਦੇ ਸਾਰੇ ਨੇਤਾ ਸਰਕਾਰ ਬਣਾਉਣ ਦੇ ਪੱਖ 'ਚ ਹਨ। ਇਨ੍ਹਾਂ ਨੇਤਾਵਾਂ ਦਾ ਮੰਨਣਾ ਹੈ ਕਿ ਕੇਜਰੀਵਾਲ ਨੂੰ ਸਰਕਾਰ ਬਣਾਉਣ ਦੀ ਚੁਣੌਤੀ ਤੋਂ ਭੱਜਣਾ ਨਹੀਂ ਚਾਹੀਦਾ ਹੈ।
ਲੋਕਪਾਲ ਬਿੱਲ ਜ਼ਰੂਰ ਹੋਵੇਗਾ ਪਾਸ
ਸਰਕਾਰ ਨੇ ਜਤਾਇਆ ਭਰੋਸਾ, ਸਮਾਜਵਾਦੀ ਵਿਰੋਧ ਪਿਆ ਨਰਮ

ਚੇਨਈ, 16 ਦਸੰਬਰ - ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਤੋਂ ਸਮਰਥਨ ਦਾ ਭਰੋਸਾ ਮਿਲਣ ਬਾਅਦ ਅੱਜ ਕੇਂਦਰ ਸਰਕਾਰ ਨੇ ਵਿਸ਼ਵਾਸ ਜਤਾਇਆ ਹੈ ਕਿ ਭਲਕੇ ਰਾਜ ਸਭਾ ਵਿੱਚ ਲੋਕਪਾਲ ਬਿੱਲ ਪਾਸ ਹੋ ਜਾਵੇਗਾ। ਸ਼ੁੱਕਰਵਾਰ ਨੂੰ ਸੰਸਦ ਦੇ ਉਪਰਾਲੇ ਸਦਨ ਵਿੱਚ ਸੋਧਿਆ ਲੋਕਪਾਲ ਅਤੇ ਲੋਕਾਯੁਕਤ ਬਿੱਲ -2011 ਪੇਸ਼ ਕਰਨ ਵਾਲੇ ਕੇਂਦਰੀ ਪ੍ਰਸੋਨਲ ਰਾਜ ਮੰਤਰੀ ਵੀ. ਨਾਰਾਇਣਸਾਮੀ ਨੇ ਕਿਹਾ ਹੈ ਕਿ ਉਸ ਦਿਨ ਦੋ ਵਾਰ ਸਦਨ ਦੀ ਕਾਰਵਾਈ ਮੁਲਤਵੀ ਹੋ ਜਾਣ ਕਾਰਨ ਬਹਿਸ ਹੋਣੀ ਸੰਭਵ ਨਹੀਂ ਸੀ।
ਉਨ੍ਹਾਂ ਦੱਸਿਆ ਕਿ ਕਾਂਗਰਸ ਇਸ ਦੀਆਂ ਭਾਈਵਾਲ ਪਾਰਟੀਆਂ ਅਤੇ ਭਾਜਪਾ ਨੇ ਬਿੱਲ ਦੀ ਸਪੋਰਟ ਕੀਤੀ ਸੀ ਪਰ ਯੂਪੀਏ ਸਰਕਾਰ ਨੂੰ ਬਾਹਰੋਂ ਸਮਰਥਨ ਦੇ ਰਹੀ ਸਮਾਜਵਾਦੀ ਪਾਰਟੀ ਦੇ ਮੁਖੀ ਮੁਲਾਇਮ ਸਿੰਘ ਯਾਦਵ ਨੇ ਇਸ ਦਾ ਵਿਰੋਧ ਕੀਤਾ ਸੀ। ਇੱਥੇ ਹਵਾਈ ਅੱਡੇ ’ਤੇ ਪੱਤਰਕਾਰਾਂ ਨਾਲ ਗੱਲਬਾਤ ਦੌਰਾਨ ਸ੍ਰੀ ਨਾਰਾਇਣ ਸਾਮੀ ਨੇ ਕਿਹਾ, ‘‘ਕਿ ਭਲਕੇ ਰਾਜ ਸਭਾ ਵਿੱਚ ਬਿੱਲ ਦੇ ਪਾਸ ਹੋਣ ਦੀ ਵੱਡੀ ਸੰਭਾਵਨਾ ਹੈ। ਦੱਸਣਯੋਗ ਹੈ ਕਿ ਕਾਂਗਰਸ ਦੇ ਉਪ ਪ੍ਰਧਾਨ ਰਾਹੁਲ ਗਾਂਧੀ ਨੇ ਵੀ ਸਾਰੀਆਂ ਰਾਜਸੀ ਪਾਰਟੀਆਂ ਨੂੰ ਲੋਕਪਾਲ ਬਿੱਲ ਨੂੰ ਪਾਸ ਕਰਨ ’ਚ ਸਹਿਯੋਗ ਦੇਣ ਦੀ ਅਪੀਲ ਕੀਤੀ ਸੀ। ਉਨ੍ਹਾਂ ਨੇ ਇਸ ਬਿੱਲ ਨੂੰ ਭ੍ਰਿਸ਼ਟਾਚਾਰ ਖ਼ਿਲਾਫ਼ ਲੜਾਈ ਦਾ ਵੱਡਾ ਹਥਿਆਰ ਕਰਾਰ ਦਿੱਤਾ ਸੀ।
