Advertisement

ਮੁੱਖ ਖ਼ਬਰਾਂ 

 

ਕਤਲ ਦੇ ਕੈਨੇਡੀਅਨ ਦੋਸ਼ੀਆਂ ਦੀ ਹਵਾਲਗੀ ਸਬੰਧੀ ਅਹਿਮ


ਦਸਤਾਵੇਜ਼ ਪੁਲਿਸ ਵੱਲੋਂ ਗ਼ਾਇਬ



ਚੰਡੀਗੜ੍ਹ, 6 ਅਗਸਤ - ਦਸ ਸਾਲ ਪਹਿਲਾਂ ਪੰਜਾਬ ਵਿਚ ਵਾਪਰੇ ਬਹੁਚਰਚਿਤ ਜੱਸੀ ਕਤਲ ਕਾਂਡ ਵਿਚ 25 ਸਾਲਾ ਪੰਜਾਬਣ ਕੈਨੇਡੀਅਨ ਜਸਵਿੰਦਰ ਕੌਰ ਸਿੱਧੂ (ਜੱਸੀ) ਦੇ ਕਤਲ ਲਈ ਲੋੜੀਂਦੇ ਦੋ ਪੰਜਾਬੀ ਕੈਨੇਡੀਅਨ ਮੁੱਖ ਸਾਜ਼ਿਸ਼ੀ (ਮਲਕੀਤ ਕੌਰ ਅਤੇ ਸੁਰਜੀਤ ਸਿੰਘ ਬਿਦੇਸ਼ਾ) ਦੀ ਮੰਗੀ ਗਈ ਹਵਾਲਗੀ ਦੀ ਫਾਈਲ ਵਿਚੋਂ ਕਈ ਅਹਿਮ ਦਸਤਾਵੇਜ਼ ਗਾਇਬ ਕਰ ਦੇਣ ਦਾ ਸਨਸਨੀਖੇਜ਼ ਮਾਮਲਾ ਸਾਹਮਣੇ ਆਇਆ ਹੈ। ਕੈਨੇਡਾ ਤੋਂ ਦੋਸ਼ੀਆਂ ਨੂੰ ਲਿਆਉਣ ਲਈ ਹਵਾਲਗੀ ਦੇ ਇਹ ਦਸਤਾਵੇਜ਼ ਪੰਜਾਬ ਸਰਕਾਰ ਦੇ ‘ਪ੍ਰੋਸੀਕਿਉਸ਼ਨ ਵਿਭਾਗ’ ਵੱਲੋਂ ਤਿਆਰ ਕੀਤੇ ਗਏ ਸਨ ਅਤੇ ਇਨ੍ਹਾਂ ਨੂੰ ਪੰਜਾਬ ਪੁਲਿਸ ਵੱਲੋਂ ਕੈਨੇਡਾ ਹਾਈ ਕਮਿਸ਼ਨ ਨੂੰ ਭੇਜਿਆ ਜਾਣਾ ਸੀ। ਮਿਲੀ ਜਾਣਕਾਰੀ ਅਨੁਸਾਰ ਕੈਨੇਡੀਅਨ ਹਾਈ ਕਮਿਸ਼ਨ ਵੱਲੋਂ ਪੰਜਾਬ ਪੁਲਿਸ ਨੂੰ ਸਾਰੇ ਕੇਸ ਦੀ ਫਾਈਲ ਵਿਚੋਂ ਇਹ ਕਾਗਜ਼ ਗਾਇਬ ਹੋਣ ਬਾਰੇ ਜਾਣੂੰ ਕਰਵਾ ਦਿੱਤਾ ਗਿਆ ਹੈ।
ਜ਼ਿਕਰਯੋਗ ਹੈ ਕਿ 10 ਸਾਲ ਪਹਿਲਾਂ 8 ਜੂਨ 2000 ਦੌਰਾਨ ਕੈਨੇਡਾ ਦੇ ਮੇਪਲ ਰਿਜ਼ ਬੀ.ਸੀ. ਖੇਤਰ ਤੋਂ ਆਪਣੇ ਜੱਦੀ ਪਿੰਡ ਆਈ ਇਕ ਕੈਨੇਡੀਅਨ ਲੜਕੀ ਜਸਵਿੰਦਰ ਕੌਰ ਸਿ¤ਧੂ (ਜੱਸੀ) ਦਾ ਸੰਗਰੂਰ ਜ਼ਿਲ੍ਹੇ ਦੇ ਮਹਿਲ ਕਲਾਂ ਪਿੰਡ ਵਿਚ ਕਤਲ ਕਰ ਦਿੱਤਾ ਗਿਆ ਸੀ ਅਤੇ ਇਸ ਦੇ ਪਿੱਛੇ ਕਾਰਨ ਇਹ ਸੀ ਕਿ ਉਸ ਨੇ ਆਪਣੇ ਹੀ ਪਿੰਡ ਦੇ ਇਕ ਆਟੋ ਰਿਕਸ਼ਾ ਡਰਾਈਵਰ ਸੁਖਵਿੰਦਰ ਸਿੰਘ ਨਾਲ ਚੋਰੀ ਛਿਪੇ ਵਿਆਹ ਕਰਵਾ ਲਿਆ ਸੀ। ਇਸ ਮਾਮਲੇ ਵਿਚ 9 ਜੂਨ 2000 ਨੂੰ ਜ਼ਿਲ੍ਹਾ ਸੰਗਰੂਰ ਦੇ ਅਮਰਗੜ੍ਹ ਪੁਲਿਸ ਸਟੇਸ਼ਨ ਵਿਚ ਐਫ.ਆਈ.ਆਰ. ਨੰਬਰ 48 ਦੇ ਤਹਿਤ ਮਾਮਲਾ ਦਰਜ ਕੀਤਾ ਗਿਆ। ਜਾਂਚ ਵਿਚ ਇਹ ਸਾਹਮਣੇ ਆਇਆ ਸੀ ਕਿ ਜੱਸੀ ਦੀ ਮਾਂ ਤੇ ਮਾਮੇ ਵੱਲੋਂ ਕਿਰਾਏ ਦੇ ਕਾਤਲ ਵਰਤੇ ਗਏ ਸਨ। ਇਸ ਮਾਮਲੇ ਵਿਚ ਕਈ ਸਾਲ ਕੇਸ ਚੱਲਣ ਮਗਰੋਂ 13 ਵਿਅਕਤੀਆਂ ਨੂੰ ਦੋਸ਼ੀ ਠਹਿਰਾਇਆ ਗਿਆ ਸੀ, ਜਿਸ ਵਿਚ ਕੈਨੇਡਾ ਰਹਿਣ ਵਾਲੀ ਲੜਕੀ ਦੀ ਮਾਂ ਤੇ ਉਸ ਦਾ ਮਾਮਾ ਵੀ ਸ਼ਾਮਿਲ ਸੀ। ਇਨ੍ਹਾਂ ਵਿਚੋਂ 7 ਨੂੰ ਅਦਾਲਤ ਵਲੋਂ ਸਜ਼ਾ ਦੇ ਦਿੱਤੀ ਗਈ ਸੀ ਅਤੇ ਚਾਰਾਂ ਨੂੰ ਬਰੀ ਕਰ ਦਿੱਤਾ ਸੀ, ਜਦੋਂ ਕਿ ਜੱਸੀ ਦੀ ਮਾਂ ਤੇ ਉਸ ਦੇ ਮਾਮੇ ਨੂੰ ਸਜ਼ਾ ਨਹੀਂ ਹੋ ਸਕੀ। ਪੰਜਾਬ ਪੁਲਿਸ ਵੱਲੋਂ 11 ਜੁਲਾਈ 2000 ਵਿਚ ਜੱਸੀ ਦੇ ਮਾਂ ਤੇ ਮਾਮੇ ਲਈ ਗ੍ਰਿਫ਼ਤਾਰੀ ਦੇ ਵਾਰੰਟ ਕੱਢ ਦਿੱਤੇ ਗਏ ਸਨ। ਪੰਜਾਬ ਪੁਲਿਸ ਵੱਲੋਂ ਪਿਛਲੇ ਕਈ ਸਾਲਾਂ ਤੋਂ ਇਨ੍ਹਾਂ ਦੋਵਾਂ ਦੋਸ਼ੀਆਂ ਨੂੰ ਹਵਾਲਗੀ ਤਹਿਤ ਪੰਜਾਬ ਲਿਆਉਣ ਲਈ ਕਾਨੂੰਨੀ ਪ੍ਰਕ੍ਰਿਆ ਸ਼ੁਰੂ ਕਰ ਦਿੱਤੀ। ਹੁਣ ਜਦੋਂ ਉਕਤ ਕੈਨੇਡੀਅਨ ਦੋਸ਼ੀਆਂ ਨੂੰ ਕੈਨੇਡਾ ਸਰਕਾਰ ਪੰਜਾਬ ਪੁਲਿਸ ਨੂੰ ਸੌਂਪੇ ਜਾਣ ਲਈ ਤਿਆਰ ਹੋਈ ਹੈ ਤਾਂ ਉਨ੍ਹਾਂ ਨੂੰ ਸੌਂਪੇ ਗਏ ਦਸਤਾਵੇਜ਼ਾਂ ਵਿਚੋਂ ਉਹ ਕਾਗਜ਼ ਗਾਇਬ ਕਰ ਦਿੱਤੇ ਗਏ, ਜਿਨਾਂ ਦੇ ਅਧਾਰ ’ਤੇ ਇਨ੍ਹਾਂ ਦੋਸ਼ੀਆਂ ਦੀ ਹਵਾਲਗੀ ਹੋਣੀ ਹੈ। ਦਿੱਲੀ ਸਥਿਤ ਕੈਨੇਡੀਅਨ ਹਾਈ ਕਮਿਸ਼ਨ ਵਿਚ ਨਿਯੁਕਤ ਲਾਇਜ਼ਨ ਅਧਿਕਾਰੀ ਡਾਨ ਹੈਲੀਨਾਂ ਨੇ ‘ਅਜੀਤ’ ਨਾਲ ਦਿੱਲੀ ਤੋਂ ਗੱਲਬਾਤ ਕਰਦਿਆਂ ਕਿਹਾ ਕਿ ਜਦੋਂ ਉਨ੍ਹਾਂ ਨੂੰ ਇਸ ਕੇਸ ਵਿਚ ਲੋੜੀਂਦੇ ਸਾਰੇ ਕਾਗਜ਼ ਮਿਲ ਜਾਣਗੇ, ਉਦੋਂ ਹਵਾਲਗੀ ’ਤੇ ਕਾਰਵਾਈ ਸ਼ੁਰੂ ਕਰ ਦੇਵੇਗੀ। ਇਸ ਮਾਮਲੇ ਵਿਚ ਪੰਜਾਬ ਪੁਲਿਸ ਦੇ ਏ.ਡੀ.ਜੀ.ਪੀ. ਕ੍ਰਾਈਮ ਰਾਜਨ ਗੁਪਤਾ ਨੇ ‘ਅਜੀਤ’ ਨਾਲ ਗੱਲਬਾਤ ਦੌਰਾਨ ਇਸ ਕੇਸ ਬਾਰੇ ਕੋਈ ਜਾਣਕਾਰੀ ਨਾ ਹੋਣ ਦੀ ਗੱਲ ਕਹੀ ਅਤੇ ਨਾਲ ਹੀ ਕਿਹਾ ਕਿ ਜੇਕਰ ਫਾਈਲ ਵਿਚੋਂ ਕੋਈ ਕਾਗਜ਼ ਗੁੰਮ ਹਨ, ਤਾਂ ਉਹ ਰਸਤੇ ਵਿਚ ਜਾਂ ਕੈਨੇਡੀਅਨ ਹਾਈ ਕਮਿਸ਼ਨ ਕੋਲੋਂ ਵੀ ਗੁੰਮ ਹੋ ਸਕਦੇ ਹਨ।