ਰਾਜ ਸਭਾ ਵਿੱਚ ਵਿਰੋਧੀ ਧਿਰ ਦੇ ਨੇਤਾ ਅਰੁਣ ਜੇਤਲੀ ਨੇ ਕਿਹਾ ਸੀ ਕਿ ਉਨ੍ਹਾਂ ਦੀ ਪਾਰਟੀ ਲੋਕ ਬਿੱਲ ਨੂੰ ਬਿਨਾਂ ਬਹਿਸ ਦੇ ਪਾਸ ਕਰਨ ਲਈ ਤਿਆਰ ਹੈ ਪਰ ਕਾਂਗਰਸ ਤੇ ਇਸ ਦੇ ਭਾਈਵਾਲ ਬਿੱਲ ਦੇ ਪਾਸ ਹੋਣ ਵਿੱਚ ਅੜਿੱਕਾ ਬਣ ਰਹੇ ਹਨ। ਸੋਧੇ ਹੋਏ ਬਿੱਲ ਮੁਤਾਬਕ ਸੂਬਿਆਂ ਵਿੱਖ ਵੱਖਰਾ ਲੋਕਾਯੁਕਤ ਬਣਾਇਆ ਜਾਵੇਗਾ। ਇਸ ਦਾ ਪਿਛਲੇ ਸਾਲ ਦਸੰਬਰ ਵਿੱਚ ਵੀ ਸਦਨ ਵਿੱਚ ਬਹੁਤੀਆਂ ਪਾਰਟੀਆਂ ਨੇ ਵਿਰੋਧ ਕੀਤਾ ਸੀ। ਇਸ ਨਵੇਂ ਬਿੱਲ ਮੁਤਾਬਕ ਲੋਕਪਾਲ ਕੋਲ ਜਨਤਕ ਸੇਵਾਦਾਰਾਂ ਖ਼ਿਲਾਫ਼ ਕਾਰਵਾਈ ਦੀਆਂ ਤਾਕਤਾਂ ਵੀ ਹੋਣਗੀਆਂ। ਇਸ ਦੌਰਾਨ ਕਾਂਗਰਸ ਨੇ ਉਮੀਦ ਜ਼ਾਹਿਰ ਕੀਤੀ ਹੈ ਕਿ ਇਸ ਬਿੱਲ ਦੀ ਵਿਰੋਧਤਾ ਬਾਰੇ ਸਮਾਜਵਾਦੀ ਪਾਰਟੀ ਮੁੜ ਸੋਚੇਗੀ। ਕਾਂਗਰਸ ਦੇ ਜਨਰਲ ਸਕੱਤਰ ਦਿਗਵਿਜੈ ਸਿੰਘ ਨੇ ਟਵਿੱਟਰ ’ਤੇ ਲਿਖਿਆ ਹੈ ਕਿ ਉਨ੍ਹਾਂ ਨੂੰ ਉਮੀਦ ਹੈ ਕਿ ਸਮਾਜਵਾਦੀ ਪਾਰਟੀ ਇਸ ਬਿੱਲ ਬਾਰੇ ਮੁੜ ਵਿਚਾਰ ਕਰੇਗੀ। ਉਨ੍ਹਾਂ ਨੇ ਲੋਕਪਾਲ ਦੇ ਸਮਰਥਨ ’ਚ ਅੱਗੇ ਆਉਣ ’ਤੇ ਰਾਹੁਲ ਗਾਂਧੀ ਅਤੇ ਅਰੁਣ ਜੇਤਲੀ ਦੀ ਸ਼ਲਾਘਾ ਕੀਤੀ ਹੈ। ਉਨ੍ਹਾਂ ਲੋਕਪਾਲ ਦੇ ਸਮਰਥਨ ਲਈ ਅੰਨਾ ਹਜ਼ਾਰੇ ਦਾ ਧੰਨਵਾਦ ਕੀਤਾ ਅਤੇ ਉਮੀਦ ਪ੍ਰਗਟਾਈ ਕਿ ਸੰਸਦ ਦੇ ਇਸ ਸੈਸ਼ਨ ਵਿੱਚ ਇਹ ਬਿੱਲ ਕਾਨੂੰਨ ਬਣ ਜਾਵੇਗਾ।
ਕਾਂਗਰਸ ਦੀ ਅਗਵਾਈ ਵਾਲੀ ਕੇਂਦਰ ਸਰਕਾਰ ’ਤੇ ਲੋਕਪਾਲ ਬਿੱਲ ਬਾਰੇ ਗੰਭੀਰ ਨਾ ਹੋਣ ਦਾ ਦੋਸ਼ ਲਗਾਉਂਦਿਆਂ ਭਾਜਪਾ ਨੇ ਅੱਜ ਕਿਹਾ ਕਿ ਯੂਪੀਏ ਇਸ ਬਿੱਲ ਨੂੰ ਪਹਿਲਾਂ ਹੀ ਪਾਸ ਕਰ ਸਕਦੀ ਸੀ ਕਿਉਂਕਿ ਇਸ ਬਾਰੇ ਸਾਰਿਆਂ ਦੀ ਸਹਿਮਤੀ ਸੀ। ਭਾਜਪਾ ਦੇ ਬੁਲਾਰੇ ਪ੍ਰਕਾਸ਼ ਜਾਵੜਕਰ ਨੇ ਹੈਦਰਾਬਾਦ ਵਿੱਚ ਅੱਜ ਪੱਤਰਕਾਰਾਂ ਨੂੰ ਦੱਸਿਆ ਕਿ ਲੋਕਪਾਲ ਬਿੱਲ ਬਾਰੇ ਕਾਂਗਰਸ ਗੰਭੀਰ ਨਹੀਂ ਹੈ। ਮਈ, 2012 ਵਿੱਚ ਇਸ ਬਾਰੇ ਸਹਿਮਤੀ ਸੀ ਅਤੇ ਬਿੱਲ ਸਾਲ ਪਹਿਲਾਂ ਪਾਸ ਹੋ ਸਕਦਾ ਸੀ। ਉਨ੍ਹਾਂ ਕਿਹਾ ਕਿ ਪਿਛਲੇ ਡੇਢ ਸਾਲ ਵਿੱਚ ਤਿੰਨ ਸ਼ਾਂਤੀਪੂਰਨ ਸੈਸ਼ਨ ਹੋ ਚੁੱਕੇ ਹਨ। ਕਾਂਗਰਸ ਕਿਸੇ ਵੀ ਸਮੇਂ ਇਹ ਬਿੱਲ ਪੇਸ਼ ਕਰ ਸਕਦੀ ਸੀ।
ਖੁਰਸ਼ੀਦ ਵੱਲੋਂ ਡਿਪਲੈਮੈਟ ਦੀ
ਗ੍ਰਿਫ਼ਤਾਰੀ ‘ਬੇਇੱਜ਼ਤੀ’ ਕਰਾਰ


ਫਾਰੂਖਾਬਾਦ (ਯੂਪੀ), 16 ਦਸੰਬਰ - ਵਿਦੇਸ਼ੀ ਮਾਮਲਿਆਂ ਬਾਰੇ ਕੇਂਦਰੀ ਮੰਤਰੀ ਸਲਮਾਨ ਖੁਰਸ਼ੀਦ ਨੇ ਭਾਰਤੀ ਡਿਪਟੀ ਕੌਂਸਲ ਜਨਰਲ ਦੇਵਯਾਨੀ ਖੋਬਰਗੜੇ ਦੀ ਅਮਰੀਕਾ ਵਿਚ ਜਨਤਕ ਗ੍ਰਿਫ਼ਤਾਰੀ ਨੂੰ ‘ਬੇਇੱਜ਼ਤੀ’ ਕਰਾਰ ਦਿੱਤਾ ਹੈ। ਉਨ੍ਹਾਂ ਕਿਹਾ ਕਿ ਉਹ ਇਸ ਮਾਮਲੇ ’ਤੇ ਪ੍ਰਤੀਕਿਰਿਆ ਉਡੀਕ ਰਹੇ ਹਨ।ਕੱਲ੍ਹ ਇੱਥੇ ਪੱਤਰਕਾਰਾਂ ਨਾਲ ਗੱਲਬਾਤ ਦੌਰਾਨ ਕੇਂਦਰੀ ਮੰਤਰੀ ਨੇ ਕਿਹਾ, ‘‘ਅਸੀਂ ਇਸ ਮਾਮਲੇ ਨੂੰ ਬੇਇੱਜ਼ਤੀ ਮੰਨ ਰਹੇ ਹਾਂ। ਅਮਰੀਕਾ ਨੂੰ ਅਸੀਂ ਆਪਣੇ ਸਟੈਂਡ ਬਾਰੇ ਜਾਣਕਾਰੀ ਦੇ ਦਿੱਤੀ ਹੈ ਅਤੇ ਉਨ੍ਹਾਂ ਦੀ ਪ੍ਰਤੀਕਿਰਿਆ ਦਾ ਇੰਤਜ਼ਾਰ ਕਰ ਰਹੇ ਹਾਂ।’’ਦੱਸਣਯੋਗ ਹੈ ਕਿ 12 ਦਸੰਬਰ ਨੂੰ ਨਿਊਯਾਰਕ ਵਿਚ ਜਦੋਂ 39 ਸਾਲਾ ਖੋਬਰਗੜੇ ਆਪਣੀ ਬੱਚੀ ਨੂੰ ਸਕੂਲ ਛੱਡਣ ਆਈ ਸੀ ਤਾਂ ਵੀਜ਼ਾ ਘੁਟਾਲੇ ਵਿਚ ਉਨ੍ਹਾਂ ਨੂੰ ਪੁਲੀਸ ਨੇ ਜਨਤਕ ਤੌਰ ’ਤੇ ਗ੍ਰਿਫ਼ਤਾਰ ਕਰ ਲਿਆ ਸੀ ਪਰ ਬਾਅਦ ਵਿਚ ਉਨ੍ਹਾਂ ਨੂੰ ਢਾਈ ਲੱਖ ਅਮਰੀਕੀ ਡਾਲਰ ਦੇ ਮੁਚੱਲਕੇ ’ਤੇ ਰਿਹਾਅ ਕਰ ਦਿੱਤਾ ਗਿਆ ਸੀ।  ਭਾਰਤ ਨੂੰ ਪਹਿਲਾਂ ਵੀ ਅਜਿਹੇ ਮੁੱਦਿਆਂ ’ਤੇ ਅਮਰੀਕਾ ਨਾਲ ਤਕਰਾਰ ਦਾ ਸਾਹਮਣਾ ਕਰਨਾ ਪਿਆ।