ਕਸ਼ਮੀਰ ’ਚ ਪੁਲਿਸ ਗੋਲੀ ਨਾਲ ਤਿੰਨ ਹੋਰ ਮੌਤਾਂ

2005-08-05_232827
ਸ੍ਰੀਨਗਰ, 4 ਅਗਸਤ (ਯੂ. ਐ¤ਨ. ਆਈ.)-ਜਿਥੇ ਅੱਜ ਕਰਫਿਊ ਦੀ ਉਲੰਘਣਾ ਕਰਨ ਵਾਲੇ 2 ਵਿਅਕਤੀ ਸੁਰੱਖਿਆ ਦਸਤਿਆਂ ਵੱਲੋਂ ਚਲਾਈ ਗਈ ਗੋਲੀ ਕਾਰਨ ਮਾਰੇ ਗਏ ਉਥੇ 30 ਜੁਲਾਈ ਨੂੰ ਚਾਨਾਪੋਰਾ ਇਲਾਕੇ ’ਚ ਜ਼ਖ਼ਮੀ ਹੋਇਆ ਇਲਾਜ ਅਧੀਨ ਇਕ ਹੋਰ ਵਿਅਕਤੀ ਹਸਪਤਾਲ ’ਚ ਦਮ ਤੋੜ ਗਿਆ। ਸਰਕਾਰੀ ਸੂਤਰਾਂ ਅਨੁਸਾਰ ਸੁਰੱਖਿਆ ਦਸਤਿਆਂ ਨੇ ਬੇਮੀਨਾ ਇਲਾਕੇ ’ਚ ਕਰਫਿਊ ਦੀ ਉਲੰਘਣਾ ਕਰ ਕੇ ਨਾਅਰੇਬਾਜ਼ੀ ਕਰ ਰਹੇ ਲੋਕਾਂ ’ਤੇ ਗੋਲੀ ਚਲਾ ਦਿੱਤੀ ਜਿਸ ਕਾਰਨ 3 ਵਿਅਕਤੀ ਜ਼ਖ਼ਮੀ ਹੋ ਗਏ, ਜਿਨ੍ਹਾਂ ਨੂੰ ਤੁਰੰਤ ਹਸਪਤਾਲ ਦਾਖਲ ਕਰਵਾ ਦਿੱਤਾ ਗਿਆ ਪ੍ਰੰਤੂ ਇਕ ਵਿਅਕਤੀ ਦੀ ਮੌਤ ਹੋ ਗਈ। ਇਸ ਤਰ੍ਹਾਂ ਹੀ ਗੰਦਰਬਲ ਜ਼ਿਲ੍ਹੇ ’ਚ ਮਾਮਰ ਕੰਗਨ ਵਿਖੇ ਵੀ ਕਰਫਿਊ ਦੀ ਉਲੰਘਣਾ ਕਰ ਕੇ ਪ੍ਰਦਰਸ਼ਨ ਕਰ ਰਹੇ ਲੋਕਾਂ ’ਤੇ ਸੁਰੱਖਿਆ ਦਸਤਿਆਂ ਵੱਲੋਂ ਚਲਾਈ ਗਈ ਗੋਲੀ ਨਾਲ 60 ਸਾਲਾਂ ਦੇ ਇਕ ਵਿਅਕਤੀ ਦੀ ਮੌਤ ਹੋ ਗਈ। ਇਸੇ ਦੌਰਾਨ ਵਾਦੀ ’ਚ ਕਈ ਥਾਵਾਂ ’ਤੇ ਪ੍ਰਦਰਸ਼ਨਕਾਰੀਆਂ ਨੇ ਸਰਕਾਰੀ ਗੱਡੀਆਂ ਦੀ ਸਾੜ-ਫੂਕ ਕੀਤੀ। ਕੱਲ੍ਹ ਵੀ ਅੱਧੀ ਰਾਤ ਤੱਕ ਕਸ਼ਮੀਰ ਵਾਦੀ ਵਿਚ ਵੇਖਦਿਆਂ ਗੋਲੀ ਮਾਰਨ ਦੇ ਹੁਕਮਾਂ ਤੇ ਕਰਫ਼ਿਊ ਦੀ ਪਰਵਾਹ ਨਾ ਕਰਦਿਆਂ ਹਜ਼ਾਰਾਂ ਲੋਕਾਂ ਨੇ ਵੱਖ ਵੱਖ ਥਾਵਾਂ ’ਤੇ ਪ੍ਰਦਰਸ਼ਨ ਕੀਤੇ ਸਨ। ਸਰਕਾਰੀ ਸੂਤਰਾਂ ਨੇ ਦਾਅਵਾ ਕੀਤਾ ਕਿ ਅੱਜ ਸਥਿਤੀ ਪੂਰੀ ਤਰ੍ਹਾਂ ਬਦਲ ਗਈ। ਸੜਕਾਂ ਤੇ ਗਲੀਆਂ ’ਚ ਤਾਇਨਾਤ ਸੁਰੱਖਿਆ ਜਵਾਨਾਂ ਵੱਲੋਂ ਕੀਤੀ ਗਈ ਸਖ਼ਤੀ ਕਾਰਨ ਜਿਨ੍ਹਾਂ ਖੇਤਰਾਂ ਵਿਚ ਬੀਤੇ ਦਿਨ ਲੋਕਾਂ ਨੇ ਕਰਫ਼ਿਊ ਦੀ ਉਲੰਘਣਾ ਕਰਕੇ ਪ੍ਰਦਰਸ਼ਨ ਕੀਤੇ ਸਨ, ਉੱਥੇ ਲੋਕ ਅੱਜ ਘਰਾਂ ਵਿਚ ਹੀ ਰਹਿਣ ਲਈ ਮਜਬੂਰ ਹੋ ਗਏ।

ਸਾਂਝੇ ਹੰਭਲੇ ਨਾਲ ਹੀ ਕੀਮਤਾਂ ’ਤੇ ਕਾਬੂ ਸੰਭਵ-ਵਿੱਤ ਮੰਤਰੀ

2005-08-05_232220

ਨਵੀਂ ਦਿੱਲੀ, 4 ਅਗਸਤ -ਮਹਿੰਗਾਈ ਦੇ ਮੁੱਦੇ ਉ¤ਤੇ ਵਿਰੋਧੀ ਧਿਰਾਂ ਵੱਲੋਂ ਲੋਕ ਸਭਾ ਵਿਚ ਉਠਾਏ ਸਵਾਲਾਂ ਦਾ ਜਵਾਬ ਦਿੰਦਿਆਂ ਅਤੇ ਕੀਮਤਾਂ ਉਤੇ ਵਾਧੇ ਉ¤ਤੇ ਚਰਚਾ ਨੂੰ ਸਮੇਟਦਿਆਂ, ਵਿੱਤ ਮੰਤਰੀ ਪ੍ਰਣਾਬ ਮੁਖਰਜੀ ਨੇ ਸਾਰੀਆਂ ਪਾਰਟੀਆਂ ਦੀ, ਅਤੇ ਸੂਬਾ ਸਰਕਾਰਾਂ ਦੀ ਮਦਦ ਗੁਡਜ਼ ਅਤੇ ਸਰਵਿਸਜ਼ ਟੈਕਸ (ਜੀ. ਐਸ. ਟੀ.) ਨੂੰ ਜਲਦੀ ਤੋਂ ਜਲਦੀ ਲਾਗੂ ਕਰਨ ਲਈ ਮੰਗੀ ਅਤੇ ਕਿਹਾ ਇਸ ਨਾਲ ਹੀ ਦੇਸ਼ ਦੇ ਘਰੇਲੂ ਬਾਜ਼ਾਰ ਵਿਚ ਵਸਤੂ ਦੇ ਭਾਅ ਵਿਚ ਆਉਂਦੇ ਅਣ- ਕਿਆਸੇ ਉਤਰਾਅ - ਚੜ੍ਹਾਅ ਰੋਕੇ ਜਾ ਸਕਦੇ ਹਨ।
ਸਾਰੇ ਸਦਨ ਦੇ ਸਹਿਯੋਗ ਦੀ ਕਾਮਨਾ ਕਰਦਿਆਂ, ਵਿੱਤ ਮੰਤਰੀ ਨੇ ਕਿਹਾ ਇਸ ਨਵੇਂ ਟੈਕਸ ਸਿਸਟਮ ਨੂੰ ਅਮਲ ਵਿਚ ਲਿਆਉੁਣ ਲਈ ਇਸੇ ਇਜਲਾਸ ਵਿਚ ਇਕ ਸੰਬੰਧਿਤ ਬਿੱਲ ਲਿਆਉਣਾ ਪਵੇਗਾ, ਸੰਵਿਧਾਨਕ ਤਰਮੀਮਾਂ ਕਰਨੀਆਂ ਪੈਣਗੀਆਂ, ਇਸ ਬਿੱਲ ਦੀ ਪਹਿਲਾਂ ਹਾਊਸ ਦੀ ਸਥਾਈ ਕਮੇਟੀ ਪੜਤਾਲ ਕਰੇਗੀ ਅਤੇ ਫਿਰ ਘੱਟੋ-ਘੱਟ 15 ਸੂਬਿਆਂ ਵੱਲੋਂ ਇਸ ਨੂੰ ਪ੍ਰਵਾਨਗੀ ਦੇਣੀ ਪਵੇਗੀ ਤਾਂ ਜਾ ਕੇ ਇਹ ਇਕ ਕਾਨੂੰਨ ਦਾ ਰੂਪ ਧਾਰਨ ਕਰੇਗਾ।
ਇਸ ਟੈਕਸ ਪ੍ਰਣਾਲੀ ਦੀ ਜਾਂਚ ਲਈ ਅੱਜ ਹੀ ਸੂਬਿਆਂ ਦੇ ਵਿੱਤ ਮੰਤਰੀਆਂ ਦੀ ਅਧਿਕਾਰਤ ਕਮੇਟੀ ਬੈਠਕ ਕਰੇਗੀ। ਇਹ ਰਾਜਾਂ ਦੇ ਵਿੱਤ ਮੰਤਰੀਆਂ ਦੀ ਅਧਿਕਾਰਤ ਕਮੇਟੀ ਪੈਟਰੋਲੀਅਮ ਪਦਾਰਥਾਂ ਦੇ ਨਾਲ ਨਾਲ ਦੂਜੀਆਂ ਸਾਰੀਆਂ ਵਸਤਾਂ ਨੂੰ ਇਸ ਨਵੇਂ ਟੈਕਸ (ਜੀ. ਐਸ. ਟੀ.) ਥੱਲੇ ਲਿਆ ਸਕਦੀ ਹੈ ਜਿਸ ਨਾਲ ਮੁਦਰਾ ਪਸਾਰ ਅਤੇ ਕੀਮਤਾਂ ਦੇ ਵਾਧੇ ਨੂੰ ਨਿਯੰਤਰਣ ਵਿਚ ਲਿਆਂਦਾ ਜਾ ਸਕੇਗਾ। ਵਿੱਤ ਮੰਤਰੀ ਨੇ ਕਿਹਾ ਕਿ ਗੌਰਤਲਬ ਇਹ ਹੈ ਕਿ ਰਾਜਾਂ ਵੱਲੋਂ ਪੈਟਰੋਲੀਅਮ ਪਦਾਰਥਾਂ ਉ¤ਤੇ ਲੱਗੇ ਕਰ, ਉਨ੍ਹਾਂ ਦੀ ਕੁੱਲ ਆਮਦਨ ਵਿਚ 34 ਫੀਸਦੀ ਹਿੱਸਾ ਪਾਉਂਦੇ ਹਨ। ਸ੍ਰੀ ਮੁਖਰਜੀ ਨੇ ਕਿਹਾ ਕਿ ਪੈਟਰੋਲ ਅਤੇ ਡੀਜ਼ਲ ਉਤੇ ਸੇਲ ਟੈਕਸ ਸੂਬਿਆਂ ਦੀ ਵੱਡੀ ਆਮਦਨ ਦਾ ਸਾਧਨ ਹੈ। ਪਿਛਲੇ ਸਾਲ, 2009-10 ਵਿਚ ਸੂਬਿਆਂ ਨੇ 72000 ਕਰੋੜ ਰੁਪਏ ਇਸ ਟੈਕਸ ਰਾਹੀਂ ਇਕੱਠੇ ਕੀਤੇ। ਉਨ੍ਹਾਂ ਨੇ ਕਿਹਾ ਕਿ ਸਰਕਾਰ ਚਾਹੁੰਦੀ ਹੈ ਕਿ ਪੈਟਰੋਲੀਅਮ ਪਦਾਰਥਾਂ ਦੇ ਭਾਅ ਤਰਕਸੰਗਤ ਚਾਹੀਦੇ ਹਨ। ਪਰ ਇਹ ਕਿਵੇਂ ਕੀਤਾ ਜਾਵੇ ? ਇਹ ਇਕ ਵੱਡਾ ਸਵਾਲ ਹੈ ਅਤੇ ਨਾਲ-ਨਾਲ ਵਿੱਤ ਮੰਤਰੀ ਨੇ ਕਿਹਾ ਕਿ ਨਵੀਂ ਟੈਕਸ ਵਿਧੀ ਪੈਟਰੋਲ ਦੀਆਂ ਕੀਮਤਾਂ ਵਿਚ ਉਤਰਾਅ ਚੜ੍ਹਾਅ ਰੋਕੇਗੀ ਅਤੇ ਘਰੇਲੂ ਬਜ਼ਾਰ ਵਿਚ ਸਥਿਰਤਾ ਲਿਆਏਗੀ।
ਇਸ ਤਿੰਨ ਪਰਤੀ ਨਵੇਂ ਅਸਿੱਧੇ ਟੈਕਸ ਨੂੰ ਕੇਂਦਰੀ ਸਰਕਾਰ ਅਗਲੇ ਸਾਲ (2011) ਪਹਿਲੀ ਅਪ੍ਰੈਲ ਤੋਂ ਲਾਗੂ ਕਰਨਾ ਚਾਹੁੰਦੀ ਹੈ ਅਤੇ ਇਹ ਟੈਕਸ ਵਿਧੀ ਦੂਸਰੇ ਅਸਿੱਧੇ ਟੈਕਸਾਂ ਨੂੰ ਆਪਣੇ ਵਿਚ ਸਮੋ ਲਵੇਗੀ। ਯਾਨੀ, ਇਹ ਨਵਾਂ ਟੈਕਸ ਕੇਂਦਰ ਪੱਧਰ ਉ¤ਤੇ ਲਾਏ ਜਾਂਦੇ ਐਕਸਾਈਜ਼ ਅਤੇ ਸਰਵਿਸ ਟੈਕਸਾਂ ਅਤੇ ਰਾਜਾਂ ਪੱਧਰ ਉ¤ਤੇ ਇਕੱਠੇ ਕੀਤੇ ਜਾਂਦੇ ਸੈ¤ਸ, ਲੋਕਲ ਟੈਕਸ, ਸਰਚਾਰਜ, ਅਤੇ ਵੈਲੂ ਅਡੀਸ਼ਨ ਟੈਕਸਾਂ ਨੂੰ ਵੀ ਖਤਮ ਕਰ ਦੇਵੇਗਾ। ਸ੍ਰੀ ਮੁਖਰਜੀ ਨੇ ਕਿਹਾ ਕਿ ‘ਜੇ ਅਸੀਂ ਇਹ ਨਵਾਂ ਅਸਿੱਧਾ ਟੈਕਸ ਲਾਗੂ ਕਰ ਦਿੰਦੇ ਹਾਂ ਤਾਂ ਟੈਕਸਾਂ ਦੀ ਸਾਰੀ ਲੜੀ ਸਰਵਿਸ ਟੈਕਸ, ਐਕਸਾਈਜ਼ ਅਤੇ ਵੈਟ ਨੂੰ ਇਕ ਸੰਵਿਧਾਨਕ ਪ੍ਰਕਿਰਿਆ ਥੱਲੇ ਲਿਆਂਦਾ ਜਾਵੇਗਾ ਅਤੇ ਅਸੀਂ (ਕੇਂਦਰ ਅਤੇ ਸੂਬੇ) ਇਕੱਠੇ ਟੈਕਸਾਂ ਦੀ ਉਗਰਾਹੀ ਕਰਾਂਗੇ।’ ਇਸ ਪ੍ਰਸਤਾਵਿਤ ਨਵੀਂ ਕਰ ਪ੍ਰਣਾਲੀ (ਜੀ. ਐਸ. ਟੀ.) ਮੁਤਾਬਿਕ ਸਾਰੀਆਂ ਵਸਤਾਂ ਉ¤ਤੇ 20 ਫੀਸਦੀ ਕਰ ਲੱਗੇਗਾ। ਜ਼ਰੂਰੀ ਵਸਤਾਂ ਉ¤ਤੇ 12 ਫੀਸਦੀ ਅਤੇ ਸਰਵਸਿਜ਼ ਲਈ 20 ਪ੍ਰਤੀਸ਼ਤ। ਇਕ ਤਰ੍ਹਾਂ ਨਾਲ ਫਲੈਟ ਰੇਟ ਹੋਣਗੇ।