<< Start < Prev 1 2 3 4 5 6 7 8 9 10 Next > End >>

ਮੁੱਖ ਖ਼ਬਰਾਂ : 

ਖੇਡ ਖ਼ਬਰਾ : 

ਅੰਤਰਰਾਸ਼ਟਰੀ ਖ਼ਬਰਾ : 

ਪੰਜਾਬ ਖ਼ਬਰਾਂ : 

ਨਵੇਂ ਲੇਖ : 

 

 

Random Video 

Receive Newsletter & Updates 

Sample Newsletter


Receive HTML?

Advertisement
Advertisement
Advertisement
maillot de foot pas cher maillot de foot pas cher maillot de foot pas cher maillot de foot pas cher maillot de foot pas cher scarpe nike air max outlet scarpe nike air max outlet scarpe nike air max outlet scarpe nike air max outlet scarpe nike air max outlet scarpe nike air max outlet nike tn pas cher nike tn pas cher nike tn pas cher nike tn pas cher air max pas cher air max pas cher stone island outlet stone island outlet stone island outlet stone island outlet stone island outlet stone island outlet barbour paris barbour paris barbour paris barbour paris barbour paris piumini peuterey outlet piumini peuterey outlet piumini peuterey outlet piumini peuterey outlet piumini peuterey outlet canada goose pas cher canada goose pas cher canada goose pas cher canada goose pas cher canada goose pas cher canada goose pas cher woolrich outlet online piumini woolrich outlet moncler outlet online moncler outlet piumini moncler outlet moncler outlet online peuterey outlet online peuterey outlet pop canvas art mcm outlet online moose knuckles outlet