ਉਮਰ ਵੱਲੋਂ ਸੋਨੀਆ ਤੇ ਚਿਦੰਬਰਮ ਨਾਲ ਮੁਲਾਕਾਤ-ਸਹਾਇਤਾ ਮੰਗੀ

ਨਵੀਂ ਦਿੱਲੀ, 2 ਅਗਸਤ (ਏਜੰਸੀਆਂ)-ਕਸ਼ਮੀਰ ਘਾਟੀ ਵਿਚ ਵਿਗੜਦੀਆਂ ਹਾਲਤਾਂ ਤੋਂ ਘਬਰਾ ਕੇ, ਜੰਮੂ-ਕਸ਼ਮੀਰ ਦੇ ਮੁੱਖ ਮੰਤਰੀ ਉਮਰ ਅਬਦੁੱਲਾ ਅੱਜ ਸੁਭਾ ਦਿੱਲੀ ਰਾਜਧਾਨੀ ਵਿਚ ਪਹੁੰਚੇ ਅਤੇ ਪ੍ਰਧਾਨ ਮੰਤਰੀ ਡਾ: ਮਨਮੋਹਨ ਸਿੰਘ, ਸ੍ਰੀਮਤੀ ਸੋਨੀਆਂ ਗਾਂਧੀ ਅਤੇ ਗ੍ਰਹਿ ਮੰਤਰੀ ਪੀ. ਚਿਦੰਬਰਮ ਨੂੰ ਮਿਲੇ ਅਤੇ ਘਾਟੀ ਵਿਚ ਹਿੰਸਾ ਨੂੰ ਰੋਕਣ ਲਈ ਕੇਂਦਰੀ ਸਰਕਾਰ ਦੀ ਮੱਦਦ ਮੰਗੀ। ਪ੍ਰਧਾਨ ਮੰਤਰੀ ਡਾ: ਮਨਮੋਹਨ ਸਿੰਘ ਜਿਸ ਨਾਲ ਮੁੱਖ ਮੰਤਰੀ ਨੇ ਸ੍ਰੀਮਤੀ ਸੋਨੀਆ ਗਾਂਧੀ ਅਤੇ ਸ੍ਰੀ ਚਿਦੰਬਰਮ ਦੇ ਮਿਲਣ ਪਿੱਛੋਂ ਮੁਲਾਕਾਤ ਕੀਤੀ, ਨੇ ਕਸ਼ਮੀਰ ਵਿਚ ਸ਼ਾਂਤੀ ਸਥਾਪਤ ਕਰਨ ਲਈ ਕੇਂਦਰੀ ਸਰਕਾਰ ਦੀ ਪੂਰਨ ਹਮਾਇਤ ਦਾ ਭਰੋਸਾ ਦਿੱਤਾ। ਕਸ਼ਮੀਰ ਘਾਟੀ ਵਿਚ ਹਿੰਸਾ ਦਾ ਚੱਕਰ 11 ਜੂਨ ਤੋਂ ਸ਼ੁਰੂ ਹੋਇਆ ਜਦੋਂ ਪੁਲਿਸ ਦੇ ਅਥਰੂ ਗੈਸ ਦੇ ਗੋਲੇ ਨਾਲ ਇਕ ਅੱਲੜ੍ਹ ਨੌਜਵਾਨ ਮਾਰਿਆ ਗਿਆ ਸੀ। ਉਸ ਤੋਂ ਬਾਅਦ ਤਕਰੀਬਨ ਘਾਟੀ ਵਿਚ ਲਗਾਤਾਰ ਹਿੰਸਾ ਵਿਚ 30 ਲੋਕ ਮਾਰੇ ਗਏ ਹਨ। ਐਤਵਾਰ ਨੂੰ 8 ਲੋਕ ਮਾਰੇ ਗਏ ਭਾਵੇਂ ਸਰਕਾਰ ਨੇ ਸੁਰੱਖਿਆ ਦਲਾਂ ਨੂੰ ਵੱਧ ਤੋਂ ਵੱਧ ਸੰਜਮ ਵਰਤਣ ਦੀ ਹਦਾਇਤ ਕੀਤੀ ਹੈ। ਐਤਵਾਰ, ਰਾਤ ਨੂੰ ਕੈਬਨਿਟ ਕਮੇਟੀ ਆਨ ਸਿਕਿਉਰਿਟੀ (ਸੀ.ਸੀ.ਐਸ.) ਦੀ ਬੈਠਕ ਵੀ ਕਸ਼ਮੀਰ ਘਾਟੀ ਦੇ ਮਸਲੇ ਉਤੇ ਹੋਈ। ਪਰ ਕਮੇਟੀ ਵਿਚ ਵਾਦ-ਵਿਵਾਦ ਰਿਹਾ ਜਦੋਂਕਿ ਕਮੇਟੀ ਦੇ ਕੁੱਝ ਮੈਂਬਰਾਂ ਨੇ ਕਿਹਾ ਕਿ ਉਨ੍ਹਾਂ ਲੋਕਾਂ ਨਾਲ ਸਖ਼ਤੀ ਨਾਲ ਨਿਬੜਨਾ ਚਾਹੀਦਾ ਹੈ ਜੋ ਅਮਨ ਤੇ ਕਾਨੂੰਨ ਨੂੰ ਆਪਣੇ ਹੱਥ ਵਿਚ ਲੈ ਰਹੇ ਹਨ। ਕਮੇਟੀ ਦੇ ਕੁਝ ਮੈਂਬਰਾਂ ਨੇ ਕਸ਼ਮੀਰ ਘਾਟੀ ਵਿਚ ਸਿਆਸੀ ਹੱਲ ਕੱਢਣ ਦੇ ਸੁਝਾਅ ਵੀ ਦਿੱਤੇ। ਪ੍ਰਧਾਨ ਮੰਤਰੀ ਅਤੇ ਕੇਂਦਰੀ ਗ੍ਰਹਿ ਮੰਤਰੀ ਨੂੰ ਮਿਲਣ ਤੋਂ ਉਪਰੰਤ, ਜਨਾਬ ਉਮਰ ਅਬਦੁੱਲਾ ਨੇ ਪੱਤਰਕਾਰਾਂ ਨੂੰ ਕਿਹਾ ਕਿ ਜੇ ਗੜਬੜ ਕਰਨ ਵਾਲੇ ਲੋਕ, ਘਾਟੀ ਵਿਚ ਪੁਲਿਸ ਸਟੇਸ਼ਨ ਨੂੰ ਅੱਗ ਲਾ ਦੇਣਗੇ ਤਾਂ ਸੁਰੱਖਿਆ ਦਸਤੇ ਕਿਵੇਂ ਚੁੱਪ-ਚਾਪ ਖੜ੍ਹੇ ਰਹਿ ਸਕਦੇ ਹਨ। ਇਸ ਕਰਕੇ ਸ਼ਾਂਤੀ ਬਹਾਲ ਕਰਨ ਦੀ ਪ੍ਰਕਿਰਿਆ ਜਾਂ ਸੰਜਮ ਦੀ ਵਰਤੋਂ ਕਰਨ, ਸਿਰਫ ਸੁਰੱਖਿਆ ਦਸਤਿਆਂ ਵੱਲੋਂ ਹੀ ਸ਼ੁਰੂ ਨਹੀਂ ਕੀਤਾ ਜਾ ਸਕਦਾ, ਇਸ ਵਿਚ ਦੋਵਾਂ ਧਿਰਾਂ ਵੱਲੋਂ ਸ਼ੁਰੂਆਤ ਹੋਣੀ ਚਾਹੀਦੀ ਹੈ। ਮੁੱਖ ਮੰਤਰੀ ਨੇ ਕਿਹਾ ਸ਼ਾਂਤੀ ਮਾਹੌਲ ਤੋਂ ਬਾਅਦ ਸਿਆਸੀ ਹੱਲ ਕੱਢਣ ਦੀ ਪ੍ਰਕਿਰਿਆ ਸ਼ੁਰੂ ਹੋ ਸਕਦੀ ਹੈ ਅਤੇ ਕੇਂਦਰ ਤੋਂ ਆਰਥਿਕ ਪੈਕੇਜ ਲੈ ਕੇ ਸੂਬੇ ਅੰਦਰ ਬੇਰੁਜ਼ਗਾਰੀ ਵਰਗੀਆਂ ਸਮੱਸਿਆਵਾਂ ਦਾ ਹੱਲ ਕੱਢਿਆ ਜਾ ਸਕਦਾ ਹੈ। ਉਮਰ ਅਬੁੱਦਲਾ ਨੇ ਇਸ ਗੱਲ ਤੋਂ ਇਨਕਾਰ ਕੀਤਾ ਕਿ ਕੋਈ ਇਕ ਖਾੜਕੂ ਗਰੁੱਪ ਘਾਟੀ ਵਿਚ ਹਿੰਸਾ ਨੂੰ ਉਤਸ਼ਾਹਿਤ ਕਰ ਰਿਹਾ ਹੈ। ‘‘ਕਈ ਛੋਟੇ ਛੋਟੇ ਗਰੁੱਪ ਅਤੇ ਵਿਅਕਤੀ, ਇਸ ਹਿੰਸਾ ਦੀ ਲਹਿਰ ਵਿਚ ਸ਼ਾਮਿਲ ਹਨ...ਸਾਡੀ ਕੋਸ਼ਿਸ਼ ਹੈ ਕਿ ਅਮਨ ਤੇ ਕਾਨੂੰਨ ਨੂੰ ਬਣਾ ਕੇ ਰੱਖਿਆ ਜਾਵੇ।’’ ਫਿਰ ਵੀ ਉਮਰ ਅਬਦੁੱਲਾ ਨੇ ਕਿਹਾ ਕਾਨੂੰਨ ਦੀ ਅਵਸਥਾ ਨੂੰ ਘਾਟੀ ਵਿਚ ਕਾਬੂ ਵਿਚ ਰੱਖਣ ਲਈ ਉਨ੍ਹਾਂ ਨੇ ਕੇਂਦਰੀ ਸਰਕਾਰ ਤੋਂ ਹੋਰ ਸੁਰੱਖਿਆ ਦਸਤਿਆਂ ਦੀ ਮੰਗ ਕੀਤੀ ਹੈ। ਉਨ੍ਹਾਂ ਕਿਹਾ ਕਿ ਜੋ ਘਾਟੀ ਵਿਚ ਲੰਬੇ ਸਮੇਂ ਤੱਕ ਸ਼ਾਂਤੀ ਲਿਆਉਣ ਲਈ ਸਿਆਸੀ ਨੁਕਤੇ ਪਧਾਨ ਮੰਤਰੀ ਅਤੇ ਗ੍ਰਹਿ ਮੰਤਰੀ ਨਾਲ ਵਿਚਾਰੇ ਹਨ, ਉਹ ਤਾਂ ਹੀ ਲਾਗੂ ਹੋ ਸਕਦੇ ਹਨ ਜੇ ਪਹਿਲਾਂ ਘਾਟੀ ਵਿਚ ਸ਼ਾਂਤੀ ਦਾ ਮਾਹੌਲ ਸਿਰਜਿਆ ਜਾਵੇ ਅਤੇ ਅਹਿੰਸਾ ਦੇ ਕੋਝੇ ਚੱਕਰ ਨੂੰ ਤੋੜਿਆ ਜਾਵੇ।
ਸੰਸਦ ਵਿਚ ਕਸ਼ਮੀਰ ਦਾ ਮਸਲਾ ਗੂੰਜਿਆ-ਅੱਜ ਕਸ਼ਮੀਰ ਘਾਟੀ ਵਿਚ ਵਿਗੜੀ ਹੋਈ ਹਾਲਤ ਬਾਰੇ ਸੰਸਦ ਵਿਚ ਜਦੋਂ ਕਈ ਵਿਰੋਧੀ ਧਿਰਾਂ ਨੇ ਮਸਲਾ ਖੜ੍ਹਾ ਕੀਤਾ ਤਾਂ ਗ੍ਰਹਿ ਮੰਤਰੀ ਨੇ ਕਬੂਲ ਕੀਤਾ ਕਿ ਘਾਟੀ ਵਿਚ ਹਾਲਾਤ ਜ਼ਿਆਦਾ ਖ਼ਰਾਬ ਹੋ ਗਏ ਹਨ। ਉਨ੍ਹਾਂ ਨੇ ਕਿਹਾ ਕਿ ਉਮਰ ਅਬਦੁੱਲਾ ਨਾਲ ਗੱਲਬਾਤ ਕਰਨ ਤੋਂ ਬਾਅਦ ਹੀ ਉਹ ਲੋਕ ਸਭਾ ਵਿਚ ਆਪਣਾ ਬਿਆਨ ਦੇਣਗੇ। ਇਸ ਮਸਲੇ ਨੂੰ ਖੜ੍ਹਾ ਕਰਦਿਆਂ, ਸ੍ਰੀ ਐਲ.ਕੇ. ਅਡਵਾਨੀ ਨੇ ਕਿਹਾ ਕਿ ਸਰਕਾਰ ਘਾਟੀ ਦੀਆਂ ਹਾਲਤਾਂ ਨੂੰ ਜਲਦੀ ਤੋਂ ਜਲਦੀ ਠੀਕ ਕਰੇ। ਲੋਕ ਸਭਾ ਵਿਚ ਸ਼ਰਦ ਯਾਦਵ, ਮੁਲਾਇਮ ਸਿੰਘ ਯਾਦਵ, ਮਾਰਕਸਵਾਦੀ ਆਗੂ ਬਾਸੂਦੇਵ ਅਚਾਰੀਆ ਨੇ ਵੀ ਸਰਕਾਰ ਨੂੰ ਕਿਹਾ ਕਿ ਕਸ਼ਮੀਰ ਘਾਟੀ ਵਿਚ ਹਿੰਸਾ ਅਤੇ ਪ੍ਰਤੀ ਹਿੰਸਾ ਦੀ ਲਹਿਰ ਠੀਕ ਨਹੀਂ ਹੈ ਅਤੇ ਜੇ ਸਰਕਾਰ ਨੇ ਸੁਸਤੀ ਦਿਖਾਈ ਤਾਂ ਇਸ ਦੇ ਸਿੱਟੇ ਗੰਭੀਰ ਨਿਕਲ ਸਕਦੇ ਹਨ। ਪਹਿਲਾਂ 11 ਜੂਨ ਤੋਂ ਲੈ ਕੇ 19 ਜੁਲਾਈ ਤੋਂ ਹਿੰਸਾ ਲਗਾਤਾਰ ਘਾਟੀ ਵਿਚ ਜਾਰੀ ਰਹੀ। ਪਰ ਪਹਿਲਾਂ ਘਟਨਾਵਾਂ ਦੀ ਸ਼ਿੱਦਤ ਅਤੇ ਕਸ਼ੀਦਗੀ ਇਨ੍ਹੀ ਗੰਭੀਰ ਨਹੀਂ ਸੀ ਜਿੰਨੀ 30 ਜੁਲਾਈ ਤੋਂ ਬਾਅਦ ਹੋ ਗਈ ਹੈ ਕਿਉਂਕਿ ਪਿਛਲੇ ਚਾਰੇ ਦਿਨਾਂ ਵਿਚ ਹੀ 15 ਲੋਕ, ਜਿਨ੍ਹਾਂ ਵਿਚ ਜ਼ਿਆਦਾ ਸੁਰੱਖਿਆ ਦਸਤਿਆਂ ਦੀ ਗੋਲੀ ਨਾਲ ਮਾਰੇ ਗਏ ਹਨ ਅਤੇ ਕਈ ਥਾਵਾਂ ਉਤੇ ਲੋਕਾਂ ਨੇ ਕਰਫਿਊ ਦੀ ਉਲੰਘਣਾ ਵੀ ਕੀਤੀ ਹੈ। ਸੰਸਦ ਵਿਚ ਮਸਲੇ ਉਠਣ ਦੇ ਸਬੰਧ ਵਿਚ ਗੱਲ ਕਰਦਿਆਂ, ਮੁੱਖ ਮੰਤਰੀ ਉਮਰ ਅਬਦੁੱਲਾ ਨੇ ਕਿਹਾ ਉਹ ਸਿਆਸੀ ਪਹਿਲ ਕਦਮੀ ਲਈ ਤਿਆਰ ਹੈ ਪਰ ਸ਼ਾਂਤੀ ਆਉਣ ਤੋਂ ਬਾਅਦ। ਅਬਦੁੱਲਾ ਦੇ ਸਿਆਸੀ ਕਦਮਾਂ ਵਿਚ ਸ਼ਾਮਿਲ ਹੈ ਆਰਮਡ ਫੋਰਸਜ਼ ਸਪੈਸ਼ਲ ਐਕਟ ਵਿਚ ਤਰਮੀਮ ਕਰਨਾ ਅਤੇ ਫੌਜ ਦੀ ਥਾਂ ਘਾਟੀ ਵਿਚ ਸੁਰੱਖਿਆ ਦਲਾਂ ਨੂੰ ਤਾਇਨਾਤ ਕਰਨਾ।

ਘਾਟੀ ਦੀ ਮੌਜੂਦਾ ਸਥਿਤੀ ਗੰਭੀਰ : ਚਿਦੰਬਰਮ

ਨਵੀਂ ਦਿੱਲੀ 2 ਅਗਸਤ (ਏਜੰਸੀਆਂ) ਕੇਂਦਰੀ ਗ੍ਰਹਿ ਮੰਤਰੀ ਪੀ ਚਿਦੰਬਰਮ ਨੇ ਅੱਜ ਲੋਕ ਸਭਾ ੱਚ ਕਿਹਾ ਕਿ ਕਸ਼ਮੀਰ ਘਾਟੀ ੱਚ ਸਥਿਤੀ ਗੰਭੀਰ ਹੋ ਗਈ ਹੈ, ਪ੍ਰੰਤੂ ਜੰਮੂ-ਕਸ਼ਮੀਰ ਦੇ ਮੁੱਖ ਮੰਤਰੀ ਉਮਰ ਅਬਦੁੱਲਾ ਨਾਲ ਗੱਲਬਾਤ ਕਰਨ ਮਗਰੋਂ ਉਹ ਇਸ ਮਸਲੇ ੱਤੇ ਪ੍ਰਤੀਕਰਮ ਦੇਣਗੇ।
ਵਿਰੋਧੀ ਧਿਰ ਦੇ ਆਗੂਆਂ ਵੱਲੋਂ ਘਾਟੀ ਦੇ ਹਾਲਾਤ ੱਤੇ ਚਿੰਤਾ ਪ੍ਰਗਟ ਕਰਨ ਮਗਰੋਂ ਚਿਦੰਬਰਮ ਨੇ ਕਿਹਾ ਕਿ ਜੰਮੂ-ਕਸ਼ਮੀਰ ਇਕ ਸੰਵੇਦਨਸ਼ੀਲ ਸੂਬਾ ਹੈ ਅਤੇ ਪਿਛਲੇ ਕੁਝ ਦਿਨਾਂ ਤੋਂ ਕਸ਼ਮੀਰ ੱਚ ਸਥਿਤੀ ਗੰਭੀਰ ਬਣੀ ਹੋਈ ਹੈ। ਉਨ੍ਹਾਂ ਕਿਹਾ ਕਿ 9 ਜੁਲਾਈ ਤੋਂ ਬਾਅਦ ਘਾਟੀ ੱਚ ਸ਼ਾਂਤੀ ਸੀ, ਪ੍ਰੰਤੂ ਉਥੇ ਫਿਰ ਸਥਿਤੀ ਗੰਭੀਰ ਬਣ ਗਈ ਹੈ। ਗ੍ਰਹਿ ਮੰਤਰੀ ਨੇ ਕਿਹਾ ਕਿ ਜੰਮੂ-ਕਸ਼ਮੀਰ ਦੇ ਮੁੱਖ ਮੰਤਰੀ ਉਮਰ ਅਬਦੁੱਲਾ ਦਿੱਲੀ ੱਚ ਹਨ ਅਤੇ ਬੀਤੇ ਦਿਨਾਂ ੱਚ ਮੇਰੀ ਉਨ੍ਹਾਂ ਨਾਲ ਕਈ ਵਾਰ ਗੱਲ ਹੋਈ ਹੈ। ਉਨ੍ਹਾਂ ਨੇ ਮੁੱਖ ਮੰਤਰੀ ਅਬਦੁੱਲਾ ਨਾਲ ਜਲਦੀ ਗੱਲਬਾਤ ਹੋਣ ਦੀ ਸੰਭਾਵਨਾ ਪ੍ਰਗਟਾਈ।


<< Start < Prev 351 352 Next > End >>

ਮੁੱਖ ਖ਼ਬਰਾਂ : 

ਖੇਡ ਖ਼ਬਰਾ : 

ਪੰਜਾਬ ਖ਼ਬਰਾਂ : 

ਨਵੇਂ ਲੇਖ : 

 

Random Video 

Latest Added Magzine 

Advertisement

Advertisement
Advertisement
Advertisement